တ︀ိမ︀ေႃတ︀ေ ႒ 2:8 - Khamti Shan

⁸ ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ီꩫ︀်ႈၸ︀ႂ်ꩫ︀ꩫ︀ႆ︀ႇမ︀ိူဝ်ႈလ︀ႂ်ႈက︀ေႃႇပ︀ီလ︀ုမ︀်း။ မ︀ꩫ︀်းꩡ︀ဝ်ႛယ︀ႃႇ ꩡ︀ဝ်ႛဢ︀ꩫ︀်ႈလ︀ုက︀်ႉꩡ︀ိူဝ်ႇၵ︀ိူဝ်းꩡ︀ဝ်ႛꩭူဝ်ၵ︀မ︀်းၻႃဝိမ︀ႆ︀ႛမ︀ႃး၊ ဢ︀ꩫ︀်ႈလ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀မ︀်။ ၵ︀ၢဝ်ႈၵ︀ၢမ︀်းꩫ︀ီႈဢ︀ꩫ︀်ႈက︀ဝ်ႈꩭူဝ်းꩫ︀ႆ︀ႇ ဢ︀ꩫ︀်ႈꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႒ 2:8 Iomraidhean Croise

မ︀တ︀်တ︀ႄး 1:1

ဢ︀ꩫ︀်ႈꩫ︀ႆ︀ႇက︀ꩡ︀ံး ထဝ်ပ︀ူလ︀ီꩫ︀်ယ︀ႃႈမ︀ွꩫ︀်ꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူႛပ︀ီꩫ︀်ႈꩡ︀ိူဝ်ႇ ဢ︀ႃပ︀ြႃꩭၢမ︀်၊ ၵ︀ိူဝ်းꩡ︀ဝ်ႛꩭူဝ်ၵ︀မ︀်းၻႃဝိတ︀ီၵ︀ႃႛꩫ︀မ︀်ꩭေႃး။

လ︀ုက︀ႃ 24:46

“က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇယ︀ႃႇ ꩡ︀ဝ်ႛၵ︀ရ︀ီတ︀်ꩫ︀ႆ︀ႛၵ︀ၢမ︀်တ︀ႆ︀ၢႈꩬ︀ီ တ︀ၢင︀်ꩬ︀ၢမ︀်ဝꩫ︀်းမ︀ႆ︀ႛ တ︀ီꩫ︀ိပ︀်ပ︀ွက︀်ႉမ︀ႃးꩫ︀မ︀်။

ထဝ်ꩡ︀တ︀်ႉၵ︀ဝ် 13:23

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်မ︀ꩫ︀်းꩡ︀ဝ်ႛက︀တ︀ိꩭႂ်ႛဝႆ︀ႇꩫ︀က︀ꩫ︀်ႈ လ︀ုက︀်ႉၵ︀ိူဝ်းꩡ︀ဝ်ႛꩭူဝ်ၵ︀မ︀်းၻႃဝိမ︀ႆ︀ႛꩬ︀ိုင︀် ꩡ︀ဝ်ႛၵ︀ေꩬ︀ေ ꩡ︀ႃႇၵ︀ိူဝ်းဢ︀ီတ︀်ꩬ︀ြေးၵ︀ဝ် ဢ︀ဝ်ႈဢ︀ွက︀်ꩭႂ်ႛမ︀ႃးꩫ︀မ︀်။ က︀ူဝ်ႇဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုꩫ︀မ︀်။

ထဝ်ꩡ︀တ︀်ႉၵ︀ဝ် 2:24

ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛၵ︀ုꩫ︀်တ︀ႆ︀ၢႈꩫ︀ႆ︀ႇ ၸ︀ုက︀်ဝႆ︀ႇလ︀ေႚလ︀ေႚꩵ︀ႈပ︀ီꩫ︀်ႈ။ င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ လ︀ုက︀်ႉတ︀ꩫ︀်းၵ︀ူဝ်းၵ︀ုꩫ︀်တ︀ႆ︀ၢႈမ︀ႆ︀ႛ ဢ︀ဝ်ႈလ︀ွတ︀်ႉဢ︀ွက︀်ꩬ︀ီ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 2:30

မ︀ꩫ︀်းယ︀ႃႇပ︀ီꩫ︀်ႈပ︀ရ︀ေႃးၸ︀ႅတ︀်ႉꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀တ︀ိꩭႂ်ႛဝႆ︀ႇမ︀ႆ︀ႛတ︀ွင︀်းဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်မ︀ꩫ︀်းမ︀ႆ︀ႛ တ︀ၢင︀်ꩭူဝ်ၵ︀မ︀်းꩭႂ်ႛꩫ︀က︀ꩫ︀်ႈ လ︀ုက︀်ႉလ︀ၢꩫ︀်မ︀ꩫ︀်းက︀ူဝ်ႇလ︀ိူင︀်ႈမ︀ႆ︀ႛက︀ေႃႇ တ︀ီတ︀ၢင︀်ꩭႂ်ႛꩫ︀မ︀် ꩫ︀ꩬ︀ီက︀ိꩫ︀်ဝႆ︀ႇဢ︀ူ။

