Эклц 26:3 - Хальмг келнд орчулсн Әрүн Бичлһс

³ Эн һазрт бүүрләд бә, Би чамта бәәхүв, чамд әдс өгнәв. Яһад гихлә чини эцк Абрахамд өгсн Эврәннь андһаран күцәхәр чамд, чини хөөт үйнрт Би цуг эн һазриг өгнәв.

Эклц 26:3 Iomraidhean Croise

Эклц 12:7

Деед Эзн Абрамд үзгдәд келнә: – Би эн һазриг чини хөөт үйнрт өгнәв. Үзгдәд ирсн Деед Эзнд Абрам тенд бәрц бәрдг бәәр кев.

Эклц 13:15

Чини үзҗәх цуг һазриг Би чамд болн чини хөөт үйнрт мөңкинд өгнәв.

Эклц 13:17

Чи босад, эн һазрар утднь, өргнднь йовад үз. Яһад гихлә Би энүг чамд өгнәв.

Эклц 15:18

Тер өдр Деед Эзн Абрамла бооца кеһәд келнә: – Чини хөөт үйнрт Би эн һазр өгчәнәв – Египетин һолас Епрат гидг нертә алдр Һол күртл:

Эклц 17:19

– Чини гергн Сарра чамд көвү һарһх. Терүнд чи Ицхак гидг нер өгхич. Би Ицхакла болн терүнә хөөт үрдтә Эврәннь мөңк бооцаһан кенәв.

Эклц 17:8

Чи оруд күн болҗ бәәх Канана һазриг чамд болн чини хөөт үйнрт мөңк эзллһнд өгнәв, теднә Бурхн болхв.

Эклц 20:1

Тендәсн Абрахам Негев гидг һазр тал һарад, Кадеш Шур хойран хоорнд бүүрлнә. Герар балһснд тер күүнә күн болҗ бәәв.

Эклц 25:11

Абрахамиг өңгрснә хөөн Бурхн тиигхд Беэр-лахай-ройин хаҗуд бәәсн терүнә көвүн Ицхакд әдс өгнә.

Эклц 26:12

Ицхак тер һазрт тәрә тәрнә. Тегәд Деед Эзн терүнд әдсән өгсәр, тер җилд Ицхак 100 холван икәр тәрә хураҗ авна.

Эклц 26:14

Терүнд пилистмүд үлү үзҗәв, тедү дүңгә терүнә бод малын сүргүд, хөөдин сүргүд, зарцнр йир олн билә.

Эклц 26:24

Тер сө Деед Эзн терүнд үзгдәд иигҗ келнә: – Би чини эцк Абрахамин Бурхнв. Бичә ә, Би чамла бәәнәв. Би эврәннь зарц Абрахамин төлә чамд әдс өгнәв, чини хөөт үйнрин тоог икдүлнәв.

Эклц 28:13

Яковин хаҗуд Деед Эзн зогсчана: – Би Деед Эзн болҗанав, чини өвк Абрахамин болн Ицхакин Бурхнв. Чини кевтх һазриг чамд болн чини хөөт үйнрт өгнәв.

Эклц 28:15

Би чамта бәәхв, чамаг альдаран одв чигн Би хәләхв. Чамаг эн һазрт хәрү авч ирхв. Чамд келсән эс күцәтл, Би чамаг үлдәшгов.

Эклц 31:3

– Эцкиннь һазр тал, эврәннь төрл-садн тал хәр. Би чамла йовхув, – гиҗ Деед Эзн Яковд келнә.

Эклц 35:12

Абрахамд болн Ицхакд мини өгсн һазриг Би чамд болн чини хөөт үйнрт өгнәв.

Эклц 39:2

Йосипт Деед Эзн дөң болҗав, тегәд кергнь күцҗ йовв. Йосип эзнәннь герт бәәв.

Эклц 39:21

Болв Деед Эзн терүнлә бәәсндән, цаһан санаһан күртәнә: Йосип түүрмин ахлачд таасгдна.

