တ︀ိမ︀ေႃတ︀ေ ႒ 3:15 - Khamti Shan

¹⁵ မ︀ႂ်းလ︀ုက︀်ႉမ︀ိူဝ်ႈဢ︀ွꩫ︀်ပ︀ုꩫ︀်ႛ က︀ျမ︀်းလ︀ိက︀်ႉꩬ︀ွꩫ︀်မ︀ႃးယ︀ဝ်ႇ။ က︀ျမ︀်းလ︀ိက︀်ႉယ︀ႃႇ တ︀ၢင︀်းꩡ︀ၢင︀်ႈဢ︀ꩫ︀်ႈꩭဝ်း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛမ︀ႆ︀ႛꩭၢပ︀်ႉဢ︀ဝ်ႈꩫ︀ႆ︀ႛꩫ︀ႆ︀ႇ ꩬ︀ွꩫ︀်ꩭႂ်ႛဢ︀ူ။

တ︀ိမ︀ေႃတ︀ေ ႒ 3:15 Iomraidhean Croise

မ︀တ︀်တ︀ႄး 22:29

ꩡ︀ဝ်ႛယ︀ေꩬ︀ုယ︀ႃႇ “ꩬ︀ူက︀ျမ︀်းလ︀ိက︀်ႉမ︀ႆ︀ႛ မ︀ဝ်ပ︀ွင︀်ꩡ︀ႂ်ႈ၊ တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ မ︀ဝ်ပ︀ွင︀်ꩡ︀ႂ်ႈꩫ︀ႆ︀ႇꩬ︀ီ ပ︀ႅက︀်တ︀ၢင︀်းလ︀ူင︀်ꩥ︀ႃ။

လ︀ုက︀ႃ 1:15

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉမ︀ႂ်းယ︀ေႃးꩭၢꩫ︀်ယ︀ႃႇ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီယ︀ႂ်မ︀ႅတ︀်ႉလ︀ူင︀်ꩫ︀မ︀်။ မ︀ꩫ︀်းယ︀ႃႇ ဝၢႆ︀မ︀က︀်ꩡ︀ပ︀ႅတ︀်ႉ၊ လ︀ဝ်ႛက︀ꩬ︀င︀်က︀ေႃႇ ꩵ︀ႈꩫ︀ႆ︀ႛက︀ိꩫ︀်ႈ။ လ︀ုက︀်ႉမ︀ိူဝ်ႈယ︀င︀်းပ︀ုꩫ︀်ႛ မ︀ꩫ︀်းမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ တ︀ီၵ︀ိင︀်းꩫ︀မ︀်။

လ︀ုက︀ႃ 2:40

ယ︀ေꩬ︀ု ယ︀ႂ်က︀ေမ︀ႃး၊ ၵ︀ႅင︀်ꩭႅင︀်းမ︀ႃးဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ မ︀ꩫ︀်းမ︀ႆ︀ႛဢ︀က︀ိဝ်းပ︀ူင︀်ႈꩭႂ်ႛဢ︀ူ။

လ︀ုက︀ႃ 24:27

ꩬ︀ွင︀်ၵ︀ႃမ︀ႆ︀ႛ က︀ျမ︀်းလ︀ိက︀်ႉတ︀င︀်းလ︀ုင︀်မ︀ႆ︀ႛ လ︀ုက︀်ႉက︀ျမ︀်းꩬ︀ိꩫ︀်မ︀ေႃꩬ︀ေမ︀ႆ︀ႛက︀ူဝ်ꩬ︀ီ က︀ျမ︀်းပ︀ရ︀ေႃးၸ︀ႅတ︀်ႉတ︀င︀်းလ︀ုင︀်မ︀ႆ︀ႛ ဢ︀ꩫ︀်ႈလ︀ွင︀်ႈမ︀ꩫ︀်းꩡ︀ဝ်ႛတ︀ႅမ︀်ႛဝႆ︀ႇꩫ︀ႆ︀ႇၵ︀ဝ် ၵ︀ႆ︀ႈပ︀ျႃးꩭႂ်ႛဢ︀ူ။

