တ︀ိမ︀ေႃတ︀ေ ႒ 4:17 - Khamti Shan

¹⁷ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀င︀်းက︀ဝ်ႈၵ︀ိင︀်းလ︀ွေႛင︀ႆ︀း က︀ဝ်ႈမ︀ႆ︀ႛထႅမ︀်ꩭႅင︀်းꩭႂ်ႛမ︀ႃးꩫ︀ႆ︀ႇꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀်မ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈ ꩫ︀ႆ︀ႛꩭူဝ်းမ︀ူတ︀်ꩰမ︀ႃးယ︀ဝ်ႇ။ လ︀ုက︀်ႉတ︀ၢမ︀်တ︀ႆ︀ၢႈမ︀ႆ︀ႛတ︀မ︀ိူင︀်း မ︀ꩫ︀်းꩡ︀ဝ်ႛၵ︀ေꩬ︀ေꩭႂ်ႛမ︀ႃးယ︀ဝ်ႇ။

တ︀ိမ︀ေႃတ︀ေ ႒ 4:17 Iomraidhean Croise

မ︀တ︀်တ︀ႄး 10:19

ꩫ︀ႆ︀ႇꩫ︀က︀ေႃႇ ꩬ︀ူမ︀ႆ︀ႛ ပ︀ိူꩫ︀်ႈꩡ︀ꩫ︀်ႈက︀ႃꩭူဝ်ယ︀ုင︀်းတ︀ြႃးက︀ီး ꩬ︀ူꩭိုဝ်လ︀ိုဝ်တ︀ီဝႃႈꩫ︀ꩫ︀ႆ︀ႇ ပ︀ီက︀ပ︀်ႉꩡ︀ႂ်ႈ။ မ︀ိူဝ်ႈဢ︀မ︀ႂ်း ၵ︀ၢမ︀်းဢ︀ꩫ︀်ႈꩬ︀ူဝႃႈဝႃႈꩫ︀ႆ︀ႇ ꩫ︀ႂ်းꩡ︀ႂ်ႈꩬ︀ူမ︀ႆ︀ႛ တ︀ီဢ︀ွက︀်မ︀ႃးꩫ︀မ︀်။

လ︀ုက︀ႃ 1:1

ꩡ︀ဝ်ႛတ︀ေႃၸ︀ိလ︀ုꩴ︀း လ︀ွင︀်ႈဢ︀ꩫ︀်ႈꩫ︀ႂ်းꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်က︀ႃꩫ︀ႆ︀ႇၵ︀ဝ် ပ︀ိူꩫ︀်ႈက︀ီလ︀ႆ︀ၢက︀ူဝ်ႇ တ︀ႅမ︀်ႛမ︀ႃးယ︀ဝ်ႇ။

လ︀ုက︀ႃ 21:15

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈꩬ︀ူထုက︀်တ︀ၢꩫ︀်ႛꩫ︀ႆ︀ႇ ꩬ︀ူတ︀ွင︀်းထက︀်ꩰꩬ︀ီ ၵ︀ၢမ︀်းꩬ︀ူမ︀ႆ︀ႛ လ︀ꩫ︀်ꩬ︀ူꩬ︀ူꩫ︀ႆ︀ႇၵ︀ဝ် ꩭႂ်ႛပ︀ူဝ်းက︀ေႛမ︀ဝ်ပ︀ီꩫ︀်ႈ၊ တ︀ႃႛမ︀ဝ်ပ︀ီꩫ︀်ႈꩫ︀ႆ︀ႇ ꩬ︀ူမ︀ႆ︀ႛက︀ဝ်ႈ တ︀ၢင︀်းꩭူႇတ︀ွင︀်းတ︀ီꩭႂ်ႛꩫ︀မ︀်။

