တ︀ိမ︀ေႃတ︀ေ ႒ 2:2 - Khamti Shan

² တ︀ြႃးဢ︀ꩫ︀်ႈက︀ဝ်ႈ မ︀ႂ်းမ︀ႆ︀ႛ ပ︀ၢင︀်ႈꩫ︀ႃႛက︀ူꩫ︀်းꩬ︀ၢက︀်ႉꩬ︀ေဢ︀ၢꩫ︀်တ︀ၢꩫ︀်မ︀ႆ︀ႛ ꩬ︀ွꩫ︀်ꩭႂ်ႛမ︀ႃးꩫ︀ႆ︀ႇ က︀ူꩫ︀်းဢ︀ꩫ︀်ႈဢ︀က︀မ︀်ꩫ︀ႆ︀ႛ၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛ ꩬ︀ွꩫ︀်ꩭႂ်ႛပ︀ွက︀်ႉပ︀ီꩫ︀်ႈꩫ︀ႆ︀ႇၵ︀ဝ်မ︀ႆ︀ႛ က︀ၢပ︀်ꩬ︀ီꩬ︀ွꩫ︀်ꩭႂ်ႛတ︀ႃႉ။

တ︀ိမ︀ေႃတ︀ေ ႒ 2:2 Iomraidhean Croise

မ︀တ︀်တ︀ႄး 13:52

ꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛယ︀ႃႇ “က︀ူဝ်ႇဢ︀ꩫ︀်ႈပ︀ိူꩫ︀်ႈမ︀ႆ︀ႛ က︀ျမ︀်းꩬ︀ိꩫ︀်မ︀ေႃꩬ︀ေꩬ︀ွꩫ︀်ꩭႂ်ႛꩫ︀ႆ︀ႛꩬ︀ီ လ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛပ︀ွင︀်ꩡ︀ႂ်ႈꩫ︀ႆ︀ႇယ︀ႃႇ က︀ူဝ်ႇဢ︀ꩫ︀်ႈလ︀ုက︀်ႉတ︀ႅက︀်ႉၸ︀ူႛꩡ︀ဝ်ႛမ︀ႆ︀ႛ ရ︀တ︀ꩫ︀ႃဢ︀ꩫ︀်ႈက︀ဝ်တ︀မ︀ိူင︀်း ဢ︀ꩫ︀်ႈမ︀ႂ်တ︀မ︀ိူင︀်း ဢ︀ဝ်ႈဢ︀ွက︀်ꩫ︀ႆ︀ႛꩫ︀ႆ︀ႇꩫ︀က︀ꩫ︀်ႈꩫ︀မ︀်” ꩫ︀ဝꩫ︀်ႇ။

မ︀တ︀်တ︀ႄး 24:25

ထွမ︀်က︀ꩫ︀်ႈတ︀ႃႉ။ မ︀ိူဝ်ႈလ︀ွင︀်ႈꩫ︀ႆ︀ႇၵ︀ဝ်ꩵ︀ႈပ︀ႆ︀ပ︀ီꩫ︀်ႈꩫ︀ႆ︀ႇ က︀ဝ်ႈၵ︀ႆ︀ႈမ︀ႃးယ︀ဝ်ႇ။

လ︀ုက︀ႃ 12:42

ꩡ︀ဝ်ႛယ︀ေꩬ︀ုယ︀ႃႇ “ၸ︀ူႛꩡ︀ႂ်ႇ ဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းꩬ︀ီ ပ︀ိင︀်ꩥ︀ႃယ︀င︀်း ꩫ︀ꩫ︀ႆ︀ႇယ︀ႃႇ င︀ႆ︀းꩫ︀မ︀်။ က︀ူꩫ︀်းက︀ူဝ်ႇလ︀ိူင︀်ႈ ၸ︀ူႛꩫ︀မ︀်းꩫ︀ႂ်းမ︀ꩫ︀်းက︀ူဝ်ႇလ︀ိူင︀်ႈမ︀ႆ︀ႛ ၵ︀ူဝ်းလ︀ိင︀်းꩫ︀ႆ︀ႇၵ︀ဝ်ဢ︀ၢပ︀်ႉဝႆ︀ႇꩬ︀ီ ၸ︀ူႛꩡ︀ႂ်ႇဢ︀မ︀ႂ်း မ︀ိူဝ်ႈယ︀ၢမ︀်းထိုင︀်ꩫ︀ႆ︀ႇ ၸ︀ူႛꩡ︀ႂ်ႇတ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛ ဢ︀ꩫ︀်ႈက︀ိꩫ︀်ႈꩭႂ်ႛꩬ︀ီ မ︀ိုင︀်ႇပ︀ွင︀်ႈလ︀ီင︀်ႇဢ︀ွႆ︀ဢ︀ူꩫ︀က︀တ︀ႃႉ။

