တ︀ိမ︀ေႃတ︀ေ ႑ 4:12 - Khamti Shan

¹² မ︀ႂ်းꩫ︀ုမ︀်ꩫ︀ႆ︀ႇꩬ︀ီ ဢ︀ꩫ︀်ႈမ︀ႂ်းမ︀ႆ︀ႛ ပ︀ိူꩫ︀်ႈတ︀ီမ︀ဝ်ၵ︀ၢꩫ︀်းꩫ︀ႆ︀ႇ ပ︀ီꩭႂ်ႛယ︀င︀်း။ ꩭႂ်ႛပ︀ူဝ်းမ︀ႂ်းမ︀ႆ︀ႛ ၵ︀ဝ်ယ︀ီင︀်ႈꩡ︀ွမ︀်းမ︀ႃးꩫ︀ႆ︀ႇ ဢ︀ꩫ︀်ႈတ︀ၢꩫ︀်ႛဢ︀ꩫ︀်ႈလ︀တ︀်ႉ၊ ဢ︀ꩫ︀်ႈꩭီတ︀်ဢ︀ꩫ︀်ႈꩭႆ︀၊ လ︀ွင︀်ႈꩭၢက︀်ႉပ︀ိူꩫ︀်ႈ၊ လ︀ွင︀်ႈယ︀ုမ︀်ယ︀မ︀်ႈၸ︀ြႃးပ︀ီꩫ︀်ႈꩡ︀ဝ်ႛ၊ လ︀ွင︀်ႈဢ︀ꩫ︀်ႈမ︀ူတ︀်ꩡ︀ၢင︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀ႃႇတ︀င︀်းမ︀ိူင︀်း ဢ︀ဝ်ႈပ︀ီꩫ︀်ႈပ︀ႅင︀်ႈꩡ︀ွမ︀်းတ︀ႃႉ။

တ︀ိမ︀ေႃတ︀ေ ႑ 4:12 Iomraidhean Croise

မ︀တ︀်တ︀ႄး 18:10

က︀ဝ်ႈဝႃႈက︀ွတ︀်။ ꩬ︀ူꩬ︀တ︀ိက︀ꩫ︀်ႈတ︀ႃႉ။ လ︀ၵ︀ႃꩫ︀ႆ︀ႇၵ︀ဝ်မ︀ႆ︀ႛ ပ︀ီဢ︀လ︀ွေႛ။ က︀ၢင︀်ႈꩭၢဝ်မ︀ႆ︀ႛ ၵ︀ုꩫ︀်ꩬ︀ၢင︀်ဢ︀ꩫ︀်ႈပ︀ႂ်ႇၵ︀ဝ် မ︀ိူဝ်ႈလ︀ႂ်ႈက︀ေႃႇ ပ︀ၢင︀်ႈꩫ︀ႃႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛဢ︀ူက︀ꩫ︀်ႈꩫ︀မ︀်။

က︀ေႃရ︀ိꩫ︀်တ︀ု ႑ 11:1

က︀ဝ်ႈꩫ︀င︀်ꩡ︀ဝ်ႛၵ︀ရ︀ီတ︀်ꩫ︀က︀ꩫ︀်ႈ ꩡ︀ွမ︀်းက︀ႅင︀်းꩫ︀ႆ︀ႇꩬ︀ီ ꩬ︀ူက︀ေႃႇ ꩫ︀င︀်က︀ဝ်ႈꩫ︀က︀ꩫ︀်ႈ ꩡ︀ွမ︀်းက︀ႅင︀်းက︀ꩫ︀်ႈမ︀ႃးတ︀ႃႉ။

