Яков 3:1 - Хальмг келнд орчулсн Әрүн Бичлһс

¹ Ахнр-дүүнр минь! Таднас ик зунь багш болхар бичә зүтктхә. Яһад гихлә, бидн, багшнр, талдан улсас үлү шүрүтәһәр зарһла харһхиг тадн меднәт.

Яков 3:1 Iomraidhean Croise

Левит 10:3

Моше Ахаронд келнә: – Энүнә тускар Деед Эзн келләлм: «Нанд өөрхн әмтнд Би Эврәннь әрүн бәәдлән һарһхув, олн-әмтнә өмн Эврәннь туурмҗан үзүлхүв». Ахарон тагчг бәәв.

Матай 10:24

Сурһульч багшас, зарц эзнәс деер болҗ чадшго.

Матай 23:13

Ном цәәлһәчнр, паршмуд! Басл зовлңган эдлхит! Хойр чирәтә улс! Тадн Теңгрин йосиг оньслчкад, бийстн дотрнь орхшит. Орхар седсн күүг төрүц орулхар седхшит!

Матай 9:11

Энүг үзсн паршмуд Исусин сурһульчнрас: – Багштн алв цуглулдг килнцтә улсла яһад хот ууҗахмб? – гиҗ сурцхав.

Лука 16:2

Эзн һардачан дуудҗ авад сурна: «Чини тускар соңссм юмб? Чи цааранднь гериг һардшгоч, тегәд эврәннь көдлмшин тооцаһан нанд келҗ өг».

Лука 6:37

Кү бичә гемшәтн, тадниг Бурхн гемшәхмн уга. Күүг бичә бурушатн, тадниг Бурхн бурушахмн уга. Әмтнә буруһинь тәвтн, тиигхлә тадна буруг Бурхн бас тәвх.

Йохан 3:10

– Чи Израиль әмтнә багш болнач, зуг цуг энүг эс медхшлмч?

Апостолмуд 13:1

Антиохин чонҗд әәлдәчнр болн багшнр бәәҗ: Бар-Наба, Шимон гидг Нигер, Күрәнәс Луки, Херод хаанла хамдан сурһмҗ авсн Менәхем болн Шаул.

1 Көринтинхн 12:28

Христост иткдг улс дунд Бурхн түрүләд зәрмснь – апостол болтха, хойрдгчнь – әәлдәчнр, һурвдгчнь – багшнр болтха гиҗ шиидҗ. Зәрмстнь Бурхн өвәрц юм кех, зәрмстнь – эдгәх арһ, зәрмстнь – дөң болх, зәрмстнь – һардх, зәрмстнь – олн келәр келдг арһ өгч.

2 Көринтинхн 5:10

Яһад гихлә, бидн цугтан Христосин өмн зарһла харһхвидн. Тиигхләрн күн болһн һазр деерк цогц-махмудта бәәсәрн эврәннь му, эс гихлә сән йовдл һарһсарн авхан авх.

Епесинхн 4:11

Тиигәд теднә негнь – апостолмуд, хойрдгчнь – әәлдәчнр, һурвдгчинь – Сән Зәңг тархачнр, зәрмснь иткдг улст килмҗән өгдг улс болн багшнр болтха гиҗ шиидв.

1 Тимофей 1:7

Тедн Бурхна зака сурһдг багшнр болхар седнә. Болв эврән ю келҗәхән чигн медҗәхш, ю лавлҗ сурһҗахан чигн медҗәхш.

1 Тимофей 2:7

Түүнә төлә би Бурхна ном тархачд, апостолд болн буру номта улсин төлә чик итклин багшт шүүҗ авлгдлав. Би таднд үнн үг келҗәнәв. Худл би келҗәхшв.

2 Тимофей 1:11

Намаг, Сән Зәңг тархач апостол болн багш болтха гиҗ Бурхн шиидв.

Евреймүд 13:17

Таднд сурһмҗ өгдг улсин үгд орад, теднә келсинь күцәтн. Тедн килмҗән өгәд, тана седклиг оньдин хәләнә. Яһад гихлә, тедн эврәннь цергллһнә туск тооцаһан Бурхнд өгх зөвтә. Эн учрар эврәннь көдлмшән байртаһар күцәҗ зөвүр угаһар тедн бәәтхә. Кемр эс тиигхлә, эн таднд олз өгшго.

Яков 1:16

Хәлән бәәтн, хәәртә ах-дүүнрм, меклгддг болвзат!

Яков 1:19

Хәәртә ахнр-дүүнрм! Энүг тодлтн: Оньган өгч соңсхд белн болтн, зуг келхәр, уурлхар бичә адһтн.

Яков 3:10

Нег амнас дегц йөрәл болн харал һарна. Ахнр-дүүнр минь! Тиим юмн болх зөв уга.

1 Пётр 5:3

Таднд даалһсн улст нойн бичә болтн, зуг Бурхна сүргт үлгүр болтн.