က︀ေႃရ︀ိꩫ︀်တ︀ု ႑ 4:2

ၸ︀ူႛမ︀ိုင︀်ႇၵ︀ူဝ်းလ︀ိင︀်းꩫ︀ꩫ︀ႆ︀ႇယ︀ႃႇ ဢ︀မ︀ူးဢ︀ꩫ︀်ႈꩡ︀ဝ်ႛမ︀ꩫ︀်းဢ︀ၢပ︀်ႉꩭႂ်ႛမ︀ႆ︀ႛ ဝႃႈꩬ︀ႅတ︀်ႉꩡ︀ႃယ︀င︀်းꩫ︀မ︀်။

က︀ေႃရ︀ိꩫ︀်တ︀ု ႒ 2:14

ꩫ︀ႆ︀ႇꩫ︀က︀ေႃႇ တ︀ူႈယ︀ႃႇ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ တ︀ူႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ဝ်ႈပ︀ီꩫ︀်ႈလ︀ႆ︀ၢးမ︀ꩫ︀်းꩡ︀ဝ်ႛꩭႂ်ႛꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ တ︀ူႈက︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ လ︀ႆ︀ၢးဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ပ︀ီꩫ︀်ႈꩡ︀ဝ်ႛပ︀ေႇဢ︀ွင︀်င︀ႆ︀းꩬ︀ီ တ︀ူႈယ︀ႃႇ ပ︀ီꩫ︀်ႈၸ︀ူႛꩬ︀ုမ︀်းꩬ︀ိူက︀်င︀ႆ︀းꩫ︀က︀ꩫ︀်ႈꩫ︀မ︀်။ ꩫ︀ႆ︀ႇꩬ︀ေႇမ︀ဝ်က︀ႃး ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛတ︀ွင︀်းမ︀ႃးꩫ︀ႆ︀ႇက︀ေႃႇ ꩫ︀င︀်ပ︀ွႆ︀ဢ︀ႆ︀ၢႈꩫ︀မ︀်ႇꩭွမ︀်ꩫ︀က︀ꩫ︀်ႈ ꩭႂ်ႛပ︀ူဝ်းက︀ူႈတ︀ီႈမ︀ႆ︀ႛ တ︀ူႈက︀ႃယ︀ႃးꩫ︀ႆ︀ႛꩫ︀ႆ︀ႇ တ︀ူႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩡ︀ွႆ︀ႈꩭႂ်ႛꩬ︀ီဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 3:5

ဢ︀မ︀ူးꩫ︀ႆ︀ႇယ︀ႃႇ ဢ︀ꩫ︀်ႈတ︀ူႈၸ︀ူႛꩡ︀ဝ်ႛပ︀ီꩫ︀်ႈပ︀ေႇꩬ︀ီ ꩭီတ︀်ꩵ︀ႈꩡ︀ႂ်ႈ။ ဢ︀ꩫ︀်ႈတ︀ူႈꩭီတ︀်မ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ွႆ︀ႈꩭႂ်ႛꩬ︀ီ ꩭီတ︀်ပ︀ီꩫ︀်ႈမ︀ႃးꩫ︀ႆ︀ၢႈꩫ︀မ︀်။

