Йохан 4:3 - Хальмг келнд орчулсн Әрүн Бичлһс

³ Исус энүнә тускар соңсад, Йудья һазриг үлдәһәд, хәрү Һалилья тал йовсмн.

Йохан 4:3 Iomraidhean Croise

Матай 10:23

Тадниг нег хотнас көөхлә, талдан хотн тал зулҗ гүүтн. Израилин хотн болһниг эргҗ күцтл, Күмни Көвүн лавта күрәд ирх, – гиҗ таднд үнәр келҗәнәв.

Марк 3:7

Исус эврәннь сурһульчнртаһан нуурин көвә тал һарад йовв. Ардаснь Һалильяс, Йудьяс, Ерусалимас, Идүмьяс болн Йордана телтр көвәһәс олн әмтн йовв. Тир болн Сидон балһсдын эргнд бәәдг әмтн Исусин күцәсн йовдлмудын тускар соңсчкад, бас ирцхәв.

Лука 17:11

Ерусалимур йовҗ йовад, Исус зууран Шамарья болн Һалилья хоорндк меҗәһәр йовсмн.

Йохан 1:43

Маңһдуртнь Исус Һалилья тал йовхар шиидв. Тер Пилипиг олҗ авад: – Намаг дахад йов! – гив.

Йохан 10:40

Цааранднь Исус дәкәд Йордан һолын телтр эрг тал һарч йовад тенд үлдсмн. Тенд Йохан урднь әмтиг уснд кирслсмн.

Йохан 11:54

Тер учрар Исус еврей әмтнә заагт ил йовдган уурв. Тер эҗго көдән өөр бәәсн Эпрам гидг хотнур йовҗ одв. Тенд Исус эврәннь сурһульчнртаһан бәәв.

Йохан 2:11

Эн Исусин үзүлсн өвәрц йовдлмудын түрүңкнь бәәсмн. Цуг эн йовдл Һалильяд бәәсн Кана гидг балһснд учрсмн. Иигәд Исус эврәннь күчтә нерән туурулв, энүнә хөөн сурһульчнр Терүнд икәр иткв.

Йохан 3:22

Энүнә хөөн Исус эврәннь сурһульчнрла Йудья һазрур йовв. Тенд бәәҗәһәд, Исус әмтиг уснд кирслдг бәәсмн.

Йохан 3:32

Тер Эврәннь үзсән, соңссан герчлнә. Зуг әмтн Терүнә келснд иткхш.

Йохан 4:47

Исусиг Йудья һазрас Һалильяд ирсинь соңсад, тер ямта күн Исусиг олҗ авад: – Капернамд ирәд, мини көвүһим эдгәһит, тер үкн гиҗәнә, – гиҗ Терүг эрәд сурв.

Йохан 7:1

Энүнә хөөн Исус Һалилья һазр эргәд йовҗ йовла. Евреймүдин толһачнр Терүг алх арһ хәәсн төләд Исус Йудья һазриг эргҗ йовхар седсн уга.