ၸ︀ိလ︀ိပ︀်ပ︀ၢႆ︀ 4:8

ပ︀ီႈꩫ︀ွင︀်ႇၵ︀ဝ်ꩴ︀း ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ ၵ︀ႂ်ႈဝႃႈꩫ︀ႆ︀ႇယ︀ႃႇ ꩭူဝ်ꩡ︀ႂ်ႈꩬ︀ူမ︀ႆ︀ႛ ဢ︀ꩫ︀်ႈꩬ︀ိုဝ်ႈꩡ︀ႂ်ႈ၊ ဢ︀ꩫ︀်ႈꩫ︀ီႈမ︀ျတ︀်ႉ၊ ဢ︀ꩫ︀်ႈꩥ︀ႃးလ︀ွင︀်ႈ၊ ꩡ︀ႂ်ႈဢ︀ꩫ︀်ႈၵ︀ၢဝ်၊ တ︀ၢင︀်းက︀ႅင︀်းဢ︀ꩫ︀်ႈꩬ︀ႅꩫ︀်ႛ၊ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်ꩭုမ︀်ꩫ︀ႆ︀ႇၵ︀ဝ် ꩡ︀ႂ်ႈဢ︀ꩫ︀်ႈမ︀ျတ︀်ႉလ︀ူင︀်ꩬ︀ီ ၵ︀ိူင︀်ႈꩫ︀ီႈယ︀ူဝ်းယ︀ွင︀်ႛꩫ︀ႆ︀ႇၵ︀ဝ်ꩬ︀ိုင︀် ၵ︀ႂ်ႈꩡ︀ႂ်ႈဢ︀ူတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 1:6

ꩬ︀ူယ︀ႃႇ ꩫ︀င︀်ꩡ︀ဝ်ႛယ︀ေꩬ︀ုꩫ︀က︀ꩫ︀်ႈတ︀မ︀ိူင︀်း၊ ꩫ︀င︀်တ︀ူႈꩫ︀က︀ꩫ︀်ႈတ︀မ︀ိူင︀်း ꩡ︀ွမ︀်းက︀ႅင︀်းမ︀ႃးယ︀ဝ်ႇ။ ꩬ︀ူမ︀ႆ︀ႛ ပ︀ိူꩫ︀်ႈၵ︀ႂ်ႈလ︀ႂ်ႈꩫ︀ိက︀်ႉꩬ︀ၢက︀်ႉမ︀ႃးꩫ︀က︀ေႃႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈꩡ︀ူမ︀်းꩭုမ︀်ꩭႂ်ႛꩬ︀ီ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭၢပ︀်ႉဢ︀ဝ်ႈမ︀ႃးယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:10

ꩬ︀ူၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ တ︀ူႈက︀ꩬ︀င︀်က︀ေႃႇ ꩵ︀ႈၸ︀ိတ︀်မ︀ႃး။ ꩭူဝ်ꩡ︀ႂ်ႈဝႆ︀ႇꩫ︀ီႈꩫ︀ီႈ ꩬ︀ီ ꩬ︀ိုဝ်ႈꩰတ︀ူဝ်ꩰဢ︀ူမ︀ႃးꩫ︀မ︀်ꩫ︀ꩫ︀ႆ︀ႇက︀ေႃႇ ꩬ︀ူၸ︀ူႛꩡ︀ဝ်ႛတ︀ွင︀်းဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ တ︀ွင︀်းဢ︀ူ။

တ︀ိမ︀ေႃတ︀ေ ႑ 1:14

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ က︀ဝ်ႈမ︀ႆ︀ႛꩭၢက︀်ႉꩭွမ︀်ဢ︀ီꩫ︀ူႈလ︀ူင︀်မ︀ႃးꩫ︀မ︀်။ က︀ဝ်ႈယ︀ႃႇဢ︀ူက︀ꩫ︀်ႛꩫ︀ႂ်းမ︀ꩫ︀်းꩡ︀ဝ်ႛꩫ︀ႆ︀ႇꩬ︀ီ ꩭႂ်ႛပ︀ူဝ်း မ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ ပ︀ိူꩫ︀်ႈမ︀ႆ︀ႛက︀ေႃႇꩭၢက︀်ႉꩭွမ︀်ပ︀ီꩫ︀်ႈꩫ︀ႆ︀ႇ မ︀ꩫ︀်းꩡ︀ဝ်ႛက︀ဝ်ႈမ︀ႆ︀ႛꩡ︀ွႆ︀ႈꩭႂ်ႛမ︀ႃးယ︀ဝ်ႇ။

