Эклц 6:9 - Хальмг келнд орчулсн Әрүн Бичлһс

⁹ Ноахин туск келвр эн. Ноах үннч күн билә, эврәннь үйдән һаң уга: тер Бурхнла өөрхн холвата бәәв.

Эклц 6:9 Iomraidhean Croise

Эклц 10:1

Шем, Хам болн Япет гидг Ноахин көвүдин уңг-тохм эн. Усна аюлын хөөн теднәс көвүд төрв.

Эклц 17:1

Абрамиг йирн йистәднь Деед Эзн терүн тал баралҗ ирәд келнә: – Би Хамгин Күчтә Бурхнв, Мини эв-арһар бә, нерән бичә һута.

Эклц 2:4

Теңгр һазр хойр үүдәгдснә тускар тууҗлҗ келлһн эн. Деед Эзн Бурхн теңгр һазр хойриг үүдәҗәх цагт,

Эклц 48:15

Дәкәд тер Йосипиг әдсләд иигҗ келнә: – Мини эцкнрин – Абрахам Ицхак хойрин Бурхн, эндр күртл наснам туршартм намаг хәләҗ йовсн Бурхн,

Эклц 5:1

Адамин хөөт үйнрин уңг-тохм. Бурхн кү үүдәхләрн, терүг Бурхна бәәдлтәһәр үүдәв.

Эклц 5:22

Метушелахиг төрснә хөөн Ханок Бурхнла 300 җилдән өөрхн холвата бәәв. Тер бас чигн көвүд, күүкдтә билә.

Эклц 5:24

Ханок Бурхнла өөрхн холвата бәәв, дәкәд тер уга болв. Яһад гихлә, Бурхн терүг авчкв.

Эклц 6:10

Ноах һурвн көвүтә билә: Шем, Хам, Япет.

Эклц 7:1

Деед Эзн Ноахд келнә: – Өрк-бүләрн кермд орад суутн. Чи өдгә үйнрин дунд, Мини өмн, үннч күн болҗахичн Би үзҗәнәв.

Йов 1:1

Уц гидг һазрт Йов гидг нертә күн бәәҗ. Тер цеврцер болн чик седклтә, Бурхнас әәдг, хамг хар саната йовдлас зулдг бәәҗ.

Йов 1:8

Деед Эзн эрлгәс сурна: – Чи мини зарц Йовиг үзсн болвзач? Терүнлә әдл күн һазр деер мел уга, цеврцер, чик седклтә, Бурхнас әәнә, хорта юмнас зулна.

Йов 12:4

Би үүрмүдиннь нааднинәдн болв. Зуг би Бурхиг дуудлав, Бурхн нанд хәрү өглә! Болв үннч болн цевр күн күүнә наадн болдмн!

Цецн селвгүд 4:18

Цаһан седклтә әмтнә хаалһ – өрин герллә әдл, урһҗах өдр дахад улм герлтнә.

Цецн Ухана Багш 7:20

Һазр деер зуг буйнч керг күцәһәд, зуг килнц төрүц һарһдго үннч күн уга.

Лука 1:6

Тедн хоюрн Деед Эзнә чирәд чик седклтә улс болад, Бурхна зааврмуд болн герәсд алдлго күцәдг бәәсмн.

Лука 2:25

Тер цагт Ерусалимд Шимон гидг нертә нег күн бәәдг бәәҗ. Эн Израилин аврлһна цагинь күләдг чик седклтә болн буйнч күн бәәҗ. Эн Әрүн Сәкүстә күн бәәҗ.

Лука 23:50

Йосип гидг нертә нег күн Деед Хургин гешүн бәәҗ. Әрүн цаһан седклтә үннч күн тер бәәҗ.

Апостолмуд 10:22

– Мадниг цергин ахлач Карнэль илгәв. Әрүн Бурхна элч чамаг гертән дуудҗ авад, чини келхиг соңстха гиҗәнә. Карнэль чик седклтә болн Бурхнд шүтдг күн, Йудья улс цугтан терүг күндлнә, – гиһәд тедн келв.

Риминхн 1:17

Бурхн яһҗ күүг чик седклтә кедгиг Сән Зәңг үзүлҗәнә. Энүг эклцәс авн сүл күртл Бурхн иткләр дамҗад кенә. Энүнә тускар: «Иткләр дамҗад чик седклтә болсн күн җирһх» гиҗ бичәтә.

Һалатьянхн 3:11

Зака күцәсн күүг Бурхн чик седклтәд тоолҗахнь медгдҗәнә. Яһад гихлә, иткләрн чик седклтә болсн күн әмд бәәх.

Давтх Закан 18:13

Деед Эзнә, тана Бурхна, өмн цевр болтн!

Евреймүд 11:7

Иткләрн Ноах юн учрх гисн сагллһна зәңг Бурхнас авсмн. Ноах Бурхиг соңсад, гер-бүлән харсҗ аврхин төлә керм тосхсмн. Ноах орчлңгиг гемшәһәд, иткләрн Бурхнас чик седкл авв.

1 Пётр 2:5

Бурхн тадниг әмд чолун кевтә олзлад, Эврәннь сүмиг тосхҗана. Тегәд тадн әрүн гелңгүд болад, Әрүн Сәкүснәс һарчах бәрц бәрхит. Эн тәкл Исус Христосар дамҗад Бурхнд тааста.

2 Пётр 2:5

Бурхн кезәңк орчлңгиг чигн хәәрлсн уга. Тер килнцтә улсин һазрур усна аюл илгәв. Зуг Бурхнла чик седкләрн бәәтн гиҗ әмтиг сурһдг Ноахиг болн дәкәд долан күүг Бурхн аврсмн.