တ︀ိမ︀ေႃတ︀ေ ႑ 5:21 - Khamti Shan

²¹ ၸ︀ႂ်မ︀ႆ︀ႛက︀ေႃႇ မ︀ဝ်ꩡ︀ွႆ︀ႈပ︀ွင︀်ႇ၊ မ︀ဝ်ꩫ︀ူႈꩫ︀ႃႛꩬ︀ီ ဢ︀ꩫ︀်ႈင︀ႆ︀ႚꩬ︀ွꩫ︀်ꩬ︀င︀်ꩫ︀ႆ︀ႇၵ︀ဝ် ꩡ︀ွမ︀်းꩭီတ︀်က︀ႃတ︀ႃႉꩫ︀ꩬ︀ီ မ︀ႂ်းမ︀ႆ︀ႛ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛ၊ ပ︀ၢင︀်ႈꩫ︀ႃႛꩡ︀ဝ်ႛယ︀ေꩬ︀ုၵ︀ရ︀ီတ︀်င︀ႆ︀း ပ︀ၢင︀်ႈꩫ︀ႃႛၵ︀ုꩫ︀်ꩬ︀ၢင︀် ဢ︀ꩫ︀်ႈမ︀ူတ︀်ꩡ︀ၢင︀်ယ︀ႂ်မ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ဢ︀မ︀ိင︀်းပ︀ူင︀်ႈꩭႂ်ႛမ︀ႃးယ︀ဝ်ႇ။

တ︀ိမ︀ေႃတ︀ေ ႑ 5:21 Iomraidhean Croise

မ︀တ︀်တ︀ႄး 16:27

က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း တ︀င︀်းၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ် ဢ︀ဝ်ႈမ︀ူꩫ︀်ႈၸ︀ုင︀်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀ီက︀ျွႃးမ︀ႃးꩫ︀မ︀်။ မ︀ိူဝ်ႈဢ︀မ︀ႂ်း ဢ︀ꩫ︀်ႈꩫ︀င︀်က︀ူꩫ︀်းꩫ︀ႆ︀ႇၵ︀ဝ်ꩭီတ︀်မ︀ႃးꩫ︀ႆ︀ႇ က︀ူႈက︀ူဝ်ႇမ︀ႆ︀ႛ ဢ︀က︀ိဝ်းဢ︀ပ︀ႅတ︀်ႉတ︀ီပ︀ူင︀်ႈꩭႂ်ႛꩫ︀မ︀်။

မ︀တ︀်တ︀ႄး 25:41

ယ︀ဝ်ႇက︀ီး ၸ︀ုင︀်က︀ူꩫ︀်းဢ︀ꩫ︀်ႈပ︀ႃႛꩬ︀ႆ︀ၢႇꩫ︀ႆ︀ႇၵ︀ဝ်မ︀ႆ︀ႛယ︀ႃႇ “ꩬ︀ူဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ိꩫ︀်ဝႆ︀ႇꩫ︀ႆ︀ႇၵ︀ဝ်ယ︀ႃႇ ဢ︀ွက︀်က︀ႃတ︀ႃႉ။ မ︀ူဝ်ႛၸ︀ႆ︀းဢ︀ꩫ︀်ႈမ︀ိူဝ်ႈလ︀ႂ်ႈက︀ေႃႇ မ︀ဝ်မ︀ွတ︀်ꩡ︀ၢင︀်ႈ ဢ︀ꩫ︀်ႈꩡ︀ႃႇၵ︀ုꩫ︀်ꩬ︀ူင︀်င︀ႆ︀းꩡ︀ႃႇတ︀ပ︀ေးမ︀ꩫ︀်းၵ︀ဝ်ꩭႅမ︀်းဝႆ︀ႇမ︀ႆ︀ႛ က︀ႃတ︀ူက︀်တ︀ႃႉ။

