တ︀ိမ︀ေႃတ︀ေ ႑ 6:10 - Khamti Shan

¹⁰ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈင︀ိူꩫ︀်းမ︀ႆ︀ႛꩭူဝ်လ︀မ︀်ꩭူဝ်ꩬ︀ူꩫ︀်းꩬ︀ီꩭွꩫ︀်ႈꩭႅꩫ︀်ႈꩫ︀ꩫ︀ႆ︀ႇ င︀ဝ်ႛꩭူဝ်ဢ︀ꩫ︀်ႈဢ︀ွꩫ︀်ႈꩭီတ︀်ဢ︀ပ︀ႅတ︀်ႉလ︀ႆ︀ၢၸ︀ꩫ︀်းꩫ︀မ︀်။ က︀ူꩫ︀်းမ︀ၢင︀်ႈၸ︀ွင︀်းယ︀ႃႇ ꩭွꩫ︀်ႈꩭႅꩫ︀်ႈင︀ိူꩫ︀်းၸ︀ႅဝ်ꩬ︀ီ လ︀ုက︀်ႉတ︀ၢင︀်းဢ︀ꩫ︀်ႈယ︀ုမ︀်ယ︀မ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၸ︀ႆ︀က︀ႃꩬ︀ီ ꩡ︀ႂ်ႈလ︀ူႇၵ︀ီၵ︀ုမ︀်က︀ꩫ︀်ႈယ︀ဝ်ႇ။

တ︀ိမ︀ေႃတ︀ေ ႑ 6:10 Iomraidhean Croise

မ︀တ︀်တ︀ႄး 13:22

ꩭွေၸ︀ꩫ︀်းဢ︀ꩫ︀်ႈတ︀ူက︀်ပ︀ႃယ︀ုမ︀်းꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ ꩫ︀ႆ︀ႛꩥ︀ိꩫ︀်းက︀ီး ယ︀ုမ︀်ယ︀မ︀်ႈꩫ︀က︀ေႃႇ က︀ပ︀်ႉꩡ︀ႂ်ႈလ︀ွင︀်ႈလ︀ေႃးက︀ီင︀ႆ︀း ꩭွႆ︀ႛꩡ︀ႂ်ႈင︀ိူꩫ︀်းၵ︀မ︀်းၸ︀ႅဝ်ꩬ︀ီ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ ꩡ︀ွမ︀်းမ︀ဝ်ပ︀ီꩫ︀်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀မ︀်။

မ︀တ︀်တ︀ႄး 23:13

“ꩬ︀ြႃတ︀ြႃးၵ︀ဝ်၊ ၸ︀ႃရ︀ိꩬ︀ႄၵ︀ဝ်ꩴ︀း ꩬ︀ူယ︀ႃႇ က︀ႅမ︀်ႛꩫ︀ႃႛလ︀ူင︀်ꩫ︀မ︀်။ ꩡ︀ႃႇꩭၢင︀်းꩬ︀ူယ︀ႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူယ︀ႃႇ ပ︀ိူꩫ︀်ႈꩬ︀ၢင︀်တ︀ီၵ︀ဝ်ႛမ︀ိူင︀်းက︀ၢင︀်ႈꩭၢဝ်ꩫ︀ႆ︀ႇမ︀ႆ︀ႛ တ︀ၢင︀်းပ︀တ︀ူႈꩭၢပ︀်ၵ︀ွတ︀်ဢ︀ူ။ ꩬ︀ူၸ︀ူႛꩡ︀ဝ်ႛက︀ေႃႇမ︀ဝ်ၵ︀ဝ်ႛ၊ ပ︀ိူꩫ︀်ႈဢ︀ꩫ︀်ႈၵ︀ႂ်ႈၵ︀ဝ်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩬ︀ူꩵ︀ႈꩭႂ်ႛၵ︀ဝ်ႛ။

မ︀တ︀်တ︀ႄး 6:19

မ︀ိူင︀်းက︀ၢင︀်ႈမ︀ႆ︀ႛ င︀ိူꩫ︀်းၵ︀မ︀်းၵ︀ူဝ်းလ︀ိင︀်းꩬ︀ူ ပ︀ီꩭွမ︀်ၸ︀ႅဝ်။ ပ︀ူဝ်းꩭွမ︀်က︀ီး မ︀ွတ︀်ႉက︀ိꩫ︀်ႈ၊ ၵ︀ီႛၵ︀ၢꩫ︀်ႇက︀ိꩫ︀်ႈꩬ︀ီ ပ︀ိူꩫ︀်ႈက︀ေႃႇလ︀ၢက︀်ႉလ︀ူင︀်ႇက︀ႃဢ︀ူ။

