တ︀ိမ︀ေႃတ︀ေ ႑ 1:5 - Khamti Shan

⁵ က︀ဝ်ႈဝႃႈင︀ႆ︀းꩫ︀ႆ︀ႇယ︀ႃႇ ꩭႂ်ႛပ︀ူဝ်းꩬ︀ူမ︀ႆ︀ႛ မ︀ႅတ︀်ႉတ︀ႃဢ︀ꩫ︀်ႈမ︀ူတ︀်ꩡ︀ၢင︀်၊ ꩡ︀ႂ်ႈက︀ꩫ︀်ႛꩫ︀ႂ်းဢ︀ꩫ︀်ႈꩡ︀ုꩫ︀်ႈꩡ︀ၢင︀်င︀ႆ︀း ꩡ︀ႂ်ႈဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈတ︀ေႇတ︀ေႇꩫ︀ႆ︀ႇၵ︀ဝ် မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇယ︀င︀်းꩬ︀ီဢ︀ူꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႑ 1:5 Iomraidhean Croise

မ︀တ︀်တ︀ႄး 12:35

က︀ူꩫ︀်းꩫ︀ီႈယ︀ႃႇ ꩫ︀ႂ်းꩡ︀ႂ်ႈမ︀ႆ︀ႛဢ︀ꩫ︀်ႈꩫ︀ီႈꩫ︀ႆ︀ၢႈꩬ︀ိုင︀် ၵ︀ႂ်ႈꩡ︀ႂ်ႈꩫ︀ႆ︀ႇꩬ︀ီ ဢ︀ꩫ︀်ႈဢ︀က︀ိဝ်းယ︀င︀်းꩫ︀ႆ︀ၢႈꩫ︀မ︀် တ︀ၢꩫ︀်ႛဢ︀ွက︀်မ︀ႃးꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀ꩫ︀်ႈမ︀ဝ်ꩫ︀ီႈယ︀ႃႇ ꩫ︀ႂ်းꩡ︀ႂ်ႈမ︀ႆ︀ႛဢ︀ꩫ︀်ႈမ︀ဝ်ꩫ︀ီႈꩫ︀ႆ︀ၢႈꩬ︀ိုင︀် ၵ︀ႂ်ႈꩡ︀ႂ်ႈဢ︀ူꩫ︀ႆ︀ႇꩬ︀ီ လ︀ုက︀်ႉꩬ︀ူပ︀်မ︀ꩫ︀်းမ︀ႆ︀ႛ ဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ၢႈꩬ︀ိုင︀် တ︀ၢꩫ︀်ႛဢ︀ွက︀်မ︀ႃးꩫ︀မ︀်။

မ︀တ︀်တ︀ႄး 5:8

က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭၢက︀်ႉတ︀ေႇတ︀ေႇꩫ︀ႆ︀ႇၵ︀ဝ် မ︀ၢင︀်က︀လ︀ႃယ︀င︀်းဢ︀ူ။ ၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီꩫ︀ႆ︀ႛꩭူပ︀်ႉꩭꩫ︀်ꩫ︀မ︀်။

ထဝ်ꩡ︀တ︀်ႉၵ︀ဝ် 15:9

မ︀ꩫ︀်းꩡ︀ဝ်ႛယ︀ႃႇ ၵ︀ဝ်ꩫ︀ၵ︀ႃꩭဝ်းမ︀ႆ︀ႛꩵ︀ႈက︀ၢက︀်ႉက︀ꩫ︀်ႈ။ ၵ︀ဝ်ယ︀ုမ︀်ယ︀မ︀်ႈမ︀ႃးꩬ︀ီ ဢ︀ပ︀ႅတ︀်ႉၵ︀ဝ်မ︀ႆ︀ႛက︀ေႃႇ ပ︀ွႆ︀လ︀ွတ︀်ႉꩭႂ်ႛမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 23:1

ပ︀ေႃလ︀ုယ︀ႃႇ ၸ︀ူႛၵ︀ဝ်ႛက︀ုမ︀်ႛတ︀ြႃးယ︀ုတ︀ꩫ︀ႆ︀ႇၵ︀ဝ်မ︀ႆ︀ႛ ꩫ︀ူႈꩫ︀ီႈꩫ︀ီႈ ꩬ︀ီ “ပ︀ူဝ်မ︀ေပ︀ီႈꩫ︀ွင︀်ႇၵ︀ဝ်ꩴ︀း ꩡ︀ူဝ်ႈဢ︀ꩬ︀ၢက︀်ႉက︀ဝ်ႈၵ︀ႃႛ ဢ︀ဝ်ႈထိုင︀်ဝꩫ︀်းꩫ︀ႆ︀ႇ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈꩰတ︀ူဝ်ꩰဢ︀ူမ︀ႃးꩭီတ︀်မ︀ႃးꩫ︀ႆ︀ႇꩬ︀ီ ဢ︀ꩫ︀်ႈဝႃႈက︀ူဝ်ႈဢ︀ꩫ︀်ႈဝႃႈဢ︀ႆ︀ၢႈ ꩵ︀ႈယ︀င︀်းမ︀ႃးတ︀ီၵ︀ႃႛ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 24:16

ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈက︀ဝ်ႈၵ︀ႃႛယ︀ုမ︀်ꩫ︀ႆ︀ႇ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀မ︀ိူင︀်း က︀ꩫ︀်ႛꩫ︀ႃႛက︀ူꩫ︀်းမ︀ႆ︀ႛတ︀မ︀ိူင︀်း ꩬ︀ိုဝ်ႈဢ︀ူꩫ︀ꩬ︀ီ က︀ဝ်ႈၵ︀ႃႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩬ︀ေႈꩡ︀ႃႉꩬ︀ီဢ︀ူꩫ︀ႆ︀ႇတ︀ီၵ︀ႃႛꩫ︀မ︀်။

ရ︀ေႃမ︀ 10:4

က︀ူꩫ︀်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႂ်ႛပ︀ူဝ်းပ︀ီꩫ︀်ႈက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇ တ︀ၢင︀်းဢ︀ꩫ︀်ႈက︀မ︀်ႈက︀ႅင︀်းက︀ျမ︀်းꩬ︀ိꩫ︀်မ︀ႆ︀ႛ မ︀ꩫ︀်းꩡ︀ဝ်ႛဢ︀ဝ်ႈꩬ︀ုတ︀်ꩬ︀ႆ︀ၢမ︀ႃးယ︀ဝ်ႇ။

ရ︀ေႃမ︀ 12:9

မ︀ဝ်က︀ႅမ︀်ႛꩫ︀ႃႛꩬ︀ီတ︀င︀်းꩡ︀ႂ်ႈတ︀င︀်းၵ︀ူဝ်းꩭၢက︀်ႉက︀ꩫ︀်ႈတ︀ႃႉ။ လ︀ွင︀်ႈဢ︀ꩫ︀်ႈမ︀ဝ်ꩫ︀ီႈမ︀ႆ︀ႛꩡ︀င︀်းꩬ︀ီ လ︀ွင︀်ႈဢ︀ꩫ︀်ႈꩫ︀ီႈမ︀ႆ︀ႛ ꩭွႆ︀ႛꩡ︀ႂ်ႈက︀ꩫ︀်ႈတ︀ႃႉ။

ရ︀ေႃမ︀ 14:15

လ︀ႆ︀ၢးပ︀ိူဝ်ႈ ဢ︀ꩫ︀်ႈꩬ︀ူၵ︀ႂ်ႈက︀ိꩫ︀်ႈꩫ︀ႆ︀ႇ မ︀ဝ်မ︀ူတ︀်ꩡ︀ၢင︀်ꩫ︀က︀ေႃႇ ꩬ︀ူက︀ိꩫ︀်ႈက︀ီး ပ︀ီႈꩫ︀ွင︀်ႇꩬ︀ူꩭꩫ︀်ၸ︀ိတ︀်ꩬ︀ီ ယ︀ၢက︀်ႉꩡ︀ႂ်ႈက︀ႃဢ︀ူ။ င︀ႆ︀းက︀ီး က︀ူဝ်ႇဢ︀မ︀ႂ်းမ︀ႆ︀ႛ ꩬ︀ူꩵ︀ႈꩭၢက︀်ႉꩫ︀ꩬ︀ီ ဝႃႈꩫ︀က︀ꩫ︀်ႈꩫ︀မ︀်။ ꩡ︀ႃႇꩭၢင︀်းက︀ူဝ်ႇဢ︀မ︀ႂ်း ꩡ︀ဝ်ႛၵ︀ရ︀ီတ︀် ၵ︀ၢမ︀်တ︀ႆ︀ၢႈꩭႂ်ႛယ︀ဝ်ႇꩫ︀ႆ︀ႇꩬ︀ီ လ︀ႆ︀ၢးပ︀ိူဝ်ႈဢ︀ꩫ︀်ႈꩬ︀ူက︀ိꩫ︀်ႈꩫ︀ႆ︀ႇ မ︀ꩫ︀်းမ︀ႆ︀ႛပ︀ီꩭႂ်ႛပ︀ီꩫ︀်ႈၸ︀ေး။

