Эклц 7:1 - Хальмг келнд орчулсн Әрүн Бичлһс

¹ Деед Эзн Ноахд келнә: – Өрк-бүләрн кермд орад суутн. Чи өдгә үйнрин дунд, Мини өмн, үннч күн болҗахичн Би үзҗәнәв.

Эклц 7:1 Iomraidhean Croise

Эклц 6:18

Болв Би чамла бооца кенәв, чи кермдән орхич – чи, чини көвүд, чини гергн, көвүдинчн гергд.

Эклц 6:9

Ноахин туск келвр эн. Ноах үннч күн билә, эврәннь үйдән һаң уга: тер Бурхнла өөрхн холвата бәәв.

Эклц 7:13

Минь тер өдрлә Ноах, Ноахин көвүд Шем, Хам болн Япет, Ноахин гергн, терүнә һурвн көвүнә гергд кермд орҗ сууцхана.

Эклц 7:7

Ноах, терүнә көвүд, терүнә гергн, көвүдиннь гергд усна аюлас әмд үлдхин төлә кермд орцхана.

Цецн селвгүд 10:9

Үннч күүнд шалтан уга, худлч күн худлдан бәргдх.

Цецн селвгүд 14:26

Деед Эзнәс әәлһн – итклтә харслт, чамд болн чини үрдүдт хорһдх бәәрн.

Цецн селвгүд 18:10

Деед Эзнә нерн – күчтә башнь: терүн дотр үннч күн хорһдх, әмтн терүнд күрч чадшго.

Лука 1:6

Тедн хоюрн Деед Эзнә чирәд чик седклтә улс болад, Бурхна зааврмуд болн герәсд алдлго күцәдг бәәсмн.

Лука 17:26

Ноах бәәсн цагла ямаран юмн учрла, тиим юмн Күмни Көвүнә өдрмүдт учрх.

Апостолмуд 2:39

Таднд, тана үрдүдт, нам холд йовснднь чигн, Бурхна дуудсн күн болһнд Терүнә белг күртх.

Евреймүд 11:7

Иткләрн Ноах юн учрх гисн сагллһна зәңг Бурхнас авсмн. Ноах Бурхиг соңсад, гер-бүлән харсҗ аврхин төлә керм тосхсмн. Ноах орчлңгиг гемшәһәд, иткләрн Бурхнас чик седкл авв.

1 Пётр 3:20

Ноахиг керм тосхсн цагт, Бурхн сәкүсдиг тесвртәһәр күләсн цагт, тедн Бурхна үгд орсн уга. Керм дотр цөөкн улс, нәәмхн күн орад, усар дамҗад авргдсмн.