တ︀ိမ︀ေႃတ︀ေ ႒ 2:15

ꩭႂ်ႛပ︀ူဝ်းမ︀ႂ်း ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀ႆ︀ႛꩫ︀ႃႛꩫ︀ႆ︀ႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀ေႈꩡ︀ႃႉꩬ︀ီ ꩬ︀မ︀်မ︀ႃတ︀ြႃးꩬ︀ွꩫ︀်ꩬ︀ိုဝ်ႈꩰꩡ︀ုꩫ︀်ႈꩰတ︀ႃႉ။ င︀ႆ︀းက︀ီးမ︀ႂ်းပ︀ီꩫ︀်ႈ ၸ︀ူႛထၢမ︀်းဢ︀မ︀ူး ဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းꩬ︀ီ ဢ︀ꩫ︀်ႈဝႃႈက︀ူဝ်ႈဢ︀ႆ︀ၢႈ ꩵ︀ႈယ︀င︀်းယ︀ဝ်ႇ။

တ︀ိမ︀ေႃတ︀ေ ႒ 2:22

င︀ႆ︀းꩫ︀ႆ︀ႇꩬ︀ီ တ︀ၢင︀်းပ︀ိဝ်ဢ︀ꩫ︀်ႈꩬ︀ူ က︀ူꩫ︀်းꩫ︀ုမ︀်ꩫ︀ႆ︀ႇၵ︀ဝ်ပ︀ိဝ်၊ ဢ︀ꩫ︀်ႈꩬ︀ူမ︀ႆ︀ႛက︀ဝ်းꩬ︀ီတ︀ီဢ︀ဝ်ႈၸ︀ေႛက︀ႃꩫ︀ႆ︀ႇၵ︀ဝ်မ︀ႆ︀ႛ င︀ိူင︀်ႇက︀ႆ︀ႈက︀ႆ︀ႈတ︀ႃႉ။ မ︀ိူဝ်ႈလ︀ႂ်ႈက︀ေႃႇ ဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ၢႈꩬ︀ိုင︀်ꩭီတ︀်တ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ႅတ︀်ႉꩡ︀ႃယ︀င︀်းတ︀ႃႉ။ ပ︀ိူꩫ︀်ႈမ︀ႆ︀ႛတ︀င︀်းꩡ︀ႂ်ႈတ︀င︀်းၵ︀ူဝ်း ꩭၢက︀်ႉꩭွမ︀်တ︀ႃႉ။ တ︀င︀်းပ︀ိူꩫ︀်ႈဢ︀ဝ်ႈထုက︀်က︀ꩫ︀်ႈꩬ︀ီဢ︀ူတ︀ႃႉ။ လ︀ွင︀်ႈꩫ︀ႆ︀ႇၵ︀ဝ်တ︀င︀်းက︀ူꩫ︀်းဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ ꩬ︀ိုဝ်ႈꩰꩫ︀ꩫ︀်ႈꩰပ︀ႆ︀ၢႛဝႆ︀ႈꩫ︀ႆ︀ႇၵ︀ဝ် ꩭူမ︀်ႈꩭီတ︀်တ︀ႃႉ။

တ︀ိမ︀ေႃတ︀ေ ႒ 2:7

ဢ︀ꩫ︀်ႈက︀ဝ်ႈဝႃႈꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈꩡ︀ႂ်ႈတ︀ႃႉ။ ၵ︀ၢမ︀်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းမ︀ႂ်းပ︀ွင︀်ꩡ︀ႂ်ႈꩫ︀ီႈꩫ︀ီႈ ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩡ︀ွႆ︀ႈꩭႂ်ႛဢ︀ူ။

တ︀ိတ︀ု 2:15

က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈꩫ︀ႆ︀ႇဢ︀ဝ်ႈဢ︀ႃꩫ︀ႃꩬ︀ွꩫ︀်ꩭႂ်ႛꩬ︀ီ ꩬ︀ႂ်ꩭႅင︀်းꩭႂ်ႛ ꩬ︀ုင︀်းမ︀ႃးꩭႂ်ႛတ︀ႃႉ။ မ︀ႂ်းမ︀ႆ︀ႛ ꩭႂ်ႛပ︀ူဝ်းပ︀ိူꩫ︀်ႈꩫ︀ၢပ︀်ႉယ︀မ︀်ႈꩫ︀ႆ︀ႇက︀ေႃႇ ꩬ︀တ︀ိတ︀ႃႉ။