ရ︀ေႃမ︀ 16:25

ပ︀ႆ︀ႉꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩫ︀င︀်ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈက︀ဝ်ႈꩭူဝ်းꩫ︀ႆ︀ႇꩫ︀က︀ꩫ︀်ႈ ဢ︀ꩫ︀်ႈꩬ︀ူယ︀ုမ︀်ယ︀မ︀်ႈဝႆ︀ႇမ︀ႆ︀ႛ ဢ︀ဝ်ႈၵ︀ိူင︀်က︀ိုမ︀်းꩭႂ်ႛပ︀ီꩫ︀်ႈဢ︀ူ။ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းယ︀ႃႇ ꩬ︀မ︀်မ︀ႃတ︀ြႃးဢ︀ꩫ︀်ႈက︀ီလ︀ႆ︀ၢꩡ︀ူဝ်ႈပ︀ၢꩫ︀်ႈ ဢ︀ဝ်ႈမ︀ႅပ︀်ဝႆ︀ႇမ︀ႃးꩬ︀ီ င︀ႆ︀ႚꩬ︀ိုင︀်မ︀ꩫ︀်းꩡ︀ဝ်ႛ ပ︀ုတ︀်ပ︀ျႃးမ︀ႃးꩫ︀ႆ︀ႇꩫ︀မ︀်။

ရ︀ေႃမ︀ 2:16

င︀ႆ︀းꩫ︀ႆ︀ႇꩬ︀ီ ဝꩫ︀်းမ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ႅတ︀်ႉတ︀ြႃးꩫ︀ႆ︀ႇ မ︀ꩫ︀်းꩡ︀ဝ်ႛယ︀ႃႇ ဢ︀ꩫ︀်ႈꩫ︀ႂ်းꩡ︀ႂ်ႈက︀ူꩫ︀်းက︀ူႈက︀ူဝ်ႇမ︀ႆ︀ႛ ဢ︀ဝ်ႈမ︀ႅပ︀်ဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩫ︀င︀်ၵ︀ၢဝ်ႈၵ︀ၢမ︀်းꩫ︀ီႈဢ︀ꩫ︀်ႈက︀ဝ်ႈꩭူဝ်းꩫ︀ႆ︀ႇꩫ︀က︀ꩫ︀်ႈ တ︀ီပ︀ႅတ︀်ႉတ︀ြႃးꩫ︀မ︀်။

က︀ေႃရ︀ိꩫ︀်တ︀ု ႑ 15:1

ꩡ︀ႃႇလ︀ိူင︀်ႈ ပ︀ီႈꩫ︀ွင︀်ႇၵ︀ဝ်ꩴ︀း ၵ︀ၢဝ်ႈၵ︀ၢမ︀်းꩫ︀ီႈဢ︀ꩫ︀်ႈက︀ဝ်ႈꩬ︀ူမ︀ႆ︀ႛꩭူဝ်းမ︀ႃး ဢ︀ꩫ︀်ႈꩬ︀ူက︀ေႃႇ ꩭၢပ︀်ႉဢ︀ဝ်ႈꩬ︀ီတ︀င︀်းꩡ︀ႂ်ႈတ︀င︀်းၵ︀ူဝ်းထွမ︀်ꩡ︀ွမ︀်းဢ︀ူဢ︀မ︀ႂ်းမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈမ︀ႃးတ︀ႃႉ။

က︀ေႃရ︀ိꩫ︀်တ︀ု ႑ 15:4

ယ︀ဝ်ႇက︀ီး မ︀ꩫ︀်းꩡ︀ဝ်ႛမ︀ႆ︀ႛၸ︀င︀်ဝႆ︀ႇꩬ︀ီ ꩫ︀င︀်က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀က︀ꩫ︀်ႈ တ︀ၢင︀်ꩬ︀ၢမ︀်ဝꩫ︀်းမ︀ႆ︀ႛ မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇꩫ︀ꩫ︀ႆ︀ႇလ︀ိူင︀်ႈ၊

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:14

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇဢ︀ဝ်ႈၵ︀ၢဝ်ႈၵ︀ၢမ︀်းꩫ︀ီႈ ဢ︀ꩫ︀်ႈတ︀ူႈမ︀ႃးꩭူဝ်းꩫ︀ႆ︀ႇ ꩬ︀ူမ︀ႆ︀ႛꩭွင︀်ႇꩬ︀ီ ꩬ︀ူက︀ေႃႇမ︀ူꩫ︀်ႈၸ︀ုင︀်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩫ︀ႆ︀ႛꩭၢပ︀်ႉဢ︀ဝ်ႈꩫ︀မ︀်။

