5 Би саннав: Танд үзгддгәрн күмн әмтн юн болҗахмб? Тертн зуг күмн әмтн болв чигн, Та терүнд килмҗән күргҗәнәт.
Тегәд Деед Эзн Бурхн күүг һазрин тооснас үүдәһәд, терүнә хамрар әмдин ки үләһәд орулв. Тегәд күн әмтә болв.
Күн гисн юмб? Яһснднь күүг деегшән өргҗәхмбт? Юңгад терүнд оньган өгчәнәт?
Таниг харңһу кехлә, сө болна. Тер цагт ө-шуһу моддын цуг аңгуд йовцхана.
Та салькар Эврәннь зәңгән күргнәт, Та асчах һалар зарцан кенәт.
Деед Эзн алдр, икәр магттха. Терүнә алдрт күн күршго.
Терүнә дунднь Бурхн бәәнә, Тер балһсиг күн буйсашго, Өр цәәснәс авн терүг Өлзәһән күргҗ Бурхн харна.
Христос цуг һардҗах, йос бәрҗәх, чидлтә болн нойлҗах сәкүсдәс өөдән бәәнә, цуг зүсн-зүүл нердәс болн цол нернәс, һанцхн эн җирһлд биш хөөтк җирһлд, өөдән йовхинь мөн.
Яһад гихлә, Бурхна элчнрт биш, Абрахамин үлдл тохмд Тер нөкд болҗасинь медгдҗәнә.
Та ахр болзгт терүг Бурхна элчнрәс дор тәвләт. Терүнә толһад туурмҗта болн ачта титм Та зүүввт.
Исус Бурхна хәәрлтәр цуг улсин төлә үкхәр ахр болзгт Бурхна элчнрәс дор тәвгдсинь бидн үзҗәнәвидн. Эн үкллә харһҗ зовснднь Исуст туурмҗин титм зүүгдсинь бидн бас үзҗәнәвидн.