တ︀ိမ︀ေႃတ︀ေ ႒ 2:7 - Khamti Shan

⁷ ဢ︀ꩫ︀်ႈက︀ဝ်ႈဝႃႈꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈꩡ︀ႂ်ႈတ︀ႃႉ။ ၵ︀ၢမ︀်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းမ︀ႂ်းပ︀ွင︀်ꩡ︀ႂ်ႈꩫ︀ီႈꩫ︀ီႈ ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩡ︀ွႆ︀ႈꩭႂ်ႛဢ︀ူ။

တ︀ိမ︀ေႃတ︀ေ ႒ 2:7 Iomraidhean Croise

လ︀ုက︀ႃ 21:15

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈꩬ︀ူထုက︀်တ︀ၢꩫ︀်ႛꩫ︀ႆ︀ႇ ꩬ︀ူတ︀ွင︀်းထက︀်ꩰꩬ︀ီ ၵ︀ၢမ︀်းꩬ︀ူမ︀ႆ︀ႛ လ︀ꩫ︀်ꩬ︀ူꩬ︀ူꩫ︀ႆ︀ႇၵ︀ဝ် ꩭႂ်ႛပ︀ူဝ်းက︀ေႛမ︀ဝ်ပ︀ီꩫ︀်ႈ၊ တ︀ႃႛမ︀ဝ်ပ︀ီꩫ︀်ႈꩫ︀ႆ︀ႇ ꩬ︀ူမ︀ႆ︀ႛက︀ဝ်ႈ တ︀ၢင︀်းꩭူႇတ︀ွင︀်းတ︀ီꩭႂ်ႛꩫ︀မ︀်။

လ︀ုက︀ႃ 24:45

ယ︀ဝ်ႇက︀ီး ၵ︀ဝ်မ︀ႆ︀ႛ ꩭႂ်ႛပ︀ူဝ်းက︀ျမ︀်းလ︀ိက︀်ႉမ︀ႆ︀ႛ ပ︀ွင︀်ꩡ︀ႂ်ႈꩫ︀ႆ︀ႇ ꩡ︀ႂ်ႈၵ︀ဝ်မ︀ႆ︀ႛ ပ︀ုတ︀်ꩭႂ်ႛင︀ႆ︀းꩬ︀ီ

လ︀ုက︀ႃ 9:44

“ၵ︀ၢမ︀်းꩫ︀ႆ︀ႇမ︀ႆ︀ႛ မ︀တ︀်ႉဝႆ︀ႇꩫ︀ီႈꩫ︀ီႈ တ︀ႃႉ။ လ︀ုက︀်ႉက︀ူꩫ︀်းမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ၸ︀ုꩫ︀်ႇꩬ︀ႅတ︀်ႉꩡ︀ႃꩬ︀ီ ꩫ︀ႂ်းမ︀ိုဝ်းပ︀ိူꩫ︀်ႈမ︀ႆ︀ႛ တ︀ီဢ︀ၢပ︀်ႉယ︀ဝ်ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 14:26

ၵ︀ွꩫ︀်ၸ︀ြႃးပ︀ီꩫ︀်ꩡ︀ဝ်ႛ ꩡ︀ဝ်ႛၸ︀ူႛꩡ︀ွႆ︀ႈက︀ျွႃးမ︀ႃးꩬ︀ီꩬ︀ူမ︀ႆ︀ႛတ︀ီမ︀ႃးꩡ︀ွႆ︀ႈꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ၢင︀်ႈတ︀ီႈက︀ဝ်ႈꩬ︀ီ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀ီပ︀ွႆ︀ꩡ︀ႂ်ႇမ︀ႃးꩬ︀ီꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ၵ︀ၢမ︀်းဢ︀ꩫ︀်ႈက︀ဝ်ႈꩬ︀ူမ︀ႆ︀ႛ ဝႃႈမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႂ်ႛပ︀ူဝ်းမ︀တ︀်ႉꩫ︀ႆ︀ႇ တ︀ီၵ︀ႆ︀ႈပ︀ျႃးꩭႂ်ႛꩫ︀မ︀်။

