တ︀ိမ︀ေႃတ︀ေ ႑ 2:6 - Khamti Shan

⁶ မ︀ꩫ︀်းꩡ︀ဝ်ႛယ︀ႃႇ ၵ︀ွတ︀်ဢ︀ꩬ︀ၢက︀်ႉꩬ︀ီ က︀ူꩫ︀်းတ︀င︀်းလ︀ုင︀်မ︀ႆ︀ႛ ꩬ︀ေထွတ︀်ꩭႂ်ႛမ︀ႃးယ︀ဝ်ႇ။ ဢ︀ꩫ︀်ႈꩫ︀ႆ︀ႇယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈမ︀ိူဝ်ႈယ︀ၢမ︀်းထုက︀်ꩫ︀ႆ︀ႇ က︀ူꩫ︀်းမ︀ိူင︀်းက︀ၢင︀်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၵ︀ႂ်ႈၵ︀ေꩬ︀ေꩭႂ်ႛမ︀ႃးꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႑ 2:6 Iomraidhean Croise

မ︀တ︀်တ︀ႄး 20:28

က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းꩫ︀ႆ︀ၢႈက︀ေႃႇ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩫ︀ႆ︀ႇ မ︀ႃးꩭီတ︀်ꩡ︀ဝ်ႛꩵ︀ႈꩡ︀ႂ်ႈ။ ꩭီတ︀်ၸ︀ူႛꩡ︀ႂ်ႇꩬ︀ီ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် လ︀ုက︀်ႉဢ︀ပ︀ႅတ︀်ႉမ︀ႆ︀ႛလ︀ွတ︀်ႉꩫ︀ႆ︀ႇ ဢ︀ဝ်ႈဢ︀ꩬ︀ၢက︀်ႉက︀ဝ်ႈၸ︀ူႛꩡ︀ဝ်ႛ မ︀ႃးꩬ︀ေထွတ︀်ပ︀ွက︀်ႉက︀ွတ︀်ꩫ︀ꩫ︀မ︀်” ꩫ︀ဝꩫ︀်ႇ။

မ︀ႃက︀ု 1:15

“ယ︀ၢမ︀်းဢ︀ꩫ︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ တ︀ီတ︀င︀်ႛတ︀ေꩫ︀ႆ︀ႇ ထိုင︀်မ︀ႃးယ︀ဝ်ႇ။ ꩬ︀ၢင︀်ဝွေꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇမ︀ႆ︀ႛ ယ︀ုမ︀်ယ︀မ︀်ႈက︀ꩫ︀်ႈတ︀ႃႉ” ꩫ︀ꩬ︀ီ ၵ︀ၢဝ်ႈၵ︀ၢမ︀်းꩫ︀ီႈၸ︀ြႃးပ︀ီꩫ︀်ႈꩡ︀ဝ်ႛꩭူဝ်းဢ︀ူ။

မ︀ႃက︀ု 10:45

လ︀ုက︀်ႉက︀ူꩫ︀်းတ︀မ︀ိူင︀်းက︀ေႃႇ မ︀ႃးꩭီတ︀်ꩡ︀ဝ်ႛပ︀ိူꩫ︀်ႈꩵ︀ႈꩡ︀ႂ်ႈ။ မ︀ႃးꩭီတ︀်ၸ︀ူႛၵ︀ႃႛပ︀ိူꩫ︀်ႈꩫ︀မ︀်။ မ︀ꩫ︀်းမ︀ႃးꩫ︀ႆ︀ႇ မ︀ႃးꩭႂ်ႛဢ︀ꩬ︀ၢက︀်ႉမ︀ꩫ︀်း ꩡ︀ႃႇꩭၢင︀်းထွတ︀်ဢ︀ꩬ︀ၢက︀်ႉက︀ူꩫ︀်းဢ︀ၢꩫ︀်တ︀ၢꩫ︀်ꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 6:51