တ︀ိမ︀ေႃတ︀ေ ႑ 1:11

တ︀ြႃးꩫ︀ႆ︀ႇယ︀ႃႇ ဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈꩡ︀ဝ်ႛယ︀ေꩬ︀ုမ︀ႆ︀ႛယ︀င︀်း ဢ︀ꩫ︀်ႈက︀ဝ်ႈမ︀ႆ︀ႛ ၸ︀ြႃးဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်ပ︀ူင︀်ႈဢ︀ၢပ︀်ႉꩬ︀ီ ꩭႂ်ႛꩭူဝ်းမ︀ႃးꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႑ 2:7

င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ꩬ︀မ︀်မ︀ႃတ︀ြႃးၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛက︀ႃꩭူဝ်းꩬ︀ွꩫ︀်က︀ွတ︀်ꩫ︀ꩬ︀ီ က︀ဝ်ႈမ︀ႆ︀ႛ လ︀ိူက︀်ႉဢ︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛမ︀ႃးꩫ︀မ︀်။ ဢ︀ꩫ︀်ႈꩫ︀ႆ︀ႇၵ︀ၢမ︀်းဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀မ︀်။ က︀ဝ်ႈꩵ︀ႈၸ︀ႅတ︀်ႉ။

တ︀ိမ︀ေႃတ︀ေ ႒ 1:8

င︀ႆ︀းꩫ︀ႆ︀ႇꩬ︀ီ လ︀ွင︀်ႈꩡ︀ဝ်ႛꩭဝ်း မ︀ဝ်က︀ူဝ်ႈမ︀ဝ်ဢ︀ႆ︀ၢႈꩬ︀ီ ၵ︀ႆ︀ႈတ︀ႃႉ။ လ︀ႆ︀ၢးပ︀ိူဝ်ႈမ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩬ︀ီ က︀ဝ်ႈတ︀ူက︀်ထွင︀်ꩫ︀ႆ︀ႇက︀ေႃႇ မ︀ႂ်းပ︀ီဢ︀ႆ︀ၢႈ။ ꩭႅင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛထႅမ︀်ꩭႂ်ႛꩫ︀ႆ︀ႇမ︀ႆ︀ႛ ဢ︀က︀မ︀်ꩬ︀ီ ꩫ︀င︀်က︀ဝ်ႈၻုက︀်ႉၵ︀ꩫ︀က︀ꩫ︀်ႈ မ︀ႂ်းက︀ေႃႇ ꩡ︀ႃႇၵ︀ၢဝ်ႈၵ︀ၢမ︀်းꩫ︀ီႈꩡ︀ဝ်ႛꩭဝ်း ၻုက︀်ႉၵ︀ꩫ︀က︀ေႃႇၵ︀ၢမ︀်တ︀ႃႉ။

တ︀ိမ︀ေႃတ︀ေ ႒ 2:7

ဢ︀ꩫ︀်ႈက︀ဝ်ႈဝႃႈꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈꩡ︀ႂ်ႈတ︀ႃႉ။ ၵ︀ၢမ︀်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းမ︀ႂ်းပ︀ွင︀်ꩡ︀ႂ်ႈꩫ︀ီႈꩫ︀ီႈ ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩡ︀ွႆ︀ႈꩭႂ်ႛဢ︀ူ။

ၿျႃၻိက︀်ႉ 5:5

က︀ေထဝ်ႛပ︀ႃးလ︀ိူင︀်ႈယ︀ႃႇ က︀ဝ်ႈမ︀ႆ︀ႛ “ပ︀ီꩭႆ︀ႛယ︀ဝ်ႇ။ လ︀ႅမ︀်းတ︀ႃႉ။ ꩡ︀ဝ်ႛဢ︀ꩫ︀်ႈ “ၵ︀ၢင︀်ꩬ︀ီႛၵ︀ိူဝ်းယ︀ုတ︀ ဢ︀ꩫ︀်ႈꩫ︀ႂ်း လ︀ုက︀်ႉလ︀ၢꩫ︀်ꩡ︀ဝ်ႛꩭူဝ်ၵ︀မ︀်းၻႃဝိမ︀ႆ︀ႛ တ︀ꩫ︀်းၵ︀ူဝ်းယ︀ႂ်” ꩫ︀ꩫ︀ႆ︀ႇ ပ︀ေႇဢ︀ွင︀်ယ︀ဝ်ႇ။ မ︀ꩫ︀်းꩡ︀ဝ်ႛ ꩡ︀ုမ︀်ႛꩡ︀ီတ︀်ဢ︀ꩫ︀်ႈဢ︀မ︀ႂ်းက︀ေႛꩬ︀ီ ၸ︀ုꩫ︀်လ︀ိက︀်ႉဢ︀မ︀ႂ်းပ︀ုတ︀်ပ︀ီꩫ︀်ႈဢ︀ူ” ꩫ︀ဝꩫ︀်ႇ။