တ︀ိမ︀ေႃတ︀ေ ႒ 3:12 - Khamti Shan

¹² က︀ူဝ်ႇဢ︀ꩫ︀်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ၵ︀ႂ်ႈꩡ︀ွမ︀်းဢ︀လ︀ၢင︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛယ︀ႃႇ က︀ူႈက︀ူဝ်ႇမ︀ႆ︀ႛ ပ︀ိူꩫ︀်ႈတ︀ီꩫ︀ိက︀်ႉꩬ︀ၢက︀်ႉတ︀ေႇတ︀ေႇꩫ︀မ︀်။

တ︀ိမ︀ေႃတ︀ေ ႒ 3:12 Iomraidhean Croise

မ︀တ︀်တ︀ႄး 16:24

ယ︀ဝ်ႇက︀ီး တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ ဝႃႈꩫ︀ႆ︀ႇ “ၸ︀ႂ်ꩫ︀က︀ေႃႇ ၵ︀ႂ်ႈꩡ︀ွမ︀်းက︀ꩫ︀်ႛလ︀င︀်က︀ဝ်ႈက︀ီး ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛဝႃႈလ︀ုမ︀်းၵ︀ွတ︀်ဢ︀ူ။ ꩬ︀ဝ်ဝႃးမ︀ိုဝ်းၸ︀ူႛꩡ︀ဝ်ႛမ︀ႅက︀်ꩬ︀ီ က︀ꩫ︀်ႛလ︀င︀်က︀ဝ်ႈမ︀ႆ︀ႛ ဝႃႈꩡ︀ွမ︀်းဢ︀ူ။

မ︀တ︀်တ︀ႄး 23:34

က︀ဝ်ႈဝႃႈက︀ွတ︀်။ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်၊ ၸ︀ူႛꩭူႇꩭꩫ︀်ꩫ︀ႆ︀ႇၵ︀ဝ်၊ ꩬ︀ြႃꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈတ︀ီပ︀ွႆ︀ꩡ︀ႂ်ႇမ︀ႃးꩫ︀မ︀်။ ꩬ︀ူယ︀ႃႇၵ︀ဝ်မ︀ႆ︀ႛ ဢ︀ꩫ︀်ႈဢ︀ဝ်ႈတ︀ႆ︀ၢႈꩫ︀ႆ︀ႇဢ︀ဝ်ႈတ︀ႆ︀ၢႈ၊ ဢ︀ꩫ︀်ႈတ︀ွက︀်ꩬ︀ဝ်ဝႃးမ︀ိုဝ်းꩫ︀ႆ︀ႇတ︀ွက︀်င︀ႆ︀း က︀မ︀်ႈၸ︀ွင︀်းမ︀ႆ︀ႛယ︀ႃႇ က︀ꩫ︀်ႛꩫ︀ႂ်းꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်မ︀ႆ︀ႛ တ︀ုက︀်ႉꩰပ︀ူဝ်ႇꩰꩬ︀ီ က︀မ︀်ႈၸ︀ွင︀်းမ︀ႆ︀ႛယ︀ႃႇ ဝီင︀်းလ︀ိူင︀်ႈယ︀ဝ်ႇဝီင︀်းလ︀ိူင︀်ႈတ︀ီꩭုပ︀်ႉလ︀ေက︀ꩫ︀်ႈꩫ︀မ︀်။

မ︀ႃက︀ု 10:30

ꩡ︀တ︀်ႉꩫ︀ႆ︀ႇမ︀ႆ︀ႛ ၵ︀ႆ︀ႇမ︀ဝ်က︀ႃးꩫ︀ႆ︀ႛဢ︀ူ။ ꩭိူꩫ︀်း၊ ပ︀ီႈꩫ︀ွင︀်ႇ၊ ပ︀ူဝ်မ︀ေ၊ လ︀ုက︀်ႉလ︀ၢင︀်း၊ ꩫ︀ႃးꩫ︀ႆ︀ႇၵ︀ဝ် ပ︀ၢက︀်ꩡ︀ူးꩫ︀ႆ︀ႛဢ︀ူ။ ၵ︀ဝ်မ︀ႆ︀ႛယ︀ႃႇ ပ︀ိူꩫ︀်ႈက︀ေႃႇ တ︀ီꩫ︀ိက︀်ႉꩬ︀ၢက︀်ႉꩫ︀မ︀်။ ꩫ︀ႆ︀ႇꩫ︀က︀ေႃႇၵ︀ဝ်ယ︀ႃႇ ꩡ︀တ︀်ႉꩫ︀ႆ︀ႇယ︀ဝ်ႇက︀ီး ဢ︀ꩬ︀ၢက︀်ႉထႃဝရ︀ꩫ︀ႆ︀ႛဢ︀ူ။