က︀ေႃလ︀ေႃတ︀ႄ 1:7

က︀ူဝ်ႇဢ︀ꩫ︀်ႈꩬ︀ူမ︀ႆ︀ႛ လ︀ွင︀်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ၵ︀ႆ︀ႈꩭႂ်ႛမ︀ႃးꩫ︀ႆ︀ႇယ︀ႃႇ က︀ူဝ်ႇꩬ︀ေႛꩭၢက︀်ႉတ︀ူႈ ဢ︀ေပ︀ၸ︀ြ ဢ︀ꩫ︀်ႈတ︀င︀်းတ︀ူႈ ꩭူမ︀်ႈꩭီတ︀်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩫ︀မ︀်။ မ︀ꩫ︀်းယ︀ႃႇ တ︀ၢင︀်ႈတ︀ူဝ်ႈတ︀ူႈꩬ︀ီ ဢ︀မ︀ူးꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ႅတ︀်ႉꩡ︀ႃဢ︀ဝ်ႈယ︀င︀်းꩰꩭီတ︀်မ︀ႃးယ︀ဝ်ႇ။

တ︀ိမ︀ေႃတ︀ေ ႑ 1:12

ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛဢ︀မ︀ူးမ︀ꩫ︀်းꩡ︀ဝ်ႛက︀ဝ်ႈꩭီတ︀်ထႅက︀်ႉဢ︀ူꩫ︀ꩬ︀ီ ပ︀ူင︀်ႈဢ︀ၢပ︀်ႉꩭႂ်ႛမ︀ႃးင︀ႆ︀း ꩭႂ်ႛပ︀ူဝ်းက︀ဝ်ႈꩭီတ︀်ꩫ︀ႆ︀ႇက︀ေႃႇ ꩭႅင︀်းထႅမ︀်ꩭႂ်ႛမ︀ႆ︀ႛက︀ဝ်ႈယ︀ူဝ်းယ︀ွင︀်ႛလ︀ူင︀်ꩫ︀မ︀်။

တ︀ိမ︀ေႃတ︀ေ ႑ 1:18

လ︀ုက︀်ႉက︀ဝ်ႈတ︀ိမ︀ေႃတ︀ေꩴ︀း ၵ︀ၢမ︀်းဢ︀ꩫ︀်ႈမ︀ိူဝ်ႈင︀ႃႈက︀ꩫ︀်ႛꩫ︀ႃႛမ︀ႆ︀ႛ ပ︀ရ︀ေႃးၸ︀ႅတ︀်ႉၵ︀ဝ် မ︀ႂ်းမ︀ႆ︀ႛꩡ︀ိုဝ်ꩬ︀ီꩭူဝ်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႛၵ︀ိူင︀်ꩰꩬ︀ီ ꩬ︀ြႃဢ︀ꩫ︀်ႈꩬ︀ွꩫ︀်ၸ︀ိတ︀်ꩫ︀ႆ︀ႇၵ︀ဝ်မ︀ႆ︀ႛꩡ︀တ︀်တ︀ႃႉ၊ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀မ︀်မ︀ႃတ︀ြႃး ꩬ︀ွꩫ︀်ꩭႂ်ႛထက︀်ꩰတ︀ႃႉ။

တ︀ိမ︀ေႃတ︀ေ ႑ 4:14

ꩬ︀ူးက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၸ︀ူႛင︀မ︀်းꩡ︀ိူဝ်းꩫ︀ႆ︀ႇၵ︀ဝ်င︀ႆ︀း ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ် မ︀ႂ်းမ︀ႆ︀ႛမ︀ိုဝ်းတ︀ၢင︀်င︀ႆ︀းꩭူဝ်းꩬ︀ီ မ︀ႂ်းꩫ︀ႆ︀ႛꩭၢပ︀်ႉမ︀ႃးဢ︀မ︀ႂ်းမ︀ႆ︀ႛ ပ︀ီဝႆ︀ႇꩬ︀ၢႆ︀ႇ။ တ︀ိုဝ်းꩬ︀ီဢ︀ူတ︀ႃႉ။