ရ︀ေႃမ︀ 9:1

က︀ဝ်ႈပ︀ီꩫ︀်ႈတ︀ပ︀ေးꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ၵ︀ၢမ︀်းဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ၢႈꩫ︀မ︀် က︀ဝ်ႈဝႃႈꩫ︀ႆ︀ႇ။ က︀ဝ်ႈꩵ︀ႈၸ︀ႅတ︀်ႉ။ ၵ︀ၢမ︀်းက︀ဝ်ႈꩬ︀ိုဝ်ႈꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇက︀ေႃႇ ꩡ︀ႂ်ႈၵ︀ွꩫ︀်က︀ဝ်ႈမ︀ႆ︀ႛ ဢ︀ဝ်ႈတ︀မ︀်းꩡ︀ႂ်ႈꩭႂ်ႛဢ︀ူ။ က︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ ꩡ︀ႃႇꩭၢင︀်းꩡ︀ိူဝ်ႇၸ︀ꩫ︀်းက︀ျူးက︀ဝ်ႈၵ︀ဝ် က︀ဝ်ႈ ၵ︀ီၵ︀ီၵ︀ုမ︀်ꩰꩬ︀ီ မ︀ႆ︀ႛꩡ︀ႂ်ႈဢ︀ူမ︀ဝ်ꩬ︀ဝ်းꩫ︀မ︀်။

က︀ေႃရ︀ိꩫ︀်တ︀ု ႑ 13:1

ꩬ︀င︀်ဝႃႈက︀ဝ်ႈ ၵ︀ၢမ︀်းက︀ူꩫ︀်းက︀ူႈၸ︀ꩫ︀်းꩡ︀ၢင︀်ႈꩬ︀ီ ꩡ︀ိူမ︀်ႈက︀ႃႈၵ︀ၢမ︀်းၵ︀ုꩫ︀်ꩬ︀ၢင︀်တ︀မ︀ိူင︀်းꩡ︀ၢင︀်ႈꩫ︀က︀ေႃႇ က︀ဝ်ႈမ︀ႆ︀ႛမ︀ႅတ︀်ႉတ︀ႃမ︀ဝ်ယ︀င︀်းက︀ီး ၵ︀ၢမ︀်းဢ︀ꩫ︀်ႈက︀ဝ်ႈတ︀ၢꩫ︀်ႛꩫ︀ႆ︀ႇယ︀ႃႇ ꩫ︀င︀်ꩬ︀ီင︀်ယ︀ၢမ︀်းမ︀ွင︀်ꩫ︀က︀ꩫ︀်ႈ ꩫ︀င︀်ꩬ︀ီင︀်ပ︀ႆ︀ၢꩬ︀ႅင︀်ꩫ︀က︀ꩫ︀်ႈꩫ︀ႆ︀ၢႈꩫ︀မ︀်တ︀ီပ︀ီꩫ︀်ႈꩫ︀ႆ︀ႇ။

က︀ေႃရ︀ိꩫ︀်တ︀ု ႒ 1:12

ဢ︀ꩫ︀်ႈတ︀ူႈꩭုမ︀်ꩡ︀ူမ︀်းꩫ︀ႆ︀ႇယ︀ႃႇ မ︀ိူဝ်ႈတ︀ူႈဢ︀ူမ︀ိူင︀်းက︀ၢင︀်ႈꩫ︀ႆ︀ႇ ꩥ︀ႅꩫ︀်က︀ူꩫ︀်းမ︀ႆ︀ႛ မ︀ဝ်ပ︀ိုင︀်ႈဢ︀ိင︀်ႈꩬ︀ီ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ႆ︀ၢႈꩬ︀ိုင︀် ပ︀ိုင︀်ႈဢ︀ိင︀်ႈင︀ႆ︀းꩬ︀ီ က︀ꩫ︀်ႛꩫ︀ႃႛက︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈꩭႅင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ိုဝ်ႈꩰတ︀ူဝ်င︀ႆ︀း ꩡ︀ႂ်ႈၵ︀ၢဝ်ပ︀ၢꩫ︀်းꩰꩬ︀ီ ဢ︀ူမ︀ႃးꩫ︀ႆ︀ႇꩫ︀မ︀်။ ဝႃႈက︀ွတ︀်ꩫ︀က︀ီး ပ︀ၢင︀်ႈꩫ︀ႃႛꩬ︀ူၸ︀ူႛꩡ︀ဝ်ႛမ︀ႆ︀ႛꩫ︀မ︀် တ︀ူႈင︀ႆ︀းဢ︀ူမ︀ႃးꩫ︀ႆ︀ႇ။ ꩫ︀င︀်တ︀ူႈဝႃႈꩫ︀က︀ꩫ︀်ႈ ꩡ︀ႂ်ႈၵ︀ွꩫ︀်တ︀ူႈက︀ေႃႇ ꩡ︀ုꩫ︀်ႈꩡ︀ၢင︀်ꩰꩫ︀မ︀်။

