Марк 4:1 - Хальмг келнд орчулсн Әрүн Бичлһс

¹ Дәкн Һалилья нуурин көвәд ирәд Исус сурһв. Олн әмтн дегд икәр цуглрсн учрар оңһц дотр сууһад, көвәһәс тедүкнд усчад, Исус үг келв. Олн әмтн нуурин көвәд зогсад соңсв.

Марк 4:1 Iomraidhean Croise

Марк 2:13

Исус дәкн нур тал йовв. Дәкн олн күн өөрнь цуглрв. Исус тедниг эврәннь номар сурһв. Нуурин көвәһәр йовҗ йовад, Исус тамһин герт көдлҗәсн кү үзв. Тер Леви гидг нертә Алпана көвүн бәәҗ. – Намаг дахад йов, – гиҗ Исус келв. Тернь босад дахв.

Марк 3:7

Исус эврәннь сурһульчнртаһан нуурин көвә тал һарад йовв. Ардаснь Һалильяс, Йудьяс, Ерусалимас, Идүмьяс болн Йордана телтр көвәһәс олн әмтн йовв. Тир болн Сидон балһсдын эргнд бәәдг әмтн Исусин күцәсн йовдлмудын тускар соңсчкад, бас ирцхәв.

Марк 3:9

Нуурин көвәһүр дегд олн күн ирәд, Исуст күрхәр седәд дарцсн учрар, оңһц белдтн гиҗ сурһульчнртан Исус даалһв.

Марк 4:36

Соңсҗасн улсан үлдәчкәд, сурһульчнрнь Исусин суусн оңһцар көвәһәс усчад һарв. Теднлә хамдан талдан оңһцс усчв. Генткн шүрүн салькн көдлв, ик дольганд оңһц цокгдад, усар дүүрв.

Марк 5:2

Исусиг оңһцасн буухлань өмнәснь үксн кү оршадг хадын көндәһәс хар сәкүснд эзлгдсн нег күн гүүҗ һарч ирв.

Марк 5:21

Исусиг оңһцар нур һатлад хәрү ирхләнь, өөрнь нуурин көвәд дала улс цуглрад хурҗ.