ယ︀ေႃးꩭၢꩫ︀် 16:2

မ︀ဝ်ꩭိုင︀်က︀ꩬ︀င︀် ꩬ︀ူမ︀ႆ︀ႛ ပ︀ိူꩫ︀်ႈတ︀ီꩫ︀ိက︀်ႉꩬ︀ၢက︀်ႉမ︀ႃးယ︀ဝ်ႇ။ ꩬ︀ူမ︀ႆ︀ႛ လ︀ုက︀်ႉꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်မ︀ႆ︀ႛ တ︀ီꩭူဝ်ႛဢ︀ွက︀်ၵ︀ွတ︀်ယ︀ဝ်ႇ။ ꩫ︀ႆ︀ႇꩬ︀ေႇမ︀ဝ်က︀ႃး ꩬ︀ူမ︀ႆ︀ႛဢ︀ဝ်ႈတ︀ႆ︀ၢႈꩫ︀ႆ︀ႇ ၵ︀ꩫ︀်တ︀ႂ်းဢ︀ꩫ︀်ႈမ︀ိုင︀်ႇꩬ︀ႃꩬ︀ꩫ︀ႃၸ︀ြႃးပ︀ီꩫ︀်ႈꩡ︀ဝ်ႛꩬ︀ီ တ︀ီဢ︀ဝ်ႈတ︀ႆ︀ၢႈက︀ꩫ︀်ႈꩫ︀မ︀်။

ယ︀ေႃးꩭၢꩫ︀် 16:33

က︀ဝ်ႈꩬ︀ူမ︀ႆ︀ႛ ဢ︀ꩫ︀်ႈꩫ︀ႆ︀ႇၵ︀ဝ်ဝႃႈꩫ︀ႆ︀ႇ ꩭႂ်ႛပ︀ူဝ်းꩬ︀ူက︀ဝ်ႈမ︀ႆ︀ႛပ︀ိုင︀်ႈဢ︀ိင︀်ႈꩬ︀ီ ꩫ︀ႆ︀ႛယ︀ီꩫ︀်ႈꩡ︀ႂ်ႈယ︀ီꩫ︀်ႈၵ︀ူဝ်းꩫ︀ႆ︀ႇꩫ︀မ︀်။ မ︀ိူင︀်းက︀ၢင︀်ႈꩫ︀ႆ︀ႇ ꩬ︀ူမ︀ႆ︀ႛတ︀ီꩫ︀ိက︀်ႉꩬ︀ၢက︀်ႉꩫ︀မ︀်။ ꩫ︀ႆ︀ႇꩫ︀က︀ေႃႇ ꩭတ︀်ꩭၢꩫ︀်က︀ꩫ︀်ႈတ︀ႃႉ။ က︀ဝ်ႈတ︀ꩫ︀်းၵ︀ူဝ်းမ︀ိူင︀်းက︀ၢင︀်ႈမ︀ႆ︀ႛပ︀ေႇယ︀ဝ်ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 17:14

က︀ဝ်ႈၵ︀ႃႛၵ︀ဝ်မ︀ႆ︀ႛ ၵ︀ၢမ︀်းꩡ︀ဝ်ႛ ဝႃႈꩭႂ်ႛတ︀ီၵ︀ႃႛယ︀ဝ်ႇ။ ꩫ︀င︀်က︀ဝ်ႈၵ︀ႃႛက︀ူꩫ︀်းမ︀ိူင︀်းက︀ၢင︀်ႈမ︀ဝ်ꩡ︀ႂ်ႈꩫ︀က︀ꩫ︀်ႈ ၵ︀ဝ်က︀ေႃႇမ︀ဝ်ꩡ︀ႂ်ႈꩫ︀ႆ︀ႇꩬ︀ီ ၵ︀ဝ်မ︀ႆ︀ႛက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် ꩡ︀င︀်းက︀ꩫ︀်ႈတ︀ီၵ︀ႃႛဢ︀ူ။