ထဝ်ꩡ︀တ︀်ႉၵ︀ဝ် 23:11

ၵ︀မ︀်ႈမ︀ိူဝ်ႈဢ︀မ︀ႂ်း ꩡ︀ဝ်ႛယ︀ေꩬ︀ုယ︀ႃႇ တ︀ၢႆ︀ႛပ︀ေႃလ︀ုမ︀ႆ︀ႛꩬ︀ဝ်းꩬ︀ီ “မ︀ႂ်းပ︀ီက︀ူဝ်ႈ။ ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ လ︀ွင︀်ႈက︀ဝ်ႈꩬ︀ၢက︀်ႉꩬ︀ေပ︀ျႃးမ︀ႃးꩫ︀က︀ꩫ︀်ႈ ဝီင︀်းရ︀ေႃမ︀မ︀ႆ︀ႛက︀ေႃႇ တ︀ီꩫ︀ႆ︀ႛပ︀ျႃးꩬ︀ၢက︀်ႉꩬ︀ေꩫ︀မ︀်” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 9:15

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ “က︀ႃတ︀ႃႉ။ မ︀ꩫ︀်းယ︀ႃႇ က︀ူဝ်ႇဢ︀ꩫ︀်ႈက︀ဝ်ႈꩡ︀ဝ်ႛလ︀ိူက︀်ႉဝႆ︀ႇ ꩭၢင︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်၊ ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ်င︀ႆ︀း ဢ︀ီတ︀်ꩬ︀ြေးꩫ︀ႆ︀ႇၵ︀ဝ်မ︀ႆ︀ႛ ꩭူဝ်းလ︀ွင︀်ႈက︀ဝ်ႈꩫ︀မ︀်။

ရ︀ေႃမ︀ 15:31

ꩭႂ်ႛပ︀ူဝ်းက︀ဝ်ႈ လ︀ုက︀်ႉၸ︀ေးက︀ူꩫ︀်းတ︀ိူင︀်းယ︀ုတ︀ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ဝ်ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛလ︀ွတ︀်ႉꩫ︀ႆ︀ႇလ︀ိူင︀်ႈ၊ ဢ︀မ︀ူးဢ︀ꩫ︀်ႈက︀ဝ်ႈꩡ︀ွႆ︀ႈမ︀ႆ︀ႛ ꩭႂ်ႛပ︀ူဝ်းက︀ူꩫ︀်းꩡ︀ိူဝ်းဝီင︀်းယ︀ေရ︀ုꩬ︀လ︀ိမ︀်ၵ︀ဝ် ꩭုမ︀်ꩰꩡ︀ူမ︀်းꩰꩬ︀ီ ꩭၢပ︀်ႉတ︀ွꩫ︀်ႛꩫ︀ႆ︀ႇလ︀ိူင︀်ႈ ယ︀ွꩫ︀်းꩬ︀ူးꩭႂ်ႛမ︀ႃးတ︀ႃႉ။

က︀ေႃရ︀ိꩫ︀်တ︀ု ႒ 12:9

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ “ဢ︀ꩫ︀်ႈမ︀ႂ်းꩭၢင︀်ႇꩫ︀ႆ︀ႇယ︀ႃႇ က︀ျေးꩡ︀ူးက︀ဝ်ႈꩫ︀ႆ︀ၢႈꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈမ︀ႂ်းꩭႅင︀်းဢ︀ေꩫ︀ႆ︀ႇꩬ︀ိုင︀် တ︀ꩫ︀်းၵ︀ူဝ်းက︀ဝ်ႈမ︀ႆ︀ႛ ꩭꩫ︀်ꩡ︀ုꩫ︀်ႈꩰꩫ︀မ︀်” ꩫ︀ꩬ︀ီဝႃႈမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ တ︀ꩫ︀်းၵ︀ူဝ်းꩡ︀ဝ်ႛၵ︀ရ︀ီတ︀် ꩡ︀ႃႇꩭီတ︀်ဢ︀မ︀ူးမ︀ꩫ︀်းꩡ︀ဝ်ႛ ꩭႂ်ႛပ︀ူဝ်းက︀ဝ်ႈမ︀ႆ︀ႛယ︀င︀်းဢ︀ူꩫ︀ႆ︀ႇ ဢ︀ꩫ︀်ႈက︀ဝ်ႈꩭႅင︀်းဢ︀ေမ︀ႆ︀ႛ က︀ဝ်ႈꩭုမ︀်ꩰꩡ︀ူမ︀်းꩰတ︀ီက︀မ︀်ႇလ︀ွင︀်ႛဢ︀ူꩫ︀မ︀်။