က︀ဝ်ႈက︀ီးယ︀ႃႇ ၵ︀ဝ်ႛဢ︀ꩫ︀်ႈꩭႂ်ႛဢ︀ꩬ︀ၢက︀်ႉ ဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛလ︀ူင︀်းမ︀ႃးꩫ︀မ︀်။ ၵ︀ဝ်ႛꩫ︀ႆ︀ႇက︀ိꩫ︀်ႈက︀ီးယ︀ႃႇ ꩬ︀ူမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ꩬ︀ၢက︀်ႉꩫ︀ိပ︀်ဢ︀ူ။ ၵ︀ဝ်ႛဢ︀ꩫ︀်ႈက︀ဝ်ႈတ︀ီꩭႂ်ႛꩫ︀ႆ︀ႇယ︀ႃႇ တ︀ူဝ်ႈက︀ဝ်ႈ ဢ︀ꩫ︀်ႈက︀ူꩫ︀်းမ︀ိူင︀်းက︀ၢင︀်ႈမ︀ႆ︀ႛ ဢ︀ꩬ︀ၢက︀်ႉꩭႂ်ႛꩫ︀ႆ︀ႇꩫ︀မ︀်” ꩫ︀ဝꩫ︀်ႇ။

ရ︀ေႃမ︀ 16:26

ꩬ︀မ︀်မ︀ႃတ︀ြႃးဢ︀ꩫ︀်ႈဢ︀ဝ်ႈမ︀ႅပ︀်ဝႆ︀ႇဢ︀မ︀ႂ်းမ︀ႆ︀ႛ ꩭႂ်ႛပ︀ူဝ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်တ︀င︀်းလ︀ုင︀် ယ︀ုမ︀်ယ︀မ︀်ႈꩬ︀ီ ထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇ ဢ︀ဝ်ႈက︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်တ︀မ︀ိူင︀်း ဢ︀ဝ်ႈဢ︀မ︀ိင︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈထႃဝရ︀ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇတ︀မ︀ိူင︀်း င︀ႆ︀ႚယ︀ႃႇ ပ︀ုတ︀်ပ︀ျႃးꩭႂ်ႛမ︀ႃးယ︀ဝ်ႇ။

ရ︀ေႃမ︀ 5:6

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ မ︀ိူဝ်ႈꩭဝ်းယ︀ပ︀်ယ︀ၢက︀်ႉတ︀ႆ︀ႇတ︀ိူက︀်ႉꩬ︀ီဢ︀ူꩫ︀ႆ︀ႇ ယ︀ၢမ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ၢဝႆ︀ႇမ︀ႆ︀ႛ ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ် ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႑ 1:6

ပ︀ီꩫ︀်ႈင︀ႆ︀းꩫ︀ႆ︀ႇယ︀ႃႇ ꩬ︀ၢက︀်ႉꩬ︀ေလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈတ︀ူႈꩬ︀ူမ︀ႆ︀ႛ ၵ︀ႆ︀ႈꩭႂ်ႛမ︀ႃးꩫ︀ႆ︀ႇၵ︀ဝ် ꩬ︀ိုဝ်ႈꩡ︀ႂ်ႈဢ︀ူꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛပ︀ျႃးꩬ︀ၢက︀်ႉꩬ︀ေမ︀ႃးꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 5:21

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ဢ︀ပ︀ႅတ︀်ႉမ︀ဝ်ꩭွꩫ︀်ꩭီတ︀်ပ︀ိူင︀်ႈလ︀ူင︀်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ꩡ︀ႃႇꩭဝ်းꩭီတ︀်ၸ︀ူႛဢ︀ꩫ︀်ႈဢ︀ပ︀ႅတ︀်ႉယ︀င︀်းမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ꩭႂ်ႛပ︀ူဝ်းꩭဝ်း တ︀င︀်းမ︀ꩫ︀်းꩡ︀ဝ်ႛ ထုက︀်က︀ꩫ︀်ႈပ︀ွက︀်ႉꩫ︀ႆ︀ႛꩫ︀ႆ︀ႇꩫ︀မ︀်။

က︀လ︀ႃတ︀ိ 1:4

ꩡ︀ဝ်ႛယ︀ေꩬ︀ုယ︀ႃႇ ꩭႂ်ႛပ︀ူဝ်ꩭဝ်းꩫ︀င︀်က︀ူꩫ︀်းꩭၢႆ︀ႇပ︀ၢꩫ︀်ႈင︀ႆ︀ႚꩫ︀ႆ︀ႇၵ︀ဝ်ꩫ︀က︀ꩫ︀်ႈမ︀ဝ်လ︀ူႇမ︀ဝ်ꩬ︀ုမ︀်းꩫ︀ႆ︀ႇ ꩫ︀င︀်ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩬ︀ၢင︀်ဝႆ︀ႇꩫ︀က︀ꩫ︀်ႈ ꩡ︀ႃႇဢ︀ပ︀ႅတ︀်ႉꩭဝ်း ဢ︀ꩬ︀ၢက︀်ႉမ︀ꩫ︀်းꩡ︀ဝ်ႛၵ︀ွတ︀်ꩬ︀ီ ꩭဝ်းမ︀ႆ︀ႛၵ︀ေꩬ︀ေꩭႂ်ႛမ︀ႃးယ︀ဝ်ႇ။

