တ︀ႅတ︀်ꩬ︀ႃလ︀ေႃꩫ︀ိက︀် ႑ 2:2 - Khamti Shan

² ꩫ︀င︀်ꩬ︀ူၸ︀ူႛꩡ︀ဝ်ႛတ︀ွင︀်းꩫ︀က︀ꩫ︀်ႈ မ︀ိူဝ်ႈတ︀ူႈꩬ︀ူမ︀ႆ︀ႛ ꩵ︀ႈပ︀ႆ︀ထိုင︀်မ︀ႃးꩫ︀ႆ︀ႇ ဝီင︀်းၸ︀ိလ︀ိပ︀်ပ︀ၢႆ︀မ︀ႆ︀ႛ တ︀ူႈမ︀ႆ︀ႛပ︀ိူꩫ︀်ႈ က︀ေးလ︀ေးꩫ︀ိက︀်ႉꩬ︀ၢက︀်ႉလ︀ူင︀်မ︀ႃးꩫ︀မ︀်။ င︀ႆ︀းꩬ︀ီ ပ︀ိူꩫ︀်ႈꩭၢမ︀်ႛꩭေႇ ၵ︀ႂ်ႈလ︀ႂ်ႈꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛꩡ︀ွႆ︀ႈꩭႂ်ႛꩫ︀ႆ︀ႇꩬ︀ီ ၵ︀ၢဝ်ႈၵ︀ၢမ︀်းꩫ︀ီႈ ဢ︀ꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ မ︀ႃးꩫ︀ႆ︀ႇꩬ︀ူမ︀ႆ︀ႛတ︀ူႈ ꩭတ︀်ꩰꩭၢꩫ︀်ꩰꩫ︀ႆ︀ႛꩭူဝ်းမ︀ႃးဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:2 Iomraidhean Croise

ထဝ်ꩡ︀တ︀်ႉၵ︀ဝ် 14:3

တ︀မ︀ၢꩫ︀်ꩡ︀ဝ်ႛၵ︀ဝ်ယ︀ႃႇ ဝီင︀်းဢ︀မ︀ႂ်းမ︀ႆ︀ႛ ဢ︀ူဢ︀ဝ်ႈꩭိုင︀်ꩰꩬ︀ီ ၵ︀ၢမ︀်းၸ︀ြႃးꩭူဝ်းက︀တ︀်ႉꩰဢ︀ူ။ ꩡ︀ဝ်ႛယ︀ေꩬ︀ုက︀ေႃႇ လ︀ွင︀်ႈက︀ျေးꩡ︀ူးတ︀ူဝ်ꩡ︀ဝ်ႛ ဢ︀ꩫ︀်ႈၵ︀ဝ်ꩭူဝ်းꩫ︀ႆ︀ႇꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ဝ်မ︀ႆ︀ႛတ︀ꩫ︀်းၵ︀ူဝ်း ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ꩫ︀ိမ︀ိက︀်ႉဢ︀ꩫ︀်ႈလ︀ၢက︀်ဢ︀ꩫ︀်ႈလ︀ႆ︀ၢးꩫ︀ႆ︀ႇၵ︀ဝ်ꩭီတ︀်ꩬ︀ီ ပ︀ျႃးꩬ︀ၢက︀်ႉꩬ︀ေꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 14:5

ဢ︀ꩫ︀်ႈက︀ျူးမ︀ဝ်ꩡ︀ႂ်ႈက︀မ︀်ႈၸ︀ွင︀်းင︀ႆ︀း က︀ျူးꩫ︀ႆ︀ႇၵ︀ဝ်ယ︀ႃႇ တ︀မ︀ၢꩫ︀်ꩡ︀ဝ်ႛၵ︀ဝ်မ︀ႆ︀ႛꩫ︀ိက︀်ႉꩬ︀ၢက︀်ႉင︀ႆ︀း ဢ︀ဝ်ႈꩭိꩫ︀်ꩬ︀ိင︀်းက︀ွတ︀်ꩫ︀ꩬ︀ီ တ︀င︀်းꩭူဝ်က︀ေၵ︀ဝ် ꩭူမ︀်ႈꩬ︀ၢင︀်ꩬ︀ေႈꩡ︀ႃႉက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 16:12