ဢ︀ေၸ︀ႅတ︀် 3:8

က︀ဝ်ႈယ︀ႃႇ ꩫ︀ႂ်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ပ︀ီꩫ︀်ႈဢ︀ꩫ︀်ႈက︀ွႆ︀ႛပ︀ိူꩫ︀်ႈၵ︀ႂ်ႈလ︀ႂ်ႈꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛဢ︀ၵ︀ၢင︀်းဢ︀ꩫ︀်ႈမ︀ႅတ︀်ႉလ︀ူင︀်ဢ︀မ︀ႂ်း ပ︀ူင︀်ႈꩭႂ်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ က︀ဝ်ႈဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈၵ︀ႅမ︀်းꩬ︀ႃမ︀ီးတ︀ꩫ︀်းဢ︀ꩫ︀်ႈတ︀ီမ︀်ႈက︀ုမ︀် ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭႂ်ႛꩫ︀ႆ︀ႇ ꩫ︀ႆ︀ႛꩭူဝ်းꩬ︀ီ

တ︀ိမ︀ေႃတ︀ေ ႑ 1:12

ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛဢ︀မ︀ူးမ︀ꩫ︀်းꩡ︀ဝ်ႛက︀ဝ်ႈꩭီတ︀်ထႅက︀်ႉဢ︀ူꩫ︀ꩬ︀ီ ပ︀ူင︀်ႈဢ︀ၢပ︀်ႉꩭႂ်ႛမ︀ႃးင︀ႆ︀း ꩭႂ်ႛပ︀ူဝ်းက︀ဝ်ႈꩭီတ︀်ꩫ︀ႆ︀ႇက︀ေႃႇ ꩭႅင︀်းထႅမ︀်ꩭႂ်ႛမ︀ႆ︀ႛက︀ဝ်ႈယ︀ူဝ်းယ︀ွင︀်ႛလ︀ူင︀်ꩫ︀မ︀်။

တ︀ိမ︀ေႃတ︀ေ ႒ 2:1

လ︀ုက︀်ႉက︀ဝ်ႈꩴ︀း မ︀ႂ်းယ︀ႃႇ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ꩫ︀်ႛၵ︀ိူင︀်ꩰꩬ︀ီ ဢ︀ူက︀ႃတ︀ႃႉ။

တ︀ိမ︀ေႃတ︀ေ ႒ 2:9

က︀ဝ်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇꩬ︀ီ က︀ဝ်ႈမ︀ႆ︀ႛ ꩫ︀င︀်က︀ူꩫ︀်းဢ︀ꩫ︀်ႈၸ︀ိတ︀်ပ︀ိူင︀်ႈဝွင︀်ႇꩫ︀က︀ꩫ︀်ႈ ꩬ︀ႆ︀ၢလ︀ီက︀်ၸ︀ုက︀်ဝႆ︀ႇမ︀ႆ︀ႛက︀ေႃႇꩫ︀ႆ︀ႛၵ︀ၢမ︀်ꩫ︀မ︀်။ ꩫ︀ႆ︀ႇꩫ︀က︀ေႃႇ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛယ︀ႃႇ ꩭေႇက︀င︀်ႛꩵ︀ႈꩫ︀ႆ︀ႛ။

တ︀ိမ︀ေႃတ︀ေ ႒ 4:5

ꩫ︀ႆ︀ႇꩫ︀က︀ေႃႇ မ︀ႂ်းယ︀ႃႇပ︀ီꩫ︀်ႈꩭိုဝ်မ︀ႃးꩫ︀က︀ေႃႇ ꩡ︀ႂ်ႈၸ︀ူႛꩡ︀ဝ်ႛမ︀ႆ︀ႛဢ︀ဝ်ႈပ︀ေႇတ︀ႃႉ။ ၻုက︀်ႉၵ︀ထိုင︀်မ︀ႃးꩫ︀က︀ေႃႇ ပ︀ီက︀ူဝ်ႈ။ လ︀ွင︀်ႈꩭူဝ်း ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛꩬ︀င︀် ꩬ︀ေႈꩡ︀ႃႉတ︀ႃႉ။ ဢ︀မ︀ူးဢ︀ꩫ︀်ႈက︀ႃႈꩡ︀ိုဝ်ႈ မ︀ႂ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈꩭႂ်ႛꩫ︀ႆ︀ႇၵ︀ဝ် ꩭီတ︀်ဢ︀ဝ်ႈယ︀ဝ်ႇတ︀ႃႉ။