Эклц 48:21

– Ода удлго би үкхүв. Болв Бурхн тадниг залх, таниг өвкнрин һазрт хәрү күргх.

Эклц 50:24

– Би удлго өңгрхүв, – гиҗ Йосип ахнр-дүүнртән келнә. – Болв Бурхн, маһд уга, таднд дөңгән күргхәр ирх, тадниг эн һазрас дахулҗ һарһад, Абрахамд, Ицхакд болн Яковд өгх болад андһар тәвсн һазрт күргх.

Псалмс 105:8

Болв Бийиннь чидл медүлхин төлә, Бийиннь нернә төлә тедниг Бурхн аврла.

Псалмс 105:9

Бурхн Улан теңгсиг закла, Тернь хагсла. Бийиннь улсан Тер теңгсин йоралар, Хагсу һазрар йовулҗ йовсар дахулҗ һарһв.

Псалмс 32:8

Деед Эзиг цуг делкәд күндлтхә, Делкәд бәәх цуг әмтн Терүнәс йир икәр әәтхә.

Псалмс 39:12

О, Деед Эзн, Эврәннь хәәрлтән нанас хаҗилһшгот. Тана итклтә дурн, Тана үнн намаг зогслт угаһар харх.

Нүүдл 2:24

Эднә түңшлһиг соңсчкад, Бурхн Абрахамла, Ицхакла болн Яковла батлсн бооцаһан тодлв.

Нүүдл 3:12

Бурхн энүнд хәрү өгчәнә: – Би чамла бәәхв. Чи Мини элч болҗахин темдг эн: Египетәс Мини келн-улсиг көтлҗ һарһчкад, тадн ирәд эн уул деер Бурхнд мөргхит.

Нүүдл 6:4

Би теднлә бооцаһан батлад, Канана һазриг, эдн күүнә һазра улс болҗ бәәсн нутгиг, эднд өгх боллав.

Нүүдл 6:7

Би таднар Эврәннь улс кеһәд, тадна Бурхн болнав, Египетин даҗрлһнас һарһҗ авсн Би – тана Деед Эзн болҗахиг тадн тиигәд медхит.

Нүүдл 6:8

Би Абрахамд, Ицхакд болн Яковд байртаһар өгхәр седҗәсн һазрур тадниг көтлҗ ирәд, тадна медлд терүг өгнәв. Би Деед Эзн!» – гиҗ Эн Мошед келв.

Әмтнә то авлһн 23:19

Бурхн күн биш, худл келшго. Күүнлә әдл Тер ухаһан сольшго. Келчкәд Тер келсән эс күцәхий? Өгсн үгән эвдхий?

Давтх Закан 1:8

Эн һазриг цугтаһинь Би таднд өгчәнәв! Йовад тер һазриг эзлтн! Тадна өвк Абрахамд, Ицхакд болн Яковд, теднә хөөт үйнрт өгх болҗ Би, Деед Эзн, андһар өгләв».

Давтх Закан 34:4

Тегәд Деед Эзн Мошед келв: «Мини Абрахамд, Ицхакд болн Яковд андһар өгсн һазр эн. Энүг теднә хөөт үйнрт өгх боллав! Би терүг чамд үзүлләв, болв чи тиигәрән оршгоч».

Пилипинхн 4:9

Нанас дассн, тодлҗ авсн, соңссн, үзсн юман күцәтн. Тиигхлә эвин Бурхн таднла бәәх.

Евреймүд 11:9

Иткләрн Абрахам Бурхна өгнәв гисн орн-нутгт хәр күн болҗ бүүрлҗ. Абрахам Ицхак Яков хойрла сегт бәәсмн. Тедн Абрахамла әдл Бурхна өгнәв гисн өнч авх улс бәәсмн.

Евреймүд 6:17

Бурхна өгхәр бәәхиг авх әмтнд шиидврән хүврдгоһинь медүлхәр Бурхн өгсн үг деерән андһар немв.