လ︀ုက︀်ႉဝီင︀်းဢ︀မ︀ႂ်းမ︀ႆ︀ႛ တ︀ူႈက︀ႃဝီင︀်းၸ︀ိလ︀ိပ︀်ပ︀ၢႆ︀ဢ︀ူ။ ဝီင︀်းဢ︀မ︀ႂ်းယ︀ႃႇ ဝီင︀်းဢ︀ꩫ︀်ႈမ︀ိူင︀်းမ︀ႃက︀ေတ︀ေႃꩫ︀ိ မ︀ႆ︀ႛၵ︀ဝ်ႛက︀ီး ဢ︀ꩫ︀်ႈထိုင︀်ဢ︀ွꩫ︀်ႈ၊ ဢ︀ꩫ︀်ႈက︀ူꩫ︀်းရ︀ေႃမ︀ၵ︀ဝ် ဢ︀ုပ︀်ႉက︀ိꩫ︀်ႈꩫ︀မ︀်။ ဝီင︀်းဢ︀မ︀ႂ်းမ︀ႆ︀ႛ တ︀ူႈဢ︀ူꩭိုင︀်မ︀ႃးဢ︀ူ။

ထဝ်ꩡ︀တ︀်ႉၵ︀ဝ် 16:19

ၸ︀ူႛပ︀ီꩫ︀်ႈꩡ︀ဝ်ႛ ၸ︀ူႛယ︀ိင︀်းဢ︀ွꩫ︀်ဢ︀မ︀ႂ်းၵ︀ဝ်ယ︀ႃႇ တ︀ၢင︀်းဢ︀ꩫ︀်ႈၵ︀ဝ်တ︀ီꩫ︀ႆ︀ႛင︀ိူꩫ︀်းꩫ︀ႆ︀ႇ ꩭၢပ︀်က︀ႃယ︀ဝ်ႇꩫ︀ꩫ︀ႆ︀ႇတ︀ွင︀်းက︀ႃက︀ီး ပ︀ေႃလ︀ုꩫ︀ၵ︀ႃတ︀ိလ︀မ︀ႆ︀ႛꩬ︀ႅဝ်ႛၵ︀ွတ︀်ဢ︀ူ။ ယ︀ဝ်ႇက︀ီးꩬ︀ွင︀်ၵ︀ႃမ︀ႆ︀ႛ ပ︀ၢင︀်ဢ︀ꩫ︀်ႈက︀ူꩫ︀်းမ︀ိူင︀်းတ︀ုမ︀်ႈမ︀ႆ︀ႛ က︀ꩫ︀်ႛꩫ︀ႃႛꩡ︀ဝ်ႛၵ︀ုꩫ︀်ရ︀ေႃမ︀ၵ︀ဝ်မ︀ႆ︀ႛ ꩡ︀ꩫ︀်ႈက︀ႃင︀ႆ︀း

ထဝ်ꩡ︀တ︀်ႉၵ︀ဝ် 16:37

ꩫ︀ႆ︀ႇꩫ︀က︀ေႃႇ ပ︀ေႃလ︀ုယ︀ႃႇ “ꩭၢင︀်းၵ︀ိူဝ်ဢ︀ꩫ︀်ႈၸ︀ူႛပ︀ီꩫ︀်ႈက︀ူꩫ︀်းမ︀ိူင︀်းရ︀ေႃမ︀ꩫ︀ႆ︀ႇၵ︀ဝ်မ︀ႆ︀ႛ မ︀ဝ်ꩡ︀ႅပ︀်ႉမ︀ဝ်ထၢမ︀်ꩬ︀ီ က︀ꩫ︀်ႛꩫ︀ႃႛက︀ူꩫ︀်းမ︀ႆ︀ႛတ︀ုက︀်ႉင︀ႆ︀း ꩬ︀ႂ်ထွင︀်ဝႆ︀ႇယ︀ဝ်ႇက︀ီး င︀ႆ︀ႚတ︀ီတ︀်ꩡ︀ိပ︀်ႉꩰꩬ︀ီ ၵ︀ႂ်ႈပ︀ွႆ︀ဝၢင︀်က︀ေႃႇꩫ︀ႆ︀ႛꩫ︀ႃႊ။ င︀ႆ︀းꩭီတ︀်ꩵ︀ႈꩫ︀ႆ︀ႛ။ က︀ူꩫ︀်းယ︀ႂ်ၵ︀ဝ်ၸ︀ူႛꩡ︀ဝ်ႛ ꩭႂ်ႛမ︀ႃးꩬ︀ီꩭၢင︀်းၵ︀ိူဝ်မ︀ႆ︀ႛ ꩭႂ်ႛမ︀ႃးပ︀ွႆ︀တ︀ႃႉ” ꩫ︀ꩬ︀ီ ꩭူဝ်ꩭၢꩫ︀်ꩫ︀ႆ︀ႇၵ︀ဝ်မ︀ႆ︀ႛဝႃႈဢ︀ူ။

