Левит 7:2 - Хальмг келнд орчулсн Әрүн Бичлһс

² Һару даалһна бәрциг шаталһна бәрцлә әдл нег бәәрнд алдмн. Тәклин ормд үзг болһнаснь цусар цацл цацх кергтә.

Левит 7:2 Iomraidhean Croise

Левит 1:11

Терүг Деед Эзнә өмн тәклин ормин ар үзг талнь алтха. Гелңгүд болҗах Ахарона хөөт үйнр тәклин ормд эргүләд бәрцин цусиг цацтха.

Левит 1:3

Кемр тер шаталһна бәрцән бод малар кеҗәхлә, тиигхлә эрмдг уга бүрү авх йоста. Терүг Деед Эзнд таасгддгар Харһлтын Шатрин өмн зогсатха.

Левит 1:5

Бүрүг Деед Эзнә өмн алтха. Гелңгүд болҗах Ахарона хөөт үйнр, бәрцин цусиг Харһлтын Шатрин үүднд бәәх тәкл тәкдг ормд эргүләд цацтха.

Левит 14:13

Хурһиг әрүн ормд алх кергтә. Цеврллһнә болн шаталһна бәрц бәрдг ормд кех. Һару даах бәрц цеврллһнә бәрцлә әдл гелңгин болҗана. Эннь әрүнәс әрүн юмн.

Левит 3:2

Бәрцин толһа деернь һаран тәвәд, терүг Харһлтын Шатрин өмн алтха. Гелңгүд болҗах Ахарона хөөт үйнр тәклин ормиг эргүләд цус цацтха.

Левит 3:8

Бәрцин толһа деернь һаран тәвәд Харһлтын Шатрин өмн алтха. Ахарона хөөт үйнр тәклин ормиг эргүләд бәрцин цус цацтха.

Левит 4:24

Текин толһа деер тер һардач һаран тәвәд, Деед Эзнә өмн шаталһна тәкл тәкдг ормин хаҗуд алтха. Эннь килнцәс цеврллһнә бәрц болҗана.

Левит 4:29

Тегәд тер килнцәс цеврллһнә бәрцин толһа деер һаран тәвәд шишлң бәрц шатадг тәклин ормд алтха.

Левит 4:33

Тегәд цеврллһнә бәрцин толһа деернь һаран тәвәд шатадг тәклин ормд алтха.

Левит 5:16

Әрүн юмнд һару һарһсндан бас нег тавна хүвинь немәд цугтаһинь гелңд өгтхә. Тиигҗ гелң һару даалһна хуциг авад, тер күүнд гемән хәрүллһнә авъяс күцәтхә, тегәд эн күүнә гемнь тәвгдх.

Левит 5:7

Кемр тер күн бәрц бәрхәр седхләрн хө эс авч ирҗ чадхла, Деед Эзнд эврәннь йовдлын ормд 2 көглҗрһн шову эс гиҗ 2 баахн көглҗрһн шову: негинь килнцәс цеврллһнә бәрц гиҗ, хойрдгчинь шатахин төлә авч иртхә.

Левит 5:9

Тер цеврллһнә бәрцин цусар тәклин эрсиг будтха. Үлдсн цусинь тәклин ормин улд шувтлад һарһтха. Эннь килнцәс цеврллһнә бәрц.

Левит 6:25

– Ахаронд болн терүнә көвүдт кел: килнцәс цеврллһнә бәрц бәрлһнә диг-даран эн. Килнцәс цеврллһнә бәрц Деед Эзнә өмн шаталһна бәрц алдг ормд алгдх йоста. Эннь әрүнәс әрүн.

Левит 6:7

Деед Эзнә өмн гелң терүн деер гемән хәрүллһнә авъяс күцәх. Тегәд эн күн гемшәгдсн йовдласн цеврлгдх.

Әмтнә то авлһн 6:12

Деед Эзнә өмн шин болзгт тер андһар өгтхә, нег җил болсн хурһ авч ирәд һаруһинь дааҗах бәрцд орултха. Урдк болзгнь үрв, яһад гихлә терүнә назорейин бәәдл бузрдв.

Евреймүд 11:28

Иткләрн Моше Песах гидг нәр тогтаһад, үүдн болһниг цусар цацтн гиҗ әмтнд закв. Үклин элч Израилин улсин ууһн көвүдиг бичә алтха гиҗ тиигв.

Евреймүд 12:24

Тадн Исус тал эс гиҗ Бурхна болн күүнә хоорндк Шин Бооцана орлцач тал, цацгдсн цусн тал өөрдвт. Эн цусн Абелин цуснас үлү сән юм өгхәр бәәнә.

1 Пётр 1:2

Бурхн Эцкин медрләр тадн шүүҗ авгдсн биләт, Исус Христосин үгд орхин төлә, Терүнә цусар цеврлгдхин төлә Әрүн Сәкүсәр әрүлгдсн биләт. Цаһан сана, эвтә җирһл таднд элвгәр өггдтхә!