Рут 4:10 - Хальмг келнд орчулсн Әрүн Бичлһс

¹⁰ Дәкәд би өңгрсн Махлона гергинь – моавин күүкд күүг – Рутиг буулһҗ авчанав. Тиигәд тер күүнә һазрнь өрк-бүлднь үлдх, нернь ахнр-дүүнр заагтнь болн төрскн балһснднь дуудулгдҗ йовх. Тадн эндр энүнд герчнр болҗанат.

Рут 4:10 Iomraidhean Croise

Эклц 29:27

Лияг хәрд һарсн 7 хонгинь күцә. Бидн чамд бичкн күүкән бас өгнәвидн, зуг чи терүнә төлә дәкәд 7 җилдән көдлхич, – гиҗ Лаван хәрү өгнә.

Эклц 38:9

Болв Тамаряс һарсн үрн бийиннь үрн болшгоһинь Онан медҗәлә. Тегәд Онан тер гергнлә кевтх болһндан, ахан үрн уга болтха гиһәд, асаһан һазрт асхад бәәв.

Псалмс 34:16

Тедн хамгин му үгмүд келҗ, Шүдән хәврҗ, намар наад бәрцхәнә.

Цецн селвгүд 18:22

Гергән олҗ авсн күн – зөөрән олҗ авна, Деед Эзнә йөрәл авна.

Цецн селвгүд 19:14

Гер болн зөөр – эцкин үлдәсн зөөр, ухата гергн – Деед Эзнә белг.

Епесинхн 5:25

Залус, эврәннь улст Христос дурта болснла әдләр гергчүдтән тадн дурта болтн.

Давтх Закан 25:6

Гергнә һарһсн түрүн үрн өңгрсн залуһин хөөт үйнь болҗ тоолгдх. Эннь өңгрсн ахин нерн Израильд мартгддгоһар тиигҗәнә.

Евреймүд 13:4

Гертә-бүлтә бәәдл-җирһлиг цуһар күндлх зөвтә. Залу гергн хойр хоорндан итклтә болх зөвтә. Хуульч болн аля улсиг Бурхн зарһла харһулх.

Рут 4:9

Боаз болхла, медәтнрт болн цуг әмтнд иигҗ келнә: – Елимелехд, Килионд, Махлонд бәәсн цуг юминь би Ноемиһәс хулдҗ авчанав. Тадн эндр энүнд герчнр болҗанат.