တ︀ိမ︀ေႃတ︀ေ ႒ 1:16 - Khamti Shan

^16-17 ꩭိူꩫ︀်းဢ︀ေႃꩫ︀ေတ︀ိၸ︀ေႃၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛပ︀ူင︀်ႈဢ︀က︀ိဝ်းက︀ႃတ︀ႃႉ။ မ︀ꩫ︀်းယ︀ႃႇ က︀ဝ်ႈမ︀ႆ︀ႛ လ︀ႆ︀ၢၵ︀ႅက︀်ႉꩡ︀ႂ်ႈဢ︀ဝ်ႈၵ︀ႅမ︀်းꩬ︀ႃꩭႂ်ႛမ︀ႃးယ︀ဝ်ႇ။ မ︀ꩫ︀်းယ︀ႃႇက︀ဝ်ႈ တ︀ူက︀်ထွင︀်ꩬ︀ီဢ︀ူꩫ︀က︀ေႃႇ မ︀ဝ်ဢ︀ႆ︀ၢႈꩬ︀ီ မ︀ွင︀်းမ︀ꩫ︀်းဝီင︀်းရ︀ေႃမ︀မ︀ႆ︀ႛထိုင︀်မ︀ႃးꩫ︀ႆ︀ႇ က︀ဝ်ႈမ︀ႆ︀ႛက︀ႃႈမ︀ဝ်ꩭꩫ︀်ယ︀ႃႇ မ︀ႃးၵ︀ႃဢ︀ူ။

တ︀ိမ︀ေႃတ︀ေ ႒ 1:16 Iomraidhean Croise

မ︀တ︀်တ︀ႄး 25:17

က︀ူဝ်ႇဢ︀ꩫ︀်ႈꩬ︀ွင︀်ꩡ︀ွႆ︀ႇꩫ︀ႆ︀ႛꩭၢပ︀်ႉꩫ︀ႆ︀ႇက︀ေႃႇ က︀ႃက︀ႃႇꩬ︀ီ ၵ︀မ︀်းꩬ︀ွင︀်ꩡ︀ွႆ︀ႇဢ︀ဝ်ႈꩫ︀ႆ︀ႛဢ︀ိက︀်မ︀ႃးဢ︀ူ။

မ︀တ︀်တ︀ႄး 5:7

က︀ူꩫ︀်းဢ︀ꩫ︀်ႈပ︀ိူꩫ︀်ႈမ︀ႆ︀ႛဢ︀ီꩫ︀ူႈꩫ︀ႆ︀ႇၵ︀ဝ် မ︀ၢင︀်က︀လ︀ႃယ︀င︀်းဢ︀ူ။ ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ီဢ︀ီꩫ︀ူႈꩫ︀မ︀်။

ထဝ်ꩡ︀တ︀်ႉၵ︀ဝ် 21:33

ꩫ︀ႆ︀ႇမ︀ႆ︀ႛ ꩡ︀ဝ်ႛꩭူဝ်ꩬ︀ိူက︀်ꩫ︀ႆ︀ႇ ပ︀ေႃလ︀ုမ︀ႆ︀ႛꩬ︀ႅဝ်ႛꩬ︀ီ ဢ︀ဝ်ႈꩬ︀ၢႆ︀လ︀ီက︀်ꩬ︀ွင︀်ဢ︀ꩫ︀်ႈ ꩭႂ်ႛၸ︀ုက︀်ဢ︀ူ။ ယ︀ဝ်ႇက︀ီး “ဢ︀ႆ︀ၢႛꩫ︀ႆ︀ႇၸ︀ႂ်ꩫ︀ႆ︀။ မ︀ꩫ︀်းက︀ꩬ︀င︀်ꩫ︀ႆ︀ၸ︀ိတ︀်မ︀ႃးꩫ︀ႆ︀ႇ” ꩫ︀ꩬ︀ီၵ︀ဝ်မ︀ႆ︀ႛ ထၢမ︀်ဢ︀ူ။

ထဝ်ꩡ︀တ︀်ႉၵ︀ဝ် 28:20

ꩬ︀ူꩡ︀ဝ်ႛမ︀ႆ︀ႛ ၵ︀ႂ်ႈꩭꩫ︀်ꩬ︀ီꩬ︀ွက︀်ႉတ︀ၢင︀်မ︀ႃးꩫ︀မ︀်။ က︀ဝ်ႈမ︀ႆ︀ႛ ပ︀ီႈꩫ︀ွင︀်ႇက︀ျူးယ︀ေရ︀ုꩬ︀လ︀ိမ︀်ၵ︀ဝ် ဢ︀ဝ်ႈꩬ︀ၢႆ︀လ︀ီက︀် ၸ︀ုက︀်ဝႆ︀ႇꩫ︀ႆ︀ႇ က︀ွပ︀်ႉပ︀ိူဝ်ႈꩡ︀ဝ်ႛဢ︀ꩫ︀်ႈဢ︀ီတ︀်ꩬ︀ြေးꩭဝ်းၵ︀ဝ် တ︀ႂ်းထႃႛက︀ꩫ︀်ႈꩬ︀ီဢ︀ူꩫ︀ႆ︀ႇမ︀ႆ︀ႛ က︀ဝ်ႈယ︀ုမ︀်ယ︀မ︀်ႈꩬ︀ီꩫ︀ႆ︀ၢႈꩫ︀မ︀်” ꩫ︀ꩬ︀ီဝႃႈဢ︀ူ။

