Яков 4:4 - Хальмг келнд орчулсн Әрүн Бичлһс

⁴ Итклтә биш улс! Кемр күн орчлңла үүрлхлә, Бурхнла өшәркнә. Энүг тадн медхшийт? Тегәд орчлңгин үр болхар седдгнь Бурхна өшәтн болна.

Яков 4:4 Iomraidhean Croise

Эклц 3:15

Чини болн күүкд күүнә хоорнд, Чини хөөт үйнрин болн терүнә Хөөт үйнрин хоорнд Би өшә орулнав. Терүнә хөөт үйнр чамаг толһаһарчн шаах, Чи тедниг өскәһәрнь хатххич.

Псалмс 21:8

Намаг үзсн әмтн наад бәрцхәнә, Тедн җигшҗ урлан коочилһнә, Тедн җигшҗ толһаһан зәәлнә.

Псалмс 50:18

Та бәрц авх седкл зүүҗәхшит, Би терүг Танд өгх биләв. Та тәкл тәклһиг таасхшит.

Матай 12:39

– Бурхн уга, хар саната үйнр онц темдг некәд бәәнә. Зуг Йона әәлдәчин темдгәс үлү онц темдг теднд үзүлгдшго.

Матай 16:4

Хар саната, Бурхн уга үйнр! Онц темдгүд сурнат, зуг әәлдәч Йонин темдгәс даву талдан темдг тадн төрүц үзшгот, – гиҗ Исус хәрү өгәд, тедниг үлдәһәд цааран йовҗ одв.

Матай 6:24

Хойр эзнд күн заргдҗ чадшго: Тер негнднь дурго болад, наадкднь дурлх, эс гиҗ негнднь үнн седкләрн заргдҗ, наадкинь оньгтан авшго. Бурхнд болн зөөрт дегц церглҗ чадшгот.

Лука 19:27

Мини өшәтниг, намаг хан болһшгоһар зөрлцдг әмтиг нааран авч ирәд, мини чирәдм әмнәснь хаһцултн! – гиҗ эзн закв.

Йохан 15:19

Тадн орчлңгин әмтн бәәсн болхла, орчлң тадниг эврә гиҗ дурта болх билә. Зуг тадн орчлңгин әмтн бишит, Би тадниг онц шүүҗ авад, орчлңгас салһв. Тегәд чигн орчлң таднд дурго.

Йохан 17:14

Би эднд Тана үг келләв. Тер учрар орчлң эднд дурго болҗана. Юңгад гихлә, эдн Нанла әдл эн орчлңгин биш.

Йохан 7:7

Таднд орчлң дурго болҗ чадшго. Тедн Нанд дурго. Тер юңгад гихлә, Би теднә хар йовдлмуд илдкҗ герчлнәв.

Риминхн 5:10

Урднь бидн Бурхна дәәсн биләвидн. Ода Энүнлә Көвүнәннь үкләр эвцлдвидн. Терүнәс даву эвцлдәд бидн Христосин җирһләр аврлтд күрхвидн.

Риминхн 8:7

Цогцин седвәрин тускар ухалҗах күн Бурхна дәәсн. Яһад гихлә, тернь Бурхна зака күцәхш, йосндан күцәҗ чадхш.

1 Көринтинхн 1:20

Тиигхлә цецн күн альдв? Эс гихлә ном цәәлһәч альдв? Эс гихлә эн делкән меткәч альдв? Эн делкән цецн гисн юмиг һәргтә болҗахиг Бурхн үзүлв.

1 Көринтинхн 1:21

Яһад гихлә, Бурхн Эврәннь цецн ухаһан олзлад, Терүг әмтн цецн ухаһарн медҗ чадшгоһар кев. Болв Бурхн мана тархаҗах эргү номар Христост иткдг улсиг аврхар шиидв.

Һалатьянхн 1:10

Би күүнә зөв хәәҗәхшв. Би Бурхна зөвшәл хәәҗәнәв. Күүнд таасгдхар седҗәхшв. Кемр би эндр күртл күүнд таасгдҗасн болхла, Христосин зарц болшго биләв.

Яков 1:27

Өнчн күүкд болн белвсн күүкд улс зовхла, теднд нөкд болад, орчлңгин хар санаһар бийән бузрдалго бәәдгиг Бурхн Эцк йосн цевр шаҗнд тоолна.