Эклц 2:2 - Хальмг келнд орчулсн Әрүн Бичлһс

² Доладгч өдр күртл, Бурхн кеҗәсн көдлмшән чиләв. Доладгч өдртән Тер кеҗәсн эврәннь көдлмшәсн амрв.

Эклц 2:2 Iomraidhean Croise

Эклц 1:31

Үүдәсн юман Бурхн цугтаһинь үзв, тегәд цугнь йир сән болв. Асхн болв, өрүн болв. Эн зурһадгч өдрнь.

Эклц 2:3

Бурхн доладгч өдр йөрәһәд, терүнд әрүн өдр гив. Яһад гихлә эн өдр Бурхн үүдәҗ болн күцәҗ бәәсн көдлмшәсн амрв.

Нүүдл 23:12

Зурһан хонгтан көдл. Доладгч өдр чамд амрлһна өдр болх. Тер өдр чини цар болн элҗгн амртха. Чини ялч гергнә көвүн болн нүүҗ ирсн күн санаһан автха.

Нүүдл 31:15

Зурһан хонгтан көдлтхә, доладгч өдр – төвкнүн бәәлһнә бемб өдр, Деед Эзнә әрүслсн өдр. Бемб өдр көдлсн күн болһн алгдх йоста.

Нүүдл 31:17

Мини болн Израилин улсин хоорнд мөңкинд кесн тиим темдг. Яһад гихлә зурһан хонгт Деед Эзн теңгр болн һазр үүдәҗ, доладгч өдртән сулдан амрчасмн.

Йохан 5:17

– Эцкм оньдин көдлнә, тегәд чигн Би бас көдлх зөвтәв, – гиҗ Исус келв.

Давтх Закан 5:14

доладгч өдр – бемб өдр. Эн өдр Деед Эзнә, чини Бурхна, өдр. Нег чигн күн эн өдр көдлшго болҗана: чи, чини көвүн, чини күүкн, чини мухла залу күн, чини мухла күүкд күн, чини цар, чини элҗгн – ямаран чигн мал, чини балһснд бәәх нүүҗ ирсн әмтн. Чини мухла залу күн болн мухла күүкд күн чамла әдл амртха.

Евреймүд 4:10

Яһад гихлә, Бурхна амрлһна ормд орсн күн, Бурхн күцәсн көдлмшәсн амрснла әдл эврәннь күцәсн көдлмшәсн амрв.

Евреймүд 4:4

Бурхна Бичгин нег һазрт доладгч өдрин тускар: «Бурхн доладгч өдрт цуг Эврәннь кергәсн амрв», – гиҗ бичәтә.