လ︀ုက︀ႃ 24:32

ꩬ︀ွင︀်ၵ︀ႃယ︀ႃႇ “မ︀ိူဝ်ႈၵ︀ူꩫ︀်တ︀ၢင︀်းမ︀ႆ︀ႛ မ︀ꩫ︀်းꩡ︀ဝ်ႛတ︀ၢꩫ︀်ႛၵ︀ၢမ︀်းꩫ︀ႆ︀ႇလ︀ိူင︀်ႈ မ︀ိူဝ်ႈပ︀ုတ︀်တ︀ီႈပ︀ွင︀်က︀ျမ︀်းလ︀ိက︀်ႉꩫ︀ႆ︀ႇလ︀ိူင︀်ႈ ꩭူဝ်ꩡ︀ႂ်ႈꩭဝ်းမ︀ႆ︀ႛ ၸ︀ႆ︀းမ︀ႆ︀ႛꩫ︀က︀ꩫ︀်ႈ ပ︀ီꩫ︀်ႈမ︀ႃးမ︀ဝ်ꩡ︀ႂ်ႈ” ꩫ︀ꩬ︀ီက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဝႃႈက︀ꩫ︀်ႈယ︀ဝ်ႇက︀ီး

လ︀ုက︀ႃ 24:45

ယ︀ဝ်ႇက︀ီး ၵ︀ဝ်မ︀ႆ︀ႛ ꩭႂ်ႛပ︀ူဝ်းက︀ျမ︀်းလ︀ိက︀်ႉမ︀ႆ︀ႛ ပ︀ွင︀်ꩡ︀ႂ်ႈꩫ︀ႆ︀ႇ ꩡ︀ႂ်ႈၵ︀ဝ်မ︀ႆ︀ႛ ပ︀ုတ︀်ꩭႂ်ႛင︀ႆ︀းꩬ︀ီ

ယ︀ေႃးꩭၢꩫ︀် 5:47

ဢ︀ꩫ︀်ႈမ︀ေႃꩬ︀ေတ︀ႅမ︀်ႛဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩬ︀ူမ︀ဝ်ယ︀ုမ︀်ꩬ︀ီꩬ︀ႃး ၵ︀ၢမ︀်းက︀ဝ်ႈမ︀ႆ︀ႛက︀ေႃႇ ꩬ︀ူမ︀ဝ်ယ︀ုမ︀်ꩫ︀ႆ︀ႇ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 10:43

ၸ︀ႂ်မ︀ဝ်ဝႃႈ ꩡ︀ဝ်ႛယ︀ေꩬ︀ုမ︀ႆ︀ႛယ︀ုမ︀်ယ︀မ︀်ႈက︀ီး က︀ူဝ်ႇဢ︀မ︀ႂ်းမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းꩡ︀ိုဝ်ႈမ︀ꩫ︀်းꩡ︀ဝ်ႛ ဢ︀ပ︀ႅတ︀်ႉပ︀ွႆ︀လ︀ွတ︀်ႉꩭႂ်ႛဢ︀ူꩫ︀ꩬ︀ီ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်က︀ေႃႇꩭူဝ်းဝႆ︀ႇဢ︀ူ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 13:29

ꩫ︀င︀်က︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈတ︀င︀်းမ︀ိူင︀်း ၵ︀ဝ်ꩭီတ︀်ယ︀ဝ်ႇက︀ီး ꩡ︀ဝ်ႛယ︀ေꩬ︀ုမ︀ႆ︀ႛ လ︀ုက︀်ႉက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ဢ︀ဝ်ႈလ︀ူင︀်းꩬ︀ီ ထမ︀်ႛပ︀ႃꩡ︀ႃႇမ︀ႆ︀ႛꩬ︀ၢင︀်းၵ︀ိဝ်ဝႆ︀ႇယ︀ဝ်ႇ။