က︀ေႃလ︀ေႃတ︀ႄ 3:5

င︀ႆ︀းꩫ︀ႆ︀ႇꩬ︀ီ လ︀ုက︀်ႉꩫ︀ႂ်းꩬ︀ူမ︀ႆ︀ႛ တ︀ၢင︀်းက︀ႅင︀်းမ︀ိူင︀်းက︀ၢင︀်ႈ ဢ︀ꩫ︀်ႈꩭွင︀်က︀ႃမ︀က︀ုင︀်၊ ဢ︀ꩫ︀်ႈꩫ︀င︀်ꩫ︀ိူဝ်ႇမ︀ိူဝ်ႛꩫ︀က︀ꩫ︀်ႈꩭီတ︀်မ︀ေထုင︀်၊ ဢ︀ꩫ︀်ႈက︀ႃႛမ︀ပ︀ူꩫ︀်ႇၸ︀ိင︀်ႛ၊ ဢ︀ꩫ︀်ႈၵ︀ႂ်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈ၊ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ႆ︀ႇၵ︀ဝ် ဢ︀ဝ်ႈၵ︀ွတ︀်မ︀ူတ︀်ꩰက︀ꩫ︀်ႈတ︀ႃႉ။ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ꩫ︀ႆ︀ႇ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈၸ︀ꩫ︀်းလ︀ိူင︀်ႈꩫ︀မ︀်။

တ︀ိမ︀ေႃတ︀ေ ႑ 3:3

ꩫ︀ႆ︀ႇꩬ︀ေႇမ︀ဝ်က︀ႃး ၸ︀ူႛင︀မ︀်းꩡ︀ိူဝ်းယ︀ႃႇ တ︀ၢင︀်းက︀ႅင︀်းဢ︀ꩫ︀်ႈက︀ိꩫ︀်ႈလ︀ဝ်ႛမ︀ဝ်ႇက︀မ︀်ႈ၊ ဢ︀ꩫ︀်ႈတ︀ုက︀်ႉက︀ꩫ︀်ႈပ︀ူဝ်ႇက︀ꩫ︀်ႈꩫ︀ႆ︀ႇၵ︀ဝ်ꩵ︀ႈဝႃႈꩭီတ︀်။ ဢ︀ꩫ︀်ႈၵ︀ၢမ︀်းꩫ︀မ︀်က︀ꩫ︀်ႈင︀ႆ︀း ꩡ︀ႂ်ႈဢ︀ꩫ︀်ႈလ︀ေႃးၸ︀ႃးင︀ိူꩫ︀်းၵ︀မ︀်းꩫ︀ႆ︀ႇၵ︀ဝ်က︀ေႃႇ ꩵ︀ႈထုက︀်ယ︀င︀်း။

တ︀ိမ︀ေႃတ︀ေ ႑ 6:21

က︀ူꩫ︀်းမ︀ၢင︀်ႈၸ︀ွင︀်းယ︀ႃႇ ပ︀ိင︀်ꩥ︀ႃဢ︀မ︀ႂ်းၵ︀ဝ်မ︀ႆ︀ႛ ꩡ︀ွမ︀်းက︀ႅင︀်းꩬ︀ီ လ︀ုက︀်ႉတ︀ၢင︀်းယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၸ︀ႆ︀က︀ႃမ︀ူတ︀်ယ︀ဝ်ႇ။ ꩬ︀ူတ︀င︀်းမ︀ိူင︀်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛဢ︀ီꩫ︀ူႈꩭၢက︀်ႉꩭွမ︀်က︀ႃတ︀ႃႉ။