ယ︀ေႃးꩭၢꩫ︀် 16:13

ꩫ︀ႆ︀ႇꩫ︀က︀ေႃႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၵ︀ႆ︀ႈလ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ိုဝ်ႈꩰꩫ︀ႆ︀ႇ တ︀ီက︀ျွႃးမ︀ႃးꩫ︀မ︀်။ မ︀ꩫ︀်းꩡ︀ဝ်ႛမ︀ႃးက︀ီး လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛတ︀င︀်းမ︀ိူင︀်း ꩬ︀ူမ︀ႆ︀ႛတ︀ီꩬ︀ွꩫ︀်ꩭႂ်ႛꩬ︀ိုဝ်ႈꩰꩫ︀မ︀်။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈꩫ︀င︀်မ︀ꩫ︀်းꩡ︀ဝ်ႛၵ︀ႂ်ႈဝႃႈꩫ︀ႆ︀ႇꩵ︀ႈဝႃႈ။ ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ၢႈꩫ︀မ︀်တ︀ီၵ︀ႆ︀ႈꩫ︀ႆ︀ႇ။ ဢ︀ꩫ︀်ႈက︀ꩫ︀်ႛꩫ︀ႃႛမ︀ႆ︀ႛတ︀ီပ︀ီꩫ︀်ႈမ︀ႃးꩫ︀ႆ︀ႇၵ︀ဝ်က︀ေႃႇ မ︀ꩫ︀်းꩡ︀ဝ်ႛတ︀ီၵ︀ႆ︀ႈꩫ︀မ︀်။

ထဝ်ꩡ︀တ︀်ႉၵ︀ဝ် 7:10

မ︀ꩫ︀်းမ︀ႆ︀ႛ လ︀ုက︀်ႉဢ︀ꩫ︀်ႈယ︀ပ︀်တ︀င︀်းမ︀ိူင︀်းမ︀ႆ︀ႛ ၵ︀ေꩬ︀ေꩭႂ်ႛမ︀ႃးဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ယ︀ေႃတ︀ၢတ︀်မ︀ႆ︀ႛ ပ︀ၢင︀်ႈꩫ︀ႃႛꩡ︀ဝ်ႛꩭူဝ်ၵ︀မ︀်းၸ︀ႃရ︀ေႃမ︀ိူင︀်းဢ︀ီက︀ျီပ︀်မ︀ႆ︀ႛ ဢ︀ဝ်ႈꩫ︀ႆ︀ႛꩫ︀ႃႛꩭႂ်ႛဢ︀ူ။ မ︀ꩫ︀်းမ︀ႆ︀ႛ ꩥ︀ၢꩫ︀်ပ︀ိင︀်ꩥ︀ႃက︀ေႃႇꩭႂ်ႛဢ︀ူ။ ꩡ︀ဝ်ႛꩭူဝ်ၵ︀မ︀်းၸ︀ႃရ︀ေႃယ︀ႃႇမ︀ꩫ︀်းမ︀ႆ︀ႛ ဢ︀ယ︀ႃၵ︀ုꩫ︀်ဢ︀ꩫ︀်ႈဢ︀ုပ︀်ႉမ︀ိူင︀်းတ︀မ︀ိူင︀်း၊ ဢ︀ယ︀ႃဢ︀ꩫ︀်ႈဢ︀ုပ︀်ႉꩫ︀ႂ်းꩭူဝ်ၵ︀မ︀်းတ︀မ︀ိူင︀်း ဢ︀ၢပ︀်ႉꩭႂ်ႛဢ︀ူ။

က︀ေႃရ︀ိꩫ︀်တ︀ု ႑ 12:8

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛပ︀ႃးလ︀ိဝ်ႈꩫ︀ႆ︀ၢႈꩫ︀မ︀် က︀ူဝ်ႇလ︀ိူင︀်ႈမ︀ႆ︀ႛယ︀ႃႇ ၵ︀ၢဝ်ႈၵ︀ၢမ︀်းပ︀ိင︀်ꩥ︀ႃꩫ︀မ︀်ꩰꩭႂ်ႛꩬ︀ီ တ︀ၢင︀်က︀ူဝ်ႇမ︀ႆ︀ႛယ︀ႃႇ ၵ︀ၢဝ်ႈၵ︀ၢမ︀်းတ︀ၢင︀်းꩭူႇꩭꩫ︀်ꩫ︀မ︀်ꩰ ꩭႂ်ႛဝႆ︀ႇꩫ︀ႆ︀ႇ။

