Нүүдл 26:1 - Хальмг келнд орчулсн Әрүн Бичлһс

¹ Нәрхн олсар, көк, чисм улан болн улавр күрң утцдар арвн некмр эд өргә герт некәд бел ке; тедн деер керүбмүд некәтә болх йоста.

Нүүдл 26:1 Iomraidhean Croise

Нүүдл 25:18

Бүркәһин көвәһәрнь хойр керүб алтн сиилвртәһәр ке:

Нүүдл 25:4

көк, чисм улан болн улавр күрң утцд, нимгн олс болн ямана ноос,

Нүүдл 25:8

Израилин улс тедн дунд бәәх дүңгә әрүн бәәр Нанд бәрҗ өгтхә.

Нүүдл 26:2

Некмр эд утдан 28 тоха, өргндән 4 тоха болх йоста. Цугтан тедн нег кемҗәтә болхмн.

Нүүдл 26:31

Халхлх шишлң көшгиг көк, чисм улан болн улавр күрң утцдар, нимгн олсар гүр; терүн деер керүбмүд некәтә болтха.

Нүүдл 26:36

Өргә герин үүдинь хаах көшг ке. Көшг олн зүсн өңгтә болг – көк, чисм улан, улавр күрң утцдта болн нимгн олсар кегддг.

Нүүдл 31:7

Харһлтын Шатр, Бооцана хәәрцг, терүнә бүркәг болн Шатрт кергтә тоотынь,

Нүүдл 35:11

өргә гер, терүнә бүркә болн терүн деерәһәр бүркә, товчлх бүтү, тулг бахнс болн көндлң модд, бахнс болн түшг,

Нүүдл 35:35

Деед Эзн теднд керчдг, эд сиилвртәһәр некдг, зүсн-зүүл өңгтә көк, чисм улан, улавр күрң утцас болн нимгн олснас некдг, бас йирин эдәр кеҗ чаддг эрдмчнрин болн урн әмтнә эрдминь кевтнь үзүлв.

Нүүдл 35:6

көк, чисм улан болн улавр күрң утцд, нимгн олс эс гиҗ ямана ноос,

Нүүдл 36:35

Көк, чисм улан, улавр күрң утцар болн нимгн олсар көшг гүрнә. Терүн деерәһәр керүбмүдин дүр некнә.

Нүүдл 39:3

Энүнә төлә алтыг нимгләд утц кеһәд, тер утциг көк, чисм улан, улавр күрң утцнла ниилүлв, дәкәд нимгн олснас сиилвртә эд некҗ кенә.

Нүүдл 40:2

– Түрүңк сарин түрүн өдр өргә гер – Харһлтын Шатр босх.

Әмтнә то авлһн 3:25

Харһлтын Шатрт Гершона хөөт үйнрин күцәх кергнь иим: тедн өргә гериг хәләх, терүнә бүркәг, Харһлтын Шатрин үүднд бәәдг көшг хәләх.

Әмтнә то авлһн 4:25

тедн өргә герин некмр эд, Харһлтын Шатр, терүнә бүркә болн нимглсн арсар кегдсн деерк бүркә, Шатрт ордг үүднә көшг,

Йохан 1:14

Үг күн болҗ, мадн дунд бүүрлҗ. Эн Үг маднд чилшго хәәрлтиг, Бурхна туск үнниг үзүлв. Эцкиннь һанцхн көвүн болҗ Эцкәс авсн Терүнә йосиг бидн лавта үзвидн.

Йохан 2:21

Исус болхла сүмин тускар келсн цагт Эврәннь цогцин тускар келсмн.

Евреймүд 8:2

Күүнә һарар биш, Деед Эзәр тәвсн йосн сегт эс гиҗ әрүн бәәрнд Ах гелң болҗ Тер церглнә.

Евреймүд 9:2

Нег сег тәвгдсн бәәҗ. Терүнә һазак әңг әрүн бәәрн гиҗ нерәдгдлә. Тенд зулын тәвц болн ширә Бурхнд нерәдсн дееҗин өдмгтә бәәҗ.

Евреймүд 9:9

Цуг үүнд өдгә цагин темдг бәәнә. Тер дотр: Бурхнд нерәдҗ өгдг бәрц болн тәкл күүнә уха-седклиг буйн төгс болһҗ чадшго.

Апокалипсис 19:8

Күүкнд цевр гилвксн хувц өгсмн. Хувцн гиснь – Бурхна улсин цаһан йовдлмуд.

Апокалипсис 21:3

Ширә талас һарчах чаңһ ду би соңсв: – Хәләтн! Ода Бурхн әмтнлә хамдан бүүрлх. Бәәрнь әмтнә дунд бәәх. Тедн Бурхна келн-әмтн болх, болв Бурхн Бийнь теднлә хамдан бәәдг теднә Бурхн болх, – гив.