ပ︀ေတ︀ရ︀ု ႒ 3:2 - Khamti Shan

² ၵ︀ၢမ︀်းဢ︀ꩫ︀်ႈမ︀ိူဝ်ႈင︀ႃးပ︀ုꩫ︀်ႛ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ꩭူဝ်းမ︀ႃးမ︀ႆ︀ႛတ︀မ︀ိူင︀်း ၵ︀ၢမ︀်းဢ︀ꩫ︀်ႈ လ︀ုက︀်ႉတ︀မ︀ၢꩫ︀်ꩡ︀ဝ်ႛꩬ︀ူꩫ︀ႆ︀ႇၵ︀ဝ်မ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩡ︀ဝ်ႛၵ︀ေꩬ︀ေꩭဝ်း ꩬ︀င︀်ꩬ︀ွꩫ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ဢ︀ွက︀်ꩡ︀ႂ်ႈꩬ︀ီဢ︀ူက︀ꩫ︀်ႈတ︀ႃႉ။

ပ︀ေတ︀ရ︀ု ႒ 3:2 Iomraidhean Croise

လ︀ုက︀ႃ 24:27

ꩬ︀ွင︀်ၵ︀ႃမ︀ႆ︀ႛ က︀ျမ︀်းလ︀ိက︀်ႉတ︀င︀်းလ︀ုင︀်မ︀ႆ︀ႛ လ︀ုက︀်ႉက︀ျမ︀်းꩬ︀ိꩫ︀်မ︀ေႃꩬ︀ေမ︀ႆ︀ႛက︀ူဝ်ꩬ︀ီ က︀ျမ︀်းပ︀ရ︀ေႃးၸ︀ႅတ︀်ႉတ︀င︀်းလ︀ုင︀်မ︀ႆ︀ႛ ဢ︀ꩫ︀်ႈလ︀ွင︀်ႈမ︀ꩫ︀်းꩡ︀ဝ်ႛတ︀ႅမ︀်ႛဝႆ︀ႇꩫ︀ႆ︀ႇၵ︀ဝ် ၵ︀ႆ︀ႈပ︀ျႃးꩭႂ်ႛဢ︀ူ။

လ︀ုက︀ႃ 24:44

ယ︀ဝ်ႇက︀ီးမ︀ꩫ︀်းꩡ︀ဝ်ႛ ၵ︀ဝ်မ︀ႆ︀ႛ “လ︀ွင︀်ႈက︀ဝ်ႈဢ︀ꩫ︀်ႈက︀ျမ︀်းꩬ︀ိꩫ︀်မ︀ေႃꩬ︀ေ၊ က︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်င︀ႆ︀း က︀ျမ︀်းꩬ︀ႃလ︀ၢမ︀်မ︀ႆ︀ႛ ဝႃႈဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်း ဝႃႈတ︀ီမ︀်ႈက︀ုမ︀်မ︀ႃးဢ︀ူꩫ︀ꩬ︀ီ မ︀ိူဝ်ႈတ︀င︀်းꩬ︀ူဢ︀ူမ︀ႃးꩫ︀ႆ︀ႇ က︀ဝ်ႈဝႃႈမ︀ႃးယ︀ဝ်ႇ။ ဢ︀မ︀ႂ်းၵ︀ဝ် င︀ႆ︀ႚပ︀ီꩫ︀်ႈဢ︀ူꩫ︀မ︀်” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 10:43

ၸ︀ႂ်မ︀ဝ်ဝႃႈ ꩡ︀ဝ်ႛယ︀ေꩬ︀ုမ︀ႆ︀ႛယ︀ုမ︀်ယ︀မ︀်ႈက︀ီး က︀ူဝ်ႇဢ︀မ︀ႂ်းမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းꩡ︀ိုဝ်ႈမ︀ꩫ︀်းꩡ︀ဝ်ႛ ဢ︀ပ︀ႅတ︀်ႉပ︀ွႆ︀လ︀ွတ︀်ႉꩭႂ်ႛဢ︀ူꩫ︀ꩬ︀ီ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်က︀ေႃႇꩭူဝ်းဝႆ︀ႇဢ︀ူ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 28:23

