Яков 2:5 - Хальмг келнд орчулсн Әрүн Бичлһс

⁵ Хәәртә ахнр-дүүнрм! Соңстн: Бурхн угатя улсиг иткләр байн болтха гиһәд болн Бурхна орн-нутга өнч автха гиһәд шүүҗ авла. Бурхнд дурта улс теңгрин орна өнч авх гиҗ Бурхн үг өгв.

Яков 2:5 Iomraidhean Croise

Йов 34:10

Тегәд – ухата залус соңстн намаг: Бурхн му йовдл һарһшго, Хамгин Күчтә хорта йовдлас хол!

Йов 34:19

Болв Бурхн һардачнрт таасгдхар седдгонь, Байн күүг, угатя күүг деегшән тоолхш. Юңгад гихлә тедн цугтан – Терүнә һарар үүдәгдсмн.

Йов 38:14

Шаврт тамһ тәвсн мет оңдарулхин төлә, Хувцна көвән бәәдлтәһәр тегшлүлхин төлә,

Нүүдл 20:6

Болв Нанд дурлдг болн Мини заавриг күцәдг әмтнә төлә – Би миңһдгч үйд чигн, эднә хөөт үрдт чигн хәәрлтән күргҗәнәв!

Цецн селвгүд 13:7

Зәрм күн, юмн уга болвчн, бийән баяч кевтәһәр бәрнә. Зәрмнь, зөвәр байн болв чигн, түрү бәәдл һарһна.

Цецн селвгүд 7:24

Тегәд намаг соңслт, күүкдм, мини үгд оньган өгтн:

Цецн селвгүд 8:32

Ода намаг соңстн, күүкдм: мини мөрәр йовсн күн кишгтә!

Матай 11:5

Сохр күн үздг болна, доһлңгнь йосндан һазр ишкәд йовна, арсн өвчтәнь гемәсн цевргднә, дүлә күн соңсдг болна, өңгрснь босҗ әмдрнә, угатя әмтнд Сән Зәңг цәәлһгдҗ тархагдна.

Матай 25:34

Барун бийд зогсҗасн әмтнд Хан: – Мини Эцкәс әдс авсн әмтн наартн. Орчлң үүдәсн цагас авн таднд нерәдгдсн алвт эзлтн.

Матай 5:3

– Бурхиг керглдг улс буйн-кишгтә! Эдн Теңгрин орна улс.

Марк 7:14

Исус олн әмт цуглулад келв: – Мини келсиг соңсад медҗ автн:

Лука 12:21

Кен чигн Бурхна зөөриг авлго, бийдән талдан зөөр хураһад хоршулад бәәхлә, тер ухан уга байнла әдл болна.

Лука 12:32

Мини цөөкн улс, бичә әәтн, тана Эцк таднд эврәннь орн-нутган өгх саната.

Лука 16:22

Һуульһнч Лазарь нас барсна хөөн Бурхна элчнр терүг Абрахамин орнур авч одв. Байн күүнә наснь бас чиләд, терүг әмтн оршав.

Лука 16:25

Зуг Абрахам хәрүднь: «Көвүм минь, тодл, чи эврәннь җирһлдән сәәһән эдлләч, Лазарь болхла басл муулян эдллә. Ода тер энд амулң җирһлән олв, чи болхла зовҗанач.

Лука 22:29

Мини Эцк Нанд орн-нутг белглсн кевәр Би таднд орн-нутг белглнәв.

Лука 6:20

Исус Эврәннь сурһульчнран ширтҗ хәләһәд келв: – Яду әмтн – буйн-кишгтә! Тадн Теңгрин орна улст!

Йохан 7:48

– Ода күртл толһачнрас болн паршмудас нег чигн күн итксн уга биший?

Апостолмуд 7:2

– Ахнр-дүүнр болн эцкнр! Намаг соңстн! Мана өвк эцк Абрахам Месопотамьяд бәәсн цагтнь тиигхд, Харан балһсн тал һарчах кемд, Туурмҗта Бурхн үзгдлә, – гиҗ Степан келв. –

Риминхн 8:17

Кемр бидн Бурхна үрдүд болхла Терүнә улсин төлә хадһлҗах зөөр авхвидн. Тедү мет бидн Христосла хамдан Энүнә төлә Бурхна хадһлҗах зөөриг бас авхвидн. Кемр бидн Христосла хамдан зовлңган эдлҗәхлә, Энүнлә хамдан туурхвидн.

1 Көринтинхн 2:9

Болв Бурхна Бичгт бичгдсәр: «Кен чигн күн үзәд уга, соңсад уга, ухаһарн эс медсн юмиг Бурхн бийдән дурта улст белдв».

2 Көринтинхн 4:15

Эн цугтан тадна төлә кегдҗәнә. Бурхна цаһан санан йир олн улст күртдгәр тиигҗәнә. Тиигхлә олн улс Бурхиг улм ханҗ йөрәх. Эннь Бурхнд туурмҗ авч ирх.

