Эклц 9:3 - Хальмг келнд орчулсн Әрүн Бичлһс

³ Ноһан урһмлыг Би таднд өгснлә әдл, әмд болн көндрдг юмиг цугтаһинь тадна эдлврт өгчәнәв.

Эклц 9:3 Iomraidhean Croise

Эклц 9:2

Һазр деерк аңгуд цугтан, теңгрин шовуд цугтан, һазрар мөлкдгүд цугтан, теңгсин заһсд цугтан таднас сүрдҗ әәтхә, тедниг тадна һарт Би өгчәнәв.

Левит 22:8

Тер күн үксн малын эс гиҗ зерлг аң шуучад алсн малын мах идшго болҗана. Яһад гихлә тер цевр биш болх. Би – Деед Эзн.

Риминхн 14:14

Би Деед Эзн Исуста ниилсн учрас эврән бийәрн бузр юмн уга болдгиг лавта меднәв. Кемр кен негнь ю болв чигн цевр биш гиҗ тоолҗахла, терүнд тернь бузр болҗана.

Риминхн 14:17

Бурхна йосн мана эдлҗәх хотд, ууҗах унднд бәәхш, чик бәәдлтә, эвтә болн байрта җирһлд бәәнә. Тиим җирһл Әрүн Сәкүсн өгнә.

Риминхн 14:20

Хотын төлә Бурхна күцәҗәхиг бичә хамхлтн. Хот кевтән цевр. Болв эврән эдлҗәх хотарн талдан күүг килнцд уңһахла чик биш.

Риминхн 14:3

Хотыг йилһвр угаһар иддг күн, тиигҗ эс кеҗәх күүг бийәсн дор гиҗ бичә тоолтха. Зуг темстә хот иддг күн хотыг йилһлго иддг күүг буру һарһҗана гиҗ бичә гемшәтхә. Яһад гихлә, Бурхн хойраһинь орулҗ авчана.

1 Көринтинхн 10:23

«Ю болв чигн кех зөв бәәнә» гиҗ зәрм улс келцхәнә, зуг цугтад олз бәәнә гиҗ келҗ болшго. «Ю болв чигн кех зөв бәәнә», зуг цугтан батрҗахш.

1 Көринтинхн 10:31

Тер төләд тадн кеҗәх тоотан идҗәхләрн, эс гихлә ууҗахларн Бурхн туурдгар кетн.

Давтх Закан 12:15

Болв тадн эврәннь балһснд дурта цагтан малан алад, махинь идҗ чадхит. Терүг тадн малын тооһас иштә Деед Эзнә, тана Бурхна, евәләр кехит. Терүг цевр диг-дара бәрҗәхнь, эс бәрҗәх әмтн гөрәснә эс гиҗ буһ-марлын мах идҗәх мет, эн махиг идҗ чадҗана.

Калосинхн 2:16

Тиигәд тадниг ю идх, уух, бурхн-шаҗна нәәрт орх, эс орхиг, шин сар һарсиг болн бемб өдр темдглх, эс темдглхиг нег чигн күн бичә гемшәтхә.