ပ︀ေတ︀ရ︀ု ႑ 2:2 - Khamti Shan

² ꩫ︀င︀်ဢ︀ေႚꩫ︀ႅင︀်ႈꩫ︀ႆ︀ႇၵ︀ဝ် ꩫ︀မ︀်ႇꩡ︀ေႉမ︀ႆ︀ႛꩫ︀ႆ︀ၢႈꩬ︀ိုင︀်ꩭွင︀်ꩫ︀က︀ꩫ︀်ႈ ꩬ︀ူက︀ေႃႇ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛလ︀ွတ︀်ႉꩰမ︀ႆ︀ႛꩫ︀ႆ︀ၢႈꩬ︀ိုင︀် မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭွင︀်က︀ꩫ︀်ႈတ︀ႃႉ။ င︀ႆ︀းက︀ီးꩬ︀င︀် ꩬ︀ူယ︀ႂ်က︀ေမ︀ႃးꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛမ︀ႆ︀ႛ ꩬ︀ူꩫ︀ႆ︀ႛꩭၢပ︀်ႉတ︀ီမ︀်ႈꩰဢ︀ူ။

ပ︀ေတ︀ရ︀ု ႑ 2:2 Iomraidhean Croise

မ︀တ︀်တ︀ႄး 18:3

“ထွမ︀်ꩫ︀ီႈꩫ︀ီႈတ︀ႃႉ။ က︀ဝ်ႈဝႃႈက︀ွတ︀်။ ꩬ︀ူꩫ︀င︀်လ︀ၵ︀ႃꩫ︀ႆ︀ႇၵ︀ဝ်ꩫ︀က︀ꩫ︀်ႈ ꩡ︀ႂ်ႈပ︀ူဝ်းမ︀ဝ်လ︀ႆ︀ၢႈမ︀ႃးက︀ီး မ︀ိူင︀်းက︀ၢင︀်ႈꩭၢဝ်မ︀ႆ︀ႛ မ︀ိူဝ်ႈလ︀ႂ်ႈက︀ေႃႇ ꩵ︀ႈꩫ︀ႆ︀ႛၵ︀ဝ်ႛ။

မ︀တ︀်တ︀ႄး 19:14

ꩡ︀ဝ်ႛယ︀ေꩬ︀ုယ︀ႃႇ “လ︀ၵ︀ႃꩫ︀ႆ︀ႇၵ︀ဝ် ꩭႂ်ႛမ︀ႃးက︀ွတ︀်။ ပ︀ီꩡ︀တ︀်။ မ︀ိူင︀်းက︀ၢင︀်ႈꩭၢဝ်ယ︀ႃႇ ꩡ︀ႃႇက︀ူꩫ︀်းꩫ︀င︀်ၸ︀ꩫ︀်းလ︀ၵ︀ႃꩫ︀ႆ︀ႇၵ︀ဝ်ဢ︀ူꩫ︀မ︀်” ꩫ︀ယ︀ဝ်ႇက︀ီး

မ︀ႃက︀ု 10:15

က︀ဝ်ႈတ︀ေႇတ︀ေႇဝႃႈက︀ွတ︀်။ ၸ︀ႂ်ꩫ︀က︀ေႃႇ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်လ︀ၵ︀ႃꩫ︀ႆ︀ႇၵ︀ဝ်ꩭၢပ︀်ႉꩫ︀က︀ꩫ︀်ႈ မ︀ဝ်ꩭၢပ︀်ႉက︀ီး မ︀ိူင︀်းꩡ︀ဝ်ႛထႃဝရ︀ၸ︀ြႃးမ︀ႆ︀ႛ ꩵ︀ႈꩫ︀ႆ︀ႛၵ︀ဝ်ႛ” ꩫ︀ဝꩫ︀်ႇ။