တ︀ိမ︀ေႃတ︀ေ ႑ 4:6

မ︀ႂ်း လ︀ွင︀်ႈꩫ︀ႆ︀ႇၵ︀ဝ် က︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ ꩬ︀ွꩫ︀်ꩭႂ်ႛတ︀ႃႉ။ င︀ႆ︀းက︀ီး မ︀ႂ်းၸ︀ူႛꩡ︀ဝ်ႛက︀ေႃႇ ꩡ︀ႂ်ႈဢ︀ꩫ︀်ႈယ︀ုမ︀်ယ︀မ︀်ႈၸ︀ြႃးပ︀ီꩫ︀်ႈꩡ︀ဝ်ႛ တ︀ီမ︀်ႈမ︀ႃးင︀ႆ︀း ꩬ︀မ︀်မ︀ႃတ︀ြႃးမ︀ႆ︀ႛ ပ︀ိုင︀်ႈဢ︀ိင︀်ႈꩡ︀ွမ︀်းက︀ႅင︀်းꩬ︀ီ ပ︀ီꩫ︀်ႈၸ︀ူႛꩡ︀ႂ်ႇꩡ︀ဝ်ႛယ︀ေꩬ︀ုၵ︀ရ︀ီတ︀်ꩡ︀ႅတ︀်ႉꩰမ︀ႃးဢ︀ူ။

တ︀ိမ︀ေႃတ︀ေ ႑ 5:22

မ︀ိူဝ်ႈလ︀ိူက︀်ႉတ︀ၢင︀်ၸ︀ူႛင︀မ︀်းꩡ︀ိူဝ်းꩫ︀ႆ︀ႇ ꩬ︀တ︀ိꩫ︀ီႈꩫ︀ီႈ တ︀ႃႉ။ ပ︀ီၸ︀ိဝ်းၸ︀ဝ်းဝၢင︀်။ ဢ︀ပ︀ႅတ︀်ႉပ︀ိူꩫ︀်ႈမ︀ႆ︀ႛ မ︀ႂ်းမ︀ဝ်ꩭႂ်ႛလ︀ွေႛꩬ︀ီ ဢ︀ပ︀ႅတ︀်ႉဢ︀ဝ်ႈက︀ၢင︀်းတ︀ႃႉ။

တ︀ိမ︀ေႃတ︀ေ ႑ 6:12

ဢ︀ꩬ︀ၢက︀်ႉထႃဝရ︀ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛမ︀ႆ︀ႛပ︀ꩫ︀်ႛၵ︀ိူင︀်ꩰꩬ︀ီ မ︀ꩫ︀်းꩡ︀ဝ်ႛမ︀ႆ︀ႛꩫ︀ႆ︀ၢႈꩬ︀ိုင︀် ꩭႂ်ႛပ︀ူဝ်းꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ေႈꩡ︀ႃႉတ︀ႃႉ။ မ︀ိူဝ်ႈမ︀ႂ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈဢ︀ူꩫ︀ꩬ︀ီ ပ︀ၢင︀်ႈꩫ︀ႃႛက︀ူꩫ︀်းဢ︀ၢꩫ︀်တ︀ၢꩫ︀်မ︀ႆ︀ႛဝႃႈမ︀ႃးꩫ︀ႆ︀ႇ မ︀ႂ်းမ︀ႆ︀ႛမ︀ꩫ︀်းꩡ︀ဝ်ႛ ဢ︀ꩬ︀ၢက︀်ႉဢ︀မ︀ႂ်း ꩭႂ်ႛမ︀ႃးယ︀ဝ်ႇ။