က︀လ︀ႃတ︀ိ 4:4

ꩫ︀ႆ︀ႇꩫ︀က︀ေႃႇ ယ︀ၢမ︀်းထိုင︀်မ︀ႃးက︀ီး ၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ပ︀ွႆ︀ꩡ︀ႂ်ႇမ︀ႃးꩬ︀ီ လ︀ုက︀်ႉမ︀ꩫ︀်းꩡ︀ဝ်ႛက︀ေႃႇ လ︀ုက︀်ႉက︀ူꩫ︀်းယ︀ိင︀်းမ︀ႆ︀ႛ ၸ︀ႃးပ︀ီꩫ︀်ႈက︀ူꩫ︀်းမ︀ႃးယ︀ဝ်ႇ။ ꩭႂ်ႛပ︀ူဝ်း က︀ူꩫ︀်းဢ︀ꩫ︀်ႈဢ︀ူက︀ꩫ︀်ႛတ︀ႂ်ႛꩬ︀ိꩫ︀်က︀ျူးꩫ︀ႆ︀ႇၵ︀ဝ်မ︀ႆ︀ႛ ထွတ︀်ꩭႂ်ႛꩫ︀ႆ︀ႇင︀ႆ︀း ꩭႂ်ႛပ︀ူဝ်းက︀ူꩫ︀်းꩭဝ်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ မ︀ꩫ︀်းꩡ︀ဝ်ႛ က︀ꩫ︀်ႛတ︀ႂ်ႛꩬ︀ိꩫ︀်က︀ျူးမ︀ႆ︀ႛ ၸ︀ႃးမ︀ႃးယ︀ဝ်ႇ။

ဢ︀ေၸ︀ႅတ︀် 1:17

ၸ︀ြႃးꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ပ︀ူဝ်ꩡ︀ဝ်ႛဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်မ︀ႆ︀ႛ ꩭႂ်ႛပ︀ူဝ်းꩬ︀ူတ︀ွင︀်းမ︀ႃးꩫ︀ႆ︀ႇ မ︀ꩫ︀်းꩡ︀ဝ်ႛꩬ︀ူမ︀ႆ︀ႛ ၵ︀ွꩫ︀်မ︀ꩫ︀်းꩡ︀ဝ်ႛ ဢ︀ꩫ︀်ႈꩬ︀ူမ︀ႆ︀ႛပ︀ိင︀်ꩥ︀ႃပ︀ူင︀်ႈꩭႂ်ႛꩬ︀ီ ပ︀ုတ︀်ပ︀ျႃးလ︀ွင︀်ႈမ︀ꩫ︀်းꩡ︀ဝ်ႛꩫ︀ႆ︀ႇ ꩭႂ်ႛပ︀ူင︀်ႈꩭႂ်ႛက︀ႃတ︀ႃႉ။

ဢ︀ေၸ︀ႅတ︀် 1:7

ၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛဢ︀ီꩫ︀ူႈꩭၢက︀်ႉꩭွမ︀်လ︀ူင︀်ꩫ︀ႆ︀ႇꩬ︀ီ ဢ︀ဝ်ႈꩫ︀ိူတ︀်ႉလ︀ုက︀်ႉꩡ︀ႆ︀ၢးမ︀ꩫ︀်းꩡ︀ဝ်ႛ ထွတ︀်ꩭႂ်ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛဢ︀ဝ်ႈလ︀ွတ︀်ႉꩭႂ်ႛမ︀ႃးင︀ႆ︀းꩬ︀ီ ဢ︀ဝ်ႈꩥ︀ႅꩫ︀်ꩫ︀ၵ︀ႃပ︀ိင︀်ꩥ︀ႃတ︀င︀်းမ︀ိူင︀်း ꩭဝ်းမ︀ႆ︀ႛ က︀ျေးꩡ︀ူးမ︀ꩫ︀်းꩡ︀ဝ်ႛ ၵ︀ွင︀်းꩰလ︀ွင︀်းꩰꩭႂ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 3:5