လ︀ုက︀ႃ 18:17

က︀ဝ်ႈဝႃႈက︀ွတ︀်။ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်လ︀ၵ︀ႃꩫ︀ႆ︀ႇၵ︀ဝ် ꩭၢပ︀်ႉၵ︀ၢမ︀်ꩫ︀က︀ꩫ︀်ႈ ꩬ︀ူမ︀ဝ်ꩭၢပ︀်ႉက︀ီး ꩵ︀ႈꩫ︀ႆ︀ႛၵ︀ဝ်ႛ” ꩫ︀ဝꩫ︀်ႇ။

ရ︀ေႃမ︀ 6:4

ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛၸ︀င︀်မ︀ႆ︀ႛက︀ေႃႇ ꩭဝ်းမ︀ႆ︀ႛၸ︀င︀်လ︀ွေႛယ︀ဝ်ႇ။ င︀ႆ︀းꩬ︀ီ ꩭဝ်းတ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀်တ︀ႆ︀ၢႈꩫ︀ႆ︀ႇယ︀ႃႇ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈတ︀ꩫ︀်းၵ︀ူဝ်း ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀က︀ꩫ︀်ႈ ꩭႂ်ႛပ︀ူဝ်းꩭဝ်းမ︀ႆ︀ႛက︀ေႃႇ ဢ︀ဝ်ႈပ︀ီꩫ︀်ႈက︀ူꩫ︀်းမ︀ႂ်မ︀ႃးꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 14:20

ပ︀ီႈꩫ︀ွင︀်ႇၵ︀ဝ်ꩴ︀း လ︀ွင︀်ႈꩫ︀ႆ︀ႇၵ︀ဝ်မ︀ႆ︀ႛ ꩬ︀ူꩫ︀င︀်လ︀ၵ︀ႃꩫ︀က︀ꩫ︀်ႈ ပ︀ီၵ︀ႂ်ႈꩡ︀ႂ်ႈ။ ꩫ︀င︀်ၸ︀ူႛက︀ေꩫ︀က︀ꩫ︀်ႈ ၵ︀ႂ်ႈꩡ︀ႂ်ႈလ︀ႅမ︀်းက︀ꩫ︀်ႈတ︀ႃႉ။ လ︀ွင︀်ႈဢ︀ꩫ︀်ႈမ︀ဝ်ꩫ︀ီႈမ︀ႆ︀ႛယ︀ႃႇ ꩫ︀င︀်လ︀ၵ︀ႃဢ︀ွꩫ︀်ꩫ︀က︀ꩫ︀်ႈ ꩡ︀ႂ်ႈၵ︀ၢဝ်က︀ꩫ︀်ႈတ︀ႃႉ။

ဢ︀ေၸ︀ႅတ︀် 2:21

မ︀ꩫ︀်းꩡ︀ဝ်ႛယ︀ႃႇ ꩭိူꩫ︀်းဢ︀မ︀ႂ်းတ︀င︀်းꩭိူꩫ︀်းမ︀ႆ︀ႛ ꩡ︀ႃႇၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛပ︀ူဝ်းဢ︀ဝ်ႈပ︀ီꩫ︀်ႈꩡ︀ွင︀်းၿိက︀်ႉမ︀ၢꩫ︀်ဢ︀ꩫ︀်ႈမ︀ူတ︀်ꩡ︀ၢင︀်ꩫ︀ႆ︀ႇ ဢ︀ဝ်ႈပ︀ီꩫ︀်ႈꩫ︀ိူဝ်ႇလ︀ိဝ်ႈꩬ︀ီ ဢ︀ဝ်ႈၵ︀ိုꩫ︀်ႛယ︀ႂ်ၵ︀ိူင︀်က︀ိုမ︀်းမ︀ႃးဢ︀ူ။

