3 Египет Израилин улсин туст цаһан санаһан медүлхинь Деед Эзн цугинь кев. Тиигчкәд цуг Египетин улс – хаана мухлас болну, эгл улс болну – Мошег алдр күүнд тоолдг билә.
Чамас Би алдр әмт һарһад, Чамд әдс өгнәв. Чини нериг Би өөдән өргнәв, Чи йөрәлин көрң болхич.
Болв Деед Эзн терүнлә бәәсндән, цаһан санаһан күртәнә: Йосип түүрмин ахлачд таасгдна.
Израилин улс Мошен заавриг күцәв – цаһан мөңгиг болн алтыг, хувц-хунриг Египетин әмтнәс сурв.
Тедн Израилин улст цаһан седклән медүләд, теднд сурсинь цугинь өгхинь Деед Эзн күцәв. Тиигәд Израилин улс Египетәс ик зөөртә һарв!
Египетин әмтн таднд тусан күргәд, тадн Египетәс хоосаһар һаршгог Би теткнәв.
Моше тер цага Египетин ном дасад, келх үгдән хурц, кех көдлмштән чаңһ-чиирг болҗ өснә.
Тер цагас авн Израилин улс дунд Мошелә әдлцх дүңгә әәлдәч уга бәәҗ. Терүнлә Деед Эзн чирәһәрн харһад күүндҗ.
Деед Эзнә седвәрәр Египетд тер ямаран өвәрц юм болн темдгүд һарһдг билә! Египетин хаанлань, терүнә мухласла, терүнә цуг орн-нутглань ямаран юм кеҗ йовла!
Хәлә! Бийән евреймүдт тоолдг эрлгин хургин гешүдиг авч ирәд, чини көлд сөгдүлнәв. (Йосндан тедн евреймүд биш.) Тиигәд тедн Намаг чамд дуртаг лавта медх.