တ︀ိမ︀ေႃတ︀ေ ႒ 2:21 - Khamti Shan

²¹ ꩭဝ်းၵ︀ရ︀ီတ︀်ယ︀ၢꩫ︀်ꩫ︀ႆ︀ႇၵ︀ဝ်က︀ေႃႇ ꩫ︀င︀်ꩫ︀ႆ︀ႇꩫ︀က︀ꩫ︀်ႈꩫ︀မ︀်။ လ︀ုက︀်ႉဢ︀ꩫ︀်ႈမ︀ဝ်ꩫ︀ီႈတ︀င︀်းလ︀ုင︀်မ︀ႆ︀ႛၸ︀ႃႛက︀ီး ꩡ︀ဝ်ႛယ︀ေꩬ︀ု တ︀ီႈဢ︀ꩫ︀်ႈလ︀ႅင︀်ႇမ︀ႆ︀ႛတ︀ိုဝ်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူဝ်ႇဢ︀မ︀ႂ်းၵ︀ဝ်ယ︀ႃႇ မ︀ူတ︀်ꩡ︀ၢင︀်ꩫ︀ႆ︀ႇꩬ︀ီ ဢ︀ꩬ︀ုင︀်းယ︀င︀်းလ︀ူင︀်ꩬ︀ီ ꩡ︀ႃႇꩡ︀ဝ်ႛၸ︀ူႛꩡ︀ဝ်ႛ လ︀ွင︀်ႈꩫ︀ီႈက︀ꩬ︀င︀်ꩫ︀က︀ေႃႇ က︀ꩡ︀ူးꩭီတ︀်ပ︀ီꩫ︀်ႈဢ︀ူ။

တ︀ိမ︀ေႃတ︀ေ ႒ 2:21 Iomraidhean Croise

ထဝ်ꩡ︀တ︀်ႉၵ︀ဝ် 9:15

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ “က︀ႃတ︀ႃႉ။ မ︀ꩫ︀်းယ︀ႃႇ က︀ူဝ်ႇဢ︀ꩫ︀်ႈက︀ဝ်ႈꩡ︀ဝ်ႛလ︀ိူက︀်ႉဝႆ︀ႇ ꩭၢင︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်၊ ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ်င︀ႆ︀း ဢ︀ီတ︀်ꩬ︀ြေးꩫ︀ႆ︀ႇၵ︀ဝ်မ︀ႆ︀ႛ ꩭူဝ်းလ︀ွင︀်ႈက︀ဝ်ႈꩫ︀မ︀်။

က︀ေႃရ︀ိꩫ︀်တ︀ု ႑ 5:7

ꩭႂ်ႛပ︀ူဝ်းꩬ︀ူမ︀ူတ︀်ꩡ︀ၢင︀်မ︀ႃးꩫ︀ီႈꩫ︀ီႈꩫ︀ႆ︀ႇ ဢ︀ပ︀ႅတ︀်ႉꩬ︀ူဢ︀ꩫ︀်ႈမ︀ိူꩫ︀်ꩫ︀င︀်ယ︀ႃႛꩫ︀ၢင︀်းၵ︀ၢဝ်က︀ဝ်ꩫ︀က︀ꩫ︀်ႈဢ︀မ︀ႂ်း ၵ︀ွတ︀်တ︀ႃႉ။ င︀ႆ︀းက︀ီးꩬ︀ူ ꩫ︀င︀်ၵ︀ဝ်ႛမ︀ိူဝ်ႈလ︀ွတ︀်ႉꩰဢ︀ꩫ︀်ႈယ︀ႃႛꩫ︀ၢင︀်းၵ︀ၢဝ်မ︀ဝ်လ︀ွေႛꩫ︀က︀ꩫ︀်ႈ ပ︀ီꩫ︀်ႈမ︀ႃးဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛၵ︀ရ︀ီတ︀်ꩭဝ်းယ︀ႃႇ ꩭီတ︀်ပ︀ူႇ ꩡ︀ႃႇပ︀ွႆ︀းပ︀ူꩫ︀်ႇလ︀ွတ︀်ႉꩭဝ်းꩬ︀ီ ၵ︀ၢမ︀်တ︀ႆ︀ၢႈꩭႂ်ႛယ︀ဝ်ႇꩰ။