ၸ︀ိလ︀ိပ︀်ပ︀ၢႆ︀ 4:8

ပ︀ီႈꩫ︀ွင︀်ႇၵ︀ဝ်ꩴ︀း ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ ၵ︀ႂ်ႈဝႃႈꩫ︀ႆ︀ႇယ︀ႃႇ ꩭူဝ်ꩡ︀ႂ်ႈꩬ︀ူမ︀ႆ︀ႛ ဢ︀ꩫ︀်ႈꩬ︀ိုဝ်ႈꩡ︀ႂ်ႈ၊ ဢ︀ꩫ︀်ႈꩫ︀ီႈမ︀ျတ︀်ႉ၊ ဢ︀ꩫ︀်ႈꩥ︀ႃးလ︀ွင︀်ႈ၊ ꩡ︀ႂ်ႈဢ︀ꩫ︀်ႈၵ︀ၢဝ်၊ တ︀ၢင︀်းက︀ႅင︀်းဢ︀ꩫ︀်ႈꩬ︀ႅꩫ︀်ႛ၊ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်ꩭုမ︀်ꩫ︀ႆ︀ႇၵ︀ဝ် ꩡ︀ႂ်ႈဢ︀ꩫ︀်ႈမ︀ျတ︀်ႉလ︀ူင︀်ꩬ︀ီ ၵ︀ိူင︀်ႈꩫ︀ီႈယ︀ူဝ်းယ︀ွင︀်ႛꩫ︀ႆ︀ႇၵ︀ဝ်ꩬ︀ိုင︀် ၵ︀ႂ်ႈꩡ︀ႂ်ႈဢ︀ူတ︀ႃႉ။

က︀ေႃလ︀ေႃတ︀ႄ 1:9

င︀ႆ︀းꩫ︀ႆ︀ႇꩬ︀ီ လ︀ုက︀်ႉက︀ႃႈလ︀ွင︀်ႈꩬ︀ူꩫ︀ႆ︀ႛꩥ︀ိꩫ︀်းꩫ︀ႆ︀ႇ တ︀ူႈꩡ︀ႃႇꩬ︀ူ ယ︀ွꩫ︀်းꩬ︀ူးဢ︀ူမ︀ဝ်ꩬ︀ဝ်းꩫ︀မ︀်။ ဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူ ဢ︀ဝ်ႈꩥ︀ႅꩫ︀်ꩫ︀ၵ︀ႃလ︀ွင︀်ႈꩭူႇတ︀ၢင︀်းꩭꩫ︀် ဢ︀ꩫ︀်ႈၵ︀ွꩫ︀်မ︀ꩫ︀်းꩡ︀ဝ်ႛပ︀ူင︀်ႈꩭႂ်ႛဢ︀မ︀ႂ်း ꩭႂ်ႛပ︀ူဝ်းဢ︀ေႈၵ︀ႅꩫ︀်းတ︀ွင︀်းမ︀ႃးꩫ︀ႆ︀ႇ တ︀ူႈယ︀ွꩫ︀်းꩬ︀ူးꩭႂ်ႛဢ︀ူꩫ︀မ︀်။

တ︀ိမ︀ေႃတ︀ေ ႑ 4:15

ဢ︀ꩫ︀်ႈင︀ႆ︀ႚက︀ဝ်ႈဝႃႈမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀င︀်းꩡ︀ႂ်ႈတ︀င︀်းၵ︀ူဝ်းꩭီတ︀်တ︀ႃႉ။ င︀ႆ︀းက︀ီး ဢ︀ꩫ︀်ႈမ︀ႂ်းၵ︀ိုꩫ︀်ႛၵ︀ၢင︀်ယ︀ႂ်က︀ေမ︀ႃးꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ꩭꩫ︀်မ︀ႃးဢ︀ူ။

တ︀ိမ︀ေႃတ︀ေ ႒ 2:6

ၸ︀ူႛဢ︀ꩫ︀်ႈꩭီတ︀်ꩫ︀ႃးꩬ︀ေႈꩡ︀ႃႉꩫ︀ႆ︀ႇယ︀ႃႇ မ︀ိူဝ်ႈၵ︀ဝ်ႛဢ︀ွက︀်ꩫ︀ႆ︀ႇ ၵ︀ဝ်ႛꩡ︀ႃႇမ︀ꩫ︀်း ဝႃႈꩫ︀ႆ︀ႛဢ︀ွꩫ︀်ႈတ︀ၢင︀်းꩫ︀မ︀်။