တ︀ိမ︀ေႃတ︀ေ ႑ 6:9

က︀ူဝ်ႇဢ︀ꩫ︀်ႈၵ︀ႂ်ႈမ︀ီးမ︀ၢက︀်ႉꩭႅင︀်းꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈၵ︀ုꩫ︀်ꩬ︀ူင︀်က︀ဝ်းမ︀ႆ︀ႛ ꩡ︀ၢင︀်ႈလ︀ွေႛက︀ႃဢ︀ူ။ င︀ႆ︀းက︀ီး ꩡ︀ႂ်ႈꩫ︀ိပ︀်ꩡ︀ႂ်ႈꩫ︀ႅင︀်ႈꩫ︀ႆ︀ႇၵ︀ဝ်၊ ꩡ︀ႂ်ႈလ︀ေႃးၸ︀ႃးဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ် ပ︀ေႇတ︀ူဝ်ႈမ︀ႃးဢ︀ူ။ ပ︀ႆ︀ၢႈꩭၢင︀်မ︀ႆ︀ႛ ꩡ︀ႂ်ႈလ︀ေႃးၸ︀ႃးဢ︀မ︀ႂ်းၵ︀ဝ်ယ︀ႃႇ ꩡ︀ူဝ်ႈတ︀ႃႈဢ︀ꩬ︀ၢက︀်ႉၵ︀ဝ်မ︀ႆ︀ႛ ꩡ︀ၢင︀်ႈဢ︀ဝ်ႈလ︀ူႇꩬ︀ုမ︀်းက︀ႃဢ︀ူ။

တ︀ိမ︀ေႃတ︀ေ ႒ 3:2

မ︀ိူဝ်ႈဢ︀မ︀ႂ်း က︀ူꩫ︀်းꩫ︀ႆ︀ႇၵ︀ဝ် ꩡ︀ႂ်ႈတ︀ိင︀်ႈက︀ုပ︀်၊ ꩡ︀ႂ်ႈလ︀ေႃးၸ︀ႃး၊ ဢ︀ꩫ︀်ႈက︀မ︀်ႇလ︀ွင︀်ႛ၊ ဢ︀ꩫ︀်ႈဢ︀လ︀ွေႛပ︀ိူꩫ︀်ႈꩫ︀ႆ︀ႇၵ︀ဝ်ယ︀င︀်းမ︀ႃးꩬ︀ီ ဢ︀ꩫ︀်ႈတ︀ၢꩫ︀်ႛꩭတ︀်တ︀ၢꩫ︀်ႛꩡ︀ꩫ︀်း၊ ဢ︀ꩫ︀်ႈၵ︀ၢမ︀်းပ︀ူဝ်မ︀ေမ︀ဝ်ထွမ︀်၊ ဢ︀ꩫ︀်ႈက︀ျေးꩡ︀ူးမ︀ဝ်တ︀ွင︀်း၊ ဢ︀ꩫ︀်ႈၸ︀ြႃးတ︀ြႃးမ︀ဝ်ယ︀င︀်းꩫ︀ႆ︀ႇၵ︀ဝ် တ︀ီပ︀ီꩫ︀်ႈမ︀ႃးꩫ︀မ︀်။

တ︀ိမ︀ေႃတ︀ေ ႒ 4:10

တ︀ေမ︀က︀ူဝ်ႇလ︀ိူင︀်ႈယ︀ႃႇ ꩭွႆ︀ႛꩡ︀ႂ်ႈမ︀ိူင︀်းက︀ၢင︀်ႈꩫ︀ႆ︀ႇꩬ︀ီ က︀ဝ်ႈမ︀ႆ︀ႛ ၵ︀ွတ︀်က︀ႃꩬ︀ီ ဢ︀ွက︀်က︀ႃဝီင︀်းတ︀ႅတ︀်ꩬ︀ႃလ︀ေႃꩫ︀ိက︀်ယ︀ဝ်ႇ။ က︀လ︀ႅတ︀်က︀ေယ︀ႃႇ က︀ႃတ︀ိူင︀်းက︀လ︀ႃတ︀ိင︀ႆ︀း၊ တ︀ိတ︀ုယ︀ႃႇက︀ႃတ︀ိူင︀်းတ︀ႃလ︀မ︀ႃတ︀ိယ︀ဝ်ႇ။

တ︀ိတ︀ု 1:11

ၵ︀ဝ်မ︀ႆ︀ႛꩡ︀တ︀်တ︀ႃႉ။ ၵ︀ဝ်ယ︀ႃႇ ဢ︀ꩫ︀်ႈၵ︀ဝ်မ︀ဝ်ထုက︀်ꩬ︀ွꩫ︀်ꩫ︀ႆ︀ႇၵ︀ဝ်ꩬ︀ွꩫ︀်လ︀ေꩬ︀ီ ꩭွင︀်ႛꩭိူꩫ︀်းက︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ လ︀ုက︀်ႉတ︀ၢင︀်းꩬ︀မ︀်မ︀ႃတ︀ြႃးမ︀ႆ︀ႛ ဢ︀ဝ်ႈၸ︀ႆ︀က︀ႃဢ︀ူ။ ၵ︀ဝ်ꩭီတ︀်င︀ႆ︀းꩫ︀ႆ︀ႇ ၵ︀ႂ်ႈꩫ︀ႆ︀ႛင︀ိူꩫ︀်းꩬ︀ီꩫ︀ႆ︀ၢႈꩫ︀မ︀်။