ယ︀ဝ်ႇက︀ီးၵ︀ဝ်ယ︀ႃႇ ဝꩫ︀်းၵ︀တ︀်ꩭႂ်ႛဢ︀ူ။ ဝꩫ︀်းဢ︀ꩫ︀်ႈꩫ︀တ︀်က︀ꩫ︀်ႈမ︀ႆ︀ႛ တ︀ီႈဢ︀ꩫ︀်ႈပ︀ေႃလ︀ုဢ︀ူမ︀ႆ︀ႛ က︀ူꩫ︀်းဢ︀ၢꩫ︀်တ︀ၢꩫ︀်မ︀ႃးက︀ꩫ︀်ႈဢ︀ူ။ ပ︀ေႃလ︀ုယ︀ႃႇ လ︀ုက︀်ႉက︀ၢင︀်ႈလ︀ႂ်မ︀ႆ︀ႛ ဢ︀ဝ်ႈထိုင︀်ၸ︀ၢႆ︀ပ︀ၢင︀်ႛၵ︀မ︀်ႈ လ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ၵ︀ႆ︀ႈပ︀ျႃးꩭႂ်ႛဢ︀ူ။ လ︀ွင︀်ႈꩡ︀ဝ်ႛယ︀ေꩬ︀ုက︀ေႃႇ လ︀ုက︀်ႉက︀ျမ︀်းꩬ︀ိꩫ︀်မ︀ေႃꩬ︀ေင︀ႆ︀း က︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ꩡ︀ွက︀်ꩬ︀ီ ꩭႂ်ႛပ︀ူဝ်းၵ︀ဝ်ပ︀ွင︀်ꩡ︀ႂ်ႈꩫ︀ႆ︀ႇ ꩭူဝ်းၵ︀ႆ︀ႈꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 3:18

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ေꩬ︀ိယ︀ဝႃႈၵ︀ၢမ︀်တ︀ႆ︀ၢႈဢ︀ူꩫ︀ꩬ︀ီ ပ︀ရ︀ေႃးၸ︀ႅတ︀်ႉတ︀င︀်းမ︀ိူင︀်းမ︀ႆ︀ႛꩭႂ်ႛꩭူဝ်းဝႆ︀ႇမ︀ႃးဢ︀ူ။ ဢ︀ꩫ︀်ႈင︀ႆ︀ႚပ︀ီꩫ︀်ႈမ︀ႃးꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈၿျႃၻိက︀်ႉဝႆ︀ႇꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛဢ︀ဝ်ႈပ︀ီꩫ︀်ႈမ︀ႃးꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 3:21

ပ︀ရ︀ေႃးၸ︀ႅတ︀်ႉမ︀ိူဝ်ႈꩫ︀ꩫ︀်ႇဢ︀ꩫ︀်ႈမ︀ူတ︀်ꩡ︀ၢင︀်ꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩭူဝ်းဝႆ︀ႇꩫ︀ႆ︀ႇꩫ︀က︀ꩫ︀်ႈ ꩡ︀ူဝ်ႈက︀ႃႈယ︀ၢမ︀်းဢ︀ꩫ︀်ႈတ︀င︀်းမ︀ိူင︀်းမ︀ႆ︀ႛ တ︀ီမ︀ေးဢ︀ဝ်ႈပ︀ီꩫ︀်ႈဢ︀ꩫ︀်ႈမ︀ႂ်မ︀ဝ်ထိုင︀်မ︀ႃးယ︀ႃႇ ꩡ︀ဝ်ႛယ︀ေꩬ︀ုဝႃႈဢ︀ူ က︀ꩫ︀်ႛꩫ︀ိူဝ်မ︀ိူင︀်းက︀ၢင︀်ႈꩭၢဝ်မ︀ႆ︀ႛꩫ︀မ︀်။

က︀လ︀ႃတ︀ိ 6:2

က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ မ︀ိူဝ်ႈယ︀ပ︀်ꩫ︀ႆ︀ႇꩡ︀ွႆ︀ႈက︀ꩫ︀်ႈင︀ႆ︀းꩬ︀ီ ꩬ︀ိꩫ︀်ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ထွမ︀်ꩡ︀ွမ︀်းက︀ꩫ︀်ႈတ︀ႃႉ။

ဢ︀ေၸ︀ႅတ︀် 2:20

ꩬ︀ူက︀ေႃႇ ꩭိူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူက︀်ဝႆ︀ႇမ︀ႆ︀ႛ ꩫ︀င︀်က︀ွꩫ︀်ႛဢ︀ုတ︀်ႉꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀မ︀်။ ꩭိူꩫ︀်းဢ︀မ︀ႂ်းမ︀ႆ︀ႛ တ︀မ︀ၢꩫ︀်ꩡ︀ဝ်ႛꩫ︀ႆ︀ႇၵ︀ဝ်င︀ႆ︀း ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ယ︀ႃႇ ꩬ︀ူꩫ︀်ႛꩭိူꩫ︀်း၊ ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛယ︀ႃႇ ꩭိꩫ︀်တ︀ွပ︀်ႉꩡ︀ီင︀် ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉꩫ︀ႆ︀ႇꩫ︀က︀ꩫ︀်ႈꩫ︀မ︀်။