ထဝ်ꩡ︀တ︀်ႉၵ︀ဝ် 14:22

ꩬ︀ွင︀်ၵ︀ႃယ︀ႃႇ ꩭႂ်ႛပ︀ူဝ်းၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ယ︀ုမ︀်ယ︀မ︀်ႈၵ︀ိူင︀်ꩰꩫ︀ႆ︀ႇ ၵ︀ဝ်မ︀ႆ︀ႛ ꩬ︀ႂ်ꩭႅင︀်းꩭႂ်ႛဢ︀ူ။ “မ︀ိူဝ်ႈꩭဝ်းက︀ႃ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ တ︀ၢင︀်းယ︀ပ︀်ယ︀ၢက︀်ႉၻုက︀်ႉၵ︀ဢ︀ၢꩫ︀်တ︀ၢꩫ︀် ဝႃႈꩫ︀ႆ︀ႛၵ︀ၢမ︀်ဢ︀ူ” ꩫ︀ꩬ︀ီၵ︀ဝ်မ︀ႆ︀ႛꩬ︀ွꩫ︀်ꩬ︀င︀်ꩭႂ်ႛဢ︀ူ။

က︀ေႃရ︀ိꩫ︀်တ︀ု ႑ 15:19

ꩬ︀င︀်ဝႃႈꩭဝ်း ꩡ︀ဝ်ႛၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ ꩡ︀ႃႇꩡ︀တ︀်ႉꩫ︀ႆ︀ႇꩫ︀ႆ︀ၢႈꩬ︀ိုင︀် ဢ︀က︀ိဝ်းယ︀င︀်းꩫ︀မ︀်ꩫ︀က︀ီး ꩭဝ်းယ︀ႃႇ က︀ူꩫ︀်းတ︀င︀်းမ︀ိူင︀်းမ︀ႆ︀ႛလ︀ိူမ︀်ꩬ︀ႃꩬ︀ီ ဢ︀ေႈၵ︀ႅꩫ︀်းၵ︀ိူင︀်ႈꩫ︀ီႈဢ︀ီꩫ︀ူႈက︀ႃယ︀ဝ်ႇ။

က︀ေႃရ︀ိꩫ︀်တ︀ု ႒ 1:12

ဢ︀ꩫ︀်ႈတ︀ူႈꩭုမ︀်ꩡ︀ူမ︀်းꩫ︀ႆ︀ႇယ︀ႃႇ မ︀ိူဝ်ႈတ︀ူႈဢ︀ူမ︀ိူင︀်းက︀ၢင︀်ႈꩫ︀ႆ︀ႇ ꩥ︀ႅꩫ︀်က︀ူꩫ︀်းမ︀ႆ︀ႛ မ︀ဝ်ပ︀ိုင︀်ႈဢ︀ိင︀်ႈꩬ︀ီ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ႆ︀ၢႈꩬ︀ိုင︀် ပ︀ိုင︀်ႈဢ︀ိင︀်ႈင︀ႆ︀းꩬ︀ီ က︀ꩫ︀်ႛꩫ︀ႃႛက︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈꩭႅင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ိုဝ်ႈꩰတ︀ူဝ်င︀ႆ︀း ꩡ︀ႂ်ႈၵ︀ၢဝ်ပ︀ၢꩫ︀်းꩰꩬ︀ီ ဢ︀ူမ︀ႃးꩫ︀ႆ︀ႇꩫ︀မ︀်။ ဝႃႈက︀ွတ︀်ꩫ︀က︀ီး ပ︀ၢင︀်ႈꩫ︀ႃႛꩬ︀ူၸ︀ူႛꩡ︀ဝ်ႛမ︀ႆ︀ႛꩫ︀မ︀် တ︀ူႈင︀ႆ︀းဢ︀ူမ︀ႃးꩫ︀ႆ︀ႇ။ ꩫ︀င︀်တ︀ူႈဝႃႈꩫ︀က︀ꩫ︀်ႈ ꩡ︀ႂ်ႈၵ︀ွꩫ︀်တ︀ူႈက︀ေႃႇ ꩡ︀ုꩫ︀်ႈꩡ︀ၢင︀်ꩰꩫ︀မ︀်။

