Псалмс 26:9 - Хальмг келнд орчулсн Әрүн Бичлһс

⁹ Бичә нанас нүүрән бултултн, Намаг, Эврәннь зарцан, Бичә уурлҗ көөтн. Та оньдинд мини нөкд биләт. О, Бурхн, мини аврач, Намаг бичә хайҗ йовтн, Намаг бичә һанцараһим үлдәтн.

Псалмс 26:9 Iomraidhean Croise

Матай 24:51

Тер зарцан догшн кевәр цааҗлад, хойр чирәтә улс бәәсн һазрур орулх. Тенд әмтн ик зовлң эдләд, шүдән хәврҗ оркрҗ уульх.

Матай 25:32

Күмни Көвүнүр келн әмтн болһнас цуг улс ирх. Хөөдиг ямадас йилһҗәсн хөөч мет Тер әмтиг хойр багд хувах.

Матай 25:44

Тиигхлә тедн: – Деед Эзн! Кезә бидн Таниг өлсҗәсн, ундасҗасн, хонх һазр хәәҗәсн цагттн, хувц хәәҗәсн цагттн, гемтә болн түүрмд суусн цагттн үзәд нөкд эс болвидн! – гиҗ хәрү өгцхәв.

Матай 25:46

Эдн мөңк цааҗла харһх. Чик седклтәнь мөңк җирһл әдлх, – гив.