Эклц 26:5 - Хальмг келнд орчулсн Әрүн Бичлһс

⁵ Юңгад гихлә Абрахам Намаг соңсдг билә, Мини некврәр, зааврар, зокалмудар болн закаһар бәәдг билә.

Эклц 26:5 Iomraidhean Croise

Эклц 12:4

Тегәд Абрам Деед Эзнә келсәр йовв, терүнлә хамдан Лот йовв. Харанас һарад йовхд, Абрам далн тавта билә.

Эклц 17:23

Минь тер өдр Абрахам Ишмаил гидг көвүһән болн цуг эврә гертнь төрҗ һарсн әмтиг, мөңгәр хулдҗ авгдсн цуг залу улсиг цуглулад, Бурхна келсәр керчүлв.

Эклц 18:19

Би терүг шүүҗ авхларн, тер эврәннь үрдтән, цуг хөөт үйнртән Деед Эзнә хаалһар йовтха гиҗ заквр өгтхә гиләв: үнн болн чик бәәдлтәһәр бәәтхә. Би, Деед Эзн, Абрахамд өгх болсан күцәхүв, – гиҗ Деед Эзн келв.

Эклц 22:16

– Деед Эзн Бийәрн андһар өгчәнәв гиҗ келҗәнә. Чи иим юм һарһад, Мини төлә ор һанцхн көвүһән хармнсн угач,

Эклц 22:18

Чи Намаг соңсснас иштә, Чини хөөт үйнрәр дамҗад, һазр деерк цуг улс әдслгдх.

Эклц 26:6

Тегәд Ицхак Герарт бәәрлнә.

Матай 5:19

Тегәд эн зааврмудас үчүкн гисн нег заавринь эвдсн, тиигҗ әмтиг дасхсн күн Теңгрин орнд чигн үчүкн чинртә болх; цугинь йосндан күцәһәд, талдан әмтиг тиигҗ сурһсн күн Теңгрин орнд алдр нер зүүх.

Матай 7:24

Тер учрар, эн Мини үг соңсад, келсим күцәдг күүг хад чолун деер гер бәрсн ухата күүнлә дүңцүлҗ болхмн.

1 Көринтинхн 15:58

Тиигәд мини дурта ахнр-дүүнр, батар алмацлго бәәтн. Кезә чигн Деед Эзнә көдлмш кетн. Деед Эзнә төлә кесн тадна көдлмштн хара бишнь медтн.

Һалатьянхн 5:6

Христосла ниилсн цагт күн керчүлсн эс керчүлснь төр уга. Төрнь болхла иткл болҗана. Мадниг итксн ашт – талдан улст мана өгчәх дурн болҗана.

Евреймүд 11:8

Өнчән авх һазр тал йовтха гиҗ Бурхн Абрахамиг дуудв. Иткләрн Абрахам Бурхиг соңсв. Тер альдаран йовхан эс медсн бийнь йовсмн.

Яков 2:21

Абрахам көвүһәрн Ицхакар тәкл кеҗ тәклин бәәрнд тәвсн цагт, Бурхн терүнә сән йовдлар дамҗад, терүг чик седклтә күүнд тоолсн биший?