ထဝ်ꩡ︀တ︀်ႉၵ︀ဝ် 16:1

ပ︀ေႃလ︀ုယ︀ႃႇ ဝီင︀်းၻေရ︀ပ︀ေင︀ႆ︀း ဝီင︀်းလ︀ုတ︀်တ︀ရ︀မ︀ႆ︀ႛထိုင︀်က︀ႃဢ︀ူ။ ဝီင︀်းလ︀ုတ︀်တ︀ရ︀မ︀ႆ︀ႛ တ︀ိမ︀ေႃတ︀ေꩫ︀ꩫ︀ႆ︀ႇ ၸ︀ူႛယ︀ုမ︀်ယ︀မ︀်ႈက︀ူဝ်ႇလ︀ိူင︀်ႈယ︀င︀်းဢ︀ူ။ ၸ︀ူႛမ︀ေႈမ︀ꩫ︀်းယ︀ႃႇ ၸ︀ꩫ︀်းက︀ျူး ၸ︀ူႛယ︀ုမ︀်ယ︀မ︀်ႈꩫ︀မ︀်။ ၸ︀ူႛပ︀ူဝ်ႈယ︀ႃႇၸ︀ꩫ︀်းက︀ရ︀ိက︀်ꩫ︀မ︀်။

ထဝ်ꩡ︀တ︀်ႉၵ︀ဝ် 17:2

ပ︀ေႃလ︀ုယ︀ႃႇ ꩫ︀င︀်မ︀ꩫ︀်းက︀ူႈၵ︀ႅက︀်ႉꩭီတ︀်ꩫ︀က︀ꩫ︀်ႈ ꩡ︀ွင︀်းꩬ︀ွꩫ︀်တ︀ြႃးမ︀ႆ︀ႛက︀ႃꩬ︀ီ ဝꩫ︀်းက︀မ︀်ႈꩬ︀ိꩫ︀်ꩬ︀ၢမ︀်ဝꩫ︀်းတ︀ၢင︀်ႈꩰ က︀ျမ︀်းလ︀ိက︀်ႉမ︀ႆ︀ႛပ︀ိုင︀်ႈꩬ︀ီ တ︀င︀်းက︀ူꩫ︀်းꩫ︀ႆ︀ႇၵ︀ဝ် ꩭီတ︀်ဢ︀ၵ︀ႅက︀်ႉဢ︀ၵ︀ျႃမ︀ူꩫ︀်ႈက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 26:24

မ︀ိူဝ်ႈင︀ႆ︀းꩬ︀ွက︀်ႉꩬ︀ီဢ︀ူꩫ︀ႆ︀ႇ ꩡ︀ဝ်ႛက︀ႅမ︀်ႈဝွင︀်ႇၸ︀ေတ︀ုယ︀ႃႇ “ꩭိူဝ်း ပ︀ေႃလ︀ု မ︀ႂ်းမ︀ႃႛယ︀ဝ်ႇ။ မ︀ႂ်းꩡ︀ၢင︀်ႈပ︀ူꩫ︀်ႇၸ︀ႅဝ်ꩬ︀ီ က︀ႃက︀ꩫ︀်ႛဢ︀ꩫ︀်ႈမ︀ႃႛယ︀ဝ်ႇ” ꩫ︀ꩬ︀ီ ဢ︀ိဝ်ဢ︀ူ။

ရ︀ေႃမ︀ 1:2

ꩫ︀င︀်က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူဝ်ႈꩫ︀ꩫ︀်ႇပ︀ုꩫ︀်ႛ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ပ︀ွႆ︀ꩡ︀ႂ်ႇꩬ︀ီ လ︀ွင︀်ႈၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ က︀တ︀ိꩭႂ်ႛဝႆ︀ႇမ︀ႃးဢ︀ူ။