က︀လ︀ႃတ︀ိ 5:22

ꩫ︀ႆ︀ႇꩫ︀က︀ေႃႇ ဢ︀လ︀ၢင︀်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭဝ်းꩡ︀ွမ︀်းက︀ီး မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛ ꩡ︀ႂ်ႈဢ︀ꩫ︀်ႈꩭၢက︀်ႉပ︀ိူꩫ︀်ႈ၊ ဢ︀ꩫ︀်ႈꩡ︀ူမ︀်းꩭုမ︀်၊ ဢ︀ꩫ︀်ႈတ︀င︀်းပ︀ိူꩫ︀်ႈထုက︀်က︀ꩫ︀်ႈ၊ ဢ︀ꩫ︀်ႈꩡ︀ႂ်ႈယ︀ၢဝ်း၊ ဢ︀ꩫ︀်ႈꩫ︀ီႈပ︀ိူꩫ︀်ႈ၊ ဢ︀ꩫ︀်ႈၵ︀ႂ်ႈꩡ︀ွႆ︀ႈပ︀ိူꩫ︀်ႈ၊ ဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်း၊

က︀လ︀ႃတ︀ိ 5:6

ꩭဝ်းဢ︀ူက︀ꩫ︀်ႛꩫ︀ႂ်း ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀် ꩭၢပ︀်ႉ၊ မ︀ဝ်ꩭၢပ︀်ႉꩫ︀ꩫ︀ႆ︀ႇ ꩵ︀ႈဢ︀ၵ︀ႅက︀်ႉပ︀ိူင︀်ႈလ︀ူင︀်။ ဢ︀ꩫ︀်ႈဢ︀ၵ︀ႅက︀်ႉတ︀ေႇတ︀ေႇꩫ︀ႆ︀ႇယ︀ႃႇ ဢ︀ꩫ︀်ႈလ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ပ︀ိူꩫ︀်ႈမ︀ႆ︀ႛꩭၢက︀်ႉꩭွမ︀်ꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႑ 1:18

လ︀ုက︀်ႉက︀ဝ်ႈတ︀ိမ︀ေႃတ︀ေꩴ︀း ၵ︀ၢမ︀်းဢ︀ꩫ︀်ႈမ︀ိူဝ်ႈင︀ႃႈက︀ꩫ︀်ႛꩫ︀ႃႛမ︀ႆ︀ႛ ပ︀ရ︀ေႃးၸ︀ႅတ︀်ႉၵ︀ဝ် မ︀ႂ်းမ︀ႆ︀ႛꩡ︀ိုဝ်ꩬ︀ီꩭူဝ်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႛၵ︀ိူင︀်ꩰꩬ︀ီ ꩬ︀ြႃဢ︀ꩫ︀်ႈꩬ︀ွꩫ︀်ၸ︀ိတ︀်ꩫ︀ႆ︀ႇၵ︀ဝ်မ︀ႆ︀ႛꩡ︀တ︀်တ︀ႃႉ၊ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀မ︀်မ︀ႃတ︀ြႃး ꩬ︀ွꩫ︀်ꩭႂ်ႛထက︀်ꩰတ︀ႃႉ။

တ︀ိမ︀ေႃတ︀ေ ႑ 1:19

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰꩬ︀ီ ꩡ︀ႂ်ႈက︀ꩫ︀်ႛꩫ︀ႂ်းဢ︀ဝ်ႈꩡ︀ုꩫ︀်ႈꩡ︀ၢင︀်တ︀ႃႉ။ က︀ူꩫ︀်းက︀မ︀်ႈၸ︀ွင︀်းယ︀ႃႇ ꩡ︀ႂ်ႈက︀ꩫ︀်ႛꩫ︀ႂ်းၸ︀ူႛꩡ︀ဝ်ႛမ︀ႆ︀ႛ ꩬ︀ၢꩫ︀်တ︀ၢꩫ︀်းꩬ︀ီ ꩡ︀ႂ်ႈဢ︀ꩫ︀်ႈယ︀ုမ︀်ယ︀မ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ူႇက︀ႃမ︀ူတ︀်ယ︀ဝ်ႇ။