မ︀ိူဝ်ႈင︀ႃးပ︀ုꩫ︀်ႛယ︀ႃႇ မ︀ꩫ︀်းꩡ︀ဝ်ႛလ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀်ꩫ︀ႆ︀ႇ က︀ူꩫ︀်းꩭဝ်းမ︀ႆ︀ႛ မ︀ဝ်ပ︀ုတ︀်ပ︀ျႃးမ︀ႃးꩫ︀က︀ေႃႇ င︀ႆ︀ႚယ︀ႃႇ တ︀မ︀ၢꩫ︀်ꩡ︀ဝ်ႛꩫ︀ႆ︀ႇၵ︀ဝ်င︀ႆ︀း ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ပ︀ုတ︀်ပ︀ျႃးꩭႂ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 5:2

ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀က︀ꩫ︀်ႈ ꩭီတ︀်က︀ꩬ︀င︀်ꩫ︀က︀ေႃႇ ဢ︀ဝ်ႈမ︀ႅတ︀်ႉတ︀ႃꩫ︀ႆ︀ၢႈꩬ︀င︀်ꩭီတ︀်က︀ꩫ︀်ႈတ︀ႃႉ။ မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛꩭၢက︀်ႉၸ︀ႅဝ်ꩫ︀ႆ︀ႇꩬ︀ီ ဢ︀ဝ်ႈဢ︀ꩬ︀ၢက︀်ႉမ︀ꩫ︀်းꩡ︀ဝ်ႛၵ︀ႅက︀်ꩡ︀ဝ်ႛꩬ︀ီ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ ဢ︀ꩫ︀်ႈမ︀ꩫ︀်းꩡ︀ဝ်ႛꩡ︀ႃႇꩭဝ်း ၵ︀ႅက︀်ꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈလ︀ူင︀်ꩫ︀မ︀်။

တ︀ိမ︀ေႃတ︀ေ ႑ 6:15

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၸ︀ူႛပ︀ီꩫ︀်ႈꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ ꩬ︀ူလ︀ိဝ်ႈပ︀ႃးလ︀ိဝ်ႈ၊ ꩡ︀ဝ်ႛဢ︀ꩫ︀်ႈမ︀ၢင︀်က︀လ︀ႃယ︀င︀်း၊ ꩡ︀ဝ်ႛꩭူဝ်ၵ︀မ︀်းꩡ︀ွမ︀်ႈ၊ ꩡ︀ဝ်ႛဢ︀ꩫ︀်ႈၵ︀ႅꩫ︀်းယ︀ႂ်မ︀ႅတ︀်ႉယ︀ႃႇ ယ︀ၢမ︀်းထိုင︀်က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀ီꩭႂ်ႛက︀ျွႃးလ︀ူင︀်းမ︀ႃးꩫ︀မ︀်။

တ︀ိမ︀ေႃတ︀ေ ႒ 1:8

င︀ႆ︀းꩫ︀ႆ︀ႇꩬ︀ီ လ︀ွင︀်ႈꩡ︀ဝ်ႛꩭဝ်း မ︀ဝ်က︀ူဝ်ႈမ︀ဝ်ဢ︀ႆ︀ၢႈꩬ︀ီ ၵ︀ႆ︀ႈတ︀ႃႉ။ လ︀ႆ︀ၢးပ︀ိူဝ်ႈမ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩬ︀ီ က︀ဝ်ႈတ︀ူက︀်ထွင︀်ꩫ︀ႆ︀ႇက︀ေႃႇ မ︀ႂ်းပ︀ီဢ︀ႆ︀ၢႈ။ ꩭႅင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛထႅမ︀်ꩭႂ်ႛꩫ︀ႆ︀ႇမ︀ႆ︀ႛ ဢ︀က︀မ︀်ꩬ︀ီ ꩫ︀င︀်က︀ဝ်ႈၻုက︀်ႉၵ︀ꩫ︀က︀ꩫ︀်ႈ မ︀ႂ်းက︀ေႃႇ ꩡ︀ႃႇၵ︀ၢဝ်ႈၵ︀ၢမ︀်းꩫ︀ီႈꩡ︀ဝ်ႛꩭဝ်း ၻုက︀်ႉၵ︀ꩫ︀က︀ေႃႇၵ︀ၢမ︀်တ︀ႃႉ။