မ︀တ︀်တ︀ႄး 28:20

ဢ︀ꩫ︀်ႈꩬ︀ူမ︀ႆ︀ႛ က︀ဝ်ႈꩬ︀ွꩫ︀်ꩭႂ်ႛမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ ꩭႂ်ႛပ︀ူဝ်းၵ︀ဝ်ထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ွꩫ︀်ꩭႂ်ႛက︀ꩫ︀်ႈတ︀ႃႉ။ က︀ႃႈက︀မ︀်ၸ︀ႃမ︀ဝ်ꩬ︀ိင︀်ႛꩬ︀ုတ︀်ယ︀ႃႇ က︀ဝ်ႈမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀င︀်းꩬ︀ူတ︀ီယ︀င︀်းꩬ︀ီဢ︀ူꩫ︀မ︀်။

လ︀ုက︀ႃ 20:21

ၸ︀ူႛꩡ︀ွပ︀်ꩡ︀ႂ်းꩫ︀ႆ︀ႇၵ︀ဝ်က︀ေႃႇ က︀ႃꩬ︀ီ “ꩬ︀ြႃꩴ︀း မ︀ႂ်းꩡ︀ဝ်ႛယ︀ႃႇ ꩭူဝ်းꩬ︀ိုဝ်ႈꩰဢ︀ူ။ ꩫ︀ႃႛၸ︀ႂ်မ︀ႆ︀ႛက︀ေႃႇမ︀ဝ်ꩫ︀ူႈꩬ︀ီ ꩬ︀မ︀်မ︀ႃတ︀ြႃး လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ွꩫ︀်ꩬ︀ိုဝ်ႈꩰဢ︀ူꩫ︀ꩫ︀ႆ︀ႇ တ︀ူႈတ︀ွင︀်းတ︀ီၵ︀ႃႛဢ︀ူ။

လ︀ုက︀ႃ 9:26

ꩬ︀င︀်ဝႃႈꩬ︀ူ လ︀ႆ︀ၢးပ︀ိူဝ်ႈက︀ဝ်ႈ၊ လ︀ႆ︀ၢးပ︀ိူဝ်ႈၵ︀ၢမ︀်းက︀ဝ်ႈꩬ︀ီ ဢ︀ႆ︀ၢႈက︀ီး မ︀ိူဝ်ႈလ︀ုက︀်ႉက︀ူꩫ︀်း ဢ︀ဝ်ႈမ︀ူꩫ︀်ႈင︀ဝ်းမ︀ꩫ︀်းꩡ︀ဝ်ႛ၊ ဢ︀ဝ်ႈမ︀ူꩫ︀်ႈင︀ဝ်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛင︀ႆ︀း ဢ︀ဝ်ႈမ︀ူꩫ︀်ႈင︀ဝ်းၵ︀ုꩫ︀်ꩬ︀ၢင︀်မ︀ူတ︀်ꩡ︀ၢင︀်ꩫ︀ႆ︀ႇၵ︀ဝ် က︀ျွႃးမ︀ႃးꩫ︀ႆ︀ႇ ꩡ︀ႃႇꩬ︀ူတ︀ီဢ︀ႆ︀ၢႈꩫ︀မ︀်။

က︀ေႃရ︀ိꩫ︀်တ︀ု ႒ 5:16

င︀ႆ︀းꩫ︀ႆ︀ႇꩬ︀ီ ꩭဝ်းယ︀ႃႇ ၸ︀ႂ်မ︀ႆ︀ႛက︀ေႃႇ ဢ︀ဝ်ႈပ︀ႅင︀်ႈမ︀ိူင︀်းက︀ၢင︀်ႈ ꩵ︀ႈတ︀တ︀်ၵ︀ꩫ︀်ယ︀ဝ်ႇ။ မ︀ိူဝ်ႈင︀ႃးပ︀ုꩫ︀်ႛယ︀ႃႇ ꩡ︀ဝ်ႛၵ︀ရ︀ီတ︀်မ︀ႆ︀ႛ ဢ︀ဝ်ႈပ︀ႅင︀်ႈမ︀ိူင︀်းက︀ၢင︀်ႈ တ︀တ︀်ၵ︀ꩫ︀်မ︀ႃးꩫ︀က︀ေႃႇ င︀ႆ︀ႚယ︀ႃႇꩵ︀ႈꩭီတ︀်ယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:27

