Яков 4:5 - Хальмг келнд орчулсн Әрүн Бичлһс

⁵ Мана дотр Бурхна орулсн Сәкүсн мадниг һанцхн Терүнә болтха гиҗ седҗәнә, – гисн Бурхна Бичгин үгмүдиг хоосн үгмүд гиҗ санҗант?

Яков 4:5 Iomraidhean Croise

2 Көринтинхн 6:16

Бурхна сүм худл кегдлмүдлә яһҗ ирлцхмб? Яһад гихлә, бидн әмд Бурхна сүм болҗанавидн. Бурхн эврән келлә: «Би теднлә бүүрләд, тедн дунд бәәхв. Би теднә Бурхн болнав, тедн Мини улс болх».

1 Көринтинхн 6:19

Тадна цогц-махмуд тадн дотр бәәх болн Бурхнас авсн Әрүн Сәкүснә сүм болҗахиг тадн меддговта? Тадн бийдән эзн бишит.

Әмтнә то авлһн 11:29

Болв Моше терүнд келнә: – Эннь чи намаг хәәрлҗ харсчанчи? О, кемр Деед Эзнә әмтн цугтан әәлдсдг болсн болхнь! О, кемр Деед Эзн тедн деер Эврәннь Сәкүс буулһсн болхнь!

Титд илгәсн бичг 3:3

Урднь бидн эргү, соңсхвр угаһар бәәсндән меклгдҗ йовлавидн. Зүсн-зүүл седвәр болн бахта юмн мадниг авлҗ йовла. Бидн эврәннь җирһлдән хортаһар, үлү үзәд, әмтн маднд дурго болад, бидн әмтнд дурго болад бәәләвидн.

Псалмс 37:1

Давидин псалм. Тодлвр.

Эклц 8:21

Деед Эзн сән үнр медәд дотран иигҗ келнә: – Күүнә зүркнә ухан бичкндк цагаснь хар саната болсн бийнь, Би хөөннь күүнәс көлтә һазриг дәкҗ харашгов. Әмтә-киитә тоотыг хөөннь Би эн саамла әдл дәкҗ алшгов.

Эклц 37:11

Ахнрнь Йосипт уурлцхана, болв эцкнь терүнә келснә тускар ухална.

Эклц 30:1

Рахел Яковд үрд эс һарһсндан эгчдән үлү үзнә. – Нанд үрд өг, эс гихлә би үкнәв! – гиҗ Рахел Яковд келнә.

Эклц 26:14

Терүнд пилистмүд үлү үзҗәв, тедү дүңгә терүнә бод малын сүргүд, хөөдин сүргүд, зарцнр йир олн билә.

Эклц 6:5

Деед Эзн һазр деерк улс йир цалдң хуульч бәәдлтә бәәхинь, теднә седклнь мел хар саната болдгинь үзв.

Һалатьянхн 3:8

Бурхнд итксәр, буру номта улсиг чик седклтәд Бурхн тоолсиг Бурхна Бичгт урднь келгдҗ. Сән Зәңг Абрахамд иигҗ цәәлһгдҗ: «Чамар дамҗҗ Бурхн келн улсиг цугтаһинь әдслх».

Апостолмуд 7:9

Өвк экцнр Йосипд үлү нүд үзәд, мухлала әдл терүг Египетд хулдна. Болв Бурхн терүнлә хамдан бәәв.

Йохан 10:35

Бурхна Бичгт бәәсн үгмүд мөңкиндән үнн болдгинь бидн меднәвидн. Бурхна Үг авсн улсиг бурхд гиҗ Бурхн нерәдсн биший? Намаг Эцкм шүүҗ авад орчлңд илгәв. Би – Бурхна Көвүнв гиҗ келхлә, Бурхиг муурулҗана гиһәд яһад тадн Намаг гемшәҗәхмбт.

Цецн Ухана Багш 4:4

Би медләв, ямаран чигн көдлмшт болн кергин күцәмҗд әмтн үлү үзнә. Эннь чигн – бас тус уга, эннь – сальк көөлдән.

Цецн селвгүд 21:10

Хар саната күн хорар буслна, хаҗудк әмтән әрвлхш.

Псалмс 106:16

Деед Эзн улан мөңгн өргн үүдд болн төмрәр кесн боомтс хамх цокв.

Риминхн 1:29

Тедн үнн биш юмар дүүрв: хар санан, ховдгллһн, нег-негндән му йовдл үзүллһн, үлү үзлһн, аллһн, цүүгән, худл келлһн болн өшән, хов зөөлһн.

Риминхн 9:17

Бурхн Эврәннь Бичгт фараонд иигҗ келҗәнә: «Би чидлән чамар дамҗад үзүлхин төлә мини нериг делкәд меддгәр чамаг Египетин хаана ширә деер суулһв».

Йохан 19:37

Бичгт дәкәд нег халхд бичәтә билә: «Тедн шаагдсн күүнүр хәләх».

Йохан 7:42

Бурхна Бичгт, Бурхна илгәсн Аврач Давидин тохмас Давид бәәсн Бетлехем гидг хотнас ирхинь бичәтә эсий? – гиҗ зәрмнь келцхәв.

Әмтнә то авлһн 23:19

Бурхн күн биш, худл келшго. Күүнлә әдл Тер ухаһан сольшго. Келчкәд Тер келсән эс күцәхий? Өгсн үгән эвдхий?

Эклц 38:9

Болв Тамаряс һарсн үрн бийиннь үрн болшгоһинь Онан медҗәлә. Тегәд Онан тер гергнлә кевтх болһндан, ахан үрн уга болтха гиһәд, асаһан һазрт асхад бәәв.