ထဝ်ꩡ︀တ︀်ႉၵ︀ဝ် 17:1

င︀ႆ︀းꩬ︀ီ ပ︀ေႃလ︀ုꩫ︀ၵ︀ႃတ︀ိလ︀ၵ︀ဝ် ဢ︀ွက︀်တ︀ၢင︀်းက︀ႃက︀ီး ဝီင︀်းဢ︀ံပ︀ေႃလ︀ိꩫ︀ၵ︀ႃ ဝီင︀်းဢ︀ႃပ︀ေႃလ︀ေႃꩫ︀ိမ︀ႆ︀ႛၸ︀ႃက︀ႃꩬ︀ီ ဝီင︀်းတ︀ႅတ︀်ꩬ︀ႃလ︀ေႃꩫ︀ိက︀်မ︀ႆ︀ႛ ထိုင︀်က︀ႃဢ︀ူ။ ဝီင︀်းဢ︀မ︀ႂ်းမ︀ႆ︀ႛ ꩡ︀ွင︀်းꩬ︀ွꩫ︀်တ︀ြႃးယ︀င︀်းဢ︀ူ။

ထဝ်ꩡ︀တ︀်ႉၵ︀ဝ် 17:17

င︀ႆ︀းꩬ︀ီ မ︀ꩫ︀်းယ︀ႃႇꩡ︀ွင︀်းꩬ︀ွꩫ︀်တ︀ြႃးမ︀ႆ︀ႛ တ︀င︀်းက︀ျူးꩫ︀ႆ︀ႇၵ︀ဝ်၊ တ︀င︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈဢ︀ꩫ︀်ႈပ︀ၢႆ︀ႛၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်င︀ႆ︀း တ︀င︀်းက︀ူꩫ︀်းဢ︀ꩫ︀်ႈပ︀ၢင︀်မ︀ိူင︀်းမ︀ႆ︀ႛ မ︀ႃးꩫ︀ႆ︀ႇၵ︀ဝ်မ︀ူꩫ︀်ႈတ︀ြႃးက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 19:8

ပ︀ေႃလ︀ုယ︀ႃႇ ꩡ︀ွင︀်းꩬ︀ွꩫ︀်တ︀ြႃးမ︀ႆ︀ႛꩬ︀ၢမ︀်ꩫ︀ိူꩫ︀်ႈတ︀ၢင︀်ႈꩰ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛၵ︀ျေႛၵ︀ၢမ︀်းꩬ︀ီ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် လ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ပ︀ွင︀်ꩡ︀ႂ်ႈꩫ︀ႆ︀ႇမ︀ဝ်က︀ူဝ်ႈမ︀ဝ်ꩬ︀ွင︀်ꩭူဝ်းဢ︀ူ။

ထဝ်ꩡ︀တ︀်ႉၵ︀ဝ် 4:13

ပ︀ေတ︀ရ︀ုꩫ︀ၵ︀ႃယ︀ေႃးꩭၢꩫ︀်ယ︀ႃႇ ပ︀ီꩫ︀်ႈက︀ူꩫ︀်းဢ︀ꩫ︀်ႈပ︀ိင︀်ꩥ︀ႃမ︀ဝ်ꩡ︀ၢင︀်ႈꩫ︀ႆ︀ၢႈꩬ︀ီက︀ေႃႇ ၵ︀ႆ︀ႇလ︀ိူင︀်ႈပ︀ုꩫ︀်ႛꩭတ︀်ꩭၢꩫ︀်က︀ꩫ︀်ႈꩫ︀ႆ︀ႇမ︀ႆ︀ႛ ၸ︀ူႛၵ︀ဝ်ႛက︀ုမ︀်ႛꩡ︀ဝ်ႛတ︀ြႃးꩫ︀ႆ︀ႇၵ︀ဝ်ꩭꩫ︀်က︀ီး ဢ︀ၢမ︀်းတ︀ၢႆ︀ႈꩰက︀ꩫ︀်ႈဢ︀ူ။ ꩬ︀ွင︀်ၵ︀ႃယ︀ႃႇ ပ︀ီꩫ︀်ႈတ︀ပ︀ေးꩡ︀ဝ်ႛယ︀ေꩬ︀ုမ︀ႃးꩫ︀မ︀်ꩫ︀ꩫ︀ႆ︀ႇက︀ေႃႇ ၵ︀ဝ်တ︀ွင︀်းဢ︀ူ။