က︀ေႃရ︀ိꩫ︀်တ︀ု ႒ 4:9

တ︀ူႈမ︀ႆ︀ႛလ︀ꩫ︀်ꩬ︀ူꩫ︀ႆ︀ႇၵ︀ဝ် ၵ︀ႂ်ႈလ︀ႂ်ႈꩫ︀မ︀်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ူႈမ︀ႆ︀ႛꩵ︀ႈၵ︀ွတ︀်ဝႆ︀ႇ။ တ︀ူႈမ︀ႆ︀ႛပ︀ိူꩫ︀်ႈၵ︀ႂ်ႈလ︀ႂ်ႈ တ︀ုက︀်ႉပ︀ူဝ်ႇမ︀ႃးꩫ︀က︀ေႃႇ တ︀ူႈꩵ︀ႈလ︀ူႇတ︀ႆ︀ၢႈမ︀ႃး။

တ︀ိမ︀ေႃတ︀ေ ႑ 2:2

ꩭႂ်ႛပ︀ူဝ်းꩭဝ်းတ︀င︀်းလ︀ုင︀် ꩫ︀ႆ︀ႛဢ︀ူꩫ︀ီႈꩫ︀ီႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀ႆ︀ႛယ︀ုမ︀်ယ︀မ︀်ႈ၊ ꩫ︀ႆ︀ႛပ︀ႆ︀ၢႛဝႆ︀ႈꩫ︀ီႈꩫ︀ီႈ ꩫ︀ႆ︀ႇ ꩡ︀ႃႇꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ်၊ ꩡ︀ႃႇက︀ေမ︀ၢꩫ︀်ႛ၊ က︀ေမ︀ိူင︀်းꩫ︀ႆ︀ႇၵ︀ဝ် ယ︀ွꩫ︀်းꩬ︀ူးတ︀ႃႉ။

တ︀ိမ︀ေႃတ︀ေ ႑ 3:16

လ︀ွင︀်ႈꩬ︀မ︀်မ︀ႃတ︀ြႃးဢ︀ꩫ︀်ႈꩭဝ်းယ︀ုမ︀်ယ︀မ︀်ႈꩫ︀ႆ︀ႇ လ︀ိူက︀်ႉလ︀မ︀် ꩬ︀ိုဝ်ႈꩡ︀ႂ်ႈလ︀ူင︀်တ︀ေႇတ︀ေႇꩫ︀မ︀်။ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀်ဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် က︀ျွႃးလ︀ူင︀်းပ︀ီꩫ︀်ႈက︀ူꩫ︀်းမ︀ႃးꩬ︀ီ လ︀ွင︀်ႈꩫ︀ႆ︀ႇꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩭီတ︀်ꩬ︀ၢက︀်ႉꩬ︀ေမ︀ႃးင︀ႆ︀း ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛꩭꩫ︀်မ︀ႃးယ︀ဝ်ႇ။ က︀ူꩫ︀်းက︀ူႈၸ︀ꩫ︀်းက︀ေႃႇ ၵ︀ၢဝ်ႈၵ︀ၢမ︀်းꩫ︀ီႈမ︀ꩫ︀်းꩡ︀ဝ်ႛ ꩫ︀ႆ︀ႛꩥ︀ိꩫ︀်းꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ က︀မ︀်ၸ︀ႃတ︀င︀်းꩡ︀ꩫ︀်ႇ ယ︀ုမ︀်ယ︀မ︀်ႈမ︀ႃးက︀ꩫ︀်ႈယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛယ︀ႃႇ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩭၢပ︀်ႉꩬ︀ီဢ︀ဝ်ႈၵ︀ိုꩫ︀်ႛက︀ႃ မ︀ိူင︀်းက︀ၢင︀်ႈꩭၢဝ်ပ︀ွက︀်ႉယ︀ဝ်ႇ။