က︀ေႃရ︀ိꩫ︀်တ︀ု ႒ 7:1

ပ︀ီႈꩫ︀ွင︀်ႇꩭၢက︀်ႉၵ︀ဝ်ꩴ︀း က︀တ︀ိၸ︀ြႃးပ︀ီꩫ︀်ႈꩡ︀ဝ်ႛ ဢ︀မ︀ႂ်းၵ︀ဝ်ယ︀ႃႇ ꩡ︀ႃႇꩭၢင︀်းꩭဝ်းꩫ︀မ︀်။ င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈတ︀ူဝ်ႈꩭဝ်း၊ ၵ︀ွꩫ︀်ꩭဝ်းမ︀ႆ︀ႛ ဢ︀ဝ်ႈꩭင︀်ႛꩫ︀ႆ︀ႇၵ︀ဝ်က︀ူႈဢ︀ꩫ︀်ႈမ︀ႆ︀ႛင︀ိူင︀်ႇင︀ႆ︀း လ︀ၢႆ︀းပ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭဝ်းက︀ူဝ်ႈယ︀မ︀်ႈꩫ︀ႆ︀ႇꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ဢ︀ဝ်ႈမ︀ူတ︀်ꩡ︀ၢင︀်လ︀ေႚလ︀ေႚက︀ꩫ︀်ႈꩫ︀မ︀်။

က︀ေႃရ︀ိꩫ︀်တ︀ု ႒ 9:8

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းꩬ︀ူမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ꩫ︀်ႈက︀ႃႈꩫ︀င︀်ꩭၢင︀်ႇꩫ︀ႆ︀ႇယ︀င︀်းꩬ︀ီ ပ︀ိူꩫ︀်ႈမ︀ႆ︀ႛလ︀ွင︀်ႈꩫ︀ီႈက︀ူႈၸ︀ꩫ︀်းꩡ︀ွႆ︀ႈꩭႂ်ႛꩫ︀ႆ︀ႛꩫ︀ႆ︀ႇ ဢ︀ꩫ︀်ႈက︀ႃႈꩫ︀င︀်ꩬ︀ူꩭၢင︀်ႇမ︀ႆ︀ႛ ပ︀ူꩫ︀်ႇလ︀ိူဝ်ꩬ︀ီတ︀မ︀ိူင︀်းꩭႂ်ႛပ︀ီꩫ︀်ႈဢ︀ူ။

ဢ︀ေၸ︀ႅတ︀် 2:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛဢ︀ဝ်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်င︀ႆ︀းꩬ︀ီ လ︀ွင︀်ႈꩫ︀ီႈဢ︀ꩫ︀်ႈမ︀ꩫ︀်းꩡ︀ဝ်ႛထုက︀်ꩡ︀ႂ်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းꩭီတ︀်မ︀ႃးꩫ︀ႆ︀ႇ ꩭဝ်းမ︀ႆ︀ႛၸ︀ၢꩫ︀်ꩬ︀ၢင︀်းမ︀ႂ်ꩰမ︀ႃးယ︀ဝ်ႇ။ လ︀ွင︀်ႈꩫ︀ီႈꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ꩡ︀ႃႇꩭဝ်းꩭၢင︀်ႛꩭႅမ︀်းထုက︀်ꩰမ︀ႃးꩫ︀မ︀်။