ဢ︀ေၸ︀ႅတ︀် 6:20

င︀ႆ︀ႚက︀ဝ်ႈတ︀ူက︀်ထွင︀်ဢ︀ူꩫ︀က︀ေႃႇ က︀ဝ်ႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႂ်ႇꩭႂ်ႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇꩬ︀ီ က︀ဝ်ႈꩭူဝ်းဢ︀ူꩫ︀မ︀်။ င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈက︀ဝ်ႈဝႃႈꩭူဝ်းꩫ︀ႆ︀ႇ ꩭႂ်ႛပ︀ူဝ်းက︀ဝ်ႈꩭတ︀်ꩰꩭၢꩫ︀်ꩰꩭူဝ်းပ︀ီꩫ︀်ႈꩫ︀ႆ︀ႇ ယ︀ွꩫ︀်းꩬ︀ူးꩭႂ်ႛက︀ꩫ︀်ႈမ︀ႃးတ︀ႃႉ။

တ︀ိမ︀ေႃတ︀ေ ႒ 1:12

င︀ႆ︀းꩫ︀ႆ︀ႇꩬ︀ီ င︀ႆ︀ႚက︀ဝ်ႈထွင︀်မ︀ႆ︀ႛ ꩫ︀ႆ︀ႛၻုက︀်ႉၵ︀ꩫ︀မ︀်။ ꩫ︀ႆ︀ႇꩫ︀က︀ေႃႇ က︀ဝ်ႈꩵ︀ႈဢ︀ႆ︀ၢႈပ︀ိူင︀်ႈလ︀ူင︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုဢ︀ꩫ︀်ႈက︀ဝ်ႈတ︀ွင︀်းမ︀ႆ︀ႛꩫ︀မ︀် က︀ဝ်ႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ။ ယ︀ဝ်ႇက︀ီး ဢ︀ꩫ︀်ႈက︀ဝ်ႈမ︀ႆ︀ႛ မ︀ꩫ︀်းꩡ︀ဝ်ႛဢ︀ၢပ︀်ႉဝႆ︀ႇꩫ︀ႆ︀ႇက︀ေႃႇ တ︀ူဝ်ထိုင︀်ဝꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းꩡ︀ဝ်ႛက︀ုမ︀်ႇꩭႂ်ႛဢ︀ူꩫ︀ꩫ︀ႆ︀ႇက︀ေႃႇ က︀ဝ်ႈတ︀ွင︀်းဢ︀ူ။

တ︀ိမ︀ေႃတ︀ေ ႒ 1:18

ဝီင︀်းဢ︀ေၸ︀ႅတ︀်မ︀ႆ︀ႛ မ︀ꩫ︀်းက︀ဝ်ႈမ︀ႆ︀ႛ ၵ︀ႂ်ႈလ︀ႂ်ႈမ︀ိုင︀်ႇꩭႂ်ႛမ︀ႃးꩫ︀ꩫ︀ႆ︀ႇ မ︀ႂ်းၸ︀ူႛꩡ︀ဝ်ႛက︀ေႃႇတ︀ွင︀်းဢ︀ူ။ ဝꩫ︀်းမ︀ိူဝ်ႈꩡ︀ဝ်ႛယ︀ေꩬ︀ုပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းမ︀ႆ︀ႛ ꩭႂ်ႛဢ︀ီꩫ︀ူႈꩭၢက︀်ႉꩭွမ︀်က︀ႃတ︀ႃႉ။

တ︀ိမ︀ေႃတ︀ေ ႒ 1:8

င︀ႆ︀းꩫ︀ႆ︀ႇꩬ︀ီ လ︀ွင︀်ႈꩡ︀ဝ်ႛꩭဝ်း မ︀ဝ်က︀ူဝ်ႈမ︀ဝ်ဢ︀ႆ︀ၢႈꩬ︀ီ ၵ︀ႆ︀ႈတ︀ႃႉ။ လ︀ႆ︀ၢးပ︀ိူဝ်ႈမ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩬ︀ီ က︀ဝ်ႈတ︀ူက︀်ထွင︀်ꩫ︀ႆ︀ႇက︀ေႃႇ မ︀ႂ်းပ︀ီဢ︀ႆ︀ၢႈ။ ꩭႅင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛထႅမ︀်ꩭႂ်ႛꩫ︀ႆ︀ႇမ︀ႆ︀ႛ ဢ︀က︀မ︀်ꩬ︀ီ ꩫ︀င︀်က︀ဝ်ႈၻုက︀်ႉၵ︀ꩫ︀က︀ꩫ︀်ႈ မ︀ႂ်းက︀ေႃႇ ꩡ︀ႃႇၵ︀ၢဝ်ႈၵ︀ၢမ︀်းꩫ︀ီႈꩡ︀ဝ်ႛꩭဝ်း ၻုက︀်ႉၵ︀ꩫ︀က︀ေႃႇၵ︀ၢမ︀်တ︀ႃႉ။

တ︀ိမ︀ေႃတ︀ေ ႒ 4:19

ပ︀ီတ︀်က︀ိလ︀ꩫ︀ၵ︀ႃ ဢ︀ႃက︀ုလ︀င︀ႆ︀း ꩡ︀ုမ︀်ႛꩭိူꩫ︀်းဢ︀ေႃꩫ︀ေတ︀ိၸ︀ေႃၵ︀ဝ်မ︀ႆ︀ႛ က︀ဝ်ႈထိုင︀်ꩡ︀ႂ်ႈဢ︀ူꩫ︀ꩬ︀ီ ဝႃႈꩭႂ်ႛမ︀ႃးတ︀ႃႉ။

ၸ︀ိလ︀ေမ︀ုꩫ︀် 1:20

င︀ႆ︀းꩫ︀ႆ︀ႇꩬ︀ီ ꩫ︀ွင︀်ႇက︀ဝ်ႈꩴ︀း ꩫ︀ူႈꩫ︀ႃႛꩡ︀ဝ်ႛယ︀ေꩬ︀ုꩬ︀ီ ꩫ︀င︀်ပ︀ီႈꩫ︀ွင︀်ႇꩫ︀က︀ꩫ︀်ႈ က︀ဝ်ႈမ︀ႆ︀ႛꩡ︀ွႆ︀ႈꩭႂ်ႛ၊ ဢ︀ဝ်ႈပ︀ိဝ်ယ︀ႃꩬ︀ႃꩡ︀ႂ်ႈꩭႂ်ႛမ︀ႃးတ︀ႃႉ။

ၸ︀ိလ︀ေမ︀ုꩫ︀် 1:7

ꩫ︀ွင︀်ႇက︀ဝ်ႈꩴ︀း မ︀ႅတ︀်ႉတ︀ႃမ︀ႂ်းꩫ︀ႆ︀ႇ က︀ဝ်ႈမ︀ႆ︀ႛဢ︀ဝ်ႈꩡ︀ူမ︀်းꩭုမ︀်ꩬ︀ီ ꩭႅင︀်းဢ︀ဝ်ႈၵ︀ိုꩫ︀်ႛလ︀ူင︀်မ︀ႃးယ︀ဝ်ႇ။ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛတ︀င︀်းလ︀ုင︀်မ︀ႆ︀ႛ မ︀ႂ်းဢ︀ဝ်ႈပ︀ိဝ်ယ︀ႃꩬ︀ႃꩡ︀ႂ်ႈꩭႂ်ႛမ︀ႃးယ︀ဝ်ႇ။

ꩭေပ︀ရ︀ူး 10:34

က︀ူꩫ︀်းဢ︀ꩫ︀်ႈတ︀ူက︀်ထွင︀်ꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩬ︀ူဢ︀ီꩫ︀ူႈမ︀ႃးဢ︀ူ။ ၵ︀ူဝ်းလ︀ိင︀်းꩬ︀ူꩫ︀ႆ︀ႇၵ︀ဝ်မ︀ႆ︀ႛ ပ︀ိူꩫ︀်ႈၸ︀ိဝ်ႛဢ︀ဝ်ႈက︀ႃꩫ︀က︀ေႃႇ ꩬ︀ူမ︀ႆ︀ႛ ၵ︀ူဝ်းလ︀ိင︀်းဢ︀ꩫ︀်ႈမ︀ျတ︀်ႉꩬ︀ႃ ဢ︀ꩫ︀်ႈမ︀ဝ်လ︀ူႇꩡ︀ၢင︀်ႈ ယ︀င︀်းဢ︀ူꩫ︀မ︀်ꩫ︀ꩫ︀ႆ︀ႇ ꩬ︀ူတ︀ွင︀်းꩫ︀ႆ︀ႇꩬ︀ီ ꩭုမ︀်ꩰꩡ︀ူမ︀်းꩰက︀ꩫ︀်ႛမ︀ႃးဢ︀ူ။

ꩭေပ︀ရ︀ူး 6:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀ြႃးꩫ︀ႆ︀ႇꩬ︀ီ ဢ︀ꩫ︀်ႈꩬ︀ူက︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ꩫ︀င︀်မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛꩫ︀က︀ꩫ︀်ႈ င︀ႆ︀ႚက︀ေႃႇမ︀ိုင︀်ႇပ︀ွင︀်ႈလ︀ီင︀်ႇဢ︀ွႆ︀ဢ︀ူꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈꩫ︀ူႈꩫ︀ႃႛမ︀ꩫ︀်းꩡ︀ဝ်ႛꩬ︀ီ ꩬ︀ူပ︀ျႃးမ︀ႅတ︀်ႉတ︀ႃꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛမ︀ိူဝ်ႈလ︀ႂ်ႈက︀ေႃႇꩵ︀ႈလ︀ုမ︀်း။