ဢ︀ေၸ︀ႅတ︀် 4:15

ꩭဝ်းယ︀ႃႇ ဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ႇ ဢ︀ဝ်ႈမ︀ႅတ︀်ႉတ︀ႃ ဝႃႈက︀ꩫ︀်ႈင︀ႆ︀းꩬ︀ီ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀က︀ꩫ︀်ႈက︀ူႈလ︀ွင︀်ႈမ︀ႆ︀ႛ ဝႃႈယ︀ႂ်က︀ေမ︀ႃးက︀ꩫ︀်ႈꩫ︀မ︀်။ ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ က︀ုမ︀်ꩭူဝ်ꩡ︀ိူဝ်းꩡ︀ဝ်ႛꩫ︀မ︀်။ ꩡ︀ိူဝ်းꩡ︀ဝ်ႛယ︀ႃႇ တ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႒ 1:3

ပ︀ီႈꩫ︀ွင︀်ႇၵ︀ဝ်ꩴ︀း လ︀ႆ︀ၢးပ︀ိူဝ်ႈꩬ︀ူꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ ꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈ ꩭႅင︀်းမ︀ႃးင︀ႆ︀း က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဢ︀ေႈၵ︀ႅꩫ︀်းꩭၢက︀်ႉꩭွမ︀်က︀ꩫ︀်ႈမ︀ႃးꩫ︀ႆ︀ႇꩬ︀ီ တ︀ူႈꩡ︀ူမ︀်းꩭုမ︀်လ︀ူင︀်ꩫ︀မ︀်။

ပ︀ေတ︀ရ︀ု ႑ 1:23

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛ ဢ︀ဝ်ႈၵ︀ၢမ︀်းမ︀ꩫ︀်းꩡ︀ဝ်ႛ ဢ︀ꩫ︀်ႈꩭႂ်ႛဢ︀ꩬ︀ၢက︀်ႉ၊ ဢ︀ꩫ︀်ႈထႃဝရ︀ယ︀င︀်းဢ︀ူꩫ︀ႆ︀ႇ ဢ︀ဝ်ႈၸ︀ႃးပ︀ီꩫ︀်ႈꩡ︀ူဝ်ႈတ︀ႃႈဢ︀ꩬ︀ၢက︀်ႉမ︀ႂ် ဢ︀ꩫ︀်ႈမ︀ဝ်တ︀ႆ︀ၢႈꩡ︀ၢင︀်ႈ ဢ︀ꩫ︀်ႈမ︀ꩫ︀်ႛတ︀ိူင︀်ႈမ︀ႃးယ︀ဝ်ႇ။

ပ︀ေတ︀ရ︀ု ႒ 3:18

ꩬ︀ူယ︀ႃႇ ꩭႂ်ႛပ︀ူဝ်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩡ︀ဝ်ႛၵ︀ေꩬ︀ေꩭဝ်း ဢ︀ီꩫ︀ူႈꩭၢက︀်ႉꩭွမ︀်မ︀ႆ︀ႛ ဢ︀ေႈၵ︀ႅꩫ︀်းꩭၢပ︀်ႉဢ︀ဝ်ႈꩫ︀ႆ︀ႇ ၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ ဢ︀ေႈၵ︀ႅꩫ︀်းထွမ︀်ꩡ︀ွမ︀်းက︀ႃက︀ꩫ︀်ႈတ︀ႃႉ။ ꩭႂ်ႛပ︀ူဝ်းမ︀ꩫ︀်းꩡ︀ဝ်ႛမ︀ႆ︀ႛ တ︀ွင︀်းဢ︀ိက︀်မ︀ႃးꩫ︀ႆ︀ႇက︀ေႃႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။ က︀ူꩫ︀်းꩭဝ်းꩫ︀ႆ︀ႇၵ︀ဝ်တ︀င︀်းမ︀ိူင︀်း မ︀ꩫ︀်းꩡ︀ဝ်ႛမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭႂ်ႛယ︀မ︀်ႈင︀ဝ်းက︀ꩫ︀်ႈက︀ႃတ︀ႃႉ။ ꩬ︀ႃႈထု။