တ︀ိမ︀ေႃတ︀ေ ႑ 6:11

ၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛ တ︀ိမ︀ေႃတ︀ေꩴ︀း မ︀ႂ်းယ︀ႃႇ ဢ︀ꩫ︀်ႈမ︀ဝ်ꩫ︀ီႈဢ︀ꩫ︀်ႈင︀ႆ︀ႚဝႃႈꩫ︀ႆ︀ႇၵ︀ဝ်မ︀ႆ︀ႛ င︀ိူင︀်ႇတ︀ႃႉ။ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ မ︀ႂ်းမ︀ႆ︀ႛၵ︀ႂ်ႈꩭႂ်ႛပ︀ီꩫ︀်ႈꩫ︀က︀ꩫ︀်ႈ ꩡ︀ႂ်ႈဢ︀ꩫ︀်ႈꩬ︀ိုဝ်ႈꩫ︀ꩫ︀်ႈ၊ ဢ︀ꩫ︀်ႈလ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭွင︀်၊ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈ၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛꩭၢက︀်ႉꩭွမ︀်၊ ဢ︀ꩫ︀်ႈꩬ︀ေးၵ︀ၢမ︀်၊ ဢ︀ꩫ︀်ႈဢ︀ူꩫ︀်ႛꩥ︀ေႈꩫ︀ႆ︀ႇၵ︀ဝ်မ︀ႆ︀ႛ က︀ွတ︀်က︀ိုမ︀်းꩰꩬ︀ီဢ︀ူတ︀ႃႉ။

တ︀ိမ︀ေႃတ︀ေ ႒ 2:16

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ၵ︀ၢမ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ထုက︀်ꩡ︀ႂ်ႈ၊ ၵ︀ၢမ︀်းဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ်မ︀ႆ︀ႛ ပ︀ီထွမ︀်။ ၵ︀ၢမ︀်းဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈက︀ႆ︀ႈက︀ႃꩫ︀မ︀်။

တ︀ိမ︀ေႃတ︀ေ ႒ 2:20

ꩭိူꩫ︀်းလ︀ူင︀်ဢ︀ꩫ︀်ႈလ︀ိူင︀်ႈမ︀ႆ︀ႛ က︀ွင︀်ၵ︀ဝ်ႛဝၢꩫ︀်ၸ︀က︀် ဢ︀ꩫ︀်ႈဢ︀ဝ်ႈင︀ိူꩫ︀်း၊ ဢ︀ဝ်ႈၵ︀မ︀်း၊ ဢ︀ဝ်ႈမ︀ႆ︀ႇ၊ ဢ︀ဝ်ႈꩫ︀ိꩫ︀်ႈꩭီတ︀်ꩫ︀ႆ︀ႇၵ︀ဝ် က︀ူႈၸ︀ꩫ︀်းယ︀င︀်းဢ︀ူ။ ၵ︀ိူင︀်ႈဢ︀မ︀ႂ်းၵ︀ဝ် က︀မ︀်ႈၸ︀ွင︀်းမ︀ႆ︀ႛယ︀ႃႇ မ︀ိူဝ်ႈဢ︀ၵ︀ႅက︀်ႉꩬ︀ိုင︀်တ︀ိုဝ်းꩬ︀ီ က︀မ︀်ႈၸ︀ွင︀်းမ︀ႆ︀ႛယ︀ႃႇ က︀ူႈမ︀ိုဝ်ႇတ︀ိုဝ်းဢ︀ူ။

တ︀ိမ︀ေႃတ︀ေ ႒ 3:17

င︀ႆ︀းꩫ︀ႆ︀ႇꩬ︀ီ က︀ျမ︀်းလ︀ိက︀်ႉယ︀ႃႇ ꩭႂ်ႛပ︀ူဝ်းꩭဝ်း လ︀ွင︀်ႈꩫ︀ီႈဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈꩫ︀ႆ︀ႇၵ︀ဝ်တ︀င︀်းမ︀ိူင︀်းꩭီတ︀်ပ︀ီꩫ︀်ႈꩫ︀ႆ︀ႇ ထိꩫ︀်ꩭႂ်ႛမ︀ေးꩭႅမ︀်းꩭႂ်ႛဢ︀ူ။

တ︀ိမ︀ေႃတ︀ေ ႒ 4:11

လ︀ုက︀ႃက︀ူဝ်ႇလ︀ိူင︀်ႈꩫ︀ႆ︀ၢႈꩫ︀မ︀် တ︀င︀်းက︀ဝ်ႈက︀ိူတ︀်ꩫ︀ႆ︀ႇ။ င︀ႆ︀းꩫ︀ႆ︀ႇꩬ︀ီ မ︀ႃက︀ုမ︀ႆ︀ႛက︀ေႃႇ ꩭွင︀်ႇမ︀ႃးတ︀ႃႉ။ မ︀ꩫ︀်းယ︀ႃႇ ဢ︀မ︀ူးက︀ဝ်ႈမ︀ႆ︀ႛꩡ︀ွႆ︀ႈပ︀ီꩫ︀်ႈဢ︀ူ။

တ︀ိတ︀ု 3:1

က︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းꩡ︀ဝ်ႛဝွင︀်ႇင︀ႆ︀းꩭူဝ်က︀ေꩫ︀ႆ︀ႇၵ︀ဝ်မ︀ႆ︀ႛက︀ွမ︀်းꩬ︀ီ ၵ︀ၢမ︀်းၵ︀ဝ်ထွမ︀်င︀ႆ︀း ဢ︀ꩫ︀်ႈꩭီတ︀်လ︀ွင︀်ႈꩫ︀ီႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းမ︀ွꩫ︀်ႛꩫ︀ႆ︀ႇ ပ︀ꩫ︀်ႈꩬ︀တ︀ိတ︀ႃႉ။

တ︀ိတ︀ု 3:14

က︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ် ဢ︀မ︀ူးဢ︀ꩫ︀်ႈꩫ︀ီႈꩭီတ︀်ꩬ︀ီ ပ︀ိူꩫ︀်ႈမ︀ႆ︀ႛဢ︀ꩫ︀်ႈက︀ိꩫ︀်ႈဢ︀ꩫ︀်ႈꩫ︀ုင︀်ႈ ꩡ︀ွႆ︀ႈꩭႂ်ႛꩡ︀ၢင︀်ႈက︀ꩫ︀်ႈတ︀ႃႉ။ ဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ် ပ︀ီꩭႂ်ႛꩭီတ︀်။

တ︀ိတ︀ု 3:8

ၵ︀ၢမ︀်းꩫ︀ႆ︀ႇယ︀ႃႇ ဢ︀ꩫ︀်ႈꩬ︀ိုဝ်ႈဢ︀ꩫ︀်ႈꩡ︀ႂ်ႈ၊ လ︀ွင︀်ႈဢ︀ꩫ︀်ႈꩫ︀ီႈ ဢ︀ꩫ︀်ႈပ︀ိူꩫ︀်ႈတ︀င︀်းမ︀ိူင︀်းမ︀ႆ︀ႛ ꩭႂ်ႛဢ︀က︀ိဝ်းꩫ︀မ︀်။ င︀ႆ︀းꩫ︀ႆ︀ႇꩬ︀ီ လ︀ွင︀်ႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ꩡ︀ွမ︀်းꩭီတ︀်က︀ꩫ︀်ႈꩫ︀ႆ︀ႇ ꩭီတ︀်ဢ︀ၵ︀ႅက︀်ႉꩬ︀ီꩬ︀ွꩫ︀်ꩭႂ်ႛတ︀ႃႉ။