တ︀ိမ︀ေႃတ︀ေ ႑ 3:9

ၵ︀ဝ်ယ︀ႃႇ ꩬ︀မ︀်မ︀ႃတ︀ြႃးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈလ︀ိူက︀်ႉလ︀မ︀်ꩫ︀ီႈမ︀ျတ︀်ႉꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩡ︀ႂ်ႈက︀ꩫ︀်ႛꩫ︀ႂ်းꩡ︀ုꩫ︀်ႈꩰလ︀ႅင︀်းꩰꩬ︀ီ ဝႃႈꩭၢပ︀်ႉꩡ︀ွမ︀်းꩫ︀မ︀်။

တ︀ိမ︀ေႃတ︀ေ ႒ 1:3

တ︀ိမ︀ေႃတ︀ေꩴ︀း မ︀ိူဝ်ႈက︀ဝ်ႈယ︀ွꩫ︀်းꩬ︀ူးꩫ︀ႆ︀ႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ႂ်းမ︀ႆ︀ႛဢ︀ွက︀်ꩡ︀ႂ်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ ꩫ︀င︀်ပ︀ူပ︀ူဝ်က︀ဝ်ႈၵ︀ဝ်ꩫ︀က︀ꩫ︀်ႈ ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႂ်ႈက︀ꩫ︀်ႛꩫ︀ႂ်းꩡ︀ုꩫ︀်ႈꩰꩡ︀ၢင︀်ꩰꩬ︀ီ က︀ဝ်ႈꩭီတ︀်ꩬ︀ီဢ︀ူꩫ︀မ︀်။

တ︀ိမ︀ေႃတ︀ေ ႒ 1:5

မ︀ႂ်းယ︀ႃႇ ꩫ︀င︀်ꩫ︀ႆ︀ၢးꩡ︀ဝ်ႛမ︀ႂ်းလ︀ေႃဢ︀ိꩫ︀ၵ︀ႃ မ︀ေမ︀ႂ်းဢ︀ုꩫ︀ိက︀်ၵ︀ဝ်ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႃးꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈတ︀ေႇတ︀ေႇဢ︀ူꩫ︀ꩫ︀ႆ︀ႇ က︀ဝ်ႈဢ︀ွက︀်ꩡ︀ႂ်ႈဢ︀ူ။ ꩫ︀င︀်ၵ︀ဝ်ယ︀ုမ︀်ယ︀မ︀်ႈꩫ︀က︀ꩫ︀်ႈ မ︀ႂ်းယ︀ုမ︀်ယ︀မ︀်ႈꩬ︀ီဢ︀ူꩫ︀မ︀်ꩫ︀ꩫ︀ႆ︀ႇက︀ေႃႇ က︀ဝ်ႈတ︀မ︀်းꩡ︀ႂ်ႈဢ︀ူ။

တ︀ိမ︀ေႃတ︀ေ ႒ 2:22

င︀ႆ︀းꩫ︀ႆ︀ႇꩬ︀ီ တ︀ၢင︀်းပ︀ိဝ်ဢ︀ꩫ︀်ႈꩬ︀ူ က︀ူꩫ︀်းꩫ︀ုမ︀်ꩫ︀ႆ︀ႇၵ︀ဝ်ပ︀ိဝ်၊ ဢ︀ꩫ︀်ႈꩬ︀ူမ︀ႆ︀ႛက︀ဝ်းꩬ︀ီတ︀ီဢ︀ဝ်ႈၸ︀ေႛက︀ႃꩫ︀ႆ︀ႇၵ︀ဝ်မ︀ႆ︀ႛ င︀ိူင︀်ႇက︀ႆ︀ႈက︀ႆ︀ႈတ︀ႃႉ။ မ︀ိူဝ်ႈလ︀ႂ်ႈက︀ေႃႇ ဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ၢႈꩬ︀ိုင︀်ꩭီတ︀်တ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ႅတ︀်ႉꩡ︀ႃယ︀င︀်းတ︀ႃႉ။ ပ︀ိူꩫ︀်ႈမ︀ႆ︀ႛတ︀င︀်းꩡ︀ႂ်ႈတ︀င︀်းၵ︀ူဝ်း ꩭၢက︀်ႉꩭွမ︀်တ︀ႃႉ။ တ︀င︀်းပ︀ိူꩫ︀်ႈဢ︀ဝ်ႈထုက︀်က︀ꩫ︀်ႈꩬ︀ီဢ︀ူတ︀ႃႉ။ လ︀ွင︀်ႈꩫ︀ႆ︀ႇၵ︀ဝ်တ︀င︀်းက︀ူꩫ︀်းဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ ꩬ︀ိုဝ်ႈꩰꩫ︀ꩫ︀်ႈꩰပ︀ႆ︀ၢႛဝႆ︀ႈꩫ︀ႆ︀ႇၵ︀ဝ် ꩭူမ︀်ႈꩭီတ︀်တ︀ႃႉ။

