Эклц 23:4 - Хальмг келнд орчулсн Әрүн Бичлһс

⁴ – Би тадн дунд күүнә күмб, нүүҗ ирсн күмб. Тадн нанд үкәрин һазр хулдтн. Тенд би өңгрсн гергән оршанав.

Эклц 23:4 Iomraidhean Croise

Эклц 17:8

Чи оруд күн болҗ бәәх Канана һазриг чамд болн чини хөөт үйнрт мөңк эзллһнд өгнәв, теднә Бурхн болхв.

Эклц 23:5

Хетмүд Абрахамд иим хәрү өгнә:

Эклц 3:19

Һазрт хәрү ортлан, Чи эврәннь көлсән асхҗ өдмгән олхич, Юңгад гихлә чи һазрас авгдлач. Юңгад гихлә чи – тоосн болҗанач, Чи тооснд хәрү хүврхич.

Эклц 47:9

– Би 130 җилдән әмд йовнав. Мини җирһл һашута. Насм ик биш, тооһарн эцкнринм наснд күрәд уга, – гиҗ Яков хаанд хәрү өгнә.

Эклц 49:30

Эн хадын көндә Канан һазрт Мамрен хаҗуд бәәсн Махпела теегт бәәнә. Энүгәр оршадг орм кехәр Абрахам Эпронас теегтәһинь хамднь хулдҗ авла.

Эклц 50:13

Терүг тедн Кананд авч одад, Махпела теегт бәәсн хадын көндәд оршана. Абрахам терүг Эпрон гидг хетәс Мамреһәс хол биш оршадг бәәр кехәр хулдҗ авла.

Йов 30:23

Би меднәв: Та намаг үклд дахулҗ йовнат, Ода әмд бәәх улс цугтан орх орм тал дахулҗанат!

Псалмс 39:12

О, Деед Эзн, Эврәннь хәәрлтән нанас хаҗилһшгот. Тана итклтә дурн, Тана үнн намаг зогслт угаһар харх.

Нүүдл 2:22

Эднәд көвүн һарв. Моше көвүндән Гершом гидг нер өгәд келв: «Эннь би күүнә һазрт нүүҗ ирсн күн болсинь герчлҗәнә».

Цецн Ухана Багш 12:5

Өндр юмнас әәх болв хаалһ деер – әәмшг; миндаль цецгәлх, царцахас әрә көндрх, каперс буран намчнь унх. Күн эврәннь мөңк герт орҗана, терүг оршахла, уульдг әмтн уульнцар эргәд йовна.

Цецн Ухана Багш 12:7

күүнә цогц, урднь бәәснлә әдләр һазрин тоосн болх, күүнә сүмсн әм өгсн Бурхнд хәрү одх.

Цецн Ухана Багш 6:3

Кемр кен чигн күн зун үртә болад, удандан бәәһәд, ут нас наслад, болв кишгән күцц эдллго, нам оршадг күн уга болсн болхла, би келхв – зуурм һарсн үрн терүнәс хөвтә,

Левит 25:23

Һазриг мөңкинд хулдҗ болшго. Яһад гихлә һазр Мини, тадн болхлаг Мини бәәр өгсн нүүҗ ирсн улст.

Апостолмуд 7:16

Шехемд бәәсн Хаморин көвүдәс цаһан мөңгәр хулдҗ авсн һазрт Абрахам өвкнриннь цогциг авч ирәд оршана.

Апостолмуд 7:5

Энүнд Абрахамд нег чигн ишкм һазр өгсмн уга. Болв Абрахамд эн һазриг өгх болла. Эн һазр Абрахам болн түүнә хөөтк үйнрнь эзлх гиҗ Бурхн үгән өгсмн. Тер цагт Абрахам үрн уга бәәҗ.

Евреймүд 11:9

Иткләрн Абрахам Бурхна өгнәв гисн орн-нутгт хәр күн болҗ бүүрлҗ. Абрахам Ицхак Яков хойрла сегт бәәсмн. Тедн Абрахамла әдл Бурхна өгнәв гисн өнч авх улс бәәсмн.

1 Пётр 2:11

Хәәртә үүрмүд! Би тадниг зуульч болн хәр улс метәр эрҗәнәв: Тана ухан-седклтә дәәлддг килнцтә тачалмудас хол йовтн.