တ︀ိတ︀ု 1:3

င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛၵ︀ေꩬ︀ေꩭဝ်းယ︀ႃႇ မ︀ိူဝ်ႈယ︀ၢမ︀်းထိုင︀်မ︀ႃးꩫ︀ႆ︀ႇ ꩬ︀မ︀်မ︀ႃတ︀ြႃးဢ︀မ︀ႂ်း က︀ဝ်ႈမ︀ႆ︀ႛ ပ︀ုတ︀်ပ︀ျႃးꩬ︀ီ ꩭႂ်ႛတ︀ႅဝ်မ︀ႃးꩫ︀မ︀်။

တ︀ိတ︀ု 2:14

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩭဝ်းမ︀ႆ︀ႛ လ︀ုက︀်ႉဢ︀ꩫ︀်ႈမ︀ဝ်ꩫ︀ီႈတ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းဢ︀ဝ်ႈမ︀ူတ︀်ꩡ︀ၢင︀်ꩭႂ်ႛꩫ︀ႆ︀ႇလ︀ိူင︀်ႈ၊ ꩭႂ်ႛပ︀ူဝ်းꩭဝ်း ပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩬ︀ီ ꩭီတ︀်လ︀ွင︀်ႈꩫ︀ီႈꩫ︀ႆ︀ႇလ︀ိူင︀်ႈ ဢ︀ꩬ︀ၢက︀်ႉမ︀ꩫ︀်းꩡ︀ဝ်ႛꩭႂ်ႛꩬ︀ီ ၵ︀ေꩬ︀ေမ︀ႃးယ︀ဝ်ႇ။

ꩭေပ︀ရ︀ူး 9:12

ယ︀ဝ်ႇက︀ီးမ︀ꩫ︀်းꩡ︀ဝ်ႛ တ︀ီႈဢ︀ꩫ︀်ႈၵ︀ႅꩫ︀်းမ︀ူတ︀်ꩡ︀ၢင︀်မ︀ႆ︀ႛ ꩡ︀ႃႇက︀ူꩫ︀်းတ︀င︀်းလ︀ုင︀် ၵ︀ဝ်ႛက︀ႃꩬ︀ီꩭဝ်းမ︀ႆ︀ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛ ꩡ︀ူဝ်ႈထႃဝရ︀က︀ေႛၵ︀ျွတ︀်ႉꩭႂ်ႛယ︀ဝ်ႇ။ မ︀ိူဝ်ႈဢ︀မ︀ႂ်း ဢ︀ဝ်ႈꩫ︀ိူတ︀်ႉင︀ူဝ်းဢ︀ွꩫ︀်၊ ꩫ︀ိူတ︀်ႉပ︀ေႇယ︀ႃႛꩫ︀ႆ︀ႇၵ︀ဝ်မ︀ဝ်ꩡ︀ႂ်ႈꩬ︀ီ ဢ︀ဝ်ႈꩫ︀ိူတ︀်ႉမ︀ꩫ︀်းၸ︀ူႛꩡ︀ဝ်ႛꩬ︀ိုင︀် ꩡ︀ႃႇထႃဝရ︀ ꩭီတ︀်ꩭိူဝ်ႈꩭိုင︀်းꩫ︀ႆ︀ၢႈ ပ︀ုက︀်ႉꩡ︀ူဝ်မ︀ႃးꩫ︀မ︀်။

ပ︀ေတ︀ရ︀ု ႑ 2:24

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩭႂ်ႛပ︀ူဝ်းꩬ︀ူဢ︀ပ︀ႅတ︀်ႉမ︀ဝ်ၵ︀ႂ်ႈက︀ၢပ︀်ꩭီတ︀်ꩬ︀ီ ဢ︀ꩫ︀်ႈပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈꩡ︀ႂ်ႈꩫ︀ႆ︀ၢႈꩬ︀င︀် ၵ︀ႂ်ႈꩭီတ︀်က︀ႃꩫ︀ႆ︀ႇ ဢ︀ပ︀ႅတ︀်ႉꩭဝ်းမ︀ႆ︀ႛ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛပ︀ၢက︀်ႉꩬ︀ီ က︀ꩫ︀်ႛꩫ︀ိူဝ်ꩬ︀ဝ်မ︀ႆ︀ႛ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ င︀ႆ︀ႚ ꩬ︀ူ ꩫ︀ႆ︀ႛဢ︀ူꩫ︀ီႈၵ︀ျမ︀်းꩬ︀ႃꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈတ︀ီႈꩡ︀ီပ︀်မ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်ꩫ︀မ︀်။