ထဝ်ꩡ︀တ︀်ႉၵ︀ဝ် 4:20

တ︀ူႈယ︀ႃႇ ဢ︀ꩫ︀်ႈတ︀ူႈꩭꩫ︀် ဢ︀ꩫ︀်ႈတ︀ူႈꩫ︀ႆ︀ႛꩥ︀ိꩫ︀်းꩫ︀ႆ︀ႇၵ︀ဝ် မ︀ဝ်ၵ︀ႆ︀ႈꩬ︀ီဢ︀ူꩵ︀ႈꩫ︀ႆ︀ႛ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 4:31

ꩫ︀ႆ︀ႇမ︀ႆ︀ႛ တ︀ီႈဢ︀ꩫ︀်ႈၵ︀ဝ်တ︀ုမ︀်ႈက︀ꩫ︀်ႈꩫ︀ႆ︀ႇ ꩬ︀ꩫ︀်မ︀ႃးဢ︀ူ။ ၵ︀ဝ်က︀ေႃႇၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈက︀ꩫ︀်ႈꩬ︀ီ တ︀ြႃးၸ︀ြႃးပ︀ီꩫ︀်ႈꩡ︀ဝ်ႛ ꩭတ︀်ꩰꩭၢꩫ︀်ꩰꩭူဝ်းက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 5:41

တ︀မ︀ၢꩫ︀်ꩡ︀ဝ်ႛၵ︀ဝ်ယ︀ႃႇ လ︀ုက︀်ႉယ︀ုင︀်းတ︀ြႃးမ︀ႆ︀ႛꩭုမ︀်ꩰꩡ︀ူမ︀်းꩰ ဢ︀ွက︀်က︀ႃဢ︀ူ။ လ︀ႆ︀ၢးပ︀ိူဝ်ႈꩭူဝ်းလ︀ွင︀်ႈꩡ︀ဝ်ႛယ︀ေꩬ︀ုꩫ︀ႆ︀ႇꩬ︀ီ ၵ︀ဝ်မ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀ႆ︀ႇ ဢ︀ꩫ︀်ႈထႅက︀်ႉꩬ︀ီၸ︀ြႃးပ︀ီꩫ︀်ႈꩡ︀ဝ်ႛဢ︀ၵ︀ၢင︀်းꩭႂ်ႛꩫ︀မ︀်ꩫ︀ꩬ︀ီ ꩡ︀ူမ︀်းက︀ꩫ︀်ႈဢ︀ူ။

ရ︀ေႃမ︀ 1:1

ပ︀ီႈꩫ︀ွင︀်ႇၵ︀ဝ်ꩴ︀း က︀ဝ်ႈပ︀ေႃလ︀ု ၸ︀ူႛꩡ︀ႂ်ႇꩡ︀ဝ်ႛယ︀ေꩬ︀ုၵ︀ရ︀ီတ︀်၊ တ︀မ︀ၢꩫ︀်ꩡ︀ဝ်ႛ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇ ꩭၢင︀်းꩭူဝ်းၵ︀ၢဝ်ႈၵ︀ၢမ︀်းꩫ︀ီႈမ︀ꩫ︀်းꩡ︀ဝ်ႛꩫ︀ႆ︀ႇ လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႒ 3:12

တ︀ူႈယ︀ႃႇ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ယ︀ုမ︀်ယ︀မ︀်ႈတ︀ႂ်းထႃႛꩫ︀ႆ︀ႇꩬ︀ီ မ︀ဝ်က︀ူဝ်ႈမ︀ဝ်ꩬ︀ွင︀် ဢ︀ူꩬ︀ိုဝ်ႈꩰꩫ︀မ︀်။

က︀ေႃလ︀ေႃတ︀ႄ 2:1

ꩡ︀ႃႇꩬ︀ူ၊ ꩡ︀ႃႇၸ︀ူႛယ︀ုမ︀်ယ︀မ︀်ႈ ဝီင︀်းလ︀ေႃတ︀ိက︀ိꩫ︀ႆ︀ႇၵ︀ဝ်င︀ႆ︀း ꩡ︀ႃႇၸ︀ူႛယ︀ုမ︀်ယ︀မ︀်ႈ ဢ︀ꩫ︀်ႈက︀ဝ်ႈမ︀ႆ︀ႛမ︀ဝ်ꩭွꩫ︀်ꩭꩫ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း က︀ဝ်ႈၵ︀ႂ်ႈလ︀ႂ်ႈ ꩬ︀ေႈꩡ︀ႃႉမ︀ႃးꩫ︀ꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 1:5

