Эклц 21:1 - Хальмг келнд орчулсн Әрүн Бичлһс

¹ Деед Эзн келсәрн Саррад цаһан санаһан күртәв, Саррад өгсн үгән күцәв.

Эклц 21:1 Iomraidhean Croise

Эклц 17:16

Терүг Би әдслнәв, чамд Сарраһас көвү өгнәв. Сарраг келн-улсин эк болдгар Би әдслнәв, терүнәс олн келн-улсин эзн хад үүдҗ төрцхәх.

Эклц 17:19

– Чини гергн Сарра чамд көвү һарһх. Терүнд чи Ицхак гидг нер өгхич. Би Ицхакла болн терүнә хөөт үрдтә Эврәннь мөңк бооцаһан кенәв.

Эклц 17:21

Болв Эврәннь бооцаһан Би Ицхакта кенәв. Дарук җилд эн цагла Сарра чамд тер көвү һарһҗ өгх, – гиҗ Бурхн келв.

Эклц 18:10

Тиигхләнь нег гиич келнә: – Би маһд уга урһх җилд хәрү чам тал ирнәв, минь эн цагла. Чини гергн Сарра көвүтә болх. Арднь бәәсн шатрин үүднд зогсчасн Сарра теднә күүндвр соңсна.

Эклц 18:14

Деед Эзнд күцәҗ болшго кецү юмн бәәхий? Би тадн тал җил болад ирнәв, Сарра көвүтә болх.

Эклц 24:36

Мини нойна гергн Сарра көгшрх насндан терүнд көвү һарһҗ өглә. Эцкнь бәәсән кевтнь көвүндән герәсллә.

Эклц 50:24

– Би удлго өңгрхүв, – гиҗ Йосип ахнр-дүүнртән келнә. – Болв Бурхн, маһд уга, таднд дөңгән күргхәр ирх, тадниг эн һазрас дахулҗ һарһад, Абрахамд, Ицхакд болн Яковд өгх болад андһар тәвсн һазрт күргх.

Псалмс 106:4

Зәрмснь күн йовдго көдә һазрар төөрв. Тедн әмтн бәәдг балһсд олҗ чадсн уга.

Псалмс 12:6

Би Тана цаһан седклд нәәлҗәнәв. Тана аврлтд мини зүркн байрлх. Таниг, Деед Эзн, би магтнав, Та нанд цаһан санаһан элвгәр күртәвт.

Нүүдл 20:5

Эднд бичә мөрг болн бичә шүт, юңгад гихлә Би, Деед Эзн, чини Бурхн, – хару Бурхн мөн. Нанд дурго болҗасн эцкнрин килнцәс көлтә, Би эднә үрдинь һурвдгч болн дөрвдгч үй күртлнь цааҗлнав.

Нүүдл 3:16

Йовад Израилин медәтнриг цуглул, тегәд теднд кел: «Деед Эзн, тадна эк-эцкнрин Бурхн – Абрахамин, Ицхакин болн Яковин Бурхн – нанд үзгдәд келв: Би тадн тал хәләһәд, Египетд таднла юн болҗахинь үзүв.

Нүүдл 4:31

Әмтн энүнд иткв. Деед Эзн Израилин улсин тускар тодлад, эднә зовлң үзсинь соңсчкад, әмтн мөргәд һазр элкдәд унв.

Матай 24:35

Теңгр һазр хойр уга болҗ одх, зуг Мини келсн үгмүд сольгдшго.

Лука 1:68

– Израилин Деед Эзн Бурхн тууртха! Тер маднд дөң болад, сулдхвр өгв.

Лука 19:44

Тедн чамаг ул күртлчн күүчәд хольврулх, тедн чини эрс һатц бәәсн улсиг чигн өршәңгү угаһар алх. Чолун деер нег чигн чолу үлдәшго, тер юңгад гихлә, Бурхн чамаг аврхар кезә ирсинь чи медсн угач.

Һалатьянхн 4:23

Ялчас һарсн көвүн йирдән үрн һардг әдләр һарч. Сулар бәәсн күүкд күүнәс Бурхна өгсн үгәр үрн төрҗ.

Һалатьянхн 4:28

Ахнр-дүүнр, тадн Бурхнд үг өгснәс иштә төрсн Ицхакла әдл үрдүд.

Рут 1:6

Невчкн цаг давад, Деед Эзн Эврәннь келн-улсан хәәрләд, сән урһц өгч гисн зәңг соңсад, Ноеми хойр бертәһән Моавас һарад төрскн һазр талан хәрхәр белднә.