Левит 10:3 - Хальмг келнд орчулсн Әрүн Бичлһс

³ Моше Ахаронд келнә: – Энүнә тускар Деед Эзн келләлм: «Нанд өөрхн әмтнд Би Эврәннь әрүн бәәдлән һарһхув, олн-әмтнә өмн Эврәннь туурмҗан үзүлхүв». Ахарон тагчг бәәв.

Левит 10:3 Iomraidhean Croise

Эклц 18:25

Бичә үзгдтхә. Тиим юм Та һарһшгот. Үннч күүг килнцтә күүнлә хамднь алшгот, үннч күүг килнцтә күүнлә әдл засглҗ чадшгот. Та тиигҗ чадшгот! Цуг һазрин Зарһч үнн биш юм һарһхий?

Йов 2:10

Тернь иигҗ хәрү өгнә: – Чи седкл уга күн кевтә келҗәнәч! Бидн Бурхнас зуг сәәнинь авад, мууһинь авшгой? Тер кевәрн Йов келсн үгдән килнц һарһсн уга.

Псалмс 148:14

Деед Эзн Бийиннь келн-улстан чидл өгв, Терүг Бийднь өөрхн Израилин улс магтҗана. Деед Эзиг магттн!

Псалмс 39:10

Бурхнд мөргхәр цуглрсн улст Би Тана аврлтын туск сән зәңг соңсхлав. Терүнә тускар тасрлт угаһар келҗәсим Та, Деед Эзн, меднәлмт.

Псалмс 39:9

О, Бурхн минь, Тана таалыг күцәхәр Би йир икәр седҗәнәв. Тана герәсн мини зүркнд батар бәрәтә.

Псалмс 46:10

Бурхнд магтал өргхәр Олн улсин нойд Абрахамин Бурхна әмтнлә хамдан цуглрна. Юңгад гихлә харсачнр Бурхна үлмәд бәәнә. Бурхн делгүдән өрггдв.

Псалмс 89:7

Тана цухлас бидн алгдҗанавидн, Тана уурас бидн әәҗәнәвидн.

Псалмс 93:5

О, Деед Эзн, Тана әмтиг тедн дорацулҗана, О, Деед Эзн, Тана шүүҗ авсн әмтиг даҗрна.

Нүүдл 14:17

Египетин әмтн һацад, тадна ардас йовхинь некнәв. Минь тер саамд Би хаана болн энүнә цергүд, энүнә мөрн тергд болн мөр унсн улсиг дииләд туурхув!

Нүүдл 14:4

Эн һацад, тадна ардас көөлдхинь Би некнәв. Минь тер саамд Би хаанд болн энүнә цергт деерлкнәв! Деед Эзн кен болҗахинь Египетин улс медх! Израилин улс Деед Эзнә келсәр кев.

Нүүдл 19:22

Деед Эзнүр өөрдхәр седҗәх шаҗна гелңгүд бас бийән әрүслх зөвтә, эс гиҗ Деед Эзн тедниг уга кех.

Нүүдл 19:24

Деед Эзн Мошед келв: – Йов, бууһад Ахаронла хамдан нааран хәрү ир. Зуг шаҗна гелңгүд болн эгл улс Нан тал бичә һартха, эс гиҗ Би тедниг уга кехв.

Нүүдл 30:30

Ахаронд болн көвүдтнь тос түрк – Мини гелңгүд болдгар әрүсл тедниг.

Левит 21:15

Тегәд тиим гелң эврәннь хөөт үйнрән бузрдашго, эврәннь тохман бузрдашго болҗана. Яһад гихлә Би – Деед Эзн, терүнә әрүн булг».

Левит 21:17

– Ахаронд кел: «Терүнә хөөт үйнр кемр цогц-махмудтан альк чигн цагтан эрмдгтә болхла, тәкл тәкдг орм тал эврәннь Бурхнд нерәдҗ хот авч ирҗ чадшго юмн.

Левит 21:21

Ахарона хөөт үйнр цогц-махмудтан сөрвтә болхла, Деед Эзнд һалын бәрц гиҗ белг авч иршго юмн. Эрмдгтә күн тәклин ормд эврәннь Бурхнд гиҗ хот авч ирх зөв уга.

Левит 21:6

Тедн эврәннь Бурхна әрүн улс болх зөвтә, эврәннь Бурхна нериг бичә һутатха. Тедн Деед Эзнд тәклин ормд бәрцән авч ирцхәнә, Бурхндан хотынь авч ирцхәнә. Тедн әрүн болх зөвтә.

Левит 21:8

Гелңгин әрүниг бәрҗ хәлә. Тер чини Бурхна төлә тәкл тәкдг ормд бәрц авч ирнм. Чамд тер әрүн болтха, яһад гихлә Би әрүнв, Деед Эзн – тадна әрүн бәәдлин булг.

Левит 22:9

Тедн Мини неквриг күцәтхә, бийдән килнц бичә автха. Эс гиҗ неквр бузрдасндан үкцхәх. Би – Деед Эзн, теднә әрүн бәәдлин булг.

Левит 8:35

Долан хонгтан Харһлтын Шатрин үүднд өдр сө уга бәәтн. Деед Эзнд нерәдәд көдлтн, тиигхлә тадн үкшгот. Тиигҗ нанд закла.

Әмтнә то авлһн 16:5

Корахт болн хаҗһр кергт орлцҗах улст тер келв: – Өрүндән Деед Эзн кен Терүнәһинь, кен әрүнинь болн кениг Бий талан өөрдүлхинь үзүлх! Тер Эврән шүүҗ авх күүнд Бий талан өөрдх зөв өгх.

Әмтнә то авлһн 20:12

Деед Эзн Мошед болн Ахаронд келв: – Тадн Нанд эс иткснәс көлтә, Израилин әмтнә өмн Мини әрүн бәәдлиг эс медүлснәс көлтә, тегәд чигн тедниг, Мини өгчәх һазрт, күргх зөв таднд өггдҗәхш.

Матай 10:37

Нанас үлүһәр эк эцкән хәәрлдгнь Мини сурһульч болҗ чадшго. Күүкән болн көвүһән Нанас үлүһәр хәәрлдгнь Мини сурһульч болҗ чадшго.

Йохан 12:28

Аав минь, нерән туурултн! – Би туурлав, болв дәкн туурхв! – гисн дун генткн теңгрәс соңсгдв.

Йохан 14:13

Мини нерн деерәс юм сурхлань цугинь күцәхв. Көвүһәрн дамҗҗ Эцк туурх.

Давтх Закан 32:51

Яһад гихлә Цин гидг көдә һазрт бәәдг Мерибат-Кадешин булгин хаҗуд, Израилин улс дунд, тадн Мини өмн килнц һарһвт. Израильд Мини әрүн бәәдлиг медүлсн угат.

2 Тесалоникинхн 1:10

Иим йовдл Деед Эзн ирх өдр болх. Бурхнд иткәд церглҗәх улсас туурмҗ болн күндллһ авхар Тер ирх. Тер тоод тадн бас бәәхит. Яһад гихлә, тадн мана келснд иткләт.

1 Пётр 4:17

Яһад гихлә, Зарһин цаг ирв. Бурхна гер-бүләс зарһ эклх. Кемр зарһ маднас эклхлә, Бурхна Сән Зәңгд эс иткдг улсла юн учрхмб?