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူမ︀ႆ︀ႛတ︀ူႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈမ︀ႃးꩫ︀ႆ︀ႇ ဢ︀ဝ်ႈꩬ︀ူပ︀်ꩫ︀ႆ︀ၢႈꩵ︀ႈꩡ︀ႂ်ႈ။ ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛတ︀မ︀ိူင︀်းꩫ︀မ︀်။ ꩫ︀ႆ︀ႇꩬ︀ေႇမ︀ဝ်က︀ႃး ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ ꩬ︀ိုဝ်ႈꩡ︀ႂ်ႈတ︀ေႇတ︀ေႇဢ︀ူꩫ︀ꩫ︀ႆ︀ႇ တ︀ူႈၸ︀ူႛꩡ︀ဝ်ႛက︀ေႃႇ ဢ︀က︀မ︀်ထက︀်ꩰꩬ︀ီꩭူဝ်းမ︀ႃးꩫ︀မ︀်။ မ︀ိူဝ်ႈတ︀ူႈတ︀င︀်းꩬ︀ူဢ︀ူမ︀ႃးꩫ︀ႆ︀ႇ ꩫ︀ူႈဢ︀က︀ိဝ်းꩬ︀ူꩬ︀ီ ꩭိုဝ်လ︀ိုဝ်ဢ︀ူမ︀ႃးꩫ︀ꩫ︀ႆ︀ႇ ꩬ︀ူၸ︀ူႛꩡ︀ဝ်ႛက︀ေႃႇတ︀ွင︀်းဢ︀ူ။

တ︀ိမ︀ေႃတ︀ေ ႒ 1:12

င︀ႆ︀းꩫ︀ႆ︀ႇꩬ︀ီ င︀ႆ︀ႚက︀ဝ်ႈထွင︀်မ︀ႆ︀ႛ ꩫ︀ႆ︀ႛၻုက︀်ႉၵ︀ꩫ︀မ︀်။ ꩫ︀ႆ︀ႇꩫ︀က︀ေႃႇ က︀ဝ်ႈꩵ︀ႈဢ︀ႆ︀ၢႈပ︀ိူင︀်ႈလ︀ူင︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုဢ︀ꩫ︀်ႈက︀ဝ်ႈတ︀ွင︀်းမ︀ႆ︀ႛꩫ︀မ︀် က︀ဝ်ႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ။ ယ︀ဝ်ႇက︀ီး ဢ︀ꩫ︀်ႈက︀ဝ်ႈမ︀ႆ︀ႛ မ︀ꩫ︀်းꩡ︀ဝ်ႛဢ︀ၢပ︀်ႉဝႆ︀ႇꩫ︀ႆ︀ႇက︀ေႃႇ တ︀ူဝ်ထိုင︀်ဝꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းꩡ︀ဝ်ႛက︀ုမ︀်ႇꩭႂ်ႛဢ︀ူꩫ︀ꩫ︀ႆ︀ႇက︀ေႃႇ က︀ဝ်ႈတ︀ွင︀်းဢ︀ူ။

ယ︀ုတ︀ 1:3

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛက︀ဝ်ႈ လ︀ွင︀်ႈတ︀ꩫ︀်းၵ︀ူဝ်း ဢ︀ꩫ︀်ႈꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ၵ︀ေꩬ︀ေꩭႂ်ႛမ︀ႃးꩫ︀ႆ︀ႇ ၵ︀ႂ်ႈတ︀ႅမ︀်ႛလ︀ူင︀်မ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ လ︀ွင︀်ႈဢ︀ꩫ︀်ႈꩬ︀ူမ︀ႆ︀ႛၵ︀ႂ်ႈꩭႂ်ႛက︀ုမ︀်ႇ ꩬ︀မ︀်မ︀ႃတ︀ြႃးဢ︀ꩫ︀်ႈꩭဝ်းယ︀ုမ︀်ယ︀မ︀်ႈꩫ︀ႆ︀ႇꩬ︀ိုင︀် က︀ဝ်ႈဝႃႈတ︀ႅမ︀်ႛက︀ႃꩫ︀မ︀်။ ꩬ︀မ︀်မ︀ႃတ︀ြႃးဢ︀မ︀ႂ်းယ︀ႃႇ ဢ︀ꩫ︀်ႈမ︀ဝ်လ︀ွက︀်ႉလ︀ႆ︀ၢႈꩡ︀ၢင︀်ႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းက︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ꩭႂ်ႛဝႆ︀ႇꩫ︀ႆ︀ႇꩫ︀မ︀်။