တ︀ိတ︀ု 1:15

ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈမ︀ူတ︀်ꩡ︀ၢင︀်ꩫ︀ႆ︀ႇၵ︀ဝ်ယ︀ႃႇ က︀ူႈဢ︀ꩫ︀်ႈမ︀ူတ︀်ꩡ︀ၢင︀်ဢ︀ူ။ ꩫ︀ႆ︀ႇꩫ︀က︀ေႃႇ ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈမ︀ဝ်မ︀ူတ︀်ꩡ︀ၢင︀်၊ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ယ︀ႃႇ က︀ꩬ︀င︀်က︀ေႃႇꩵ︀ႈမ︀ူတ︀်ꩡ︀ၢင︀်။ ꩡ︀ႂ်ႈၵ︀ဝ်၊ ꩡ︀ႂ်ႈၵ︀ွꩫ︀်ၵ︀ဝ်ယ︀ႃႇ ၸ︀ႅင︀်းက︀ႃမ︀ူတ︀်ယ︀ဝ်ႇ။

ꩭေပ︀ရ︀ူး 10:22

ပ︀ႆ︀ႉꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်း ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ ꩬ︀ိုဝ်ႈꩰတ︀ူဝ်ꩰꩡ︀ူးက︀ႂ်ႛက︀ꩫ︀်ႈꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭူဝ်ꩡ︀ႂ်ႈꩭဝ်းမ︀ႆ︀ႛ ꩡ︀ႂ်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ် ꩭႂ်ႛပ︀ူဝ်းက︀ၢင︀်းꩫ︀ႆ︀ႇ ဢ︀ဝ်ႈꩫ︀ိူတ︀်ႉꩡ︀ဝ်ႛၵ︀ရ︀ီတ︀်ၸ︀ွက︀်င︀ႆ︀း တ︀ူဝ်ႈꩭဝ်းမ︀ႆ︀ႛက︀ေႃႇ ဢ︀ဝ်ႈꩫ︀မ︀်ႇဢ︀ꩫ︀်ႈမ︀ူတ︀်ꩡ︀ၢင︀်ꩫ︀ႆ︀ႇ ꩬ︀ုက︀်ႉꩭႂ်ႛယ︀ဝ်ႇꩰ။

ꩭေပ︀ရ︀ူး 13:18

တ︀ူႈယ︀ႃႇ ꩡ︀ႂ်ႈၵ︀ွꩫ︀်ꩡ︀ုꩫ︀်ႈꩡ︀ၢင︀်ꩰꩫ︀မ︀်။ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ တ︀ူႈၵ︀ႂ်ႈꩭီတ︀်ꩬ︀ိုဝ်ႈꩰတ︀ူဝ်ꩰဢ︀ူ။ ꩡ︀ႃႇတ︀ူႈ ယ︀ွꩫ︀်းꩬ︀ူးꩭႂ်ႛက︀ꩫ︀်ႈမ︀ႃးတ︀ႃႉ။

ꩭေပ︀ရ︀ူး 9:14

ꩫ︀ိူတ︀်ႉꩡ︀ဝ်ႛၵ︀ရ︀ီတ︀်ယ︀ႃႇ ၵ︀ႆ︀ႇမ︀ဝ်က︀ႃးပ︀ီꩫ︀်ႈပ︀ေႇဢ︀ူ။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ူဝ်ႈမ︀ꩫ︀်းၸ︀ူႛꩡ︀ဝ်ႛ ꩭီတ︀်ၵ︀ႅက︀်ဢ︀ꩫ︀်ႈတ︀ီမ︀်ႈက︀ုမ︀်ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ွꩫ︀်ထႃဝရ︀ ပ︀ုက︀်ႉꩡ︀ူဝ်မ︀ႃးယ︀ဝ်ႇ။ ꩫ︀ိူတ︀်ႉမ︀ꩫ︀်းꩡ︀ဝ်ႛယ︀ႃႇ ꩭႂ်ႛပ︀ူဝ်းꩭဝ်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်မ︀ႆ︀ႛ မ︀ိုင︀်ႇꩫ︀ႆ︀ႛꩫ︀ႆ︀ႇ ꩡ︀ႂ်ႈၵ︀ွꩫ︀်ꩭဝ်းမ︀ႆ︀ႛ တ︀ၢင︀်းက︀ႅင︀်း ဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ် ꩬ︀ုက︀်ႉဢ︀ဝ်ႈတ︀ွင︀်ꩭႂ်ႛဢ︀ူ။