ပ︀ေတ︀ရ︀ု ႑ 3:18

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛတ︀မ︀ိူင︀်းက︀ေႃႇ ဢ︀ပ︀ႅတ︀်ႉမ︀ဝ်ꩭွꩫ︀်ꩭီတ︀်ꩬ︀ီက︀ေႃႇ ꩡ︀ႃႇဢ︀ပ︀ႅတ︀်ႉꩭဝ်းတ︀င︀်းမ︀ိူင︀်း ꩭီတ︀်ꩭႃလ︀ိူင︀်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းꩭဝ်းက︀ူꩫ︀်းဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူင︀်ꩭႂ်ႛꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ယ︀ေႃးꩭၢꩫ︀် ႑ 4:10

ꩫ︀ႆ︀ႇယ︀ႃႇ မ︀ႅတ︀်ႉတ︀ႃဢ︀ꩫ︀်ႈꩡ︀ႅတ︀်ႉꩫ︀မ︀်။ မ︀ႅတ︀်ႉတ︀ႃꩫ︀ႆ︀ႇယ︀ႃႇ ဢ︀ꩫ︀်ႈꩭဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭၢက︀်ႉꩵ︀ႈꩡ︀ႂ်ႈ။ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛꩭၢက︀်ႉꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩭႂ်ႛပ︀ူဝ်းဢ︀ပ︀ႅတ︀်ႉꩭဝ်းမ︀ႆ︀ႛ တ︀ၢင︀်ႈတ︀ူဝ်ႈꩭဝ်းꩬ︀ီၵ︀ၢမ︀်ꩭႂ်ႛꩫ︀ႆ︀ႇ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ꩭီတ︀်တ︀ူဝ်ႈၵ︀ႅက︀်ꩬ︀ီ ပ︀ွႆ︀ꩡ︀ႂ်ႇမ︀ႃးယ︀ဝ်ႇ။

ၿျႃၻိက︀်ႉ 1:5

ꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ဝ်ႛꩬ︀ၢက︀်ႉꩬ︀ေဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်း၊ ဢ︀ꩫ︀်ႈလ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ွꩫ︀်ႈတ︀ၢင︀်းလ︀ေႚလ︀ေႚꩫ︀ိပ︀်ပ︀ွက︀်ႉမ︀ႃးꩬ︀ီ ဢ︀ꩫ︀်ႈꩡ︀ဝ်ႛꩭူဝ်ၵ︀မ︀်းမ︀ိူင︀်းက︀ၢင︀်ႈတ︀င︀်းလ︀ုင︀်မ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇက︀ေႃႇ ꩬ︀ူꩡ︀ဝ်ႛမ︀ႆ︀ႛ ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀တ︀ႃႉ။ မ︀ꩫ︀်းꩡ︀ဝ်ႛ ꩭဝ်းမ︀ႆ︀ႛꩭၢက︀်ႉꩫ︀ႆ︀ႇꩬ︀ီ ဢ︀ဝ်ႈꩫ︀ိူတ︀်ႉမ︀ꩫ︀်းꩡ︀ဝ်ႛ လ︀ုက︀်ႉဢ︀ပ︀ႅတ︀်ႉꩭဝ်းမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛယ︀ဝ်ႇက︀ီး

ၿျႃၻိက︀်ႉ 5:9

ၵ︀ဝ်ၵ︀ၢမ︀်းမ︀ႂ်ဢ︀ွေက︀ꩫ︀်ႈဢ︀ူ။ ၵ︀ၢမ︀်းဢ︀မ︀ႂ်းယ︀ႃႇ “ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈꩫ︀ိူတ︀်ႉၵ︀ိင︀်းတ︀ူဝ်ꩡ︀ဝ်ႛ က︀ူꩫ︀်းက︀ူႈၵ︀ိူဝ်း၊ က︀ူႈၸ︀ꩫ︀်း၊ က︀ူႈမ︀ိူင︀်းမ︀ႆ︀ႛ ꩡ︀ႃႇၸ︀ြႃးပ︀ီꩫ︀်ႈꩡ︀ဝ်ႛꩬ︀ေထွတ︀်ဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၸ︀ုꩫ︀်လ︀ိက︀်ႉဢ︀မ︀ႂ်းဢ︀ဝ်ႈꩬ︀ီ ꩡ︀ုမ︀်ႛဢ︀မ︀ႂ်းက︀ေႛထႅက︀်ႉတ︀ီၵ︀ႃႛဢ︀ူ။