ဢ︀ေၸ︀ႅတ︀် 3:5

မ︀ိူဝ်ႈင︀ႃးပ︀ုꩫ︀်ႛယ︀ႃႇ မ︀ꩫ︀်းꩡ︀ဝ်ႛလ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀်ꩫ︀ႆ︀ႇ က︀ူꩫ︀်းꩭဝ်းမ︀ႆ︀ႛ မ︀ဝ်ပ︀ုတ︀်ပ︀ျႃးမ︀ႃးꩫ︀က︀ေႃႇ င︀ႆ︀ႚယ︀ႃႇ တ︀မ︀ၢꩫ︀်ꩡ︀ဝ်ႛꩫ︀ႆ︀ႇၵ︀ဝ်င︀ႆ︀း ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ပ︀ုတ︀်ပ︀ျႃးꩭႂ်ႛမ︀ႃးယ︀ဝ်ႇ။

ပ︀ေတ︀ရ︀ု ႒ 2:21

ၵ︀ဝ်ယ︀ႃႇ တ︀ႃႇတ︀ၢင︀်းꩡ︀ဝ်ႛယ︀ေꩬ︀ုမ︀ႆ︀ႛ တ︀ွင︀်းꩬ︀ီ တ︀ြႃးမ︀ꩫ︀်းꩡ︀ဝ်ႛမ︀ႆ︀ႛ တ︀ီပ︀ႆ︀ၵ︀ွတ︀်ယ︀ႃႇ တ︀ၢင︀်းဢ︀မ︀ႂ်းမ︀ႆ︀ႛ မ︀ဝ်တ︀ွင︀်းမ︀ႃးꩫ︀ႆ︀ႇꩬ︀ိုင︀် ၵ︀ႅꩫ︀်းꩫ︀ီႈꩫ︀မ︀်။

ပ︀ေတ︀ရ︀ု ႒ 3:15

ꩭႂ်ႛပ︀ူဝ်းက︀ူꩫ︀်းက︀ူႈက︀ူဝ်ႇ ဢ︀ꩫ︀်ႈမ︀ꩫ︀်းꩡ︀ဝ်ႛၵ︀ေꩬ︀ေꩭႂ်ႛမ︀ႆ︀ႛ ꩫ︀ႆ︀ႛꩭၢပ︀်ႉꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩬ︀ေးၵ︀ၢမ︀်ꩬ︀ီထႃႛဢ︀ူꩫ︀မ︀်ꩫ︀ꩫ︀ႆ︀ႇ ပ︀ီလ︀ုမ︀်းက︀ꩫ︀်ႈ။ လ︀ွင︀်ႈꩫ︀ႆ︀ႇꩫ︀မ︀် ပ︀ေႃလ︀ုꩭဝ်းက︀ေႃႇ ဢ︀ဝ်ႈꩥ︀ႅꩫ︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩫ︀ႆ︀ႇ ꩬ︀ူမ︀ႆ︀ႛတ︀ႅမ︀်ႛမ︀ႃးꩫ︀ႆ︀ႇ။

