Марк 8:11 - Хальмг келнд орчулсн Әрүн Бичлһс

¹¹ Тенд паршмуд Исусур өөрдҗ ирәд, зүтквр эклҗ. Бурхна онц темдг үзүлтхә гиҗ тедн Исусас некҗ.

Марк 8:11 Iomraidhean Croise

1 Көринтинхн 10:9

Зәрм улсиг дураһад, бидн Христосиг сөрх зөв угавидн. Аштнь тедн моһад зуулһад үкцхәв.

Матай 12:38

– Багш, бидн Танас онц темдг үзх санатавидн, – гиҗ паршмуд болн ном цәәлһәчнр Исуст келцхәв.

Давтх Закан 6:16

Деед Эзиг, тадна Бурхиг, Массад Терүг сөрснлә әдләр бичә сөрәд бәәтн.

Йохан 4:48

– Онц темдгүд Нанас үзлго, тадн иткхн угат! – гиҗ Исус терүнд келв.

Лука 11:16

Зәрмснь Исусиг сөрхин төлә теңгрин онц өвәрц темдгүд үзүл гиҗ сурцхав.

Нүүдл 17:7

Эн бәәрн Масса болн Мериба гиҗ нерәдгдв, юңгад гихлә тенд Израилин улс: «Деед Эзн маднла аль угай?» – гиҗ келәд Деед Эзиг шоодад сөрв.

Апостолмуд 5:9

– Залутаһан хоорндан үгцәд, Деед Эзнә Сәкүснд худл яһад келвт? Соңсҗанч, чини залуг оршасн улс орад аашна. Тедн чамаг бас һарһх, – гиҗ Пётр терүнд келв.

Йохан 7:48

– Ода күртл толһачнрас болн паршмудас нег чигн күн итксн уга биший?

Йохан 6:30

– Мадниг Танд итктхә гиһәд Та ямаран өвәрц юм үзүлҗ чадхвт? Терүг үзәд бидн иткх биләвидн. Ямаран кергиг күцәхвт? – гиҗ әмтн хәрүднь сурцхав.

Лука 10:25

Нег закана багш өмәрән һарад, Исусиг сөрхин төлә иим сурвр өгв: – Багш, мөңк җирһл авхин төлә би ю кех зөвтәв?

Марк 12:15

Исус тедниг хойр чирәтәһинь медәд: – Тадн Намаг үг деер бәрҗ авхар седҗ бәәнә эсийт? Шаальг авад иртн, – гиҗ.

Марк 2:16

Алв цуглулдг болн килнцтә әмтнлә хамдан хот ууҗасинь үзәд, парш багин ном цәәлһәчнр Исусин сурһульчнрт келцхәв: – Яһад алв цуглулдг килнцтә улсла багштн хот ууҗахмб?

Матай 22:23

Тер цагт Исус тал цадукмуд ирцхәв. (Тедн үксн әмтн әмдршго гиҗ иткдг бәәҗ.)

Матай 22:18

Исус теднә хар санаһинь медчкәд: – Хойр чирәтә улс! Намаг ю хәәҗ сөрәд бәәнәт?

Матай 22:15

Паршмуд һол сүмәс һарч йовад, Исусиг үгднь бәрҗ авхар хоорндан үгцнә.

Матай 21:23

Исус һол сүмд орад, әмтиг ном умшҗ дасххла, ах гелңгүд болн толһачнр Исус тал өөрдәд: – Кенә йосар Чи тиигҗ кеҗәхмч? Кен чамд тиим йос өгв? – гиҗ келцхәв.

Матай 19:3

Исус тал паршмуд ирцхәв. – Залу күүнд ямаран чигн учрар гергнәсн салх зөв Закан өгнү? – гиҗ тедн сөрҗ сурцхав.

Нүүдл 17:2

Әмтн Мошег гемшәһәд бәәв. – Маднд ус өгтн! – гиҗ эдн некв. – Бидн уухар седҗәнәвидн. – Тадн юңгад намаг гемшәҗәхмбт? – гиҗ Моше сурв. – Юңгад тадн Деед Эзиг сөрҗәхмбт?

Йохан 8:6

Тедн Исусиг сөрҗ тиигҗ сурцхав. Цааранднь Исусиг хәрүһинь өгч эс чадхлань, үгәрнь бәрҗ авхар эн күүндвриг эклцхәв. Зуг Исус өкәһәд, һазр деер юм бичәд суув.

Марк 9:16

– Юуна тускар зүткҗәхмт? – гиҗ Исус сурв.