Эклц 9:2 - Хальмг келнд орчулсн Әрүн Бичлһс

² Һазр деерк аңгуд цугтан, теңгрин шовуд цугтан, һазрар мөлкдгүд цугтан, теңгсин заһсд цугтан таднас сүрдҗ әәтхә, тедниг тадна һарт Би өгчәнәв.

Эклц 9:2 Iomraidhean Croise

Эклц 1:21

Бурхн теңгсин ик гидг адусд үүдәв, уснд бигшх цуг әмтә-киитә юмиг болн нисдг җивртә зүсн-зүүл шовудыг үүдәв. Эннь сән болсиг Бурхн үзв.

Эклц 1:26

Дарунь Бурхн келв: – Мана дүртә болн бәәдлтә кү үүдәхмн. Тиигәд тер теңгсин заһсдт болн теңгрин шовудт, малмудт, цуг һазр дееркд, цуг мөлкдг юмнд бас нойлг.

Эклц 1:28

Теднд Бурхн әдс өгәд, иигҗ келв: – Өстн, олн болтн, һазр дүүргәд энүг эзлтн. Теңгсин заһсдт, теңгрин шовудт, мөлкдг юмнд цугтаднь нойрхтн.

Эклц 2:19

Деед Эзн Бурхн һазрас зерлг аңгудыг цугтаһинь, теңгрин шовудыг цугтаһинь үүдәв. Дәкәд теднд күн ямаран нер өгхинь медхәр, Деед Эзн Бурхн тедниг күн тал авч ирнә. Тегәд әмтә-киитә тоот күүнә өгсн нерд зүүцхәв.

Эклц 35:5

Тедн хаалһдан һарна. Бурхна әәмшгт даргдсн эргндк балһсдын улс Яковин көвүдин ардас көөлдсн уга.

Эклц 9:1

Бурхн Ноахиг болн терүнә көвүдиг йөрәһәд, иигҗ теднд келнә: – Тооһарн олн болтн, төрәд һазр дүүргтн.

Эклц 9:3

Ноһан урһмлыг Би таднд өгснлә әдл, әмд болн көндрдг юмиг цугтаһинь тадна эдлврт өгчәнәв.

Йов 39:11

Терүнә күчтә чидлд иткхийч? Терүнд эврәннь күнд көдлмшән даалһхвч?

Левит 26:22

Би тадна өмнәс зерлг аңгуд илгәнәв. Тедн тадна үрдиг алх, тадна малыг алх. Тегәд тадн тооһарн мел баһрад бәәхит, тадна хаалһ эҗгәрәд одх.

Левит 26:6

Би тадна орн-нутгт төвкнүн бәәдл өгнәв. Тадн орндан орад унтхла, кен чигн тадниг көндәшго. Тадна һазрас Би зерлг аңгудыг уга кенәв, тана орн-нутгиг дәврҗ күн хоосрулшго.

Яков 3:7

Ямаранчн аң-аһрусиг, шовудыг, мөлкдг болн теңгс усна аңгудыг күн номһрулҗ чадна, номһрулв.