Эклц 21:2 - Хальмг келнд орчулсн Әрүн Бичлһс

² Сарра саата болад, көгшрх наснднь, Бурхна заасн цаглань Абрахамд көвү һарһна.

Эклц 21:2 Iomraidhean Croise

Эклц 17:19

– Чини гергн Сарра чамд көвү һарһх. Терүнд чи Ицхак гидг нер өгхич. Би Ицхакла болн терүнә хөөт үрдтә Эврәннь мөңк бооцаһан кенәв.

Эклц 17:21

Болв Эврәннь бооцаһан Би Ицхакта кенәв. Дарук җилд эн цагла Сарра чамд тер көвү һарһҗ өгх, – гиҗ Бурхн келв.

Эклц 18:10

Тиигхләнь нег гиич келнә: – Би маһд уга урһх җилд хәрү чам тал ирнәв, минь эн цагла. Чини гергн Сарра көвүтә болх. Арднь бәәсн шатрин үүднд зогсчасн Сарра теднә күүндвр соңсна.

Эклц 18:14

Деед Эзнд күцәҗ болшго кецү юмн бәәхий? Би тадн тал җил болад ирнәв, Сарра көвүтә болх.

Лука 1:36

Чини садн Елизавета гидг күүкд күн наста болвчн бас көвү һарһх. Терүг цуһар үр-сад һарһдго күүкд күн гиҗ келдг билә, зуг терчн үр тееһәд, зурһан сар болчкв.

Апостолмуд 7:8

Дарунь Бурхн Абрахамла бооца кев. Түүнә темдгнь керчлһн болв. Тегәд Ицхакин эцк Абрахам болв. Һарснаннь нәәмдгч өдртнь Абрахам терүнд керчлһнә керг күцәв. Хөөннь Ицхак Яковин эцк болв. Яков арвн хойр өвк экцнрин эцк болв.

Риминхн 9:9

Бурхн иим үг өглә: «Би хөөтндән иим цагла ирхв, Сарра көвүтә болх».

Һалатьянхн 4:22

Терүнд иигҗ бичәтә бәәнә: Абрахам хойр көвүтә бәәҗ. Негнь ялчас һарч, хойрдгч көвүнь сулдан бәәсн күүкд күүнәс һарч.

Евреймүд 11:11

Сарра үр һарһхд зөвәр наста бәәҗ. Зуг тер күср болвчн иткләрн үр һарһх күч авсмн. Бурхн өгсн үгән күцәдмн гиҗ тер иткдг бәәҗ.