Левит 2:2 - Хальмг келнд орчулсн Әрүн Бичлһс

² Гелңгүд болҗах Ахарона хөөт үйнрт авч иртхә. Гелң терүнәс атхм һуйр тостаһинь авад, бас ладаниг кевтнь авад тәкл тәкдг орм деер бәрцин дееҗинь гиҗ шататха. Эннь Деед Эзнд һалын бәрц, каңкнсн үнр Терүнд тааста.

Левит 2:2 Iomraidhean Croise

Нүүдл 30:16

Израилин улсас эн цаһан мөңг авад Харһлтын Шатрин көдлмшт орул. Эннь Деед Эзнә өмн Израилин улсин туск тоолвр, эннь тадна җирһлиг цаһан мөңг өгәд хулдҗ авлһн.

Левит 1:13

Бәрцин дотринь болн көл-туруһинь уснд уһах кергтә. Тегәд гелң бәрцән бәрәд цугтаһинь тәклин ормд шататха. Эн цугтаһинь шаталһн Деед Эзнд һалын бәрц, каңкнсн үнр Терүнд таасгдна.

Левит 1:17

Далвагаснь бәрәд цогцинь әрә шуулг (болв әңгләд шуулхмн биш). Терүг гелң тәкл тәкдг ормд шатчах модн деер шататха. Эннь цугтаһинь шаталһн Деед Эзнд һалын бәрц, каңкнсн үнр Терүнд таасгдна.

Левит 1:9

Бүрүһин дотринь болн көл-туруһинь уснд уһах кергтә. Эдниг гелң цугтаһинь тәкл тәкдг орм деер шататха. Эннь цугтан шаталһна бәрц болҗана, Деед Эзнд һалын бәрц, каңкнсн үнр Терүнд таасгдна.

Левит 2:16

Тегәд гелң эн бәрцин дееҗинь Деед Эзнд һалын бәрц гиһәд шататха. Тернь буудян экнәс зәрм әңгинь болн ладаниг кевтнь.

Левит 2:9

Бәрцин дееҗинь авад тәклин һалд шататха. Эннь Деед Эзнд һалын бәрц, каңкнсн үнр Терүнд тааста.

Левит 24:7

Баг болһна хаҗуд цевр ладан тәв. Эннь Деед Эзнд белг гиҗ авч ирҗәх өдмгин дееҗ болх.

Левит 4:31

Эвцлһнә бәрцәс авчах кевтә өөкинь цугтаһинь автха. Тер өөкиг гелң тәклин ормд шататха. Эннь Деед Эзнд таасгдх каңкнсн үнр болх. Тиигҗ гелң килнцтә күн деер гемән хәрүллһнә авъяс кеҗәнә. Эн күүнә килнцнь тәвгдҗәнә.

Левит 5:11

Кемр тер 2 көглҗрһн эс гиҗ 2 баахн көглҗрһн шову авч ирҗ эс чадхла, тиигхлә һарһсн йовдлын ормд ефән арвна нег хүв буудян цаһан һуйр авч ирәд цеврллһнә бәрцд орултха. Һуйрт олив тос бичә кетхә, ладан бичә цацтха. Эннь килнцәс цеврллһнә бәрц болҗана.

Левит 5:12

Эврәннь бәрцән гелңд өгтхә, тернь нег атхм һуйриг бәрцин дееҗ гиһәд тәклин бәәрнд Деед Эзнә һалын бәрцтә хамднь шататха. Эннь килнцәс цеврллһнә бәрц.

Левит 6:15

Авч ирсн бәрцәс олив тоста нег атхм һуйр, бас ладаниг кевтнь авад тәклин ормд дееҗинь гиһәд шататха. Эннь каңкнсн үнр болх, Деед Эзнд таасгдх.

Әмтнә то авлһн 5:18

Тер гергиг Деед Эзнә өмн зогсаһад, үсинь цуцад һартнь илдклһнә өдмгин бәрц бәрүлтхә. Эннь харллһна өдмгин бәрц. Гелңгин һарт һашун усн бәәх зөвтә. Эннь харалһна темдг үзүлҗәх усн.

Әмтнә то авлһн 5:26

Гелң буудян бәрцәс нег атхм авад тәкл тәкдг ормд шататха – тернь дееҗ. Дарунь гелң гергнд ус уулһтха.

Апостолмуд 10:4

– О, Деед Эзн! Танд юн кергтә? – гиҗ келн Карнэль әәмцҗ хәләв. – Чини седкләрн мөргҗәсичнь угатя улст нөкд болдгиг Бурхн деерәс үзҗәлә.