ဢ︀ႃꩫ︀ႃꩡ︀ဝ်ႛယ︀ေꩬ︀ုမ︀ႆ︀ႛပ︀ိုင︀်ႈဢ︀ိင︀်ႈꩬ︀ီ ꩬ︀ူမ︀ႆ︀ႛက︀ဝ်ႈ တ︀ိက︀်ꩬ︀ူꩫ︀်းꩭႂ်ႛဢ︀ူ။ လ︀ိက︀်ႉꩫ︀ႆ︀ႇက︀ူꩫ︀်းꩡ︀ိူဝ်းတ︀င︀်းမ︀ိူင︀်းမ︀ႆ︀ႛ ဢ︀ၢꩫ︀်ꩭႂ်ႛတ︀ႃႉ။

တ︀ိမ︀ေႃတ︀ေ ႑ 6:13

ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈတ︀င︀်းမ︀ိူင︀်းမ︀ႆ︀ႛ ꩭႂ်ႛဢ︀ꩬ︀ၢက︀်ႉမ︀ႆ︀ႛတ︀မ︀ိူင︀်း၊ ပ︀ၢင︀်ႈꩫ︀ႃႛꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈပ︀ၢင︀်ႈꩫ︀ႃႛၵ︀ုꩫ︀်ပ︀ုင︀်တ︀ိပ︀ိလ︀ၢတ︀်မ︀ႆ︀ႛ မ︀ဝ်က︀ူဝ်ႈမ︀ဝ်ꩬ︀ွင︀်ꩬ︀ီ လ︀ွင︀်ႈꩬ︀မ︀်မ︀ႃတ︀ြႃးꩭီတ︀်ꩬ︀ၢက︀်ႉꩬ︀ေမ︀ႃးမ︀ႆ︀ႛတ︀မ︀ိူင︀်း မ︀ႂ်းမ︀ႆ︀ႛ က︀ဝ်ႈဝႃႈက︀ွတ︀်၊ ဢ︀မ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ မ︀ႂ်းမ︀ႆ︀ႛ ပ︀ူင︀်ႈꩭႂ်ႛꩫ︀ႆ︀ႇၵ︀ဝ် က︀ႃႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ဝ်က︀ျွႃးမ︀ႃးꩫ︀ႆ︀ႇ ꩬ︀ႅတ︀်ႉꩡ︀ႃယ︀င︀်းꩬ︀ီꩭီတ︀်တ︀ႃႉ။

တ︀ိမ︀ေႃတ︀ေ ႒ 2:14

လ︀ွင︀်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းမ︀ဝ်လ︀ုမ︀်းꩫ︀ႆ︀ႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀တ︀ိꩭႂ်ႛတ︀ႃႉ။ ပ︀ွင︀်ႛလ︀ုက︀်ႉၵ︀ၢမ︀်းꩫ︀ႆ︀ႇၵ︀ဝ်က︀ေႃႇ ꩭႂ်ႛပ︀ူဝ်းမ︀ဝ်ထီင︀်ၵ︀ၢမ︀်းက︀ꩫ︀်ႈꩫ︀ႆ︀ႇက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀ိူင︀်ꩬ︀ီ ၵ︀ဝ်မ︀ႆ︀ႛꩡ︀တ︀်​ပ︀ေႇပ︀ေႇတ︀ႃႉ။ င︀ႆ︀းꩬ︀ီထီင︀်ၵ︀ၢမ︀်းက︀ꩫ︀်ႈꩫ︀ႆ︀ႇ ဢ︀က︀ိဝ်းꩵ︀ႈယ︀င︀်း။ ꩭၢင︀်းꩭႂ်ႛၸ︀ူႛထွမ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈပ︀ီꩫ︀်ႈၸ︀ေးꩫ︀ႆ︀ၢႈꩫ︀မ︀်။

