Левит 2:9 - Хальмг келнд орчулсн Әрүн Бичлһс

⁹ Бәрцин дееҗинь авад тәклин һалд шататха. Эннь Деед Эзнд һалын бәрц, каңкнсн үнр Терүнд тааста.

Левит 2:9 Iomraidhean Croise

Нүүдл 29:18

Хуцин махиг бүклднь тәклин ормд шата. Эннь Деед Эзнд шатаҗах бәрц, уурнь йир сән тааста, Деед Эзнд һалын бәрц.

Левит 1:9

Бүрүһин дотринь болн көл-туруһинь уснд уһах кергтә. Эдниг гелң цугтаһинь тәкл тәкдг орм деер шататха. Эннь цугтан шаталһна бәрц болҗана, Деед Эзнд һалын бәрц, каңкнсн үнр Терүнд таасгдна.

Левит 2:16

Тегәд гелң эн бәрцин дееҗинь Деед Эзнд һалын бәрц гиһәд шататха. Тернь буудян экнәс зәрм әңгинь болн ладаниг кевтнь.

Левит 2:2

Гелңгүд болҗах Ахарона хөөт үйнрт авч иртхә. Гелң терүнәс атхм һуйр тостаһинь авад, бас ладаниг кевтнь авад тәкл тәкдг орм деер бәрцин дееҗинь гиҗ шататха. Эннь Деед Эзнд һалын бәрц, каңкнсн үнр Терүнд тааста.

Левит 2:8

Деед Эзнд өдмгин бәрц гиһәд авч одад терүгән гелңд өг. Гелң терүг тәклин ормд тәвтхә.

Левит 24:7

Баг болһна хаҗуд цевр ладан тәв. Эннь Деед Эзнд белг гиҗ авч ирҗәх өдмгин дееҗ болх.

Левит 4:31

Эвцлһнә бәрцәс авчах кевтә өөкинь цугтаһинь автха. Тер өөкиг гелң тәклин ормд шататха. Эннь Деед Эзнд таасгдх каңкнсн үнр болх. Тиигҗ гелң килнцтә күн деер гемән хәрүллһнә авъяс кеҗәнә. Эн күүнә килнцнь тәвгдҗәнә.

Левит 5:12

Эврәннь бәрцән гелңд өгтхә, тернь нег атхм һуйриг бәрцин дееҗ гиһәд тәклин бәәрнд Деед Эзнә һалын бәрцтә хамднь шататха. Эннь килнцәс цеврллһнә бәрц.

Левит 6:15

Авч ирсн бәрцәс олив тоста нег атхм һуйр, бас ладаниг кевтнь авад тәклин ормд дееҗинь гиһәд шататха. Эннь каңкнсн үнр болх, Деед Эзнд таасгдх.

Әмтнә то авлһн 5:26

Гелң буудян бәрцәс нег атхм авад тәкл тәкдг ормд шататха – тернь дееҗ. Дарунь гелң гергнд ус уулһтха.

Риминхн 12:1

Тиигәд, ахнр-дүүнр, Бурхна хәәрлтин төлә би таднас сурҗанав. Бийәрн Бурхнд әмд, әрүн болн Терүнд тааста тәкл тәктн. Эннь Бурхнд йосндан цергллһн болҗана.

Риминхн 15:16

Намаг буру номта улсин төлә Христосин цергләч болтха гиһәд Бурхн нанд иим белг өглә. Би теднд Бурхна Сән Зәңг цәәлһҗәнәв. Әрүн Сәкүсәр Бурхнд нерәдгдсн буру номта улс Терүнд тәкл мет тааста болтха гиҗәнәв.

Епесинхн 5:2

Христос таднд дурлснла әдләр дурта болтн. Тана төлә Бурхна таалта бәрсн күҗ мет болн бәрц мет җирһлән Тер өгв.

Пилипинхн 2:17

Болв кемр мини цусн тана тәкл деер асхрв чигн (тана тәкл гисн иткләр дамҗад Бурхнд церглт) би байрлхв, таднла хамдан байрлхв.

Пилипинхн 4:18

Эпапродитәр дамҗад тадн нанд кергтәһәс үлү юм илгәвт, тегәд чигн ода нанд цуг юмн бәәнә. Тана илгәсн юмн Бурхнд нерәдсн күҗ мет болн тааста таалмҗта бәрц мет.