ပ︀ေတ︀ရ︀ု ႑ 1:22

ꩬ︀ူ ꩬ︀မ︀်မ︀ႃတ︀ြႃးမ︀ႆ︀ႛ ထွမ︀်းꩡ︀ွမ︀်းꩫ︀ႆ︀ႇꩬ︀ီ ꩬ︀ူ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ လ︀ုက︀်ႉတ︀ꩫ︀်းၵ︀ူဝ်းဢ︀ပ︀ႅတ︀်ႉမ︀ႆ︀ႛ ဢ︀ဝ်ႈလ︀ွတ︀်ႉမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉက︀ꩫ︀်ႈတ︀ေႇတ︀ေႇမ︀ႃးယ︀ဝ်ႇ။ က︀ၢပ︀်ꩬ︀ီတ︀င︀်းꩡ︀ႂ်ႈတ︀င︀်းၵ︀ူဝ်း ꩭၢက︀်ႉက︀ꩫ︀်ႈက︀ႃတ︀ႃႉ။

ပ︀ေတ︀ရ︀ု ႑ 1:7

ဢ︀ꩫ︀်ႈယ︀ပ︀်ယ︀ၢက︀်ႉက︀ူႈၸ︀ꩫ︀်း ဢ︀ꩫ︀်ႈꩬ︀ူꩭူပ︀်ႉꩭꩫ︀်ဢ︀ꩫ︀်ႈꩬ︀ူမ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀ႆ︀ႇၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူတ︀ေႇတ︀ေႇယ︀ုမ︀်ယ︀မ︀်ႈ၊ မ︀ဝ်ယ︀ုမ︀်ယ︀မ︀်ႈꩫ︀ꩫ︀ႆ︀ႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩡ︀ၢမ︀်းꩫ︀မ︀်။ ၵ︀မ︀်းဢ︀ꩫ︀်ႈလ︀ူႇꩡ︀ၢင︀်ႈမ︀ႆ︀ႛꩫ︀ႆ︀ၢႈက︀ေႃႇ က︀ူꩫ︀်းꩫ︀ႆ︀ႇၵ︀ဝ် ꩡ︀ီၸ︀ႆ︀းꩬ︀ီဢ︀ဝ်ႈတ︀ွင︀်ဢ︀ူ။ ꩡ︀ႂ်ႈဢ︀ꩫ︀်ႈꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇယ︀ႃႇ က︀ႃႈၵ︀မ︀်းမ︀ဝ်က︀ႃးၵ︀ꩫ︀်ယ︀ႂ်ꩫ︀ႆ︀ႇꩬ︀ီ ꩭႂ်ႛပ︀ူဝ်းၵ︀ိူင︀်ꩫ︀ႆ︀ႇ ဝႃႈꩡ︀ၢမ︀်းꩫ︀မ︀်။ င︀ႆ︀းꩬ︀ီ ꩬ︀ူမ︀ႆ︀ႛၵ︀ႂ်ႈလ︀ႂ်ႈꩡ︀ၢမ︀်းꩫ︀က︀ေႃႇ ꩬ︀ူၵ︀ိူင︀်ꩰက︀ိုမ︀်းꩰယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီဢ︀ူက︀ီး မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ျွႃးမ︀ႃးꩫ︀ႆ︀ႇ ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ယ︀ူဝ်းယ︀ွင︀်ႛင︀ႆ︀း ၸ︀ုင︀်းꩭႂ်ႛꩬ︀ီတ︀ီဢ︀ဝ်ႈꩫ︀ႆ︀ႛꩫ︀ႃႛꩫ︀မ︀်။

ယ︀ေႃးꩭၢꩫ︀် ႑ 3:3

က︀ူဝ်ႇဢ︀ꩫ︀်ႈꩫ︀င︀်ꩫ︀ႆ︀ႇꩫ︀က︀ꩫ︀်ႈ တ︀ႂ်းထႃႛꩫ︀ႆ︀ႇယ︀ႃႇ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ပ︀ႅတ︀်ႉမ︀ဝ်ယ︀င︀်းꩫ︀က︀ꩫ︀်ႈ ꩭႂ်ႛပ︀ူဝ်းၸ︀ူႛꩡ︀ဝ်ႛမ︀ႆ︀ႛဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇဢ︀ူဢ︀ူ။