တ︀ိမ︀ေႃတ︀ေ ႒ 4:1

မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩫ︀င︀်ꩡ︀ဝ်ႛꩭူဝ်ၵ︀မ︀်းꩫ︀က︀ꩫ︀်ႈက︀ျွႃးပ︀ွက︀်ႉမ︀ႃးꩫ︀ႆ︀ႇ ၸ︀ူႛတ︀ႆ︀ၢႈၸ︀ူႛꩫ︀ိပ︀်တ︀င︀်းလ︀ုင︀်မ︀ႆ︀ႛ မ︀ꩫ︀်းꩡ︀ဝ်ႛတ︀ီပ︀ႅတ︀်ႉတ︀ြႃးꩫ︀မ︀်။ င︀ႆ︀းꩫ︀ႆ︀ႇꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭီတ︀်ဢ︀ၵ︀ႅက︀်ႉꩬ︀ီ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ု ꩬ︀ေႈꩡ︀ႃႉꩬ︀ီꩭူဝ်းတ︀ႃႉꩫ︀ꩬ︀ီ က︀ဝ်ႈမ︀ႂ်းမ︀ႆ︀ႛꩬ︀င︀်ꩫ︀ႃႚꩫ︀ႃႚမ︀ႃးယ︀ဝ်ႇ။ ꩫ︀ႃး၊ ၵ︀ဝ်ၵ︀ႂ်ႈထွမ︀်ပ︀တ︀ု မ︀ဝ်ၵ︀ႂ်ႈထွမ︀်ပ︀တ︀ု ꩭူဝ်းတ︀ႃႉ။ ဢ︀ꩫ︀်ႈၵ︀ဝ်ၸ︀ိတ︀်ꩫ︀ႆ︀ႇ ꩡ︀ီႇပ︀ျႃးတ︀ႃႉ။ က︀ူဝ်ႇဢ︀ꩫ︀်ႈဢ︀ပ︀ႅတ︀်ႉယ︀င︀်းမ︀ႆ︀ႛ ꩬ︀ုင︀်းမ︀ႃးတ︀ႃႉ။ ꩡ︀ႂ်ႈဢ︀ဝ်ႈယ︀ၢဝ်းꩰꩬ︀ီ ꩬ︀ွꩫ︀်ꩭႂ်ႛ၊ ထႅမ︀်ꩭႅင︀်းꩭႂ်ႛတ︀ႃႉ။

ယ︀ႃက︀ု 3:17

ꩫ︀ႆ︀ႇꩫ︀က︀ေႃႇ တ︀ၢင︀်းꩡ︀ၢင︀်ႈဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ႃးꩫ︀ႆ︀ႇယ︀ႃႇ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်ꩵ︀ႈလ︀ွေႛ။ က︀တ︀်ယ︀ီꩫ︀်ႈꩬ︀ီ ꩡ︀ႂ်ႈက︀ၢင︀်ႛꩡ︀ႂ်ႈꩫ︀ႃဢ︀ူ။ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ထုက︀်က︀ꩫ︀်ႈꩭၢက︀်ႉက︀ꩫ︀်ႈ၊ ဢ︀ီꩫ︀ူႈက︀ꩫ︀်ႈꩬ︀ီ တ︀ၢင︀်းက︀ႅင︀်းဢ︀ꩫ︀်ႈꩫ︀ီႈꩫ︀ႆ︀ႇၵ︀ဝ် က︀ူႈၸ︀ꩫ︀်းဢ︀ဝ်ႈပ︀ီꩫ︀်ႈမ︀ႃးဢ︀ူ။ ဢ︀ꩫ︀်ႈꩫ︀ူႈꩫ︀ႃႛလ︀ီက︀်ႉꩫ︀ႃႛယ︀ႂ်၊ ဢ︀ꩫ︀်ႈက︀ႅမ︀်ႛꩫ︀ႃႛꩫ︀ꩫ︀ႆ︀ႇၵ︀ဝ်က︀ေႃႇꩵ︀ႈယ︀င︀်း။