ပ︀ေတ︀ရ︀ု ႒ 3:16

လ︀ိက︀်ႉမ︀ꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ လ︀ွင︀်ႈꩫ︀ႆ︀ႇၵ︀ဝ်လ︀ွေႛဢ︀ူ။ ꩫ︀ႆ︀ႇꩫ︀က︀ေႃႇ လ︀ိက︀်ႉဢ︀ꩫ︀်ႈမ︀ꩫ︀်းတ︀ႅမ︀်ႛꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈက︀မ︀်ႈၸ︀ွင︀်းယ︀ႃႇ ပ︀ွင︀်ꩡ︀ႂ်ႈယ︀ပ︀်လ︀ူင︀်ꩫ︀မ︀်။ င︀ႆ︀းꩫ︀ႆ︀ႇꩬ︀ီ က︀ူꩫ︀်းမ︀ိူက︀်ႉ၊ ဢ︀ꩫ︀်ႈမ︀ၢပ︀်ႉလ︀ုပ︀်ႉꩫ︀ႆ︀ႇၵ︀ဝ်ယ︀ႃႇ က︀ျမ︀်းလ︀ိက︀်ႉဢ︀ꩫ︀်ႈပ︀ေႃလ︀ုတ︀ႅမ︀်ႛတ︀မ︀ိူင︀်း က︀ျမ︀်းလ︀ိက︀်ႉတ︀ၢင︀်ဢ︀ꩫ︀်ႈꩫ︀ႆ︀ႇၵ︀ဝ်တ︀မ︀ိူင︀်း ပ︀ိူꩫ︀်ႈမ︀ႆ︀ႛ ꩬ︀ွꩫ︀်ၸ︀ိတ︀်ꩫ︀ႆ︀ႇꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛဢ︀ဝ်ႈလ︀ူႇပ︀ႅက︀်ႉက︀ႃက︀ꩫ︀်ႈယ︀ဝ်ႇ။

ယ︀ေႃးꩭၢꩫ︀် ႑ 4:6

ꩭဝ်းယ︀ႃႇ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ွင︀်းꩫ︀ႆ︀ႇၵ︀ဝ်ယ︀ႃႇ ၵ︀ၢမ︀်းꩭဝ်းထွမ︀်ဢ︀ူ။ ဢ︀ꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ꩡ︀ႂ်ႈꩫ︀ႆ︀ႇၵ︀ဝ်ယ︀ႃႇ ၵ︀ၢမ︀်းꩭဝ်းꩵ︀ႈထွမ︀်။ ꩫ︀ႆ︀ႇမ︀ႆ︀ႛလ︀ႅမ︀်းꩬ︀ီ က︀ူꩫ︀်းဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းက︀ျႃး ဢ︀ꩫ︀်ႈၵ︀ွꩫ︀်မ︀ိက︀်ႉꩬ︀ႃယ︀င︀်းက︀ျႃး ꩫ︀ꩫ︀ႆ︀ႇꩭဝ်းတ︀ွင︀်းꩫ︀ႆ︀ႛဢ︀ူ။

ယ︀ုတ︀ 1:17

ꩫ︀ႆ︀ႇꩫ︀က︀ေႃႇ ပ︀ီႈꩫ︀ွင︀်ႇၵ︀ဝ်ꩴ︀း ဢ︀ꩫ︀်ႈတ︀မ︀ၢꩫ︀်ꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ၵ︀ဝ်ဝႃႈမ︀ႃးမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။

ၿျႃၻိက︀်ႉ 19:10

ꩫ︀ႆ︀ႇမ︀ႆ︀ႛ က︀ဝ်ႈယ︀ႃႇ တ︀ႆ︀ၢႛတ︀ိꩫ︀်ႈမ︀ꩫ︀်းမ︀ႆ︀ႛ ပ︀ႅပ︀်ႉၵ︀ုပ︀်ႉꩬ︀ီ ပ︀ႆ︀ၢႛဝႆ︀ႈက︀ွတ︀်ꩫ︀က︀ီး မ︀ꩫ︀်းယ︀ႃႇ “က︀ဝ်ႈမ︀ႆ︀ႛ ပ︀ီပ︀ႆ︀ၢႛ။ က︀ဝ်ႈက︀ေႃႇ ꩫ︀င︀်မ︀ႂ်းꩫ︀က︀ꩫ︀်ႈꩫ︀မ︀်။ ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ်၊ ၸ︀ူႛဢ︀ꩫ︀်ႈꩬ︀မ︀်မ︀ႃတ︀ြႃးမ︀ႆ︀ႛ ပ︀ꩫ︀်ႛဝႆ︀ႇꩫ︀ႆ︀ႇၵ︀ဝ်င︀ႆ︀း ꩭဝ်းတ︀င︀်းမ︀ိူင︀်းယ︀ႃႇ ၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ၢႈꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ိုင︀် ပ︀ႆ︀ၢႛဝႆ︀ႈတ︀ႃႉ” ꩫ︀ဝꩫ︀်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀မ︀်မ︀ႃတ︀ြႃး ဢ︀ꩫ︀်ႈꩡ︀ဝ်ႛယ︀ေꩬ︀ုပ︀ုတ︀်ပ︀ျႃးꩫ︀ႆ︀ႇယ︀ႃႇ ဢ︀ꩫ︀်ႈပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ꩫ︀ေꩭႂ်ႛမ︀ႃးꩫ︀ႆ︀ႇꩫ︀မ︀်။