ယ︀ႃက︀ု 4:8

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ူးမ︀ႃးက︀ꩫ︀်ႈတ︀ႃႉ။ င︀ႆ︀းက︀ီးၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩭဝ်းမ︀ႆ︀ႛꩡ︀ူးမ︀ႃးဢ︀ူ။ ၸ︀ူႛဢ︀ꩫ︀်ႈꩭီတ︀်ဢ︀ပ︀ႅတ︀်ႉꩫ︀ႆ︀ႇၵ︀ဝ်ꩴ︀း လ︀ွင︀်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛ ꩫ︀ႂ်က︀ꩫ︀်ႈတ︀ႃႉ။ ၸ︀ူႛꩡ︀ႂ်ႈင︀ွက︀် ၵ︀ဝ်ꩴ︀း ꩭူဝ်ꩡ︀ႂ်ႈꩬ︀ူဢ︀ဝ်ႈမ︀ူတ︀်ꩡ︀ၢင︀်က︀ꩫ︀်ႈတ︀ႃႉ။

ပ︀ေတ︀ရ︀ု ႑ 1:22

ꩬ︀ူ ꩬ︀မ︀်မ︀ႃတ︀ြႃးမ︀ႆ︀ႛ ထွမ︀်းꩡ︀ွမ︀်းꩫ︀ႆ︀ႇꩬ︀ီ ꩬ︀ူ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ လ︀ုက︀်ႉတ︀ꩫ︀်းၵ︀ူဝ်းဢ︀ပ︀ႅတ︀်ႉမ︀ႆ︀ႛ ဢ︀ဝ်ႈလ︀ွတ︀်ႉမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉက︀ꩫ︀်ႈတ︀ေႇတ︀ေႇမ︀ႃးယ︀ဝ်ႇ။ က︀ၢပ︀်ꩬ︀ီတ︀င︀်းꩡ︀ႂ်ႈတ︀င︀်းၵ︀ူဝ်း ꩭၢက︀်ႉက︀ꩫ︀်ႈက︀ႃတ︀ႃႉ။

ပ︀ေတ︀ရ︀ု ႑ 3:16

ꩫ︀ႆ︀ႇꩫ︀က︀ေႃႇ မ︀ိူဝ်ႈၵ︀ႆ︀ႈꩫ︀ႆ︀ႇ ဢ︀ူꩫ︀်ႛဢ︀ူꩫ︀်ႛꩥ︀ေႈꩰ ꩫ︀ၢပ︀်ႉꩰယ︀မ︀်ႈꩰꩬ︀ီဝႃႈတ︀ႃႉ။ ꩬ︀ူမ︀ႆ︀ႛၵ︀ႂ်ႈဢ︀ဝ်ႈꩬ︀ူဝ်ႇꩬ︀ီ ပ︀ိူꩫ︀်ႈဢ︀လ︀ွေႛမ︀ႃးက︀ီး ꩫ︀ႂ်းꩡ︀ႂ်ႈꩬ︀ူမ︀ႆ︀ႛ ဢ︀ဝ်ႈꩡ︀ုꩫ︀်ႈꩰꩬ︀ီဢ︀ူတ︀ႃႉ။ င︀ႆ︀းက︀ီး ꩬ︀ူပ︀ီꩫ︀်ႈက︀ူꩫ︀်းꩡ︀ဝ်ႛယ︀ေꩬ︀ုꩫ︀ႆ︀ႇꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူꩫ︀ီႈꩫ︀ႆ︀ႇမ︀ႆ︀ႛ ၵ︀ဝ်ꩭꩫ︀်ꩬ︀ီ ဢ︀ႆ︀ၢႈက︀ႃဢ︀ူ။

ပ︀ေတ︀ရ︀ု ႑ 3:21

ꩫ︀မ︀်ႇဢ︀မ︀ႂ်းယ︀ႃႇ ꩫ︀င︀်ꩫ︀မ︀်ႇဢ︀ꩫ︀်ႈင︀ႆ︀ႚꩬ︀ူ ၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩬ︀ီ ꩬ︀ူမ︀ႆ︀ႛၵ︀ေꩬ︀ေꩭႂ်ႛꩫ︀ႆ︀ႇꩫ︀က︀ꩫ︀်ႈꩫ︀မ︀်။ ၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ꩫ︀ႆ︀ႇယ︀ႃႇ ဢ︀ꩫ︀်ႈꩬ︀ုက︀်ႉၵ︀ႆ︀းတ︀ူဝ်ႈꩭၢင︀်ႈꩵ︀ႈꩡ︀ႂ်ႈ။ ဢ︀ꩫ︀်ႈꩫ︀ႂ်းꩡ︀ႂ်ႈၵ︀ွꩫ︀်ꩬ︀ူမ︀ႆ︀ႛ ꩡ︀ုꩫ︀်ႈꩰလ︀ႅင︀်းꩰက︀ႃꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭႂ်ႛက︀တ︀ိꩫ︀ႆ︀ႇꩫ︀မ︀်။ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇမ︀ႆ︀ႛ ꩭီတ︀်င︀ဝ်ႛꩬ︀ီ ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇၵ︀ေꩬ︀ေꩭႂ်ႛꩫ︀မ︀်။

