Псалмс 6:2 - Хальмг келнд орчулсн Әрүн Бичлһс

² О, Деед Эзн! Та дегд уурлв чигн, Намаг бичә бурушатн, Намаг Та ууртан бичә засглтн.

Псалмс 6:2 Iomraidhean Croise

Эклц 20:17

Тегәд Абрахамин гергн Сарраһас көлтә Авимелехин герт үрн олддгинь Деед Эзн зогсаҗ. Абрахам Бурхнд мөргнә. Бурхн Авимелехиг, терүнә гергиг, ялчнр күүкд улсиг эдгәнә. Тегәд теднь дәкнәс үр һарһдг болв.

Йов 19:21

Хәәрлтн! Үүрмүд, намаг хәәрлтн, Намаг Бурхна һар цокв!

Йов 5:18

Шавтав чигн Тер Эврән боох, Цокв чигн Терүнә һар эдгәх.

Псалмс 30:2

О, Деед Эзн, Танас би түшг хәәҗәнәв. Намаг кезәд чигн, кенчн бичә диилтхә. Намаг Та сулдхтн, Та чик седклтә болҗанат.

Псалмс 31:10

Килнцтә күүнд олн зовлң үзгднә, Деед Эзнд нәәлсн күүнд итклтә дурн тусна.

Псалмс 32:3

Тадн байрар бахмҗ кеһәд, билгтәһәр татад, Терүнд шин ду нерәдәд дуултн.

Псалмс 38:2

– Келәрн килнц һарһдгоһар Би эврәннь бәәдлән шинҗлнәв. Хаҗудм дәәсн бәәтл Би аман хазарлнав, – гиҗ Би бийдән келүв.

Псалмс 38:3

Би тагч бәәһәд тогтун суулав, Нам нег чигн үг келсн угав. Болв мини зовлң икдв.

Псалмс 38:7

Күүнә җирһл сүүдр мет урсна. Күн киидән зөөр зөөһәд үүмнә. Тернь кенд күртхнь темдг уга.

Псалмс 51:8

Бурхнд иткдг әмтн чамаг үзн, әәмҗ өврцхәх. Тедн чамаг һәәхәд инәҗ келх:

Нүүдл 15:26

Эн келҗәнә: – Кемр тадн Деед Эзиг, эврә Бурхан, йосндан соңсад, Энүнә өмн чикәр кехләг, Энүнә заавринь оньгтан авхла болн Энүнә зокалмудыг күцәхлә, тиигхлә Би тадниг Египетин әмтнд хальдасн тер гемәс гетлгхв. Би Деед Эзн – тадниг эдгәхүв!

Әмтнә то авлһн 12:13

– Бурхн минь! Эдгәтн энүг! – Моше Деед Эзиг сурна.

Матай 4:24

Цуг Сирий һазрар Исусин тускар зәңг тарв; Терүн тал чинәһән алдсн, олн зүсн гемтә, харһцдг, тәкрсн һарта, көлтә, хар сәкүснд эзлгдсн әмтиг авч ирцхәв. Исус цугтаһинь эдгәв.

Давтх Закан 32:39

Хәләтн: Энтн Би, Бив! Нанас талдан бурхд уга! Би алдув, Би әмдрүлдүв, Би шавтадув, Би эмндүв – Нанас кен чигн аврч чадхмн уга.