ပ︀ေတ︀ရ︀ု ႒ 2:4

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ုꩫ︀်ꩬ︀ၢင︀်ဢ︀ꩫ︀်ႈꩭီတ︀်ဢ︀ပ︀ႅတ︀်ႉမ︀ႃးꩫ︀ႆ︀ႇၵ︀ဝ်မ︀ႆ︀ႛꩫ︀ႆ︀ၢႈက︀ေႃႇ ꩵ︀ႈပ︀ွႆ︀လ︀ွတ︀်ႉꩭႂ်ႛ။ ၵ︀ဝ်မ︀ႆ︀ႛ ပ︀ွႆ︀တ︀ူက︀်မ︀ိူင︀်းၵ︀ုꩫ︀်တ︀ႆ︀ၢႈၵ︀ွတ︀်ꩬ︀ီ က︀ႃႈဝꩫ︀်းဢ︀ꩫ︀်ႈၵ︀ဝ်မ︀ႆ︀ႛပ︀ႅတ︀်ႉတ︀ြႃးမ︀ဝ်ထိုင︀်ယ︀ႃႇ ဢ︀ꩫ︀်ႈꩫ︀မ︀်ႈꩬ︀ိင︀်လ︀ူင︀်မ︀ႆ︀ႛ ဢ︀ဝ်ႈꩬ︀ႆ︀ၢလ︀ီက︀်ၸ︀ုက︀်ဝႆ︀ႇဢ︀ူ။

ယ︀ုတ︀ 1:6

ꩡ︀ႃႇလ︀ိူင︀်ႈ ၵ︀ုꩫ︀်ꩬ︀ၢင︀်ဢ︀ꩫ︀်ႈ ꩡ︀ꩫ︀်ႇၸ︀ူႛꩡ︀ဝ်ႛမ︀ႆ︀ႛ မ︀ဝ်ဢ︀ူꩫ︀ီႈꩫ︀ီႈꩬ︀ီ လ︀ုက︀်ႉဢ︀ွင︀်ႛၸ︀ူႛꩡ︀ဝ်ႛမ︀ႆ︀ႛ ဢ︀ွက︀်က︀ႃꩫ︀ႆ︀ႇၵ︀ဝ်မ︀ႆ︀ႛက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီႈဢ︀ꩫ︀်ႈꩫ︀မ︀်ႈꩬ︀ိင︀်လ︀ူင︀်မ︀ႆ︀ႛ ꩡ︀ႃႇꩭၢင︀်းဝꩫ︀်းပ︀ႅတ︀်ႉတ︀ြႃး ၸ︀ုက︀်ဝႆ︀ႇလ︀ေႚလ︀ေႚꩬ︀ီ ၵ︀င︀်ဝႆ︀ႇဢ︀ူ။

ၿျႃၻိက︀်ႉ 14:10

တ︀ေႃးꩬ︀ႃးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၵ︀ဝ်မ︀ႆ︀ႛ ꩫ︀ူꩫ︀်ႇဝၢႆ︀မ︀က︀်ꩡ︀ပ︀ႅတ︀်ႉꩫ︀က︀ꩫ︀်ႈꩫ︀ႆ︀ႇ တ︀ီꩫ︀ႆ︀ႛၵ︀ၢမ︀်ꩫ︀မ︀်။ င︀ႆ︀းꩬ︀ီ ၵ︀ဝ်ယ︀ႃႇ ပ︀ၢင︀်ႈꩫ︀ႃႛၵ︀ုꩫ︀်ꩬ︀ၢင︀်မ︀ူတ︀်ꩡ︀ၢင︀်ꩫ︀ႆ︀ႇၵ︀ဝ်င︀ႆ︀း ပ︀ၢင︀်ႈꩫ︀ႃႛပ︀ူႇဢ︀ွꩫ︀်မ︀ႆ︀ႛ က︀ꩫ︀်ႛꩫ︀ႂ်းၸ︀ႆ︀းက︀ၢꩫ︀်ႇမ︀ႆ︀ႛ တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀မ︀်။