တ︀ႅတ︀်ꩬ︀ႃလ︀ေႃꩫ︀ိက︀် ႑ 1:8 - Khamti Shan

⁸ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ႆ︀ၢးပ︀ိူဝ်ႈꩬ︀ူက︀မ︀်ႈက︀ႅင︀်းင︀ႆ︀းꩫ︀ႆ︀ႇꩬ︀ီ က︀ူꩫ︀်းတ︀ိူင︀်းမ︀ႃက︀ေတ︀ေႃꩫ︀ိၵ︀ဝ်၊ က︀ူꩫ︀်းတ︀ိူင︀်းဢ︀ႃၵ︀ႃယ︀ၵ︀ဝ် ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ု ꩫ︀ႆ︀ႛꩥ︀ိꩫ︀်းက︀ႃမ︀ူတ︀်ယ︀ဝ်ႇ။ ꩫ︀ႆ︀ႇꩬ︀ေႇမ︀ဝ်က︀ႃး ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭိုဝ်လ︀ိုဝ်ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ꩫ︀ႆ︀ႇက︀ေႃႇ က︀ူႈတ︀ီႈꩬ︀ႅꩫ︀်ꩫ︀ႅꩫ︀်ႈမ︀ႆ︀ႛ ꩭူင︀်က︀ꩫ︀်ႈꩫ︀ႆ︀ႇꩬ︀ီ တ︀ူႈꩫ︀ႆ︀ၢႈက︀ေႃႇ ၵ︀ဝ်မ︀ႆ︀ႛဢ︀ꩫ︀်ႈဝႃႈၵ︀ႆ︀ႈꩵ︀ႈယ︀င︀်းယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 1:8 Iomraidhean Croise

ထဝ်ꩡ︀တ︀်ႉၵ︀ဝ် 18:12

ꩡ︀ူဝ်ႈမ︀ိူဝ်ႈက︀ႃလ︀ျုင︀် ပ︀ီꩫ︀်ႈꩡ︀ဝ်ႛက︀ႅမ︀်ႈမ︀ိူင︀်းဢ︀ႃၵ︀ႃယ︀ꩫ︀ႆ︀ႇ က︀ျူးꩫ︀ႆ︀ႇၵ︀ဝ်တ︀ုမ︀်ႈက︀ꩫ︀်ႈꩬ︀ီ ပ︀ေႃလ︀ုမ︀ႆ︀ႛꩬ︀ႅဝ်ႛင︀ႆ︀း ပ︀ၢင︀်ႈတ︀ြႃးမ︀ႆ︀ႛဢ︀ဝ်ႈမ︀ႃးဢ︀ူ။

ရ︀ေႃမ︀ 1:8

ပ︀ီႈꩫ︀ွင︀်ႇၵ︀ဝ်ꩴ︀း ဢ︀ွꩫ︀်ႈတ︀ၢင︀်းလ︀ေႚလ︀ေႚ က︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ ꩡ︀ႃႇꩬ︀ူတ︀င︀်းမ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ဝ်ႈက︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ွပ︀်ႉပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ လ︀ွင︀်ႈဢ︀ꩫ︀်ႈꩬ︀ူ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ တ︀င︀်းက︀မ︀်ၸ︀ႃမ︀ႆ︀ႛ ꩭူင︀်က︀ꩫ︀်ႈယ︀ဝ်ႇ။

ရ︀ေႃမ︀ 15:26

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ိူဝ်းꩡ︀ေႈဝီင︀်းမ︀ႃက︀ေတ︀ေႃꩫ︀ိꩫ︀ၵ︀ႃ ꩡ︀ိူဝ်းမ︀ိူင︀်းဢ︀ႃၵ︀ႃယ︀ၵ︀ဝ်ယ︀ႃႇ က︀ူꩫ︀်းꩡ︀ိူဝ်းဝီင︀်းယ︀ေရ︀ုꩬ︀လ︀ိမ︀် ဢ︀ꩫ︀်ႈယ︀ၢက︀်ႉၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈင︀ိူꩫ︀်းꩡ︀ွႆ︀ႈက︀ွတ︀်ꩫ︀ꩬ︀ီ ၵ︀ွင︀်းꩰလ︀ွင︀်းꩰတ︀ႅပ︀်တ︀တ︀်က︀ꩫ︀်ႈယ︀ဝ်ႇ။

ရ︀ေႃမ︀ 16:19

ꩬ︀ူ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰဢ︀ူꩫ︀ꩫ︀ႆ︀ႇ ꩭူင︀်က︀ꩫ︀်ႈꩫ︀ႆ︀ႇꩬ︀ီ က︀ဝ်ႈလ︀ႆ︀ၢးပ︀ိူဝ်ႈꩬ︀ူꩡ︀ူမ︀်းလ︀ူင︀်ꩫ︀မ︀်။ င︀ႆ︀းꩫ︀က︀ေႃႇ ꩬ︀ူ လ︀ွင︀်ႈꩫ︀ီႈမ︀ႆ︀ႛ ဢ︀ဝ်ႈꩡ︀ၢင︀်ႈꩬ︀ႃက︀ꩫ︀်ႈတ︀ႃႉ။ တ︀င︀်းလ︀ွင︀်ႈꩡ︀ႃႇယ︀ႃႇ ꩬ︀ူမ︀ႆ︀ႛꩵ︀ႈၵ︀ႂ်ႈꩭႂ်ႛꩡ︀ၢပ︀်ႉပ︀ိူင︀်ႈလ︀ူင︀်။

က︀ေႃရ︀ိꩫ︀်တ︀ု ႑ 14:36

ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈလ︀ုက︀်ႉꩬ︀ူမ︀ႆ︀ႛမ︀ႃးꩵ︀ႈꩡ︀ႂ်ႈ။ ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ိုင︀် ꩬ︀ူမ︀ႆ︀ႛမ︀ႃးꩫ︀မ︀်။

က︀ေႃရ︀ိꩫ︀်တ︀ု ႒ 2:14

ꩫ︀ႆ︀ႇꩫ︀က︀ေႃႇ တ︀ူႈယ︀ႃႇ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ တ︀ူႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ဝ်ႈပ︀ီꩫ︀်ႈလ︀ႆ︀ၢးမ︀ꩫ︀်းꩡ︀ဝ်ႛꩭႂ်ႛꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ တ︀ူႈက︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ လ︀ႆ︀ၢးဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ပ︀ီꩫ︀်ႈꩡ︀ဝ်ႛပ︀ေႇဢ︀ွင︀်င︀ႆ︀းꩬ︀ီ တ︀ူႈယ︀ႃႇ ပ︀ီꩫ︀်ႈၸ︀ူႛꩬ︀ုမ︀်းꩬ︀ိူက︀်င︀ႆ︀းꩫ︀က︀ꩫ︀်ႈꩫ︀မ︀်။ ꩫ︀ႆ︀ႇꩬ︀ေႇမ︀ဝ်က︀ႃး ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛတ︀ွင︀်းမ︀ႃးꩫ︀ႆ︀ႇက︀ေႃႇ ꩫ︀င︀်ပ︀ွႆ︀ဢ︀ႆ︀ၢႈꩫ︀မ︀်ႇꩭွမ︀်ꩫ︀က︀ꩫ︀်ႈ ꩭႂ်ႛပ︀ူဝ်းက︀ူႈတ︀ီႈမ︀ႆ︀ႛ တ︀ူႈက︀ႃယ︀ႃးꩫ︀ႆ︀ႛꩫ︀ႆ︀ႇ တ︀ူႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩡ︀ွႆ︀ႈꩭႂ်ႛꩬ︀ီဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 3:4

တ︀ူႈဝႃႈင︀ႆ︀းꩫ︀ႆ︀ႇယ︀ႃႇ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈတ︀ၢင︀်းꩡ︀ဝ်ႛၵ︀ရ︀ီတ︀်ꩬ︀ီ တ︀မ︀်းꩡ︀ႂ်ႈꩫ︀ီႈꩫ︀ီႈꩬ︀ီဝႃႈꩫ︀မ︀်။

က︀ေႃလ︀ေႃတ︀ႄ 3:16

က︀ꩫ︀်ႛꩫ︀ႂ်းꩭူဝ်ꩡ︀ႂ်ႈꩬ︀ူမ︀ႆ︀ႛ ၵ︀ၢမ︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩬ︀ႂ်ဢ︀ဝ်ႈတ︀ီမ︀်ႈꩰဝႆ︀ႇက︀ꩫ︀်ႈတ︀ႃႉ။ ၵ︀ၢမ︀်းဢ︀မ︀ႂ်း က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈက︀ေႃႇ က︀ႃႈꩫ︀င︀်ꩥ︀ႅꩫ︀်ယ︀င︀်းꩫ︀ႆ︀ႇ ꩬ︀ွꩫ︀်က︀ꩫ︀်ႈ၊ ꩥ︀ႅပ︀်ႉက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ၢမ︀်းꩬ︀ႃလ︀ၢမ︀်၊ ဢ︀ဝ်ႈၵ︀ၢမ︀်းဢ︀ꩫ︀်ႈယ︀ူဝ်းယ︀ွင︀်ႛ က︀ူႈၸ︀ꩫ︀်းꩰဢ︀ွေꩬ︀ီ လ︀ုက︀်ႉꩫ︀ႂ်းꩡ︀ႂ်ႈꩬ︀ူမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 1:4

ꩬ︀ူမ︀ႆ︀ႛ ပ︀ိူꩫ︀်ႈက︀ေးလ︀ေးꩫ︀ိက︀်ႉꩬ︀ၢက︀်ႉꩭႅင︀်းꩬ︀ီ ꩫ︀ႆ︀ႛယ︀ပ︀်ယ︀ၢက︀်ႉꩬ︀ၢင︀်းလ︀ေးၵ︀ႂ်ႈလ︀ႂ်ႈꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ိူင︀်ꩰက︀ိုမ︀်းꩰယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈက︀ꩫ︀်ႈꩫ︀ႆ︀ႇꩬ︀ီ တ︀ူႈၸ︀ူႛꩡ︀ဝ်ႛꩡ︀ူမ︀်းꩭုမ︀်ꩫ︀ႆ︀ႇꩬ︀ေႇမ︀ဝ်က︀ႃး ꩡ︀ိူဝ်းꩡ︀ဝ်ႛတ︀ၢင︀်ဝီင︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭုမ︀်ꩰꩡ︀ူမ︀်းꩰၵ︀ႆ︀ႈပ︀ျႃးလ︀ေဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:1

ပ︀ီႈꩫ︀ွင︀်ႇၵ︀ဝ်ꩴ︀း ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ ၵ︀ႂ်ႈꩬ︀င︀်ꩫ︀ႆ︀ႇယ︀ႃႇ ꩡ︀ႃႇꩭၢင︀်းတ︀ူႈယ︀ွꩫ︀်းꩬ︀ူးမ︀ႃးတ︀ႃႉ။ ꩫ︀င︀်မ︀ိူဝ်ႈꩬ︀ူမ︀ႆ︀ႛတ︀ူႈၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုꩭူဝ်းမ︀ႃးꩫ︀ႆ︀ႇ ꩬ︀ူꩡ︀ိဝ်းꩰꩭၢပ︀်ႉဢ︀ဝ်ႈꩫ︀က︀ꩫ︀်ႈ က︀ူꩫ︀်းက︀ူႈတ︀ီႈꩬ︀ႅꩫ︀်ꩫ︀ႅꩫ︀်ႈꩫ︀ႆ︀ႇၵ︀ဝ်က︀ေႃႇ ꩭႂ်ႛပ︀ူဝ်းꩡ︀ိဝ်းꩰꩭၢပ︀်ႉဢ︀ဝ်ႈက︀ꩫ︀်ႈꩫ︀ႆ︀ႇ ယ︀ွꩫ︀်းꩬ︀ူးမ︀ႃးတ︀ႃႉ။

တ︀ိမ︀ေႃတ︀ေ ႑ 2:8

င︀ႆ︀းꩫ︀ႆ︀ႇꩬ︀ီ က︀ဝ်ႈဝႃႈက︀ွတ︀်။ မ︀ိူဝ်ႈꩬ︀ူꩭူမ︀်ႈပ︀ႆ︀ၢႛၸ︀ြႃးꩫ︀ႆ︀ႇ ၸ︀ူႛꩡ︀ႆ︀ၢးꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈၵ︀ႂ်ႈꩡ︀ႃႇက︀ꩫ︀်ႈ၊ ꩫ︀ꩫ︀်းက︀ꩫ︀်ႈမ︀ဝ်ဢ︀ဝ်ႈယ︀င︀်းꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀င︀်းꩡ︀ႂ်ႈတ︀င︀်းၵ︀ူဝ်းဝႃႈယ︀ွꩫ︀်းꩬ︀ူးꩫ︀မ︀်။

တ︀ိမ︀ေႃတ︀ေ ႒ 2:9

က︀ဝ်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇꩬ︀ီ က︀ဝ်ႈမ︀ႆ︀ႛ ꩫ︀င︀်က︀ူꩫ︀်းဢ︀ꩫ︀်ႈၸ︀ိတ︀်ပ︀ိူင︀်ႈဝွင︀်ႇꩫ︀က︀ꩫ︀်ႈ ꩬ︀ႆ︀ၢလ︀ီက︀်ၸ︀ုက︀်ဝႆ︀ႇမ︀ႆ︀ႛက︀ေႃႇꩫ︀ႆ︀ႛၵ︀ၢမ︀်ꩫ︀မ︀်။ ꩫ︀ႆ︀ႇꩫ︀က︀ေႃႇ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛယ︀ႃႇ ꩭေႇက︀င︀်ႛꩵ︀ႈꩫ︀ႆ︀ႛ။

ယ︀ေႃးꩭၢꩫ︀် ႓ 1:12

က︀ူꩫ︀်းတ︀င︀်းမ︀ိူင︀်း လ︀ွင︀်ႈတ︀ေမ︀ေတ︀ရ︀ိꩫ︀ီႈꩫ︀ႆ︀ႇ ဝႃႈက︀ꩫ︀်ႈဢ︀ူ။ မ︀ꩫ︀်းꩫ︀င︀်ꩬ︀မ︀်မ︀ႃတ︀ြႃးꩫ︀က︀ꩫ︀်ႈဢ︀ူꩫ︀ႆ︀ႇယ︀ႃႇ ꩬ︀ၢက︀်ႉꩬ︀ေမ︀ꩫ︀်းꩫ︀မ︀်။ တ︀ူႈက︀ေႃႇꩬ︀ၢက︀်ႉꩬ︀ေမ︀ꩫ︀်းꩫ︀မ︀်။ ဢ︀ꩫ︀်ႈတ︀ူႈဝႃႈꩫ︀ႆ︀ႇ ꩡ︀ႂ်ႈဢ︀ူꩫ︀ꩫ︀ႆ︀ႇက︀ေႃႇ ꩬ︀ူတ︀ွင︀်းဢ︀ူ။

ၿျႃၻိက︀်ႉ 14:6

ဝၢႆ︀းꩫ︀ႆ︀ႇ က︀ꩫ︀်ႛꩫ︀ိူဝ်က︀ၢင︀်ႈၸ︀ႃႇမ︀ႆ︀ႛ ၵ︀ုꩫ︀်ꩬ︀ၢင︀်ပ︀ႃးလ︀ိူင︀်ႈမ︀ီꩫ︀်ႈဢ︀ူꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။ မ︀ꩫ︀်းယ︀ႃႇ ၵ︀ၢဝ်ႈၵ︀ၢမ︀်းꩫ︀ီႈထႃဝရ︀ ဢ︀ꩫ︀်ႈꩡ︀ႃႇꩭၢင︀်းက︀ူꩫ︀်းက︀မ︀်ၸ︀ႃ ဢ︀ꩫ︀်ႈတ︀ၢꩫ︀်ႛၵ︀ၢမ︀်းက︀ူႈၸ︀ꩫ︀်း၊ က︀ူꩫ︀်းက︀ူႈၸ︀ꩫ︀်း၊ က︀ူႈၵ︀ိူဝ်းဢ︀ꩫ︀်ႈဢ︀ူက︀ူႈမ︀ိူင︀်းꩰꩫ︀ႆ︀ႇၵ︀ဝ်မ︀ႆ︀ႛ တ︀ႅဝ်ꩫ︀ႆ︀ႇ ဢ︀ဝ်ႈမ︀ႃးဢ︀ူ။

ၿျႃၻိက︀်ႉ 22:17

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ၸ︀ူႛꩬ︀ၢဝ်မ︀ႂ်ပ︀ူႇဢ︀ွꩫ︀်ယ︀ႃႇ “က︀ျွႃးမ︀ႃးတ︀ီၵ︀ႃႛတ︀ႃႉ” ꩫ︀ဝꩫ︀်ႇ။ က︀ူဝ်ႇဢ︀ꩫ︀်ႈꩫ︀ႆ︀ႛꩥ︀ိꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ “က︀ျွႃးမ︀ႃးတ︀ီၵ︀ႃႛတ︀ႃႉ” ꩫ︀ꩬ︀ီဝႃႈက︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈက︀ုတ︀်ꩫ︀မ︀်ႇꩫ︀ႆ︀ႇၵ︀ဝ် မ︀ႃးက︀ꩫ︀်ႈတ︀ႃႉ။ ၸ︀ႂ်မ︀ဝ်ဝႃႈ ꩫ︀မ︀်ႇဢ︀ꩫ︀်ႈꩭႂ်ႛဢ︀ꩬ︀ၢက︀်ႉꩫ︀ႆ︀ႇ ၵ︀ႂ်ႈꩫ︀ႆ︀ႛက︀ီး က︀ႃႈမ︀ဝ်ꩭႂ်ႛꩬ︀ီ မ︀ႃးဢ︀ဝ်ႈတ︀ႃႉ။