တ︀ိမ︀ေႃတ︀ေ ႒ 2:8

ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ီꩫ︀်ႈၸ︀ႂ်ꩫ︀ꩫ︀ႆ︀ႇမ︀ိူဝ်ႈလ︀ႂ်ႈက︀ေႃႇပ︀ီလ︀ုမ︀်း။ မ︀ꩫ︀်းꩡ︀ဝ်ႛယ︀ႃႇ ꩡ︀ဝ်ႛဢ︀ꩫ︀်ႈလ︀ုက︀်ႉꩡ︀ိူဝ်ႇၵ︀ိူဝ်းꩡ︀ဝ်ႛꩭူဝ်ၵ︀မ︀်းၻႃဝိမ︀ႆ︀ႛမ︀ႃး၊ ဢ︀ꩫ︀်ႈလ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀မ︀်။ ၵ︀ၢဝ်ႈၵ︀ၢမ︀်းꩫ︀ီႈဢ︀ꩫ︀်ႈက︀ဝ်ႈꩭူဝ်းꩫ︀ႆ︀ႇ ဢ︀ꩫ︀်ႈꩫ︀ႆ︀ႇꩫ︀မ︀်။

ꩭေပ︀ရ︀ူး 12:3

မ︀ꩫ︀်းꩡ︀ဝ်ႛမ︀ႆ︀ႛ က︀ူꩫ︀်းဢ︀ꩫ︀်ႈဢ︀ပ︀ႅတ︀်ႉယ︀င︀်းꩫ︀ႆ︀ႇၵ︀ဝ် ꩬ︀ၢꩫ︀်တ︀ၢꩫ︀်းမ︀ႃးꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛၵ︀ႂ်ႈလ︀ႂ်ႈၵ︀ၢမ︀်မ︀ႃးꩫ︀ꩫ︀ႆ︀ႇမ︀ႆ︀ႛ ၵ︀ႂ်ႈꩡ︀ႂ်ႈက︀ꩫ︀်ႈတ︀ႃႉ။ င︀ႆ︀းက︀ီး ꩬ︀ူꩡ︀ႂ်ႈꩵ︀ႈၸ︀ေႛ၊ ꩵ︀ႈꩫ︀ုꩫ︀်း။

ꩭေပ︀ရ︀ူး 13:7

ꩭူဝ်က︀ေ ဢ︀ꩫ︀်ႈꩬ︀ူမ︀ႆ︀ႛ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩭူဝ်းမ︀ႃးꩫ︀ႆ︀ႇၵ︀ဝ်မ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။ ဢ︀ꩫ︀်ႈၵ︀ဝ်ဢ︀ူ ဢ︀ꩫ︀်ႈၵ︀ဝ်ꩬ︀ိုင︀်ႛꩬ︀ုတ︀်က︀ႃꩫ︀ႆ︀ႇၵ︀ဝ်မ︀ႆ︀ႛ လ︀ႅမ︀်းꩬ︀ီ လ︀ုက︀်ႉၵ︀ဝ်မ︀ႆ︀ႛ ꩬ︀ွꩫ︀်ဢ︀ဝ်ႈက︀ꩫ︀်ႈတ︀ႃႉ။ တ︀ၢင︀်းယ︀ုမ︀်ယ︀မ︀်ႈၵ︀ဝ်မ︀ႆ︀ႛ ꩡ︀ွမ︀်းဢ︀ဝ်ႈၵ︀ိုတ︀်က︀ꩫ︀်ႈတ︀ႃႉ။

ꩭေပ︀ရ︀ူး 3:1

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၸ︀ူႛမ︀ူတ︀်ꩡ︀ၢင︀် ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ꩭွင︀်ႇဢ︀ဝ်ႈပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛဝႆ︀ႇꩫ︀ႆ︀ႇၵ︀ဝ်ꩴ︀း ꩡ︀ဝ်ႛယ︀ေꩬ︀ု ဢ︀ꩫ︀်ႈꩭဝ်းꩭွင︀်ႇ တ︀မ︀ၢꩫ︀်ꩡ︀ဝ်ႛꩫ︀ၵ︀ႃ ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉမ︀ႆ︀ႛ ၵ︀ႂ်ႈꩡ︀ႂ်ႈꩫ︀ီႈꩫ︀ီႈ က︀ꩫ︀်ႈတ︀ႃႉ။

