Эклц 4:5 - Хальмг келнд орчулсн Әрүн Бичлһс

⁵ Болв Каиниг бийинь, Каина белгинь Тер таасч уга. Каин ууртан бүтнә, уурлхлань чирәнь цәәҗ одв.

Эклц 4:5 Iomraidhean Croise

Эклц 31:2

Лаван урдкасн оңдарҗ одсиг Яков медәд бәәв.

Эклц 31:5

– Тана эцк нанла урдк кевәрн хәрлцдгән уурсиг би үзҗәнәв. Болв мини эцкин Бурхн нанла бәәнә.

Эклц 39:19

Гергнәннь келсиг соңссн Йосипин эзн икәр уурлна.

Йов 15:13

Чини седкл Бурхна өмнәс яһад сөрҗәнә? Чини амнас тиим үгмүд яһад һарчахмби?

Йов 5:2

Һәргиг тесвр уга бәәдл алх. Йирин күүг үлү үзлһн үкәрт орулх.

Псалмс 20:3

Та терүнә зүркнднь таалмҗта юм өгвт, Терүнә амлад сурсинь Та бурушасн угат.

Цецн селвгүд 19:3

Кемр күүг хаалһаснь һәргнь хаҗилһхлә, тер күн Деед Эзиг гемшәнә.

Цецн селвгүд 29:10

Алачнр цевр күүнд дурго, үннч күүг алхар седцхәнә.

Цецн Ухана Багш 4:4

Би медләв, ямаран чигн көдлмшт болн кергин күцәмҗд әмтн үлү үзнә. Эннь чигн – бас тус уга, эннь – сальк көөлдән.

Әмтнә то авлһн 16:15

Моше дегд уурлад Деед Эзнд келнә: – Теднәс бичә бәрц автн! Би теднәс нам элҗгн чигн авсн угав, нег чигн күүнд му юм кесн угав!

Матай 20:15

би мөңгән эврәннь дурарн күүнд өгх зөв угавий? Намаг өгәнч гиһәд, чи үлү үзҗәнчи?

Апостолмуд 13:45

Евреймүд болхла әмтн олар цуглрснд үлү үзәд, Павелын келсиг бурушаҗ му келцхәв.

Евреймүд 11:4

Иткләрн Абель Кәнәс сән тәкл Бурхнд тәксмн. Иткләрн Абель чик седклтә күн гисн герчллһ авсмн. Бурхн Абелин белг авсндан эн герчллһ өгсмн. Абель кезәнә өңгрвчн иткләрн ода күртл келҗәнә.

Йуда 1:11

Эдн басл зовлңган эдлх. Яһад гихлә, эдн Кәнлә әдл бәәнә. Икәр байҗхар седәд, Баламла әдл хаҗһр йовдл кеһәд, Корла әдл буцад үкцхәх.