2 Көринтинхн 6:10

Мадниг һундана гиҗ тоолна, болв бидн оньдин байрлнавидн. Мадниг түрү бәәнә гиҗ тоолна, болв олн улсиг бидн байҗуллавидн. Маднд мел юмн уга, болв цугтаһинь эзлнәвидн.

2 Көринтинхн 8:9

Мана Деед Эзн Исус Христосин цаһан санаг тадн меднәт. Тер байн болв чигн Эврәннь түрү бәәдләрн тадниг байҗахин төлә тадна төлә тер хоосн күн болв.

Епесинхн 1:18

Ямаран нәәлврт Бурхн таниг дуудв? Бурхна улсин байн алдр өвнь юмб? Терүнә ямаран ик күчн мана дотр бәәнә? Тадн Бурхна герлиг үзәд, энүг медхин төлә би зальврҗанав.

Епесинхн 3:8

Би Бурхна улс дундас хамгин баһ чинртә күн болҗанав. Бурхн буру номта улст Христосин кемҗән уга зөөрин туск Сән Зәңг тархатха гиҗ эврәннь хәәрлтәрн нанд даалһвр өгв.

1 Тесалоникинхн 2:12

Таднд омг өгәд, тадниг эвләд, Бурхнд таасгдх бәәдләр җирһтхә гиҗ эрләвидн. Бурхн таниг эврәннь алдр орнд ортха гиҗ дуудҗана.

2 Тесалоникинхн 1:5

Энтн цугтан Бурхна чик зарһ бәәснә темдг. Аштнь тадниг Бурхн Эврәннь орнд бәәх дүңгә улс гиҗ тоолх. Ода тадн Бурхна орна төлә зовлң үзҗәнәт.

1 Тимофей 6:18

Тадн туста юм кетн. Кесг холван сән йовдл һарһтн, өгәнч болтн. Талдан улсла эврәннь зөөрән хувалцтн».

2 Тимофей 4:18

Цаарандан чигн Деед Эзн намаг му юмнас халхлх. Тер намаг эврәннь теңгрин орнд күргх. Мөңкинд Деед Эзн туурмҗта йовтха. Тиигтхә.

2 Тимофей 4:8

Намаг чикәр бәәснд Бурхн нанд дииләчин ачлвр бел кечкв. Терүг Бурхн тааларнь бәәсн улст өгх. Үнн зарһч Деед Эзн темдглсн өдртән ачлвриг нанд эврән өгх. Һанцхн нанд биш Терүг ирхиг йир икәр күләҗәх улст өгх.

Евреймүд 11:26

Христосин төлә му нер зүүхиг Египетин зөөрәс ик үнтә юмнд тер тоолдг бәәҗ. Яһад гихлә, Моше иргч ачлвр тал темцҗ хәләдг бәәсмн.

Яков 1:12

Сөрлһнлә харһад, терүг дааҗ һардг күн буйн кишгтә болдг. Яһад гихлә, цугинь даасн хөөн тер мөңк җирһл эдләд ачлгдх. Эн ачиг Бурхн Бийднь дурта улст өгнәв гив.

Яков 1:16

Хәлән бәәтн, хәәртә ах-дүүнрм, меклгддг болвзат!

Яков 1:19

Хәәртә ахнр-дүүнрм! Энүг тодлтн: Оньган өгч соңсхд белн болтн, зуг келхәр, уурлхар бичә адһтн.

Яков 1:9

Иткдг номһн күүг Бурхн деегшлүлхлә, тер байрлх зөвтә.

1 Пётр 1:4

Тегәд чигн цевр болн төрүц үрдго, цагин аюлар уга болдго, тана төлә теңгр деер хадһлгдсн зөөриг бидн авхар нәәлҗәнәвидн.

2 Пётр 1:11

Тиигхлә Мана Деед Эзн Аврач Исус Христосин мөңк орна үүдн тана өмн икәр секгдх.

Апокалипсис 2:9

– Би чини зовлңгиг, чини угатя-яду бәәдлиг (йосндан болхла, чи байнч) меднәв. Бийән евреймүдт тоолдг улсиг чамаг му келдгинь бас меднәв (зуг тедн еврей биш). Йосндан болхла, теднә хург эрлгин хург.

Апокалипсис 21:7

Диилвр бәрсн күүнд Би цуг энүг өгхв. Би терүнә Бурхн болхв, тер Мини көвүн болх.

Апокалипсис 3:18

Мини селвг эн: байн болхин төлә һалд әрүслсн алт Нанас хулдҗ ав, бийән хувцлхар нүцкн ичртә цогцан хаахар Нанас цаһан хувц хулдҗ ав. Юм үзхин төлә нүдндән түркдг эм Нанас хулдҗ ав.