ꩭေပ︀ရ︀ူး 7:4

ꩡ︀ိူမ︀်ႈက︀ႃႈပ︀ူဝ်ၸ︀ꩫ︀်းꩭဝ်း ဢ︀ႃပ︀ြႃꩭၢမ︀်တ︀မ︀ိူင︀်းက︀ေႃႇ မ︀ꩫ︀်းမ︀ႆ︀ႛ ၵ︀ိူင︀်ႈပ︀ေႇꩬ︀ိူက︀်မ︀ꩫ︀်း ꩬ︀ိပ︀်ꩡ︀ႃႇꩡ︀ႃႇလ︀ိူင︀်ႈ လ︀ူမ︀ႃးꩫ︀မ︀်ꩫ︀က︀ီး မ︀ꩫ︀်းၵ︀ႂ်ႈလ︀ႂ်ႈယ︀ႂ်မ︀ႅတ︀်ႉꩫ︀ꩫ︀ႆ︀ႇ ၵ︀ႂ်ႈꩡ︀ႂ်ႈလ︀ႅမ︀်းက︀ꩫ︀်ႈတ︀ႃႉ။

ယ︀ႃက︀ု 1:5

မ︀ိူဝ်ႈꩬ︀ူယ︀ပ︀်ယ︀ၢက︀်ႉꩬ︀ီ ꩬ︀ၢင︀်မ︀ဝ်ꩡ︀ၢင︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ွꩫ︀်းꩬ︀ူးတ︀ႃႉ။ ယ︀ွꩫ︀်းက︀ီး မ︀ꩫ︀်းꩡ︀ဝ်ႛ ၸ︀ႂ်မ︀ႆ︀ႛမ︀ဝ်ဝႃႈ ၵ︀ွင︀်းꩰလ︀ွင︀်းꩰꩫ︀ေꩭႂ်ႛဢ︀ူ။

ယ︀ႃက︀ု 3:15

တ︀ၢင︀်းꩡ︀ၢင︀်ႈၸ︀ꩫ︀်းဢ︀မ︀ႂ်းယ︀ႃႇ ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ႃးꩵ︀ႈꩡ︀ႂ်ႈ။ တ︀ၢင︀်းꩡ︀ၢင︀်ႈမ︀ိူင︀်းက︀ၢင︀်ႈ၊ တ︀ၢင︀်းꩡ︀ၢင︀်ႈလ︀ေႃးက︀ီ၊ တ︀ၢင︀်းꩡ︀ၢင︀်ႈဢ︀ꩫ︀်ႈလ︀ုက︀်ႉၸ︀ီꩭၢႆ︀ႇမ︀ႆ︀ႛမ︀ႃးꩫ︀မ︀်။

ယ︀ႃက︀ု 3:17

ꩫ︀ႆ︀ႇꩫ︀က︀ေႃႇ တ︀ၢင︀်းꩡ︀ၢင︀်ႈဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ႃးꩫ︀ႆ︀ႇယ︀ႃႇ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်ꩵ︀ႈလ︀ွေႛ။ က︀တ︀်ယ︀ီꩫ︀်ႈꩬ︀ီ ꩡ︀ႂ်ႈက︀ၢင︀်ႛꩡ︀ႂ်ႈꩫ︀ႃဢ︀ူ။ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ထုက︀်က︀ꩫ︀်ႈꩭၢက︀်ႉက︀ꩫ︀်ႈ၊ ဢ︀ီꩫ︀ူႈက︀ꩫ︀်ႈꩬ︀ီ တ︀ၢင︀်းက︀ႅင︀်းဢ︀ꩫ︀်ႈꩫ︀ီႈꩫ︀ႆ︀ႇၵ︀ဝ် က︀ူႈၸ︀ꩫ︀်းဢ︀ဝ်ႈပ︀ီꩫ︀်ႈမ︀ႃးဢ︀ူ။ ဢ︀ꩫ︀်ႈꩫ︀ူႈꩫ︀ႃႛလ︀ီက︀်ႉꩫ︀ႃႛယ︀ႂ်၊ ဢ︀ꩫ︀်ႈက︀ႅမ︀်ႛꩫ︀ႃႛꩫ︀ꩫ︀ႆ︀ႇၵ︀ဝ်က︀ေႃႇꩵ︀ႈယ︀င︀်း။

ယ︀ေႃးꩭၢꩫ︀် ႑ 5:20

ꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩬ︀ီ ꩭဝ်းမ︀ႆ︀ႛ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀ꩫ︀်ႈမ︀ၢꩫ︀် ပ︀ျႃးꩭႂ်ႛမ︀ႃးယ︀ဝ်ႇꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ ꩭဝ်းဢ︀ူꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ င︀ႆ︀ႚ ပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩡ︀ႅတ︀်ႉယ︀ဝ်ႇ။ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀မ︀ႂ်းယ︀ႃႇ ဢ︀ꩬ︀ၢက︀်ႉထႃဝရ︀ꩫ︀မ︀်။