Яков 4:1 - Хальмг келнд орчулсн Әрүн Бичлһс

¹ Тадн дунд цүүгән, керлдән альдас һардви? Цуг эн тана дотр дәәләд бәәдг тана седвәрмүдәс һарчана.

Яков 4:1 Iomraidhean Croise

Матай 15:19

Юңгад гихлә, күүнә седкл дотрас хар санан, аллһн-буллһн, күүнә авальта дерән негдүлһн, аля йовдл, хулха, худл герчллһн, хов зөөлһн һарна.

Йохан 8:44

Тана Эцктн – эрлг. Тегәд тадн терүнә дурар бәәхәр седҗәнәт. Тер кезәнәс авн үннлә таардго алач бәәсмн. Терүнд төрүц үнн уга, худлч болн худлын эцк. Тегәд худл терүнә төрскн келн.

Риминхн 7:5

Бидн эврәннь дурарн бәәсн цагт закаһар сергәгдҗәх килнцтә седвәр цогцд көндрв. Эн седвәрин ашнь үкл болҗана.

Риминхн 8:7

Цогцин седвәрин тускар ухалҗах күн Бурхна дәәсн. Яһад гихлә, тернь Бурхна зака күцәхш, йосндан күцәҗ чадхш.

Һалатьянхн 5:17

Килнцтә седвәр кезә чигн Сәкүснә седвәрлә ирлцхш. Сәкүснә седвәр болхла килнцтә бәәдлин седвәрлә ирлцхш. Эннь нег-негнләһән ирлцҗәхш. Аштнь тадн кехәр седсән күцәҗ чадҗахшт.

Калосинхн 3:5

Тер учр деерәс тадн бийдән бәәсн му седвәрәс цугтаһаснь гетлтн: аля йовдлас, җигшүртә юмнас, һал седвәрәс, хорта уханас, хармнлһнас (эс гиҗ худл бурхнд шүтлһн). Иим му, хорта юм әмтн һарһснас көлтә Бурхна заасиг эс соңссн күүг Тер цааҗлх.

2 Тимофей 2:23

Медрл уга болн һәргтә зүтклдәнд бичә орлц. Тиим юмн кезә чигн саллт цацхмн болҗана.

Титд илгәсн бичг 3:3

Урднь бидн эргү, соңсхвр угаһар бәәсндән меклгдҗ йовлавидн. Зүсн-зүүл седвәр болн бахта юмн мадниг авлҗ йовла. Бидн эврәннь җирһлдән хортаһар, үлү үзәд, әмтн маднд дурго болад, бидн әмтнд дурго болад бәәләвидн.

Титд илгәсн бичг 3:9

Эргү зүткәнд болн уңг-тохма төр хаһллһнд, закана туск зүткәнд бичә орлц. Терүнәс олз уга, дәкәд мел керг уга.

Яков 1:14

Күн му седвәрт авлгдад, терүнә хавхд торна.

Яков 4:3

Болв сурхларн авхшт. Яһад гихлә, тадн буру учрар сурнат. Эврәннь седвәрмүдән хаңһахар тиигнәт.

1 Пётр 1:14

Соңсхврта үрдүд мет бәәтн. Бурхиг медхин өмн бәәсн му седвәрәр бичә бәәтн.

1 Пётр 2:11

Хәәртә үүрмүд! Би тадниг зуульч болн хәр улс метәр эрҗәнәв: Тана ухан-седклтә дәәлддг килнцтә тачалмудас хол йовтн.

2 Пётр 2:18

Эдн ик саната, эргү үгмүд келәд, цогц махмудын му седвәрмүд олзлна. Хаҗһр хаалһасн чик хаалһд шиңкән орсн улсиг хавхдан бәрҗ авхар тиигнә.

2 Пётр 3:3

Хамгин түрүнд медтн: Сүл өдрмүдт танар наад бәрдг му седвәрәр бәәдг кесг улс һарч ирх.