Левит 3:3 - Хальмг келнд орчулсн Әрүн Бичлһс

³ Эвцлһнә бәрцәс Деед Эзнд дотркинь ораҗах өөкиг кевтнь өгх кергтә, хаҗуднь бәәх өөкиг бас өгх.

Левит 3:3 Iomraidhean Croise

Нүүдл 29:13

Дәкәд бүрүһин дотрк өөкиг кевтнь авад, элкнә семҗнәснь керчҗ авад, хойр бөөринь өөктәһинь авад тәкл тәкдг ормд шата.

Нүүдл 29:22

Хуцин өөкинь болн сүүлинь, дотрк өөкинь, элкнә семҗнәснь, хойр бөөр өөктәһинь ав. Эн хуц нерәдлһнә бәрц бәрлһнд орҗасар барун ташаһасинь бас ав.

Цецн селвгүд 23:26

Көвүм! Зүркән нанд тусха, мини хаалһ хәлә.

Левит 1:12

Алгдсн малыг әңгләд, чавчад, толһаһинь болн өөкинь салһх кергтә. Эдниг цугтаһинь гелң тәклин ормд, шатҗах түләнә модн деер тәвтхә.

Левит 1:8

Гелңгүд болҗах Ахарона хөөт үйнр, бәрцин зәрм әңгинь, толһатаһинь болн өөктәһинь, тәклин ормд, шатчах түләнә модн деер тәвтхә.

Левит 16:25

Бас тәкл тәкдг ормд цеврллһнә бәрцин өөкинь шататха.

Левит 3:16

Тедниг цугтаһинь гелң тәклин һалд шататха. Эннь Деед Эзнд һалын бәрц, Терүнд нерәдсн хот болх. Терүнд каңкнсн үнр таасгдна. Бәрцин өөкн кевтән Деед Эзнә болҗана.

Левит 3:2

Бәрцин толһа деернь һаран тәвәд, терүг Харһлтын Шатрин өмн алтха. Гелңгүд болҗах Ахарона хөөт үйнр тәклин ормиг эргүләд цус цацтха.

Левит 3:4

Хойр бөөринь болн терүн деернь ташан хаҗуд бәәх өөкиг, элкнә семҗнәснь керчҗ өгтхә (терүг бөөртәһинь суһлҗ авх кергтә).

Левит 4:10

Эвцлһнә бәрц бәрҗәх бухиг тиигҗ эвтәлх кергтә болҗана. Тегәд гелң эн тоотыг цугтаһинь тәкл шатадг ормд шататха.

Левит 7:30

Эврәннь һарарн Деед Эзнд һалын бәрц гиһәд белгән өгх йоста: малын өөкинь болн өрчинь өгтхә – эн өрчнь Деед Эзнә өмн белг кевтә өрггдх йоста.

Левит 7:5

Деед Эзнд һалын бәрц гиһәд гелң тедниг тәклин ормд шатахмн болҗана. Эннь һару даах бәрц.

Левит 9:10

Цеврллһнә бәрцин өөкинь, бөөринь болн элкнә семҗинь Деед Эзн Мошед заасар тиигҗ Ахарон тәклин ормд шатав.

Матай 13:16

Нүднтн сәәнәр үздг төләд тадн буйн-кишгтәт! Чикнтн сәәнәр соңсдг төләд тадн буйн-кишгтәт!

Матай 15:8

Эн улс хоосн амарн Намаг күндлнә. Теднә зүркнь Нанас хол бәәнә.

Риминхн 5:5

Нәәлвр мадниг ичәҗәхш. Яһад гихлә, Бурхн мана зүркиг Бурхнас авсн Әрүн Сәкүсәр дамҗад дурар дүүргв.

Риминхн 6:6

Мана хуучн җирһл Исусла хамдан кирс деер үкҗ уга болв. Тиигәд килнцтә цогц-махмудын йосн хольврад, бидн дәкҗ килнцин мухла болшговидн.

Давтх Закан 30:6

Деед Эзн, тадна Бурхн, тадниг болн тадна хөөт үйнриг соңсхврта кех. Терүнд зүркәрн болн седкләрн дурлад, әмд үлддгәр кех.