Matthew 10:22 - Bible Inzootna Kathar

²² Kei jarra mi rakip in nangni innamatirsik eii. Takkha ahekna katung kadei ngaikha inringsik eii. Matt 24:9,13; Mk 13:13; Luk 21:17

Matthew 10:22 Iomraidhean Croise

Matthew 10:39

Tuka-ang inringkhuo kaminriang ngaikhan khawakha inminmang sik eii; takkha tuka-ang inringkhuo kei sik ah kaminmang ngaikhan khawakha inmu sik eii. Matt 16:25; Mk 8:35; Luk 9:24; 17:33; Jn 12:25

Matthew 24:13

Takkha ahekna katungnga kadei ama kha aringsik eii. Matt 10:22

Matthew 24:9

“Halli nangni nasur inta minpoong nasik innalapesik eii, halli nangni innalathatsik eii, halli zaat rakip in kei jarra nangni innamatir sik eii. Matt 10:22

Matthew 5:11

“Kei jarra mi ngai'n nangni innaran khat-um innarachaak, halli nangni chungnga kathamak rakip innanoon jei inchu nangni ningrawaan atha.”” 1 Pet 4:14

Mark 13:13

Mi rakip in kei jarra nangni innamatir sik eii. Takkha tu ka-ang in ahekna katung adeimator inchu ringna amusik eii. Matt 10:22

Luke 21:17

Kei kajara mi rakip in nangnikha naenzootnunu.

Luke 21:19

Nangni deiraat nakhan ringna ningmusik eii.

Luke 6:22

“Miring sapa jarra mirakip in namatir, nazootmak, narilthai, halli nangkha kathamak na eii kanati nangni kha rawaan khatha ning ejei!”” 1 Pet 4:14

Luke 8:15

Nuoipil hoina ah kachul aru ngai tinachu, Pathian chong inrangaili katha khat-um chongkajui malungnga inda ah inra maklaiseng kadei mi ngaikha in eii.

John 17:14

Kei'n nang nachong kha inmanidiang kapesuojei; halli manmasituol khan inmani kha amatir, ajarchu kei'n manmasituol mi ki-emak angnga inmani kha manmasituol mi emu.

John 7:7

Manmasituol in nangnichu namatir theinunu, takkha keichu innamatir, ajarchu Kei'n inchuontho ngaikha dikmak tia sakhi kapeii.

Chuontho 9:16

Ajarchu ama'n keisibit ah angtuk kapoong adeisikme tikha kei'n amadiang minmukate.””

Rome 2:7

Mi lekkhat in kathakha inthochak-ah inom, halli poina, kayana khat-um kathi kaboi ringkhuo ka-entok rakip diang Pathian in hektik kaboi ringkhuo kha apesik eii.

2 Corinthia 4:11

Hiwa inmangsik kinpum hin Jisu ringna kha kinmalar theinasik, Jisu jarra kinringkhuo thinasik chikaom ngaikhan kin-omchak kha eii.

Galatia 6:9

Khawa jarra chuon katha thona khan poongmui; ajarchu eini'n chuon katha kha nithochei inchu, akara rakhoolnasik phakha ajuotungsik eii.

Hebrew 3:14

Ajarchu eini'n inphutni makheiya ninngamna kha ahekni katung kacheet-ah ninmahuum tit inchu, eini niraya-ah Christa le tum kachangsuom ngaikha ni-ejei.

Hebrew 6:11

Nangni'n ningaidon ngaikha kadik tak-ah ajuotung nasik, ahekna katungnga nangni rakip in chuon karaat-ah ningtho kha keini imanuomkhet kha eii.

James 1:12

Poongraal kadei inmani ngaikha rawaan katha eii, ajarchu inmani'n poongraal kha indeisuoli mai in-ar phakhan, inmani'n Pathian in ama kaminriang ngai sik-ah ida ringna lukhu kha intumsik eii.

1 John 3:13

Ulenai ngai, manmasituol mi ngai'n innamatir inchu, nangni'n ngakmaru.

Chongmalar 2:10

Nangni'n poongraal ningratong sikkha chimaru. Rangairu! Seitan in ningmalung ennasik tita nangni karra miring lekkhat kha mikhumna ah adasik eii, halli nangni poongraal nakha nisoom esik eii. Keidiang na-ngamnaru thina suok-innum, halli nangni raal matorna tumkha kei'n ringna lukhu kanapeii sik-eii.

Chongmalar 2:17

Nangni ningkuor indou inchu, Ratha khan koisuok ngaidiang iti ngaikha rangairu! “Raal kamator inmani ngaidiang kei'n inphuumma kaom manna lekkhat ngaikha kapesik eii. Halli kei'n inmani rakip ngaidiang lungngoi kapesik eii, lungngoi chungnga raming kathar injia, raming kha tuteii innum jetmu, aka-ralaang ngai inbit injet.”” Suok 16:14,15; 16:33,34; Jn 6:48-50; Isa 62:2; 65:15

Chongmalar 2:26

Raal kamator khat-um kei lungdou kha ahekna katung akatho amadiang kei'n phungli zaat ngai chungnga wai karoon kamin esik eii,

Chongmalar 2:3

Nangni kadei ningraat, kei kasik bit-ah poongraalna ningdei, halli nangni'n tuunkatung ningngir.

Chongmalar 2:7

“Nangni ningkuor indou inchu, Ratha khan koisuok ngaidiang iti ngaikha rangairu.”” “Raal kamator ngaidiang Pathian Rahuonna kamoong ringna thingkuung makheiya akara baksik-ah kei'n kapesik eii.”” Inphut 2:9; Chonglar 22:2; Ezek 28:13; 31:8

Chongmalar 3:21

Raal kamator inmani diang kei'n raal kamatorra tuun kei Kapa reng in-ongna koolla kei'n kin-ong angnga inmani um kei reng-in-ongna munkhan kakoolla in-ongnasik kazootpisik eii.