Яков 5:4 - Хальмг келнд орчулсн Әрүн Бичлһс

⁴ Тана һазрин урһц хурасн көдләчнрт тадн җалвинь өгл уга хулхалҗ авлат. Соңстн: тана көдләчнр хәәкрәд, һундлан өргнә. Теднә һундл Теңгрин цергин Деед Эзнд күрч.

Яков 5:4 Iomraidhean Croise

Эклц 4:10

– Чи юн гидг юм һарһвч? Чини дүүһин цусн һазрас намаг дуудҗана.

Йов 34:28

Тегәд угатя улсин дун Терүнд күрч, Дорацулгдсн әмтнә түңшлһ Тер соңсв.

Йов 7:2

Тер мухла мет сүүдр хәәҗ күсл кенә, Нәәмәдллһәр көдлдг күн мет өгх мөңгән күләнә.

Псалмс 9:12

Сионас һардҗах Деед Эзнд дууһан өргтн! Цуг әмтнд Терүнә кергин тускар соңсхҗ келтн!

Нүүдл 22:27

Терүнд бийән хучдг юмн уга, терчнь терүнә хувцн болҗана. Хучдг хувцн угаһар яһҗ тер унтхмб? Тер күн Намаг дуудх – Би терүг соңсхув, яһад гихлә Би өр-өвчүв.

Нүүдл 3:9

Израилин улсин түңшлһн, нөкд болхинь сурҗахнь Нанд соңсгдв: Египетин улс эдниг яһҗ даҗрҗахинь Би үзүв.

Левит 19:13

Өөрхн күүһән бичә шахҗ зова, бичә терүг тон. Нәәмәдлҗ авсн күүнә җалвинь өрүн күртл бичә бәр.

Матай 9:37

– Хурах урһц ик, көдләчнр баһ. Тәрсн тәрәг хурах, хадх көдләчнриг илгәтхә гиһәд хадлһна Эзнд зальвртн! – гиҗ Исус эврәннь сурһульчнртан келсмн.

Лука 18:7

Тер учрар Бурхн шүүҗ авсн әмтиг харсхмн бишви? Тедн өдр-сө уга Терүг дуудна. Бурхн тедниг күләлһәд бәәхмб?

Риминхн 9:29

Эшья урднь бас иигҗ келлә: «Кемр теңгрин цергин Деед Эзн мана хөөт үйнриг хадһлсн болхла, тиигхлә бидн цугтан Содом болн Гомора балһсдла әдл болх биләвидн».

Давтх Закан 15:9

Чини зүркнд му санан орхас сагл. Доладгч җил – өриг тәвҗ өгдг җил – өөрдҗ йовхиг ухалад, эврәннь угатя ахнр-дүүнрән дургоһар хәләһәд сурсинь өглго бәәввзәч. Тиигхлә тер Деед Эзиг дуудад мөргх, тегәд чамд килнц буух!

Калосинхн 4:1

Тадн, эздүд, эврәннь зарцнран чикәр болн зөвтәһәр бәртн. Тана Деед Эзн теңгрт бәәхиг мартхмн биш.