Нүүдл 13:9 - Хальмг келнд орчулсн Әрүн Бичлһс

⁹ Эннь чини төлә һарт, маңнад тәвх санлын темдг кевтә бәәдг темдг мөн. Тегәд Деед Эзнә Закаг даңгин келх зөвтәч. Юңгад гихлә Деед Эзн чамаг Эврә күчтә һарарн Египетәс һарһх болҗана.

Нүүдл 13:9 Iomraidhean Croise

Давтх Закан 6:8

Темдг гиһәд һартан бо, чини маңнад боодһа болад бәәтхә.

Әмтнә то авлһн 15:39

Тер цацг хәләһәд тадн Деед Эзнә заавриг санад күцәх зөвтәт. Тегәд тадна зүрк болн нүд авлх дүңгә цалдң йовдл һарһшгот.

Нүүдл 13:16

Эннь чини төлә һарт бәәх темдг мет, маңнад бәәх боодһа мет болх зөвтә, юңгад гихлә Деед Эзн Эврә күчтә һарарн мадниг Египетәс һарһсн болҗана».

Нүүдл 12:14

Эн өдр тадна төлә санлын өдр болх зөвтә: энүг Деед Эзнә байр гиҗ темдглтн. Үйәс-үйд энүг нәәрлтн – эннь мөңкинд күцәгдх зокал болҗана.

Риминхн 10:8

Бурхна Бичгт иигҗ бичәтә: «Бурхна үг чини хаҗуд бәәнә. Тер үг чини келнд болн зүркнд бәәнә». Эн үг мана цәәлһҗәх итклин үг мөн.

Матай 23:5

Зуг юм кехләрн, тедн әмтн үзтхә гиҗ кенә. Тедн бийән сәәхрүләд маңнадан болн һартан Бурхна ном бичәтә кенчр зүүдг болна, хувцна хормаһан залаһар утдулад кеерүлнә.

Давтх Закан 30:14

Эн зааврмуд таднд дегд өөрхн, тедн тадна келнд болн тадна зүркнд. Тедниг күцәх арһ таднд бәәнә!

Нүүдл 13:3

Моше әмтнд келв: – Египетәс, бәрәнә һазрас тадна һарсн өдриг тодлтн. Яһад гихлә тадниг Деед Эзнә күчтә һар тендәс һарһв. Эн өдр исксн өдмг бичә идтн.

Апокалипсис 18:8

Энүнәс көлтә нег өдрин кемҗәд тер ик аюлла харһх: тер му гемәр гемтәд, залуһан гееһәд, берк гидгәр харһнх. Энүг цааҗла харһулсн Деед Эзн Бурхн сүркә күчтә болсн учрас эн ик һалд шатҗ одх.

Цецн селвгүд 3:21

Көвүн минь, чи ухаһан, мергнән хадһлхич, тер тоот чамас нуугдшго.

Цецн селвгүд 1:9

энчн чини толһад зогх берк сәәхн титм, күзүнд зүүгдх кеерүл.

Псалмс 89:13

О, Деед Эзн, хәрү иртн! Кедүдән Таниг күләхмб? Эврәннь ялчнран хармнтн.

Давтх Закан 6:6

Эндр чамд мини өгчәх закрмҗс кезә чигн чини чееҗин тодлвр болтха.

Соломона хамгин сән дун 8:6

Намаг зүркндән тамһ мет бәр, Намаг һартан тамһта билцг мет бәр. Дурн үкл мет бат. Дурнд авлгдхла үкллә әдл күчр; Терүнә сумн – һал мет, Дурн шатҗах һал мет.

Цецн селвгүд 7:23

Тенд элкинь саадг цоолх; бәрәнд бәргдх шовунла әдләр, әмән өгхән медҗ бәәхш.

Нүүдл 3:20

Тегәд чигн Би һаран энүн деер өргәд, Би Египетиг үзгдәд уга өвәрц йовдлмудар күүчнәв, тиигхлә эн тадниг сулдхад оркх.

Нүүдл 7:4

болв хан тадниг соңсшго. Тер цагт Би Мини һариг Египет деер тәвнәв. Би Египетәс Мини цергиг, Мини улсиг – Израилин улсиг көтлҗ һарһнав. Мини цааҗ әәмшгтә!

Нүүдл 13:14

Иргчдән көвүнчн чамас: «Эннь юн болҗахмб?» гиҗ сурхла, иим хәрү өг: «Деед Эзн күчтә һарарн мадниг Египетәс, бәрәнә һазрас сулдхв.

Нүүдл 12:41

Дөрвн зун һучн җил төгссн өдрт Деед Эзнә церг Египетәс һарв.

Давтх Закан 5:15

Египетд чи эврән мухла бәәсән сан. Зуг Деед Эзн, чини Бурхн, чамаг Египетәс Эврәннь күчтә делгү һарарн көтлҗ һарһсиг санҗ йов. Тегәд Деед Эзн, чини Бурхн, чамаг бемб өдр бәртхә гиҗ закчана.

Давтх Закан 6:21

Терүнд иигҗ хәрү өг: «Бидн Египетин хаана мухлас биләвидн. Деед Эзн күчтә һарарн мадниг Египетәс һарһҗ авв.