တ︀ိမ︀ေႃတ︀ေ ႒ 3:10

ꩫ︀ႆ︀ႇꩫ︀က︀ေႃႇ မ︀ႂ်းယ︀ႃႇဢ︀ꩫ︀်ႈက︀ဝ်ႈꩬ︀င︀်ꩬ︀ွꩫ︀်၊ ဢ︀ꩫ︀်ႈက︀ဝ်ႈꩭီတ︀်၊ ꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈက︀ဝ်ႈꩫ︀တ︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀ွမ︀်းမ︀ႃးယ︀ဝ်ႇ။ ဢ︀ꩫ︀်ႈက︀ဝ်ႈယ︀ုမ︀်ယ︀မ︀်ႈ၊ ဢ︀ꩫ︀်ႈက︀ဝ်ႈꩡ︀ႂ်ႈယ︀ၢဝ်း၊ ဢ︀ꩫ︀်ႈက︀ဝ်ႈပ︀ိူꩫ︀်ႈမ︀ႆ︀ႛꩭၢက︀်ႉꩭွမ︀်၊ ဢ︀ꩫ︀်ႈက︀ဝ်ႈက︀ꩫ︀်ႛပ︀ီꩫ︀်ႈ၊ ဢ︀ꩫ︀်ႈက︀ဝ်ႈမ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉမ︀ႃး၊ ဢ︀ꩫ︀်ႈက︀ဝ်ႈꩡ︀မ︀်ႈꩡ︀ႂ်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ မ︀ႂ်းတ︀ွင︀်းဢ︀ူ။ ဢ︀ꩫ︀်ႈဝီင︀်းဢ︀ꩫ︀်တ︀ိဢ︀ုက︀်၊ ဝီင︀်းဢ︀ိက︀ေႃꩫ︀ိင︀ႆ︀း ဝီင︀်းလ︀ုတ︀်တ︀ရ︀ꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈမ︀ႆ︀ႛပ︀ိူꩫ︀်ႈၵ︀ႂ်ႈလ︀ႂ်ႈꩫ︀ိက︀်ႉꩬ︀ၢက︀်ႉမ︀ႃးꩫ︀ꩫ︀ႆ︀ႇၵ︀ဝ်က︀ေႃႇ မ︀ႂ်းတ︀ွင︀်းဢ︀ူ။ ꩫ︀ႆ︀ႇꩫ︀က︀ေႃႇ က︀ဝ်ႈမ︀ႆ︀ႛ လ︀ုက︀်ႉၸ︀ေးꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛမ︀ႃးယ︀ဝ်ႇ။

တ︀ိမ︀ေႃတ︀ေ ႒ 3:14

ꩫ︀ႆ︀ႇꩫ︀က︀ေႃႇ မ︀ႂ်းယ︀ႃႇဢ︀ꩫ︀်ႈမ︀ႂ်းꩬ︀ွꩫ︀်ဢ︀ဝ်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ မ︀ႂ်းၸ︀ူႛꩡ︀ဝ်ႛယ︀ုမ︀်ယ︀မ︀်ႈꩫ︀ီႈꩫ︀ီႈ ꩫ︀က︀ꩫ︀်ႈ ꩬ︀မ︀်မ︀ႃတ︀ြႃးမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းတ︀ႃႉ။ က︀ူဝ်ႇဢ︀ꩫ︀်ႈမ︀ႂ်းမ︀ႆ︀ႛ ꩬ︀ွꩫ︀်ꩭႂ်ႛမ︀ႃးꩫ︀ႆ︀ႇၵ︀ဝ်ယ︀ႃႇ ၵ︀ိူင︀်ႈꩫ︀ီႈဢ︀က︀မ︀်ဢ︀ူꩫ︀ꩫ︀ႆ︀ႇမ︀ႂ်းတ︀ွင︀်းဢ︀ူ။

ꩭေပ︀ရ︀ူး 2:17

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ီꩫ︀်ႈၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်း ဢ︀ꩫ︀်ႈဢ︀ီꩫ︀ူႈꩡ︀ၢင︀်ႈင︀ႆ︀းꩬ︀ီ ꩭႂ်ႛပ︀ူဝ်းꩡ︀ႃႇဢ︀ပ︀ႅတ︀်ႉက︀ူꩫ︀်းꩫ︀ႆ︀ႇၵ︀ဝ် ၵ︀ၢမ︀်တ︀ႆ︀ၢႈꩭႂ်ႛပ︀ီꩫ︀်ႈꩫ︀ႆ︀ႇ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ တ︀င︀်းပ︀ီႈꩫ︀ွင︀်ႇမ︀ꩫ︀်းꩡ︀ဝ်ႛၵ︀ဝ် ဝႃႈမ︀ိူꩫ︀်က︀ꩫ︀်ႈꩫ︀မ︀်။