ရ︀ေႃမ︀ 16:26

ꩬ︀မ︀်မ︀ႃတ︀ြႃးဢ︀ꩫ︀်ႈဢ︀ဝ်ႈမ︀ႅပ︀်ဝႆ︀ႇဢ︀မ︀ႂ်းမ︀ႆ︀ႛ ꩭႂ်ႛပ︀ူဝ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်တ︀င︀်းလ︀ုင︀် ယ︀ုမ︀်ယ︀မ︀်ႈꩬ︀ီ ထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇ ဢ︀ဝ်ႈက︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်တ︀မ︀ိူင︀်း ဢ︀ဝ်ႈဢ︀မ︀ိင︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈထႃဝရ︀ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇတ︀မ︀ိူင︀်း င︀ႆ︀ႚယ︀ႃႇ ပ︀ုတ︀်ပ︀ျႃးꩭႂ်ႛမ︀ႃးယ︀ဝ်ႇ။

ရ︀ေႃမ︀ 2:27

က︀ူꩫ︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈဢ︀ꩫ︀်ႈပ︀ႆ︀ၢႈꩫ︀င︀်မ︀ဝ်ပ︀တ︀်ꩫ︀ႆ︀ႇၵ︀ဝ် က︀ျမ︀်းꩬ︀ိꩫ︀်က︀မ︀်ႈက︀ႅင︀်းက︀ီး ၵ︀ဝ်ꩬ︀ိုင︀် ꩬ︀ူက︀ျူးဢ︀ꩫ︀်ႈပ︀ႆ︀ၢႈꩫ︀င︀်က︀ေႃႇတ︀ႅပ︀် က︀ျမ︀်းꩬ︀ိꩫ︀်က︀ေႃႇ ꩭၢပ︀်ႉဢ︀ဝ်ႈꩬ︀ီ မ︀ဝ်က︀မ︀်ႈက︀ႅင︀်းꩫ︀ႆ︀ႇၵ︀ဝ်မ︀ႆ︀ႛ တ︀ီပ︀ႅတ︀်ႉတ︀ြႃးꩬ︀ႃး။

က︀ေႃရ︀ိꩫ︀်တ︀ု ႑ 1:21

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈꩥ︀ႅꩫ︀်ၵ︀ဝ်ၸ︀ူႛꩡ︀ဝ်ႛတ︀ွင︀်းမ︀ဝ်ꩫ︀ႆ︀ႛꩫ︀ႆ︀ႇ ဢ︀ဝ်ႈꩥ︀ႅꩫ︀်ၵ︀မ︀်းမ︀ꩫ︀်းꩡ︀ဝ်ႛꩭီတ︀်ဝႆ︀ႇယ︀ဝ်ႇ။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈၵ︀ၢဝ်ႈၵ︀ၢမ︀်းဢ︀ꩫ︀်ႈတ︀ူႈꩭူဝ်း ဢ︀ꩫ︀်ႈပ︀ိူꩫ︀်ႈ မ︀တ︀်ႉၵ︀ၢမ︀်းၸ︀ူႛမ︀ိူက︀်ႉꩫ︀ꩫ︀ႆ︀ႇꩬ︀ိုင︀် ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈၵ︀ေꩬ︀ေꩫ︀မ︀်။

ဢ︀ေၸ︀ႅတ︀် 6:4

ၸ︀ူႛပ︀ီꩫ︀်ႈပ︀ူဝ်မ︀ေၵ︀ဝ်ꩴ︀း ꩬ︀ူက︀ေႃႇလ︀ုက︀်ႉꩬ︀ူမ︀ႆ︀ႛ ꩭႂ်ႛပ︀ူဝ်းတ︀ေႃးꩬ︀ႃးꩫ︀ႆ︀ႇ ပ︀ီꩡ︀ႃႇဝၢင︀်။ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛꩡ︀ီႇလ︀ွင︀်ႈပ︀ျႃးတ︀ၢင︀်းꩫ︀က︀ꩫ︀်ႈꩬ︀ိုင︀် ၵ︀ဝ်မ︀ႆ︀ႛꩬ︀ုင︀်းမ︀ႃးꩬ︀ီ ꩬ︀ွꩫ︀်ꩭႂ်ႛလ︀ီင︀်ႇꩭႂ်ႛꩫ︀ီႈꩫ︀ီႈက︀ꩫ︀်ႈတ︀ႃႉ။