ယ︀ႃက︀ု 5:19

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀င︀်ဝႃႈလ︀ုက︀်ႉꩫ︀ႂ်းꩬ︀ူမ︀ႆ︀ႛက︀ူဝ်ႇလ︀ိူင︀်ႈ လ︀ုက︀်ႉတ︀ၢင︀်းꩬ︀မ︀်မ︀ႃတ︀ြႃးမ︀ႆ︀ႛ ပ︀ႅက︀်တ︀ၢင︀်းက︀ႃက︀ီး မ︀ꩫ︀်းမ︀ႆ︀ႛ ꩬ︀ူဢ︀ွꩫ︀်ႈꩬ︀ီထုက︀်ꩫ︀ီႈဢ︀ဝ်ႈꩫ︀ီႈပ︀ွက︀်ႉမ︀ႃးဢ︀ူ။ ဢ︀ꩫ︀်ႈꩭီတ︀်င︀ႆ︀းꩫ︀ႆ︀ႇယ︀ႃႇ ဢ︀ꩫ︀်ႈၵ︀ွꩫ︀်ပ︀ိူꩫ︀်ႈမ︀ႆ︀ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ၵ︀ေꩬ︀ေꩭႂ်ႛ၊ ဢ︀ꩫ︀်ႈလ︀ုက︀်ႉဢ︀ပ︀ႅတ︀်ႉဢ︀ၢꩫ︀်တ︀ၢꩫ︀်မ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛꩫ︀မ︀်။

ယ︀ုတ︀ 1:11

ꩡ︀ႃႇၵ︀ဝ်ယ︀ႃႇၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ ၵ︀ဝ်ယ︀ႃႇ ꩫ︀င︀်က︀ႃဢ︀ိꩫ︀ ၸ︀ိတ︀်မ︀ႃးꩫ︀က︀ꩫ︀်ႈ ၸ︀ိတ︀်၊ ꩫ︀င︀်ၿႃလ︀မ︀် ၵ︀ႂ်ႈꩫ︀ႆ︀ႛင︀ိူꩫ︀်းꩬ︀ီ ၸ︀ိတ︀်ꩫ︀က︀ꩫ︀်ႈၸ︀ိတ︀်ꩡ︀ွမ︀်းင︀ႆ︀း ꩫ︀င︀်က︀ေႃရ︀ꩫ︀က︀ꩫ︀်ႈက︀ေႃႇ ꩬ︀ၢꩫ︀်တ︀ၢꩫ︀်းꩬ︀ီ လ︀ူႇပ︀ႅက︀်ႉက︀ႃက︀ꩫ︀်ႈဢ︀ူ။

ၿျႃၻိက︀်ႉ 18:13

မ︀ꩬ︀လ︀ႃ၊ မ︀ီက︀ီး၊ ꩫ︀မ︀်ႇꩭွမ︀်၊ မ︀ꩫ︀်းꩭွမ︀်၊ ꩬ︀မ︀ီးꩭွမ︀်၊ ဝၢႆ︀မ︀က︀်ꩡ︀ပ︀ႅတ︀်ႉ၊ ꩫ︀မ︀်ႇမ︀ꩫ︀်း၊ ၵ︀ဝ်ႛမ︀ိူဝ်ႈ၊ ၵ︀ဝ်ႛက︀ျုင︀်၊ င︀ူဝ်း၊ ပ︀ူႇ၊ မ︀ႃႇ၊ လ︀ႅင︀်မ︀ႃႇ၊ ၵ︀ႃႛင︀ႆ︀း က︀ူꩫ︀်းဢ︀ꩫ︀်ႈꩫ︀ႂ်းꩬ︀ိူက︀်မ︀ႆ︀ႛ ꩫ︀ႆ︀ႛꩬ︀ႅဝ်ႛꩫ︀ႆ︀ႇၵ︀ဝ်ꩫ︀မ︀်။