တ︀ိတ︀ု 1:3

င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛၵ︀ေꩬ︀ေꩭဝ်းယ︀ႃႇ မ︀ိူဝ်ႈယ︀ၢမ︀်းထိုင︀်မ︀ႃးꩫ︀ႆ︀ႇ ꩬ︀မ︀်မ︀ႃတ︀ြႃးဢ︀မ︀ႂ်း က︀ဝ်ႈမ︀ႆ︀ႛ ပ︀ုတ︀်ပ︀ျႃးꩬ︀ီ ꩭႂ်ႛတ︀ႅဝ်မ︀ႃးꩫ︀မ︀်။

ꩭေပ︀ရ︀ူး 11:33

ၵ︀ဝ်က︀ေႃႇ ဢ︀ဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ မ︀ိူင︀်းꩫ︀ႆ︀ႇၵ︀ဝ်မ︀ႆ︀ႛပ︀ေႇဢ︀ွင︀်မ︀ႃးဢ︀ူ။ ꩬ︀ိုဝ်ႈꩰတ︀ူဝ်ꩰꩬ︀ီဢ︀ုပ︀်ႉပ︀ိုင︀်မ︀ႃးဢ︀ူ။ က︀တ︀ိၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ် ꩫ︀ႆ︀ႛꩭၢပ︀်ႉမ︀ႃးဢ︀ူ။ ꩬ︀ူပ︀်ၵ︀ၢင︀်ꩬ︀ီႛꩫ︀ႆ︀ႇၵ︀ဝ်မ︀ႆ︀ႛꩭၢပ︀်မ︀ႃးဢ︀ူ။

ပ︀ေတ︀ရ︀ု ႑ 5:8

ၵ︀ႅတ︀်ꩰꩫ︀ီမ︀်ꩰꩬ︀ီဢ︀ူက︀ꩫ︀်ႈတ︀ႃႉ။ လ︀ꩫ︀်ꩬ︀ူꩬ︀ူ ၵ︀ုꩫ︀်ꩬ︀ူင︀်မ︀ႆ︀ႛ ꩬ︀တ︀ိက︀ꩫ︀်ႈတ︀ႃႉ။ မ︀ꩫ︀်းယ︀ႃႇ ꩫ︀င︀်ၵ︀ၢင︀်ꩬ︀ီႛꩬ︀ႅꩫ︀်ဢ︀ူꩫ︀က︀ꩫ︀်ႈ ၸ︀ႂ်မ︀ႆ︀ႛတ︀ီက︀ၢပ︀်ႉက︀ိꩫ︀်ႈꩫ︀ꩫ︀ႆ︀ႇ ပ︀ꩫ︀်ၵ︀ႃꩬ︀ီဢ︀ူꩫ︀မ︀်။

ပ︀ေတ︀ရ︀ု ႒ 2:9

င︀ႆ︀းꩫ︀ႆ︀ႇꩬ︀ီ လ︀ႅမ︀်းတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛက︀ူဝ်ႈယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ လ︀ုက︀်ႉဢ︀ꩫ︀်ႈယ︀ပ︀်ယ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ၵ︀ေꩬ︀ေꩭႂ်ႛꩬ︀ီ ဢ︀ꩫ︀်ႈမ︀ဝ်က︀ူဝ်ႈယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ တ︀ူဝ်ထိုင︀်ဝꩫ︀်းပ︀ႅတ︀်ႉတ︀ြႃးပ︀ႆ︀ၢႈꩭၢင︀်လ︀ေႚလ︀ေႚ တ︀ီပ︀ူင︀်ႈတ︀ၢမ︀်က︀ႃꩫ︀မ︀်။