တ︀ိမ︀ေႃတ︀ေ ႑ 4:13

က︀ႃႈက︀ဝ်ႈမ︀ဝ်မ︀ႃးယ︀ႃႇ တ︀င︀်းꩡ︀ႂ်ႈတ︀င︀်းၵ︀ူဝ်းꩬ︀ေႈꩡ︀ႃႉꩬ︀ီ ပ︀ၢင︀်ႈꩫ︀ႃႛက︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ က︀ျမ︀်းလ︀ိက︀်ႉဢ︀ၢꩫ︀်င︀ႆ︀း ꩭီတ︀်ဢ︀ၵ︀ႅက︀်ႉꩬ︀ီ ꩭူဝ်းꩰꩬ︀ွꩫ︀်ꩰꩭႂ်ႛတ︀ႃႉ။

တ︀ိမ︀ေႃတ︀ေ ႒ 1:1

လ︀ုက︀်ႉꩭၢက︀်ႉက︀ဝ်ႈ တ︀ိမ︀ေႃတ︀ေꩴ︀း က︀ဝ်ႈပ︀ေႃလ︀ု လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ꩡ︀ဝ်ႛယ︀ေꩬ︀ုၵ︀ရ︀ီတ︀် မ︀ႂ်းမ︀ႆ︀ႛဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ႃတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛ လ︀ွင︀်ႈဢ︀ꩬ︀ၢက︀်ႉထႃဝရ︀ ဢ︀ꩫ︀်ႈမ︀ꩫ︀်းꩡ︀ဝ်ႛက︀တ︀ိꩭႂ်ႛဝႆ︀ႇ၊ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩭဝ်းယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီတ︀ီꩫ︀ႆ︀ႛꩫ︀ႆ︀ႇ ꩭႂ်ႛꩭူဝ်းက︀ွတ︀်ꩫ︀ꩬ︀ီ လ︀ိူက︀်ႉဢ︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛဢ︀ꩫ︀်ႈထၢမ︀်းဢ︀မ︀ူးꩡ︀ဝ်ႛယ︀ေꩬ︀ုၵ︀ရ︀ီတ︀်ဝႆ︀ႇယ︀ဝ်ႇ။

တ︀ိမ︀ေႃတ︀ေ ႒ 1:5

မ︀ႂ်းယ︀ႃႇ ꩫ︀င︀်ꩫ︀ႆ︀ၢးꩡ︀ဝ်ႛမ︀ႂ်းလ︀ေႃဢ︀ိꩫ︀ၵ︀ႃ မ︀ေမ︀ႂ်းဢ︀ုꩫ︀ိက︀်ၵ︀ဝ်ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႃးꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈတ︀ေႇတ︀ေႇဢ︀ူꩫ︀ꩫ︀ႆ︀ႇ က︀ဝ်ႈဢ︀ွက︀်ꩡ︀ႂ်ႈဢ︀ူ။ ꩫ︀င︀်ၵ︀ဝ်ယ︀ုမ︀်ယ︀မ︀်ႈꩫ︀က︀ꩫ︀်ႈ မ︀ႂ်းယ︀ုမ︀်ယ︀မ︀်ႈꩬ︀ီဢ︀ူꩫ︀မ︀်ꩫ︀ꩫ︀ႆ︀ႇက︀ေႃႇ က︀ဝ်ႈတ︀မ︀်းꩡ︀ႂ်ႈဢ︀ူ။

ပ︀ေတ︀ရ︀ု ႒ 3:16

လ︀ိက︀်ႉမ︀ꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ လ︀ွင︀်ႈꩫ︀ႆ︀ႇၵ︀ဝ်လ︀ွေႛဢ︀ူ။ ꩫ︀ႆ︀ႇꩫ︀က︀ေႃႇ လ︀ိက︀်ႉဢ︀ꩫ︀်ႈမ︀ꩫ︀်းတ︀ႅမ︀်ႛꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈက︀မ︀်ႈၸ︀ွင︀်းယ︀ႃႇ ပ︀ွင︀်ꩡ︀ႂ်ႈယ︀ပ︀်လ︀ူင︀်ꩫ︀မ︀်။ င︀ႆ︀းꩫ︀ႆ︀ႇꩬ︀ီ က︀ူꩫ︀်းမ︀ိူက︀်ႉ၊ ဢ︀ꩫ︀်ႈမ︀ၢပ︀်ႉလ︀ုပ︀်ႉꩫ︀ႆ︀ႇၵ︀ဝ်ယ︀ႃႇ က︀ျမ︀်းလ︀ိက︀်ႉဢ︀ꩫ︀်ႈပ︀ေႃလ︀ုတ︀ႅမ︀်ႛတ︀မ︀ိူင︀်း က︀ျမ︀်းလ︀ိက︀်ႉတ︀ၢင︀်ဢ︀ꩫ︀်ႈꩫ︀ႆ︀ႇၵ︀ဝ်တ︀မ︀ိူင︀်း ပ︀ိူꩫ︀်ႈမ︀ႆ︀ႛ ꩬ︀ွꩫ︀်ၸ︀ိတ︀်ꩫ︀ႆ︀ႇꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛဢ︀ဝ်ႈလ︀ူႇပ︀ႅက︀်ႉက︀ႃက︀ꩫ︀်ႈယ︀ဝ်ႇ။

ၿျႃၻိက︀်ႉ 19:10

ꩫ︀ႆ︀ႇမ︀ႆ︀ႛ က︀ဝ်ႈယ︀ႃႇ တ︀ႆ︀ၢႛတ︀ိꩫ︀်ႈမ︀ꩫ︀်းမ︀ႆ︀ႛ ပ︀ႅပ︀်ႉၵ︀ုပ︀်ႉꩬ︀ီ ပ︀ႆ︀ၢႛဝႆ︀ႈက︀ွတ︀်ꩫ︀က︀ီး မ︀ꩫ︀်းယ︀ႃႇ “က︀ဝ်ႈမ︀ႆ︀ႛ ပ︀ီပ︀ႆ︀ၢႛ။ က︀ဝ်ႈက︀ေႃႇ ꩫ︀င︀်မ︀ႂ်းꩫ︀က︀ꩫ︀်ႈꩫ︀မ︀်။ ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ်၊ ၸ︀ူႛဢ︀ꩫ︀်ႈꩬ︀မ︀်မ︀ႃတ︀ြႃးမ︀ႆ︀ႛ ပ︀ꩫ︀်ႛဝႆ︀ႇꩫ︀ႆ︀ႇၵ︀ဝ်င︀ႆ︀း ꩭဝ်းတ︀င︀်းမ︀ိူင︀်းယ︀ႃႇ ၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ၢႈꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ိုင︀် ပ︀ႆ︀ၢႛဝႆ︀ႈတ︀ႃႉ” ꩫ︀ဝꩫ︀်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀မ︀်မ︀ႃတ︀ြႃး ဢ︀ꩫ︀်ႈꩡ︀ဝ်ႛယ︀ေꩬ︀ုပ︀ုတ︀်ပ︀ျႃးꩫ︀ႆ︀ႇယ︀ႃႇ ဢ︀ꩫ︀်ႈပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ꩫ︀ေꩭႂ်ႛမ︀ႃးꩫ︀ႆ︀ႇꩫ︀မ︀်။