ပ︀ေတ︀ရ︀ု ႑ 4:8

ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉꩫ︀ႆ︀ႇယ︀ႃႇ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ တ︀င︀်းꩡ︀ႂ်ႈတ︀င︀်းၵ︀ူဝ်းꩭၢက︀်ႉက︀ꩫ︀်ႈတ︀ႃႉ။ ꩭၢက︀်ႉက︀ꩫ︀်ႈက︀ီး ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဢ︀ပ︀ႅတ︀်ႉ ပ︀ွႆ︀လ︀ွတ︀်ႉꩭႂ်ႛက︀ꩫ︀်ႈပ︀ီꩫ︀်ႈဢ︀ူ။

ပ︀ေတ︀ရ︀ု ႒ 1:7

က︀ꩫ︀်ႛꩫ︀ိူဝ်ဢ︀ꩫ︀်ႈၵ︀ႂ်ႈꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ꩫ︀်ႈꩫ︀င︀်ပ︀ီႈꩫ︀ွင︀်ႇꩫ︀က︀ꩫ︀်ႈꩭၢက︀်ႉက︀ꩫ︀်ႈ၊ က︀ꩫ︀်ႛꩫ︀ိူဝ်ဢ︀ꩫ︀်ႈꩫ︀င︀်ပ︀ီႈꩫ︀ွင︀်ႇꩫ︀က︀ꩫ︀်ႈꩭၢက︀်ႉက︀ꩫ︀်ႈမ︀ႆ︀ႛ ဢ︀ꩫ︀်ႈက︀ူႈက︀ူဝ်ႇမ︀ႆ︀ႛꩭၢက︀်ႉꩭွမ︀်ꩫ︀ႆ︀ႇၵ︀ဝ် က︀ႃႈꩫ︀င︀်ꩭႅင︀်းယ︀င︀်းꩫ︀ႆ︀ႇ ꩬ︀ေႈꩡ︀ႃႉꩬ︀ီထႅမ︀်ဢ︀ိက︀်က︀ꩫ︀်ႈက︀ႃတ︀ႃႉ။

ယ︀ေႃးꩭၢꩫ︀် ႑ 3:10

ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛၵ︀ဝ်ꩫ︀ၵ︀ႃ လ︀ုက︀်ႉၵ︀ုꩫ︀်ꩬ︀ူင︀်ၵ︀ဝ် လ︀ၢက︀်က︀ꩫ︀်ႈꩫ︀ႆ︀ႇꩫ︀မ︀်။ က︀ူဝ်ႇဢ︀ꩫ︀်ႈပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ꩫ︀်ႈꩬ︀ိုဝ်ႈဢ︀ꩫ︀်ႈꩡ︀ႂ်ႈမ︀ဝ်ꩭီတ︀်၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛမ︀ဝ်ꩭၢက︀်ႉꩫ︀ႆ︀ႇယ︀ႃႇ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩵ︀ႈꩡ︀ႂ်ႈ။

ယ︀ေႃးꩭၢꩫ︀် ႑ 3:23

ၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛꩬ︀ွꩫ︀်ꩭႂ်ႛꩫ︀ႆ︀ႇယ︀ႃႇ လ︀ုက︀်ႉမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ ꩫ︀င︀်လ︀ုက︀်ႉမ︀ꩫ︀်းꩡ︀ဝ်ႛဝႃႈꩫ︀က︀ꩫ︀်ႈ ꩭဝ်းက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭႂ်ႛꩭၢက︀်ႉက︀ꩫ︀်ႈꩫ︀မ︀်။

ယ︀ေႃးꩭၢꩫ︀် ႑ 3:3

က︀ူဝ်ႇဢ︀ꩫ︀်ႈꩫ︀င︀်ꩫ︀ႆ︀ႇꩫ︀က︀ꩫ︀်ႈ တ︀ႂ်းထႃႛꩫ︀ႆ︀ႇယ︀ႃႇ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ပ︀ႅတ︀်ႉမ︀ဝ်ယ︀င︀်းꩫ︀က︀ꩫ︀်ႈ ꩭႂ်ႛပ︀ူဝ်းၸ︀ူႛꩡ︀ဝ်ႛမ︀ႆ︀ႛဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇဢ︀ူဢ︀ူ။