တ︀ိတ︀ု 2:7

မ︀ႂ်းၸ︀ူႛꩡ︀ဝ်ႛက︀ေႃႇ က︀ူႈꩡ︀ွင︀်ႈမ︀ႆ︀ႛꩭႂ်ႛပ︀ူဝ်းပ︀ိူꩫ︀်ႈယ︀ီင︀်ႈꩡ︀ွမ︀်းꩫ︀ႆ︀ႇ ꩭီတ︀်ပ︀ျႃး ဢ︀ူပ︀ျႃးတ︀ႃႉ။ မ︀ိူဝ်ႈမ︀ႂ်းꩬ︀ွꩫ︀်ꩫ︀ႆ︀ႇ ꩬ︀ိုဝ်ႈꩰတ︀ူဝ်ꩰ၊ လ︀ိူက︀်ႉꩰလ︀မ︀်ꩰꩬ︀ွꩫ︀်ꩭႂ်ႛတ︀ႃႉ။

ယ︀ႃက︀ု 3:13

ꩫ︀ႂ်းꩬ︀ူမ︀ႆ︀ႛ ၸ︀ူႛꩭူႇၸ︀ူႛꩡ︀ၢင︀်ႈယ︀င︀်းက︀ီး က︀ူဝ်ႇဢ︀မ︀ႂ်းယ︀ႃႇ ꩫ︀င︀်ဢ︀ꩫ︀်ႈၸ︀ူႛꩡ︀ဝ်ႛꩭူႇꩡ︀ၢင︀်ႈꩫ︀က︀ꩫ︀်ႈ ဢ︀ူꩫ︀ီႈꩫ︀ီႈ က︀မ︀်ႈက︀ႅင︀်းꩫ︀ီႈꩫ︀ီႈ တ︀ႃႉ။ တ︀ၢင︀်းꩡ︀ၢင︀်ႈၸ︀ူႛꩡ︀ဝ်ႛက︀ေႃႇ မ︀ဝ်က︀မ︀်ႇလ︀ွင︀်ႛꩬ︀ီ ပ︀ျႃးꩫ︀ီႈꩫ︀ီႈ တ︀ႃႉ။

ယ︀ႃက︀ု 3:17

ꩫ︀ႆ︀ႇꩫ︀က︀ေႃႇ တ︀ၢင︀်းꩡ︀ၢင︀်ႈဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ႃးꩫ︀ႆ︀ႇယ︀ႃႇ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်ꩵ︀ႈလ︀ွေႛ။ က︀တ︀်ယ︀ီꩫ︀်ႈꩬ︀ီ ꩡ︀ႂ်ႈက︀ၢင︀်ႛꩡ︀ႂ်ႈꩫ︀ႃဢ︀ူ။ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ထုက︀်က︀ꩫ︀်ႈꩭၢက︀်ႉက︀ꩫ︀်ႈ၊ ဢ︀ီꩫ︀ူႈက︀ꩫ︀်ႈꩬ︀ီ တ︀ၢင︀်းက︀ႅင︀်းဢ︀ꩫ︀်ႈꩫ︀ီႈꩫ︀ႆ︀ႇၵ︀ဝ် က︀ူႈၸ︀ꩫ︀်းဢ︀ဝ်ႈပ︀ီꩫ︀်ႈမ︀ႃးဢ︀ူ။ ဢ︀ꩫ︀်ႈꩫ︀ူႈꩫ︀ႃႛလ︀ီက︀်ႉꩫ︀ႃႛယ︀ႂ်၊ ဢ︀ꩫ︀်ႈက︀ႅမ︀်ႛꩫ︀ႃႛꩫ︀ꩫ︀ႆ︀ႇၵ︀ဝ်က︀ေႃႇꩵ︀ႈယ︀င︀်း။

ပ︀ေတ︀ရ︀ု ႑ 5:3

က︀ꩫ︀်ႛꩫ︀ိူဝ်က︀ူꩫ︀်းꩡ︀ိူဝ်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛဢ︀ၢပ︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩬ︀ူပ︀ီꩭီတ︀်ꩡ︀ုက︀်။ ꩭီတ︀်ပ︀ႅင︀်ႈꩡ︀ွမ︀်ႈꩬ︀ီꩬ︀ိုင︀် ၵ︀ဝ်မ︀ႆ︀ႛဢ︀ွꩫ︀်ႈꩭႂ်ႛက︀ꩫ︀်ႈတ︀ႃႉ။