တ︀ိမ︀ေႃတ︀ေ ႑ 6:3

ꩬ︀ြႃဢ︀ꩫ︀်ႈꩬ︀မ︀်မ︀ႃတ︀ြႃးမ︀ႆ︀ႛမ︀ဝ်ဢ︀ဝ်ႈꩥ︀ႃးꩬ︀ီꩬ︀ွꩫ︀် ꩬ︀ေႇမ︀ဝ်က︀ႃး ꩬ︀မ︀်မ︀ႃတ︀ြႃးꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းမ︀ႆ︀ႛတ︀မ︀ိူင︀်း တ︀ၢင︀်းက︀ႅင︀်းၵ︀ရ︀ီတ︀်ယ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း မ︀ဝ်ꩭၢပ︀်ႉဢ︀ဝ်ႈꩫ︀ႆ︀ႇယ︀ႃႇ

တ︀ိတ︀ု 1:1

က︀ဝ်ႈပ︀ေႃလ︀ု ၸ︀ူႛပ︀ီꩫ︀်ႈၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛ၊ တ︀မ︀ၢꩫ︀်ꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ိူက︀်ႉဝႆ︀ႇꩫ︀ႆ︀ႇၵ︀ဝ် ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ိူင︀်ꩰက︀ိုမ︀်းꩰယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႃး၊ ꩬ︀မ︀်မ︀ႃတ︀ြႃးဢ︀ꩫ︀်ႈꩡ︀ဝ်ႛယ︀ေꩬ︀ုꩬ︀ွꩫ︀်ꩬ︀င︀်မ︀ႃးꩫ︀ႆ︀ႇမ︀ႆ︀ႛ ꩡ︀ုꩫ︀်ႈꩰလ︀ႅင︀်းꩰတ︀ွင︀်းမ︀ႃးꩬ︀ီ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ထုက︀်ꩡ︀ႂ်ႈꩫ︀က︀ꩫ︀်ႈ ဢ︀ူက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛꩭႂ်ႛꩬ︀ွꩫ︀်က︀ွတ︀်ꩫ︀ꩬ︀ီ က︀ဝ်ႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ပ︀ွႆ︀ꩡ︀ႂ်ႇမ︀ႃးꩫ︀မ︀်။

တ︀ိတ︀ု 2:12

တ︀ၢင︀်းက︀ႅင︀်းဢ︀ꩫ︀်ႈမ︀ဝ်က︀ူဝ်ႈယ︀မ︀်ႈၸ︀ြႃးပ︀ီꩫ︀်ႈꩡ︀ဝ်ႛ၊ ဢ︀ꩫ︀်ႈꩭွႆ︀ႛꩡ︀ႂ်ႈမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭႂ်ႛပ︀ူဝ်းꩭဝ်းၵ︀ွတ︀်ꩫ︀ႆ︀ႇ မ︀ꩫ︀်းꩡ︀ဝ်ႛပ︀ျႃးတ︀ၢင︀်းꩭႂ်ႛမ︀ႃးယ︀ဝ်ႇ။ မ︀ိူဝ်ႈꩭဝ်းဢ︀ူမ︀ိူင︀်းက︀ၢင︀်ႈꩫ︀ႆ︀ႇ ꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ဝ်ႛၵ︀ေꩬ︀ေꩭဝ်းဢ︀ꩫ︀်ႈယ︀ႂ်မ︀ႅတ︀်ႉꩫ︀ႆ︀ႇ မ︀ူꩫ︀်ႈၸ︀ုင︀်းꩭိူဝ်ႈပ︀လ︀ွင︀်ပ︀လ︀ွင︀်ꩬ︀ီ တ︀ီပ︀ွက︀်ႉမ︀ႃးꩫ︀ႆ︀ႇမ︀ႆ︀ႛ ꩡ︀ူမ︀်းꩰꩭုမ︀်ꩰꩬ︀ီ ဝႃႈတ︀ႂ်းထႃႛꩬ︀ီဢ︀ူꩫ︀မ︀်။ ꩭဝ်းၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛက︀ေႃႇထိꩫ︀်ꩬ︀ီ ꩭူဝ်ꩡ︀ႂ်ႈꩬ︀ိုဝ်ႈꩰꩫ︀ꩫ︀်ႈꩰင︀ႆ︀း ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈꩫ︀က︀ꩫ︀်ႈဝႃႈဢ︀ူက︀ꩫ︀်ႈꩫ︀မ︀်။

ပ︀ေတ︀ရ︀ု ႑ 3:14

ꩬ︀င︀်ဝႃႈꩬ︀ူꩭီတ︀်လ︀ွင︀်ႈꩫ︀ီႈꩬ︀ီ ၸ︀ေးထိုင︀်မ︀ႃးꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛပ︀ူင︀်ႈဢ︀က︀ိဝ်းꩭႂ်ႛဢ︀ူ။ င︀ႆ︀းꩫ︀ႆ︀ႇꩬ︀ီ ၸ︀ႂ်မ︀ႆ︀ႛက︀ေႃႇ ပ︀ီက︀ူဝ်ႈ။ ပ︀ီက︀ပ︀်ႉꩡ︀ႂ်ႈ။

ပ︀ေတ︀ရ︀ု ႒ 3:11

ꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀ီလ︀ူႇပ︀ႅက︀်ႉက︀ႃꩫ︀ႆ︀ႇꩬ︀ီ ꩬ︀ူယ︀ႃႇၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ဢ︀ဝ်ႈမ︀ူတ︀်ꩡ︀ၢင︀်ꩬ︀ီၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢပ︀်ႉက︀ꩫ︀်ႈတ︀ႃႉ။

ၿျႃၻိက︀်ႉ 12:4

ꩫ︀က︀ႃးဢ︀မ︀ႂ်းယ︀ႃႇ ꩫ︀ၢဝ်ႈꩬ︀ၢမ︀်ꩡ︀ႃႇꩡ︀ႃႇလ︀ိူင︀်ႈမ︀ႆ︀ႛ ဢ︀ဝ်ႈꩭၢင︀်မ︀ꩫ︀်း ꩡ︀ꩫ︀်ႈတ︀ူက︀်လ︀င︀်ꩫ︀ိꩫ︀်ႈၵ︀ွတ︀်ဢ︀ူ။ မ︀ိူဝ်ႈၸ︀ူႛယ︀ိင︀်းဢ︀မ︀ႂ်း တ︀ီယ︀င︀်းလ︀ုက︀်ႉꩫ︀ႆ︀ႇ ꩫ︀က︀ႃးယ︀ႃႇ မ︀ွင︀်းလ︀ၵ︀ႃယ︀င︀်းမ︀ႃးယ︀ႃႇ လ︀ၵ︀ႃဢ︀မ︀ႂ်းမ︀ႆ︀ႛက︀ိꩫ︀်ႈက︀ွတ︀်ꩫ︀ꩬ︀ီ က︀ꩫ︀်ႛꩫ︀ႃႛမ︀ꩫ︀်းမ︀ႆ︀ႛ ꩬ︀ဝ်းဢ︀ူဢ︀ူ။

ၿျႃၻိက︀်ႉ 7:14

ꩫ︀ႆ︀ႇမ︀ႆ︀ႛ က︀ဝ်ႈယ︀ႃႇ “ꩡ︀ဝ်ႛꩴ︀း မ︀ႂ်းꩡ︀ဝ်ႛတ︀ွင︀်းတ︀ီၵ︀ႃႛဢ︀ူ” ꩫ︀က︀ီး မ︀ꩫ︀်းယ︀ႃႇ “ၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈလ︀ုက︀်ႉၸ︀ေးဢ︀ꩫ︀်ႈပ︀ိူꩫ︀်ႈꩫ︀ိက︀်ႉꩬ︀ၢက︀်ႉလ︀ူင︀်မ︀ႆ︀ႛ လ︀ွတ︀်ႉမ︀ႃးꩫ︀ႆ︀ႇၵ︀ဝ်ꩫ︀မ︀်။ ၵ︀ဝ်ယ︀ႃႇ ၵ︀ိူင︀်ႈၵ︀ဝ်မ︀ႆ︀ႛ ဢ︀ဝ်ႈꩫ︀ိူတ︀်ႉပ︀ူႇဢ︀ွꩫ︀်ꩬ︀ၢက︀်ႉၵ︀ၢဝ်ꩰယ︀ဝ်ႇ။